Matiu 6:9 - Vengo (Babungo)

⁹ Nɨniŋ, ŋkə bàw laa viŋ kɨ shɔꞌtə Nwi, gi laa lee, Tii wia fɨ yizɔ, məbəŋsə lùu maa yizii yə.

Matiu 6:9 ပူးပေါင်းရင်းမြစ်များ

Matiu 10:29

Maa vɨ fìŋ vəndwaŋ vəbɔɔ maa vəfɨlaŋ tee. Luu nə, kaꞌ tuu ndwaŋ kəmuꞌ kee fìŋ nsi maa laa Nwi, Tii wiŋ, yibiŋ me.

Matiu 23:9

Kɨ viŋ tii wə mɔ́ꞌ nə tii wiŋ fɨ shɨ nsi nyə̀ me, buꞌ laa tii wiŋ lùu Nwi faŋ ŋwə lùu yizɔ.

Matiu 26:29

Viŋ zɔ! Mə naysə tɨ́ viŋ laa, shù ndee mə kee ndɔ baa nu məluꞌ me, gə kɔ tɨ́ shi ŋkɨə faŋ mə ndɔ baa nu, nsiŋ mɔ́ꞌ taa yifwàŋ Tii ŋwaa.»

Matiu 26:42

Ŋwə baa kii bəŋ gə̀ maa məshɔꞌtə Nwi lwesə ghee bɔɔ, gì laa, «Tii ŋwaa, ŋkitə yə gay, faŋ a bɨꞌtə laa jɨɨ yiday kee lùu shɔ tɨ́ kaꞌ ndaw ŋɨꞌ nyə̀ shɔ̀ɔ, maa laa mə nu me.»

Matiu 5:16

Nɨniŋ, viŋ kɨ yɨsə laa kiꞌ wiŋ kɨ bee yikəꞌ vɨɨ, vəŋ kɨ ye vənu vəjəəvə viŋ, bəŋsə yizii Nwi, Tii wiŋ, faŋ ŋwə lùu yizɔ nə.»

Matiu 5:48

Nɨniŋ, bàw viŋ baw shɨlə yaa tɨta Nwi Tii wiŋ fɨ yizɔ, faŋ ŋwə bàw shɨlə nə.»

Matiu 6:14

Viŋ kɨ luu kɨ ndenə yibɨsə vɨɨ faŋ vəŋ nə yɨ maa viŋ, buu Nwi, Tii wiŋ fɨ yizɔ, taa kɨ ndenə yibɨsə yiŋ nɨzi.

Matiu 6:6

Gə fɨ maa ghɔ, a kəə kɨ shɔꞌtə Nwi, a ŋìi njɨɨ ŋii yishi, fə̀ŋ shuu wi, buu kɨ shɔꞌtə Nwi, Tii wə, faŋ ŋwə lùu maa shəŋ vəndenə, buu Nwi, Tii wə, faŋ ŋwə ye ghɔ maa shəŋ vəndenə nə, ndɔ bəŋsə tɨ́ ghɔ.

Matiu 7:11

Nɨniŋ, faŋ viŋ yaa kɨ kɔ vətɔ vəjəəvə tɨ́ vaŋ viŋ nə, faŋ viŋ kɔlə lùu vɨɨ bwənə, buu tɨta Nwi, Tii wiŋ fɨ yizɔ, taa kɨ kɔ vətɔ vəjəəvə tɨ́ vɨɨ faŋ vəŋ ndwàŋ, shɔɔ yimbii.

Lukas 15:18

Mə taa bəŋ gə, gə gì tɨ́ tii ŋwaa laa, «Tɨta, mə yɨ̀ nu bwə maa Nwi fɨ yizɔ baa nə maa ghɔ.

Lukas 15:21

Ŋwiŋ wi ghɔ́ gi tɨ́ ŋwə laa, «Tɨta, mə nə yɨ̀ nu bwə maa Nwi fɨ yizɔ nə ghɔ nɨzi, mə kee baa kùꞌnə laa a tii mə nə ŋwiŋ wə me.»

Lukas 2:14

«Nsiŋ kɨ bəŋsə Nwi fɨ yizɔ, məduꞌ-nyɔŋ shɨ nsi tɨ́ vɨɨ gəŋsə Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:17

Yeso gi tɨ́ ŋwə laa, «Kaa kɔŋ mə me, buꞌ laa mə kee ta gə̀ yizɔ yɨ Tii ŋwaa me. Gə yè vaŋ-nshwi vaŋ-nsoo, nàysə tɨ́ vəŋ laa mə taa koꞌ gə̀ yizɔ yɨ Tii ŋwaa, faŋ lùu Tii wiŋ nɨzi. Lùu ŋwə lùu Nwi ŋwaa, baa lùu Nwi wiŋ nɨzi.»

Roma 1:7

Nɨniŋ, mə tɔ̀ŋ ŋwaꞌlə ŋwə̀ tɨ́ viŋ vənshə, faŋ viŋ lùu shɨ Rom, faŋ Nwi kaw viŋ, baa tìi viŋ laa viŋ luu vɨɨ vi. Nwi, Tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

Roma 8:15

Zwitə ŋkɨə faŋ viŋ yaa fi nə, kee yɨsə laa viŋ gu vəbuꞌ, baa kɨ fee me. Zwitə kɔ́ yɨsə laa viŋ luu vaŋ Nwi binə. Nɨniŋ, nsiŋ tii ŋwə laa, «Aŋ Tii wia.»

Galatia 1:1

Tɔ̀ŋ mə, Pɔɔl, tɔ̀ŋ ŋwaꞌlə ŋwə̀ tɨ́ nshəŋtə vɨɨ məbiŋ Kristo fɨ shɨ Galatia. Mə lùu wuu ntɔŋ Yeso Kristo. Kee tɔ̀ŋ vɨɨ tɔ̀ŋ mə maa məfaꞌ faꞌ ŋwaa ŋwə̀ me. Kee shòꞌ vɨɨ shòꞌ mə me. Nə shoꞌ ŋkee nshɨ-tɔ Yeso shòꞌ mə, tɔ̀ŋ mə, ghɔ Nwi faŋ lùu Tii ŋwaa-nsiŋ, faŋ ŋwə nə ywèysə Yeso fɨ shɨ yiku nə.

Galatia 4:6

Faŋ viŋ lùu vaŋ Nwi, Nwi tɔ̀ŋ Zwitə ŋwiŋ wi, ŋkə jwi ŋìi taa fwisə nsiŋ. Zwitə ki kɔ́ yɨsə laa nsiŋ tii Nwi laa, «Tii wia, tɨta.»

1 Timoti 6:16

Luu sheꞌ ŋwə nɨnɔŋ wi, faŋ kaꞌ ŋwə kee ku me, shi maa shəŋ ley faŋ ŋkə ley shɔ̀ɔ ki. Tuu wə nə kee ta yè ŋwə me. Kaꞌ tuu wə kee ndɔ ye ŋwə me. Ŋwə kìi wutə kənshə. Nsiŋ kɨ bəŋsə ŋwə. Ŋkə gòꞌsə nɨniŋ.

1 Pita 1:17

Viŋ tii Nwi nə Tii wiŋ, faŋ ŋwə shoꞌtə vənu və vɨɨ faŋ vəŋ yɨsə tɔ tɔ, kee nə fəntɔ-fə-yisɨ me. Nɨniŋ, bàw laa viŋ kɨ toꞌ ghuu yitoꞌ kiŋ maa yighee faŋ viŋ lùu vəndɔ mbi nə feenə.

Reveleyshən 4:11

«Tɨta, Nwi wia, a kùꞌnə tɨ́ kaꞌ vətɔ vənshə kɨ bəŋsə ghɔ, kɔ̀ feenə tɨ́ ghɔ. A kìi wutə kənshə, fɔnə nə bɔ̀ŋ ghɔ bɔ̀ŋ vətɔ vənshə. Mbə nə fùu taa mbi, kɨ nii lùu shɔ, buꞌ faŋ nə gì ghɔ nɨniŋ.»

Reveleyshən 5:12

Vəŋ gi ŋkee nə gɨ yishaꞌsə laa, «Bi njyə faŋ vɨ nə zwì tɔ vɨɨ nə, kùꞌnə maa məzɨ yifwàŋ yi, nə yikwalə Nwi, baa nə yitɔfə, nə wutə. Bàw vɨ kɨ kɔ feenə tɨ́ ŋwə, bəŋsə ŋwə, shɔꞌtə ŋwə!»