Matiu 7:13 - Vengo (Babungo)

¹³ Viŋ kɨ shɔɔ fɨ maa shuu tiitə, fɔnə shuu məŋii shəŋ ŋkɨə faŋ Nwi ndisə vɨɨ bwənə shɔ, lùu kwalə, jɨɨ yi baa lùu yikwalə. Vɨɨ mbɨə faŋ vəŋ shɔɔ fɨ fuŋ lùu vəyaŋ.

Matiu 7:13 ပူးပေါင်းရင်းမြစ်များ

Matiu 23:13

Yeso nə baa gì laa lee, «Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii; viŋ lùu vɨɨ məboꞌ ŋwaa. Viŋ fəŋ shuu yifwàŋ fɨ yizɔ fɨ ghɔ vɨɨ. Nshɨ-tɔ wiŋ kee ŋìi shɔ me. Gə fɨ maa vɨɨ mbɨə faŋ vəŋ kəə ŋii shɔ, viŋ fəŋ vəŋ.

Matiu 25:41

Ŋwə taa kɨ nii gì tɨ́ vɨɨ mbɨə faŋ vəŋ lùu kwiŋ ŋkwii laa, «Viŋ ndɔ fɨ yɨ mə, vɨɨ ndwaŋ, gə̀ ŋìi taa wi faŋ ŋwə gòꞌsə yighee muꞌ, faŋ vɨ lòotə tɨ́ tɨɨ vəzwitə vəbwəvə ghɔ vɨ nshiisə-ŋiisə si.

Matiu 25:46

Vɨɨ bwənə vɔ́ ndɔ ŋii taa ŋɨꞌ yikwalə faŋ nyə gòꞌsə yighee muꞌ. Gə fɨ maa vɨɨ jəənə vɔ́, vəŋ zɨ məbwey vəlwaŋ faŋ ŋwə gòꞌsə yighee muꞌ.»

Matiu 3:2

gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 3:8

Bàw viŋ yɨ vənu faŋ mbə kuꞌnə yaa vɨɨ faŋ vəŋ kwìinə fwisə vəŋ.

Matiu 7:14

Luu nə, shuu məŋii məbwey vəlwaŋ tiitə. Jɨɨ məgə ŋii shɔ baa lùu yitɨtiꞌ. Ye sheꞌ mbusə vɨɨ ye jɨɨ yitɨtiꞌ yɔ́.»

Lukas 14:33

Gə fɨ maa nu wuu məzwetə nu kaŋ, wə tɨ̀ me wə fɨ taa ŋwaa viŋ faŋ ŋwə kee meꞌ vətɔ vi vənshə me, buu kaꞌ ŋwə kee lùu wuu məzwetə nu kaŋ me.»

Lukas 9:33

Vɨɨ vɔ́ nə kəə ndɔ fɨ yɨ ŋwə, Pita gi tɨ́ ŋwə laa, «Tɨta, ŋkə bàw faŋ yia lùu feenə; yia taa fianə təta tətia, ŋgwɨɨ muꞌ, nə ngwə Mose muꞌ, nə ŋgwə Elias muꞌ.» Pita nə gì nɨniŋ, kee kɨ̀ɨ nə nu ŋkɨə faŋ ŋwə gì me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:9

Mə lùu yaa shuufɔ, wə tɨ̀ me wə faŋ ŋwə shɔ̀ɔ fɨ maa mə, ndɔ bwey. Ŋwə ndɔ kɨ ŋii baa fuu faŋ ŋwə kàw, yè gay jəənə maa məkwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Akts 3:19

Nɨniŋ, viŋ kwiinə fwi siŋ ndwə, kwiinə nshinə yiŋ, laa Nwi ndenə yibɨsə yiŋ faŋ viŋ nə yɨ̀.

Roma 9:22

Luu nə, Nwi nə jìa fwi, kɨ kɨꞌ ŋkee vɨɨ mbɨə faŋ ŋwə nə bɔ̀ŋ yaa vəntɨɨ və vətɔ vəbwəvə, faŋ mbə ndɔ ndi. Nwi nə yɨ̀ nɨniŋ faŋ ŋwə nə kɔlə kəə də̀ fwi yizasə yi, nə wutə ki ntee.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

2 Kɔrintian 6:17

Nɨniŋ, Mɔꞌmbi baa gì laa, «Viŋ fuu fɨ taa ŋwaa vɨɨ məmanə Nwi vɔ́, gaasə viŋ vɨ vəŋ, kee kɔ̀ŋ fa faŋ ŋkə kee lùu kəley me, buu mə ndɨ viŋ.

Galatia 5:24

Vɨɨ mbɨə faŋ lùu vɨɨ Yeso Kristo, mèꞌ vənu vəbwəvə vəvəŋ vənshə, nə mbɨꞌtə yibwə yinshə laylay. Ŋkə lùu yaa vəŋ ndi vənu vɔ́, bèy fuu fəŋkɔꞌ fə ŋkɨꞌsə fə Yeso Kristo.

Filipi 3:19

Vəŋ ndɔ ŋii taa nsɔꞌ Nwi, ndì. Vəŋ kàw sheꞌ maa məzɨ shɨ. Nu kɔ́ lùu tɨ́ vəŋ yaa Nwi vəŋ. Vəŋ koꞌsə ŋwaa buꞌ vənu faŋ bee kii lùu vənu və tɔ dɨɨ. Vəŋ bɨꞌtə sheꞌ vənu və shɨ nsi.

1 Jɔn 5:19

Nsiŋ kɔꞌ kɨɨ laa nsiŋ lùu vɨɨ Nwi. Gə fɨ maa vɨɨ mbi, mbi yinshə lùu ghɔ tɨɨ vəzwitə vəbwəvə.

Reveleyshən 12:9

Vɨ ndi nshɨ zɔ-ŋgu-yibay ghɔ́, mɔ̀ꞌ shɨ nsi. Luu ŋkee zɔ yimwa yɔ́ faŋ vɨ tìi nə tɨɨ vəzwitə vəbwəvə, baa nə Satan, wuu məbweꞌsə mbi yinshə. Ŋwə fiŋ fɨ taa yizɔ, fìŋ shɨ nsi, ghɔ vɨ nshiisə-ŋii si.

Reveleyshən 13:8

Vɨɨ vənshə fɨ taa mbi faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, bəŋsə nyaa yɔ́. Ŋwaꞌlə məbwey vəlwaŋ ghɔ́ lùu ŋgwə wee-bi-njɨɨ yɔ́, faŋ vɨ nə zwì ŋwə nə. Vɨ nə nyɔ̀ꞌ təzii tə vɨɨ vi taa ŋwaꞌlə ghɔ́ shù fɨ faŋ Nwi nə bɔ̀ŋ mbi.

Reveleyshən 20:15

Wə tɨ̀ me wə faŋ vɨ nə kee nyɔ̀ꞌ yizii yi taa ŋwaꞌlə məbwey vəlwaŋ me, vɨ mɔꞌ ŋwə taa wi yɔ́.

Reveleyshən 20:3

mɔ̀ꞌ ŋwə taa wee-nsi-yibay, fəŋ shuu wi, tə̀ lay fuu yi, laa kɨ ŋwə ndɔ baa kɨ bweꞌsə vɨɨ me, gə ziꞌ tɨ́ yighee njyə faŋ ŋuꞌ ŋkaŋ yɔ́ ndɔ mè. Ŋuꞌsə sɔ́ ndɔ mè, vɨ baa kèꞌtə ŋwə, ŋwə fuu dùꞌnə maa wee-fɨ-kuŋtə yighee tɨtiꞌ.