Matiu 5:8 - Vengo (Babungo)

⁸ Mənɔŋ-bwaŋnə tɨ́ vɨɨ mbɨə faŋ fwisə vəŋ lùu səley, fɔnə vəŋ ndɔ gə ye Nwi.

Matiu 5:8 ပူးပေါင်းရင်းမြစ်များ

Akts 15:9

Nwi nə kee seesə nsiŋ vɨ vəŋ me, sɔ̀ fwisə vəŋ, nsə ley, faŋ vəŋ nə nùŋ fwisə vəŋ maa Kristo nə.

1 Kɔrintian 13:12

Vənu faŋ nsiŋ ye ndwə, nsiŋ kee ye vəley me. Nsiŋ ye sheꞌ yaa vɨ ye taa ŋwaꞌlə məye sɨ, faŋ ŋwə kee lùu ley me. Ndɔ luu shi mɔ́ꞌ, nsiŋ ye Nwi nə sɨ nə sɨ. Ndwə yitɔfə nyaa-nsiŋ kee ta yikuꞌnə me. Ndɔ luu shi kɔ́, vənu vənshə luu vəley tɨ́ nsiŋ, sheꞌ faŋ Nwi kɨ̀ɨ nə nsiŋ maa vənu vənshə.

2 Kɔrintian 7:1

Vɨɨmba vaŋ, faŋ nsiŋ kìi ŋkɔꞌnə nyə̀ nee nə, bàw nsiŋ kiasə yiŋwaa fɨ maa nu bwə tɨ̀ me nu bwə, faŋ ŋkə lùu taa ŋwaa wə, tɨꞌnə me taa zwitə ki. Nsiŋ kɨ yɨ laa nshinə nyaa-nsiŋ taa mètə lèy vɨsɨ Nwi. Nsiŋ yɨ̀ nɨniŋ, fee Nwi.

Taytəs 1:15

Vənu vənshə ley tɨ́ vɨɨ mbɨə faŋ fwisə vəŋ lèy. Luu nə, tuu ŋkee nu kəmuꞌ kee lèy tɨ́ vɨɨ mbɨə faŋ fwisə vəŋ kee lùu səley me, baa nə tɨ́ vɨɨ mbɨə faŋ vəŋ kee nùŋ fwisə vəŋ maa Kristo me. Vənu mbɨə faŋ kəŋ vɨɨ vɔ́ bɨꞌtə nə, bɨ. Fwisə vəŋ bɨ nɨzi.

Hibru 10:22

Nɨniŋ, bàw nsiŋ nuŋ fwi saŋ-nsiŋ maa Yeso, jwì yɨ Nwi nə fwi yiley, buꞌ laa mənshi mə Yeso yɨsə fwi saŋ-nsiŋ ley. Nsiŋ lùu vɨɨ faŋ vəŋ sɔ̀ yiŋwaa yivəŋ ŋkee taa muu məleymə, faŋ nsiŋ nə fì muu mə Nwi nə.

Hibru 12:14

Viŋ kəə jɨɨsə maa məduꞌ nyɔŋ viŋ vɨ vɨɨ vənshə. Viŋ kɨ faꞌ nə wutə, tɨ́ kaꞌ viŋ kɨ shi nshinə faŋ lùu nshinə yiley vɨsɨ Nwi. Viŋ kɔꞌ kɨɨ laa kaꞌ wə kee ndɔ gə yè Nwi, maa kɨ shi nshinə yɔ́ me.

Hibru 9:14

Nɨniŋ, faŋ mənshi mə nyaa mbɔ́ kìi wutə maa məyɨsə laa vɨɨ ley, buu mənshi mə Kristo weꞌ shɔ̀ɔ yimbii, sɔ̀ yibɨsə nyaa-nsiŋ, yɨ̀sə laa fwi saŋ-nsiŋ ley. Zwitə Nwi nə kɔ̀ wutə tɨ́ Kristo laa ŋwə ndi ŋkee ŋwaa wi, faŋ nu bwə nə kee bee lùu maa ŋwə nə me, fèꞌ ndey shɔ buꞌ nsiŋ, laa ŋwə yɨ̀sə fwi saŋ-nsiŋ ley, tɨ́ kaꞌ nsiŋ kee baa yɨ̀sə vənu vəbwəvə, faŋ mbə jwi nə yiku nə me. Nɨniŋ laa nsiŋ faꞌ tɨ́ Nwi faŋ lùu Nwi məbwey.

Jeyms 3:17

Yitɔfə njyə faŋ nyə ndɔ fɨ ghɔ Nwi, lùu nɨŋkwiŋ. Wə ntɨə faŋ ŋwə kìi kəŋ tɔ ley kɔ́, lùu wuu ley. Ŋwə jwi nə mənɔŋ-bwaŋnə tɨ́ vɨɨ, yɨ jəə, kee kìi məshii me, kee gəŋsə vɨɨ ŋkee dɨdɨꞌ, yɨsə vənu vəjəəvə ghee nshə, kee shia nsɔꞌ tɔ wə me, kee bweꞌsə wə me.

Jeyms 4:8

Viŋ shəŋtə gə yɨ Nwi, buu Nwi taa kɨ shəŋtə jwi yɨ viŋ nɨzi. Viŋ sɔ ghɔ ghiŋ mɔɔ, viŋ vəyɨ-kəbwə! Viŋ yɨsə fwi siŋ ley mɔɔ, viŋ vɨɨ fwisə bɔɔ!

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!

Reveleyshən 22:4

Vəŋ ye yikəꞌ yi. Vɨ nyɔ̀ꞌ yizii yi mbootɔ vəŋ.