Matiu 6:10 - Vengo (Babungo)

¹⁰ Bàw yifwàŋ yə jwi. Yɨsə laa vənu vənshə gay sheꞌ maa ŋkitə yə shɨ nsi yuu ŋkə lùu yizɔ.

Matiu 6:10 ပူးပေါင်းရင်းမြစ်များ

Matiu 12:50

Wə ntɨə faŋ ŋwə yɨsə nu ŋkɨə faŋ Tii ŋwaa fɨ yizɔ kəə ŋkə, buu lùu weenshu ŋwaa wəndɔŋ, tɨꞌnə me wəzwi, tɨꞌnə me lùu nshu ŋwaa nɨzi.»

Matiu 16:28

Viŋ zɔ! Mə naysə ŋkee nu yinsəŋ tɨ́ viŋ laa vɨɨ lùu shɔ taa ŋwaa vɨɨ və̀ faŋ vəŋ dùꞌ feenə nə, faŋ vəŋ kee ndɔ ku me, buu ye Wuu yinsəŋ Nwi faŋ ŋwə jwi nə nu yifwàŋ fɨ yizɔ.»

Matiu 26:42

Ŋwə baa kii bəŋ gə̀ maa məshɔꞌtə Nwi lwesə ghee bɔɔ, gì laa, «Tii ŋwaa, ŋkitə yə gay, faŋ a bɨꞌtə laa jɨɨ yiday kee lùu shɔ tɨ́ kaꞌ ndaw ŋɨꞌ nyə̀ shɔ̀ɔ, maa laa mə nu me.»

Matiu 3:2

gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 4:17

Nə luu maa yighee yɔ́, Yeso tey kɨ fɨꞌtə nu Nwi, gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 7:21

Kee ndɔ ŋii vɨɨ vənshə faŋ vəŋ tii mə laa, «Tɨta, tɨta,» ŋìi taa nu yifwàŋ yizɔ me. Ndɔ ŋii sheꞌ wə ntɨə faŋ ŋwə zɔnə ntɨsə Tii ŋwaa fɨ yizɔ.

Mark 11:10

Məbəŋsə tɨ́ yifwàŋ njyə faŋ nyə ndɔ fùu yaa yifwàŋ tii ŋwaa-nsiŋ Deyvid! Məbəŋsə tɨ́ Nwi fɨ taa yizɔ!»

Mark 3:35

Wə ntɨə faŋ ŋwə yɨsə nu ŋkɨə faŋ Nwi kəə, lùu weenshu ŋwaa nə nshu ŋwaa.»

Lukas 19:11

Nə luu maa yighee yɔ́ faŋ vɨɨ nə zɔ̀ yigisə yi yɔ́ nə, Yeso baa tìi yigisə tii yimɔ́ꞌ tɨ́ vəŋ. Vɨɨ vɔ́ nəə bɨꞌtə laa nu yifwàŋ Nwi yasə jɨjwi, buꞌ laa Yeso nə duꞌtə ŋwə zìꞌ nshənə fɨ ntɨꞌ Jerusalem.

Lukas 19:38

Vəŋ luꞌ laa, «Mənɔŋ-bwaŋnə tɔ wə ntɨə faŋ ŋwə jɨjwi yaa fwàŋ maa yizii tɨta Nwi. Mənɔŋ-bwaŋnə lùu taa yizɔ, nə məbəŋsə maa yizii Nwi fɨ yizɔ.»

Lukas 22:42

«Tɨta, a kɨ luu biŋ, a fi ndaw ŋɨꞌ nyə̀ fɨ maa mə. Luu nə, kɨ yɨsə nu faŋ kàw mə me, yɨsə nu faŋ kàw ghɔ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:34

Yeso gi tɨ́ vəŋ laa, «Fazɨ kaŋ lùu laa mə kɨ yɨsə nu wə ntɨə faŋ ŋwə nə tɔ̀ŋ mə nə, baa nə laa mə metə vəfaꞌ vi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:40

Nu ŋkɨə faŋ Tii ŋwaa kəə, lùu laa, wə tɨ̀ me wə faŋ ŋwə yè ŋwiŋ wi, nùŋ fwi yi maa ŋwə, zɨ məbwey vəlwaŋ. Nɨniŋ, mə ndɔ yweysə ŋwə maa vəshi vəshə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:17

Wə kɨ luu kɨ kəə yɨ̀ nu ŋkɨə faŋ Nwi kàw, buu kaꞌ ŋwə kɨɨ laa yigisə nyaa yɔ́ ndɔ̀ fɨ ghɔ Nwi, laa nyə kee lùu nu faŋ mə gisə maa ŋkɨɨ nyaa me.

Akts 13:22

Nwi kɨ nii sùꞌsə ŋwə fɨ maa fwàŋ, kòꞌsə Deyvid laa luu fwàŋ vəŋ. Maa yighee yɔ́ Nwi nə gi kɔ̀ŋ fwàŋ Deyvid laa, «Mə ye Deyvid, wee Jesse, laa lùu wə faŋ ŋwə kùꞌnə taa fwi mə, ŋwə taa kɨ yɨsə vənu vənshə faŋ mə gì.»

Akts 21:14

Faŋ yia nə ye laa ŋwə kee kaw kwiinə nu ŋkɨə faŋ ŋkə lùu taa fwi ŋwə me, yia gay, gì laa bàw nu ŋkɨə faŋ tɨta Yeso kàw, ndɔ gay.

Akts 22:14

Ŋwə gi laa, «Nwi vətɨɨ vaŋ-nsiŋ shòꞌ ghɔ, laa a kɨɨ nə nu ŋkɨə faŋ ŋkə lùu taa ŋkɨɨ Nwi, baa nə laa a ye wuu Nwi ŋgwə faŋ nu ki lùu kəloomə, baa zɔ̀ nu faŋ ŋkə fuu fɨ shuu ŋwə.

Roma 12:2

Kɨ viŋ kɨ toꞌ ghuu yitoꞌ kiŋ maa jɨɨ mbi nyə̀ me. Viŋ bee kii kwìinə fwi siŋ nə mbɨꞌtə yiŋ, kɨ kwaꞌtə nu ŋkɨə faŋ Nwi kəə laa viŋ kɨ yɨ. Nɨniŋ laa viŋ kɨ yɨsə nu faŋ ŋkə lùu kəjəə, baa ndɨŋ tɨ́ Nwi, nə ŋkɨə faŋ ŋkə bàw shɨlə.

Efesɔs 6:6

Kɨ viŋ kɨ zɔnə vəŋ nə boꞌ me, faŋ viŋ kəə bàw tɨ́ vɨɨ me. Kɨ zɔnə vəŋ yaa vəbuꞌ və Kristo, faŋ vəŋ yɨ̀ nu ŋkɨə faŋ Nwi kàw nə fwi yiley nə.

Kɔlɔsii 1:13

Nwi nə bwèysə nsiŋ, fùusə nsiŋ fɨ ghɔ vəwutə vəbwəvə faŋ mbə lùu taa mfiŋsə. Ŋwə nə ndì nsiŋ fɨ fuŋ, nùŋsə nsiŋ taa yifwàŋ ŋwiŋ wi, faŋ ŋwə kàw ŋwə nə.

Kɔlɔsii 1:9

Shù fɨ maa shi ŋkɨə faŋ yia nə zɔ̀ vənu vɔ́ kɔ̀ŋ viŋ nə, yia shɔꞌtə Nwi tɔ viŋ ghee nshə. Yia buꞌ ghɔ tɨ́ Nwi laa Nwi kɔ viŋ nə tɔ ley, tɨ́ kaꞌ viŋ kɨ̀ɨ nə nu ŋkɨə faŋ Nwi kəə laa viŋ kɨ yɨsə. Viŋ kɨɨ nə nu kɔ́ fɨ ghɔ Zwitə Ley Nwi, faŋ ŋkə kɔ̀ yitɔfə, yɨsə vənu vənshə lùu vəley tɨ́ viŋ.

1 Tesalonika 4:3

Nu ŋkɨə faŋ Nwi kəə lùu laa viŋ baw, ndɔ̀ fɨ̀nə ŋwə, nyɨ̀ŋ fɨ maa nu vəki sakə.

1 Tesalonika 5:18

bwaŋ ŋwə maa vənu vənshə, buꞌ laa nu ŋkɨə faŋ Nwi kəə, lùu laa viŋ kɨ yɨsə nɨniŋ maa yizii Yeso Kristo.

Hibru 1:14

Nshiisə-ŋiisə Nwi sənshə luu sheꞌ vəzwitə faŋ vəŋ faꞌ tɨ́ Nwi, faŋ ŋwə tɔ̀ŋ vəŋ laa vəŋ gə gàŋtə vɨɨ mbɨə faŋ Nwi taa bweysə vəŋ nə.

Hibru 10:36

Nu ŋkɨə faŋ ŋkə bàw tɨ́ viŋ, lùu laa viŋ goꞌsə viŋ vɨ Kristo, kee bwa me, tɨ́ kaꞌ viŋ kɨ yɨsə nu ŋkɨə faŋ too Nwi kàw, buu viŋ taa fi məbwey vəlwaŋ faŋ Nwi nə kɔꞌnə tɨ́ viŋ nə.

Hibru 10:7

Nɨniŋ, mə gì laa, ye mə nə, mɔɔ Nwi, mə jwì laa mə jwi yɨ̀sə nu ŋkɨə faŋ a kəə laa mə kɨ yɨ, faŋ vɨ nyɔ̀ꞌ kɔ̀ŋ mə taa ŋwaꞌlə Nwi.»

Hibru 13:21

Nwi kɔ viŋ nə vətɔ vəjəəvə vənshə faŋ mbə gaŋtə viŋ maa məyɨsə vənu mbɨə faŋ ŋwə kəə laa viŋ kɨ yɨsə. Yeso Kristo faꞌ taa fwisə nsiŋ, laa nsiŋ kɨ shi nə nshinə njyə faŋ nyə bàw too Nwi. Nsiŋ kɨ bəŋsə Yeso ghee nshə. Feenə wi ndɔ goꞌsə yighee muꞌ. Ŋkə lùu nɨniŋ.

1 Pita 2:15

Nwi kəə laa viŋ kɨ yɨ sheꞌ vənu vəjəəvə, laa mbə shə shuu vəmfaw faŋ vəŋ kee kɨ̀ɨ nə nu me.

1 Pita 4:2

kee baa kɨ jɔŋ fɨ yiba jɨŋ vətɔ mbɨə faŋ vɨɨ kaw maa yighee nyə̀ me. Kɨ sɔꞌ ŋkitə Nwi sɔꞌ wə ghɔ́.

Reveleyshən 11:15

Nshiiŋii Nwi lwesə kwatia kɨ nii tàw yisaw yi, gɨsə vɨɨ gi fɨ yizɔ ŋkee nəŋay laa, «Yighee jwi kùꞌ faŋ tɨta ŋwaa-nsiŋ, ghɔ wə ntɨə faŋ ŋwə nə shòꞌ ŋwə nə, ndɔ kɨ sɔꞌ mbi yinshə. Yifwàŋ yivəŋ ndɔ goꞌsə yighee muꞌ.»

Reveleyshən 12:10

Mə kɨ nii zɔ gɨ wə gi fɨ yizɔ ŋkee nəŋay laa, «Nu məbweysə vɨɨ faŋ Nwi bweysə vɨɨ nə, baa nə wutə ki, baa nə yifwàŋ yi fuu ntee ndwə, baa nə wutə Kristo maa məsɔꞌ mbi yinshə. Vɨ ghɔ̀ꞌ wə ntɨə faŋ ŋwə yaa kɨ kwaŋ vaŋ-nshwi vaŋ-nsiŋ taa nsɔꞌ, wuu məbweꞌsə vɨɨ faŋ ŋwə kɔ̀ŋtə vəŋ tɨ́ Nwi ŋwaa-nsiŋ vətuꞌ nə shɨshwi.

Reveleyshən 19:6

Mə baa zɔ̀ gɨ yimɔ́ꞌ yaa nwaa vɨɨ vəyaŋ, luu yaa muu məyaŋmə, baa nə yaa məbwələ yibay, vəŋ gi laa, «Nsiŋ kɨ bəŋsə Nwi, buꞌ laa tɨta Nwi Nshɔɔ-mbi, faŋ lùu Nwi ŋwaa-nsiŋ nə, tey kɨ sɔꞌ mbi.

Reveleyshən 20:4

Mə baa yè yiley vəŋkaw və məsɔꞌ mbi. Vɨɨ fuu dùꞌ fuu vəŋkaw vɔ́, Nwi nuŋ vəŋ maa vɨɨ məshia nsɔꞌsə. Mə kɨ nii yè vəŋku və vɨɨ mbɨə faŋ vɨ nə shètə yitɔ yivəŋ, buꞌ faŋ vəŋ nə biŋ nu Kristo ntee, baa fɨꞌtə nu Nwi tɨ́ vɨɨ nə. Nə luu vəŋku və vɨɨ mbɨə faŋ vəŋ nə kee bə̀ŋsə nyaa yì nə fənyia fi me, kee biŋ laa vɨ shwey ŋgwia vəŋ mbootɔ vəŋ me, tɨꞌnə me ghɔ vəŋ me. Vəŋ ywey, kɨ sɔꞌ mbi ghɔ vɨ Kristo ŋuꞌ ŋkaŋ.