Matiu 6:16 - Vengo (Babungo)

¹⁶ «Viŋ kɨ luu kɨ baŋ fazɨ, kɨ viŋ kɨ kaŋ yikəꞌ yiŋ yaa vɨɨ məkoꞌsə ŋwaa me. Vəŋ kaŋ yikəꞌ vəŋ, tɨ́ kɨ kaꞌ vɨɨ kɨ ye, bə̀ŋsə vəŋ shɔ. Mə naysə ŋkee nu yinsəŋ tɨ́ viŋ laa vəkeynə vəŋ ndì nɨniŋ.

Matiu 6:16 ပူးပေါင်းရင်းမြစ်များ

Matiu 6:1

«Viŋ kɨ ndɨɨnə laa viŋ kee kɨ yɨsə nu faŋ ŋkə lùu kəloomə vɨsɨ vɨɨ me, laa vəŋ kɨ ye viŋ shɔ me. Viŋ kɨ luu kɨ yɨsə nu loomə laa vɨɨ kɨ ye viŋ shɔ, buu vəkeynə viŋ fɨ ghɔ tɨta Nwi, Tii wiŋ fɨ yizɔ, kee baa lùu shɔ me.

Matiu 6:2

Yighee njyə faŋ viŋ kɔ fa tɨ́ wuu ŋɨꞌ, kɨ viŋ kɨ taw yisaw yaa vɨɨ məkoꞌsə ŋwaa yaa kɨ yɨsə taa ndɔꞌ Nwi nə jɨɨsə laa vɨɨ kɨ bəŋsə vəŋ nə me. Mə naysə ŋkee nu yinsəŋ tɨ́ viŋ laa vəkeynə vəŋ ndì nɨniŋ.

Matiu 6:5

«Yighee njyə faŋ viŋ kəə shɔꞌtə Nwi, kɨ viŋ lùu yaa vɨɨ məkoꞌsə ŋwaa me, faŋ vəŋ yaa kɨ kaw maa mətɨŋnə taa ndɔꞌ Nwi nə maa vənsanə və jɨɨsə, shɔꞌtə Nwi yifi laa vɨɨ kɨ ye vəŋ, bəŋsə vəŋ. Mə naysə ŋkee nu yinsəŋ tɨ́ viŋ laa vəkeynə vəŋ ndì.

Mark 2:18

Nə luu maa yighee njyə faŋ vɨɨ məzwetə nu Jɔn nə vɨɨ Farisii nəə baŋ fazɨ, vɨɨ jwi yɨ Yeso, bìtə tɨ́ ŋwə laa, «Sii yɨ̀ kə, vɨɨ məzwetə nu Jɔn nə vɨɨ məzwetə nu vɨɨ Farisii baŋ fazɨ; vɨɨ məzwetə nu kə kee baŋ fazɨ me?»

Lukas 18:12

Mə yaa kɨ baŋ fazɨ maa vəshi vəbɔɔ tɔ yiwiŋ tɔ yiwiŋ, baa ndɔ kɔ way kəmuꞌ fɨ taa vəshəŋ və vətɔ vaŋ yighuŋ.»

Lukas 2:37

Ŋwə kɨ nii shì yaa zu ŋku ziꞌ ŋuꞌ njɔsə-yishwe muu-yimfɔŋ. Ŋwə nə shì sheꞌ taa ŋii Nwi yikwalə, kee baa fùu fɨ fuŋ me, zwisə nə jɨŋ, shɔꞌtə Nwi vətuꞌ nə shɨshwi. Nə luu faꞌ wi tɨ́ Nwi nɨniŋ.

Akts 10:30

Kɔrniliɔs gi tɨ́ ŋwə laa, «Shɔ̀ɔ vəshi yishwe ndwə, sheꞌ faŋ ndwə nee, maa vəshɨshwi vətia, mə duꞌ taa ŋii mə, kɨ shɔꞌtə Nwi. Wə mɔ́ꞌ gwəkə tɨ̀ŋnə vɨsɨ mə nə njwi si səndwaꞌlə,

Akts 14:23

Maa vəshəŋ vənshə vəŋ shoꞌ vɨɨ, nùŋsə vəŋ maa vɨɨ taa fɨ taa məshəŋtə vɨɨ Kristo, baŋ fazɨ, shɔꞌtə Nwi, mɔꞌ ghɔ vəŋ tɔ vɨɨ taa vɔ́, nuŋsə vəŋ vɨsɨ tɨta Yeso, laa ŋwə shiinə vəŋ, yuu vəŋ nə nùŋ fwisə vəŋ maa ŋwə nə.

1 Kɔrintian 7:5

Nɨniŋ ghɔ́, kɨ wəndɔŋ ghɔ wəzwi twey nu liŋ wi me, maa tɨ̀ lɨꞌ laa vəŋ vənshə biŋ laa vəŋ taa gaasə yiŋwaa maa wee-fɨ-yighee maa məshɔꞌtə Nwi me. Yighee yɔ́ taa shɔɔ, bàw vəŋ baa faynə, tɨ́ kaꞌ zwitə bwə Satan kee kìi wutə, ŋii taa ŋwaa vəŋ nə məmɔŋ, kɨ yɨ laa vəŋ gu, buꞌ laa vəŋ kee kɨɨ sɔꞌ yiŋwaa yivəŋ me.

2 Kɔrintian 11:27

Mə nə nùꞌ ŋwaa ŋwaa maa faꞌ weꞌ, shi nə yikɨꞌ ghee yaŋ. Jɨŋ za mə, too ŋwaa yɔŋ. Mə zwisə nə jɨŋ ghee yaŋ. Gwə koo mə, mə kee kìi fa kusə me.

2 Kɔrintian 6:5

Yia jìa fwi sia faŋ vɨ saŋ yia, tɨꞌnə me kwàŋ yia taa ŋii mfiŋ, tɨꞌnə me bùulə shɨ buꞌ yia, tɨꞌnə me faŋ yia ye ŋɨꞌ, tɨꞌnə me shi vətuꞌ, kee bwey me, tɨꞌnə me shi nə jɨŋ.