12 Ndenə yibɨsə yia, faŋ yia ndènə yibɨsə vɨɨ nə.
lùu mənshi maa nə, faŋ vɨ tù buꞌ vɨɨ vənshə maa məndisə yibɨsə vəŋ. Lùu məkee məfimə faŋ Nwi gwìa tɨ́ viŋ.
Vɨ jwi kɔ̀ wə mɔ́ꞌ tɨ́ ŋwə faŋ ŋwaa wi nə kìlə, tɨ́ wə ghɔ́ nɔŋ fuu kɨŋ. Yeso ye laa vəŋ nùŋ fwisə vəŋ maa ŋwə, ŋwə gi tɨ́ wə ntɨə faŋ ŋwaa wi nə kìlə nə laa, «Jia fwi yə mɔɔ, ŋwiŋ ŋwaa, Nwi ndenə vənu vəbwəvə və faŋ a nə yɨ̀sə.»
Nɨniŋ, yighee tɨ̀ me yighee faŋ viŋ tɨ̀ŋnə maa məshɔꞌtə Nwi, viŋ bɨ ndènə yibɨsə vɨɨ maa viŋ ŋkəə, tɨ́ kɨ kaꞌ Tii wiŋ faŋ ŋwə lùu yizɔ, ndènə yibɨsə yiŋ nɨzi.
Ndenə vənu vəbwəvə faŋ yia nə yɨ̀sə nə, fɔnə yia ndenə vənu vənshə faŋ vɨɨ gù maa yia nɨzi. Kɨ ghɔ biŋ yia ŋii məmɔŋ maa məyɨ nu bwə me.»
Gə fɨ maa vɨɨ vì njɔsə-yifɔŋ, faŋ ŋii yidə nə gù tɔ vəŋ mbɨɨ muu mə Saylom, zwìlə vəŋ nə, viŋ nə bɨꞌtə laa vəŋ nə gù nu shɔ̀ɔ vɨɨ vənshə faŋ vəŋ lùu ntɨꞌ Jerusalem mu?
«Kɨ viŋ gi nu bwə tɔ vɨɨ me, tɨ́ kaꞌ Nwi kee ndɔ kwaŋ viŋ taa nsɔꞌ me. Kɨ viŋ shia nsɔꞌ tɔ wə me, nɨniŋ laa Nwi kee ndɔ baa kɨ shia nsɔꞌ tɔ viŋ me. Viŋ bee kii ndenə vənu vəbwəvə və vɨɨ, tɨ́ kaꞌ Nwi ndɔ ndenə vənu vəbwəvə viŋ nɨzi.
Nɨniŋ, vaŋ-nshwi vaŋ, bàw viŋ kɨɨ laa Nwi kəə mèꞌ nu bwə kiŋ buꞌ wə ghɔ́, faŋ lùu Yeso nə. Viŋ kɨ luu shɔ̀ɔ fɨ yiba ntɨsə Mose, kaꞌ nsə kee yɨ̀sə laa Nwi ndenə vənu vəbwəvə viŋ vənshə me.
Ŋwiŋ wi ghɔ́ nə kù tɔ nsiŋ, yɨ laa nsiŋ fuu fɨ taa nsɔꞌ Nwi buꞌ mənshi mi. Nwi ndenə yibɨsə nyaa-nsiŋ, buꞌ faŋ ŋwə kèe gəŋ saŋ-nsiŋ dɨdɨꞌ.
Viŋ kɨ kawnə wə nə wə, kii fwi gəŋsə, ndenə yibɨsə wə nə wə, sheꞌ faŋ Nwi nə ndènə yibɨsə yiŋ buꞌ Kristo nə.
Kɨ fwi siŋ kɨ shə maa vəliŋ viŋ me! Wə kɨ luu yɨ̀sə nu bwə maa viŋ, viŋ ndenə yibɨsə yi, fɔnə Nwi ndenə yibɨsə yiŋ. Nɨniŋ, ŋkə kùꞌnə laa viŋ ndenə yibɨsə yiŋ, viŋ viŋ.
