Matiu 6:5 - Vengo (Babungo)

⁵ «Yighee njyə faŋ viŋ kəə shɔꞌtə Nwi, kɨ viŋ lùu yaa vɨɨ məkoꞌsə ŋwaa me, faŋ vəŋ yaa kɨ kaw maa mətɨŋnə taa ndɔꞌ Nwi nə maa vənsanə və jɨɨsə, shɔꞌtə Nwi yifi laa vɨɨ kɨ ye vəŋ, bəŋsə vəŋ. Mə naysə ŋkee nu yinsəŋ tɨ́ viŋ laa vəkeynə vəŋ ndì.

Matiu 6:5 ပူးပေါင်းရင်းမြစ်များ

Matiu 21:22

Fa tɨ̀ me fa faŋ viŋ bitə fɨ ghɔ Nwi taa məshɔꞌtə wiŋ, viŋ taa kii, faŋ viŋ nùŋ fwi siŋ maa Nwi.»

Matiu 23:13

Yeso nə baa gì laa lee, «Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii; viŋ lùu vɨɨ məboꞌ ŋwaa. Viŋ fəŋ shuu yifwàŋ fɨ yizɔ fɨ ghɔ vɨɨ. Nshɨ-tɔ wiŋ kee ŋìi shɔ me. Gə fɨ maa vɨɨ mbɨə faŋ vəŋ kəə ŋii shɔ, viŋ fəŋ vəŋ.

Matiu 23:5

Gə fɨ maa vənu vəjəəvə vənshə faŋ vəŋ yɨsə nə, vəŋ yɨsə sheꞌ laa vɨɨ kɨ ye. Vəŋ nyɔ̀ꞌ ŋwaꞌlə vəŋ maa məlumə Nwi fuu waytə gɔ yizisə, ka nsaysə dəsə maa njwisə vəŋ maa məlumə ntɨsə Nwi, luu nə, yɨsə vənu vɔ́ sheꞌ laa vɨɨ kɨ ye vəŋ.

Matiu 23:6

Vəŋ baa luu kaw maa məduꞌ vɨsɨ taa ŋii yitianə, baa dùꞌ fuu vəŋkaw vəkwalə taa ndɔꞌ Nwi,

Matiu 6:1

«Viŋ kɨ ndɨɨnə laa viŋ kee kɨ yɨsə nu faŋ ŋkə lùu kəloomə vɨsɨ vɨɨ me, laa vəŋ kɨ ye viŋ shɔ me. Viŋ kɨ luu kɨ yɨsə nu loomə laa vɨɨ kɨ ye viŋ shɔ, buu vəkeynə viŋ fɨ ghɔ tɨta Nwi, Tii wiŋ fɨ yizɔ, kee baa lùu shɔ me.

Matiu 6:16

«Viŋ kɨ luu kɨ baŋ fazɨ, kɨ viŋ kɨ kaŋ yikəꞌ yiŋ yaa vɨɨ məkoꞌsə ŋwaa me. Vəŋ kaŋ yikəꞌ vəŋ, tɨ́ kɨ kaꞌ vɨɨ kɨ ye, bə̀ŋsə vəŋ shɔ. Mə naysə ŋkee nu yinsəŋ tɨ́ viŋ laa vəkeynə vəŋ ndì nɨniŋ.

Matiu 6:2

Yighee njyə faŋ viŋ kɔ fa tɨ́ wuu ŋɨꞌ, kɨ viŋ kɨ taw yisaw yaa vɨɨ məkoꞌsə ŋwaa yaa kɨ yɨsə taa ndɔꞌ Nwi nə jɨɨsə laa vɨɨ kɨ bəŋsə vəŋ nə me. Mə naysə ŋkee nu yinsəŋ tɨ́ viŋ laa vəkeynə vəŋ ndì nɨniŋ.

Matiu 9:38

Viŋ buꞌ ghɔ tɨ́ tɨɨ yindɨɨ laa ŋwə tɔŋ vɨɨ məshwi, vəŋ jwi shwì say ghɔ́.»

Mark 11:25

Nɨniŋ, yighee tɨ̀ me yighee faŋ viŋ tɨ̀ŋnə maa məshɔꞌtə Nwi, viŋ bɨ ndènə yibɨsə vɨɨ maa viŋ ŋkəə, tɨ́ kɨ kaꞌ Tii wiŋ faŋ ŋwə lùu yizɔ, ndènə yibɨsə yiŋ nɨzi.

Mark 12:38

Faŋ Yeso nəə deesə nu Nwi nɨniŋ nə, ŋwə nə baa gì laa lee, «Viŋ kɨ shiinə yiŋwaa yiŋ fɨ ghɔ vɨɨ mədeesə ŋwaꞌlə Nwi faŋ vəŋ kaw maa məmɔꞌ njwisə dəsə maa vəŋ, kaw laa vɨ kɨ shɔꞌtə vəŋ taa vəshəŋ və təwiŋ,

Lukas 11:43

Ndwaŋ tɔ viŋ, vɨɨ Farisii! Viŋ kaw maa məduꞌ fuu vəŋkaw vəkwalə taa ndɔꞌ Nwi, baa kàw shɔꞌtə məgwenə taa vəshəŋ və yiwiŋ.

Lukas 18:1

Yeso baa tìi yigisə tii yimɔ́ꞌ tɨ́ vəŋ maa mədə laa ŋkə bàw maa məshɔꞌtə Nwi ghee nshə, kee bwa me.

Lukas 18:13

Gə fɨ maa wuu məsa vətɔ ghɔ́, ŋwə jwi tɨŋ ŋkee ntaŋ, kee bee jìa fwi maa məŋaꞌsə yisɨ yi, ndeynə yizɔ me, buꞌ fwi yi, shɔꞌtə Nwi laa, «Nwi, kee gəŋ saŋ, mə lùu wuu bwə!»

Lukas 20:47

Vəŋ yɨ nɨniŋ, fi vətɔ və vəki ŋkusə, boꞌ ŋwaa, shɔꞌtə Nwi, tày ŋkee dɨdɨꞌ. Viŋ kɔꞌ kɨɨ laa nsɔꞌ njyə faŋ Nwi ndɔ kwaŋ maa vəŋ, ndɔ weꞌ shɔ̀ɔ ki.»

Lukas 6:24

Yeso baa gi laa, «Ndwaŋ tɔ viŋ, vɨɨ təka, buꞌ laa fwi siŋ dùꞌ nə məŋaytə ndwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:24

Jwi kɔ tɔ və-ndee, viŋ kee ta ndwàŋ fa fɨ ghɔ Tii ŋwaa maa yizii nyaa me. Bàw viŋ buꞌ ghɔ, ndwàŋ vətɔ fɨ ghɔ Tii ŋwaa, yuu kii, laa məŋaytə lwaŋ taa fwisə viŋ.»

Efesɔs 6:18

Viŋ shɔꞌtə Nwi ghee nshə taa Zwitə Nwi, kɨ shi nə yikɨꞌ. Viŋ kɨ shɔꞌtə Nwi, kee bwa me, buꞌ ghɔ tɨ́ Nwi tɔ vɨɨ Nwi vənshə.

1 Tesalonika 5:17

shɔꞌtə Nwi ghee nshə,

Jeyms 4:6

Nɨniŋ, gəŋsə Nwi, faŋ Nwi kee gəŋsə nə, kwàlə shɔ̀ɔ. Ŋwaꞌlə Nwi baa gì laa, «Nwi fə̀ŋ jɨɨ fɨ ghɔ vɨɨ mbɨə faŋ vəŋ koꞌsə ŋwaa vəŋ, gaŋtə vɨɨ mbɨə faŋ vəŋ sùꞌsə ŋwaa nsi.»