Matiu 6:2 - Vengo (Babungo)

² Yighee njyə faŋ viŋ kɔ fa tɨ́ wuu ŋɨꞌ, kɨ viŋ kɨ taw yisaw yaa vɨɨ məkoꞌsə ŋwaa yaa kɨ yɨsə taa ndɔꞌ Nwi nə jɨɨsə laa vɨɨ kɨ bəŋsə vəŋ nə me. Mə naysə ŋkee nu yinsəŋ tɨ́ viŋ laa vəkeynə vəŋ ndì nɨniŋ.

Matiu 6:2 ပူးပေါင်းရင်းမြစ်များ

Matiu 15:7

Viŋ lùu vɨɨ məboꞌ ŋwaa. Maa Aysaya nə naysə ŋkee nu yinsəŋ kɔ̀ŋ viŋ, faŋ Nwi nə kwàŋ shuu ŋwə. Ŋwə nə gì laa lee,

Matiu 16:3

Kɨ lùu nshia-ndoo-mbisɨ viŋ gì laa, vədɨꞌ taa bɨ ndee, buꞌ laa yizɔ ley baa fəŋ. Viŋ kɔꞌ kɨɨ fɨ̀ꞌnə faŋ yizɔ duꞌ, kee kɨɨ fɨ̀ꞌnə faŋ shwenə yighee mbi dùꞌ me.

Matiu 22:18

Yeso kɨɨ nə mənay vəŋ, gì laa, «Aŋ viŋ, vɨɨ məboꞌ ŋwaa, viŋ sii mɔŋ mə buꞌ kə?

Matiu 23:5

Gə fɨ maa vənu vəjəəvə vənshə faŋ vəŋ yɨsə nə, vəŋ yɨsə sheꞌ laa vɨɨ kɨ ye. Vəŋ nyɔ̀ꞌ ŋwaꞌlə vəŋ maa məlumə Nwi fuu waytə gɔ yizisə, ka nsaysə dəsə maa njwisə vəŋ maa məlumə ntɨsə Nwi, luu nə, yɨsə vənu vɔ́ sheꞌ laa vɨɨ kɨ ye vəŋ.

Matiu 23:6

Vəŋ baa luu kaw maa məduꞌ vɨsɨ taa ŋii yitianə, baa dùꞌ fuu vəŋkaw vəkwalə taa ndɔꞌ Nwi,

Matiu 24:51

Tɨɨ faꞌ wi ghɔ́ taa kɨ jwi, jwì nùꞌ məŋkɔ, kɔ̀ tɨ́ ŋwə, kwàŋ ŋwə taa ŋwaa vɨɨ məboꞌ ŋwaa, ŋwə ŋii taa shəŋ faŋ yigwia lùu shɔ yiyaŋ, vəŋ kɨ kwə gɨꞌ vəŋ shɔ.»

Matiu 5:18

Viŋ zɔ! Mə naysə nu yinsəŋ tɨ́ viŋ laa tuu ŋkee yisɨ ŋwaꞌlə yimuꞌ, tɨꞌnə me ŋkee wee-mbey, kee ndɔ ndi fɨ taa ŋwaꞌlə ntɨsə Nwi me, gə ziꞌ maa yighee njyə faŋ yizɔ ghɔ nsi ndɔ ndi. Vənu vɔ́ vənshə fɨ taa ŋwaꞌlə Nwi ndɔ gay ŋkəə.

Matiu 6:16

«Viŋ kɨ luu kɨ baŋ fazɨ, kɨ viŋ kɨ kaŋ yikəꞌ yiŋ yaa vɨɨ məkoꞌsə ŋwaa me. Vəŋ kaŋ yikəꞌ vəŋ, tɨ́ kɨ kaꞌ vɨɨ kɨ ye, bə̀ŋsə vəŋ shɔ. Mə naysə ŋkee nu yinsəŋ tɨ́ viŋ laa vəkeynə vəŋ ndì nɨniŋ.

Matiu 6:3

Gə fɨ maa ghɔ, a kɔ fa tɨ́ wuu ŋɨꞌ, kɨ ghɔ biŋ laa kwiŋ ŋkwii kɨɨ nə nu ŋkɨə faŋ kwiŋ maꞌnə yɨsə me.

Matiu 6:5

«Yighee njyə faŋ viŋ kəə shɔꞌtə Nwi, kɨ viŋ lùu yaa vɨɨ məkoꞌsə ŋwaa me, faŋ vəŋ yaa kɨ kaw maa mətɨŋnə taa ndɔꞌ Nwi nə maa vənsanə və jɨɨsə, shɔꞌtə Nwi yifi laa vɨɨ kɨ ye vəŋ, bəŋsə vəŋ. Mə naysə ŋkee nu yinsəŋ tɨ́ viŋ laa vəkeynə vəŋ ndì.

Matiu 7:5

Aŋ wuu məboꞌ ŋwaa, bàw a bɨ fuusə nshɨ-fa faŋ ŋwə lùu taa yisɨ ghɔ, buu kɨ ye jəə maa məfuusə wee-fa fɨ taa yisɨ weenshu wə.

Mark 12:39

kaw maa məduꞌ fuu vəŋkaw vəkwi taa ŋii məshəŋtə, baa kaw maa məduꞌ fuu vəŋkaw vəkwi maa vəshəŋ və məzɨ vənu.

Mark 7:6

Yeso bəŋsə tɨ́ vəŋ laa, «Aŋ viŋ, vɨɨ məboꞌ ŋwaa. Nshiiŋii-sɔghɔ Aysaya nə nàysə nu faŋ Nwi nə kwàŋ taa fwi ŋwə buꞌ viŋ ŋkee jəə. Ŋwə nə ŋwàꞌlə laa Nwi gì laa, «Vɨɨ shɨ və̀ bəŋsə mə sheꞌ nə shuu vəŋ, kee bəŋsə mə nə fwisə leysə me. Fwisə vəŋ luu ntaŋ fɨ yɨ mə.

Lukas 11:41

Nɨniŋ, bàw viŋ ywiitə kɔ̀ŋ fwi siŋ nɨzi. Viŋ ndì vətɔ mbɨə faŋ mbə lùu taa vəkay viŋ, kɔ̀ tɨ́ vɨɨ ŋɨꞌ. Viŋ yɨ nɨniŋ, buu fwi siŋ ley vɨsɨ Nwi.

Lukas 11:43

Ndwaŋ tɔ viŋ, vɨɨ Farisii! Viŋ kaw maa məduꞌ fuu vəŋkaw vəkwalə taa ndɔꞌ Nwi, baa kàw shɔꞌtə məgwenə taa vəshəŋ və yiwiŋ.

Lukas 12:33

(Yeso baa gì laa,) «Viŋ fiŋ vətɔ viŋ, gàŋtə vɨɨ ŋɨꞌ shɔ. Nɨniŋ, viŋ naysə vəpɔsa viŋ faŋ kaꞌ mbə kee ndɔ dwaŋ me. Bàw viŋ kəə ka faŋ lùu ŋgwə yizɔ, faŋ lùu məbwey vəlwaŋ faŋ ŋwə goꞌsə yighee muꞌ. Kaꞌ ndɔꞌ kee jwi shaw kəŋ ka ghɔ́ me. Kaꞌ fənda gɔ kee nda me.

Lukas 12:56

Aŋ viŋ, vɨɨ məboꞌ ŋwaa! Viŋ kɔꞌ kɨɨ naysə vəshwenə faŋ nsi dùꞌ ghɔ yizɔ. Sii yɨ kə viŋ kee kɨɨ naysə faŋ yighee ndwə nyə̀ dùꞌ me?»

Lukas 13:15

Tɨta Yeso bəŋsə tɨ́ ŋwə laa, «Aŋ viŋ, vɨɨ məboꞌ ŋwaa. Maa wə tɨ̀ me wə fɨ wiŋ yaa kɨ keꞌtə nyaa yi, tɨꞌnə me jiakasə, fɨ taa ŋkuu, gə̀ nə ŋwə shuu muu maa shi zwisə Nwi.

Lukas 20:46

«Viŋ kɨ shiinə yiŋwaa yiŋ fɨ ghɔ vɨɨ mədeesə ŋwaꞌlə Nwi, faŋ vəŋ kàw maa məmɔꞌ njwisə kwalə maa vəŋ, toꞌ nə nsə, kàw laa vɨɨ kɨ shɔꞌtə vəŋ taa təwiŋ. Vəŋ duꞌ fuu vəŋkaw və shaꞌsə taa ndɔꞌ məshəŋtə, duꞌ vɨsɨ taa shəŋ yitianə.

Lukas 6:24

Yeso baa gi laa, «Ndwaŋ tɔ viŋ, vɨɨ təka, buꞌ laa fwi siŋ dùꞌ nə məŋaytə ndwə.

Lukas 6:42

Sii kaꞌ a gì tɨ́ weenshu wə laa, «Weenshu ŋwaa, naꞌ, mə fuusə kɨlə fəŋkɔꞌ fɨ taa yisɨ ghɔ,» kɨkə, faŋ a kee bee yè mfɨŋ fəŋkɔꞌ fɨ taa njɨɨnə yisɨ nə me? Aŋ wuu boꞌ, bàw a bɨ fùusə mfɨŋ fəŋkɔꞌ fɨ taa yisɨ ghɔ, buu kəə jɨɨ maa məfuusə kɨlə fəŋkɔꞌ fɔ́ fɨ taa yisɨ weenshu wə!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:29

Vəŋ bɨꞌtə laa yighee mɔ́ꞌ Yeso tɨtɔŋ ŋwə, laa ŋwə gə ywàŋ vətɔ maa məzɨ shi zwisə Pasa; yighee mɔ́ꞌ laa ŋwə gə kɔ̀ vətɔ tɨ́ mbəəsə. Vəŋ nəə bɨꞌtə nɨniŋ, buꞌ laa Judas nə luu wə ntɨə faŋ ŋwə nəə nuŋsə ka vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:41

Mə kee kəə feenə fɨ ghɔ vɨɨ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:44

Sii kaꞌ viŋ bìŋ nu Nwi kɨkə, faŋ viŋ kəə sheꞌ laa vaŋ-nshwi viŋ kɨ kɔ məbəŋsə tɨ́ viŋ. Viŋ kee kəə məbəŋsə fɨ ghɔ Nwi me, faŋ Nwi lùu shɔ sheꞌ ŋwə muꞌ. Lùu ŋiꞌ nu ŋkɨə faŋ kaꞌ viŋ kee bìŋ mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:18

Wə ntɨə faŋ ŋwə gisə fɨ taa ŋkɨɨ ŋwə, kəə yizii yikwalə maa nshɨ-tɔ wi. Luu nə, wə ntɨə faŋ ŋwə kəə yikwalə wə ntɨə faŋ ŋwə nə tɔ̀ŋ ŋwə, lùu wuu yinsəŋ, kee lùu wuu məbweꞌsə vɨɨ me.

Akts 10:2

Ŋwə nəə fee Nwi, nùŋ fwi yi maa nu Nwi ghɔ vɨ ŋii yi yinshə. Ŋwə nə faꞌ jəə maa məgaŋtə mbəəsə fɨ shɨ Judia, ndɔ shɔꞌtə Nwi ghee nshə.

Akts 10:31

gì shee laa, «Kɔrniliɔs, Nwi zɔ̀ məshɔꞌtə wə, faŋ a shɔꞌtə Nwi shɔ nə. Nwi lumə vətɔ mbɨə faŋ a kɔ tɨ́ vɨɨ ŋɨꞌ nə.

Akts 10:4

Ŋwə ndeynə fee, gì laa, «Tɨta, lùu nu kə?» Nshiiŋii Nwi yɔ́ gi tɨ́ ŋwə laa, «Nwi zɔ̀ məshɔꞌtə wə, baa nə vəkɔ və faŋ a gaŋtə vɨɨ ŋɨꞌ shɔ nə. Nwi kàw vənu vɔ́.

Akts 11:29

Vɨɨ məbiŋ Kristo zɔ yigi Agabɔs yɔ́, gì laa, bàw vəŋ vənshə kɔ fa tɔ tɔ, wə kɔ ki fa faŋ ŋwə kìi, wə kɔ ki fa faŋ ŋwə kìi, tɨ́ kaꞌ vɨ tɔŋ gàŋtə vaŋ-nshwi shɔ fɨ shɨ Judia.

Akts 24:17

Mə nə ndɔ̀ fɨ ntɨꞌ Jerusalem ŋkə tày dɨdɨꞌ, ŋuꞌsə səyaŋ shɔɔ, buu mə baa gə̀ shɔ ndwə maa məgaŋtə vɨɨ Jus nə ka, baa nə maa məkɔ vəkɔ və Nwi.

Akts 9:36

Sheꞌ maa yighee yɔ́ wəzwi mɔ́ꞌ nə luu shɔ ntɨꞌ Jɔpa, yizii yi luu Tabita, ŋiꞌ yizii yi yɔ́ lùu laa fəshwi. Ŋwə nə luu wuu məbiŋ nu Yeso, ndì yighee yinshə maa məyɨ vənu vəjəəvə maa vɨɨ.

Roma 12:8

Wə ntɨə faŋ Nwi kɔ̀ wutə tɨ́ ŋwə maa mətɨsə vɨɨ, bàw ŋwə kɨ tɨsə vɨɨ. Wə ntɨə faŋ ŋwə gaŋtə vɨɨ ŋɨꞌ, kɨ yɨsə nɨniŋ nə fwi yimuꞌ. Wə ntɨə faŋ ŋwə ndeynə nshəŋtə vɨɨ Kristo, kɨ faꞌ faꞌ ghɔ́ nə wutə. Wə ntɨə faŋ ŋwə gaŋtə vɨɨ, kɨ yɨ nɨniŋ nə məsaylə.

1 Kɔrintian 13:3

Faŋ mə kɔlə ndɨ̀ vətɔ vaŋ vənshə, kɔ̀ tɨ́ mbəəsə, baa biŋ laa vɨ twaŋ ŋwaa ŋwaa taa wi, luu nə, kee kii ŋkawnə maa vɨɨ me, buu kaꞌ vənu vɔ́ vənshə kee gàŋtə mə nə nu me.

Galatia 2:10

Vəŋ nə tɨ̀ yia sheꞌ nə nu kəmuꞌ, faŋ lùu laa yia kɨ gaŋtə mbəəsə vɨɨ Kristo fɨ ntɨꞌ Jerusalem, faŋ lùu nu ŋkɨə faŋ mə nəə kəə kɨ yɨsə ŋkə ghee nshə.

Efesɔs 4:28

Kɨ ndɔꞌ baa kɨ shaw fa me! Bàw ŋwə faꞌ nə ghɔ, baa nə wutə, tɨ́ kaꞌ ŋwə yɨ̀ nu jəə, baa gàŋtə vɨɨ ŋɨꞌ.

1 Tesalonika 2:6

Yia nə kee kəə laa viŋ, tɨꞌnə me vɨɨ mɔ́ꞌ, kɨ bəŋsə yia me,

1 Timoti 6:18

Bàw a gi vəŋ kɨ yɨsə vənu vəjəəvə, vənu vəjəəvə vɔ́ gu ka vəŋ, yaŋ. Bàw vəŋ baa kɨ kaw maa məkɔ vətɔ tɨ́ vɨɨ ŋɨꞌ, gaŋtə vəŋ nə mbə.

Filemon 1:7

Weenshu ŋwaa, mə ŋàytə dɨdɨꞌ, baa zwisə fwi nyaa dɨdɨꞌ, buꞌ laa a kàw vaŋ-nshwi vaŋ-nsiŋ. A yɨsə fwisə vɨɨ ley Nwi zutə.

Hibru 13:16

Kɨ viŋ ndenə maa məyɨ jəə tɨ́ vɨɨ mɔ́ꞌ me. Viŋ gaŋtə yiŋwaa yiŋ, viŋ viŋ, buꞌ laa lùu kəŋ ndey mɔ́ꞌ faŋ nyə bàw tɨ́ Nwi.

1 Pita 4:11

Wə kɨ luu kɨ gisə yigi, bàw ŋwə kɨ gisə sheꞌ yigisə Nwi. Kɨ luu, wə nə faꞌ faꞌ Nwi, gaŋtə vɨɨ, bàw ŋwə kɨ faꞌ nə wutə ŋkɨə faŋ Nwi kɔ̀ tɨ́ ŋwə. Viŋ kɨ yɨ nɨniŋ laa, viŋ kɨ bəŋsə Nwi maa vənu vənshə fɨ yiba Yeso Kristo, faŋ ŋwə kwàlə, ndɔ weꞌ, gòꞌsə yighee muꞌ. Ŋkə lùu nɨniŋ.