Matiu 5:7 - Vengo (Babungo)

⁷ Mənɔŋ-bwaŋnə tɨ́ vɨɨ mbɨə faŋ vəŋ kee gəŋsə vɨɨ, fɔnə Nwi taa kee gəŋsə vəŋ nɨzi.

Matiu 5:7 ပူးပေါင်းရင်းမြစ်များ

Mark 11:25

Nɨniŋ, yighee tɨ̀ me yighee faŋ viŋ tɨ̀ŋnə maa məshɔꞌtə Nwi, viŋ bɨ ndènə yibɨsə vɨɨ maa viŋ ŋkəə, tɨ́ kɨ kaꞌ Tii wiŋ faŋ ŋwə lùu yizɔ, ndènə yibɨsə yiŋ nɨzi.

Lukas 6:35

Nɨniŋ, viŋ kɨ kaw luu vɨɨ mbeenə viŋ. Viŋ kɨ yɨsə vənu vəjəəvə, shwaꞌ vɨɨ nə ka, kee kɨ tə sɨ maa məbaa fi me. Viŋ yɨ̀ nɨniŋ, buu sey wiŋ ndɔ yaŋ. Viŋ luu vaŋ Nwi Nshɔɔ-mbi, buꞌ laa ŋwə yɨsə jəə maa vɨɨ vənshə, nə tɨ́ vɨɨ faŋ vəŋ kee kɔ bwaŋ-wee tɨ́ ŋwə me, nə tɨ́ vɨɨ vəŋwiŋ nɨzi.

Roma 11:30

Gə fɨ maa viŋ faŋ viŋ nə fɔŋ kee kɨ zɔnə Nwi me, Nwi kee gəŋ siŋ ndwə buꞌ vɨɨ Isirayl, faŋ vəŋ nə shìasə Nwi nə.

1 Kɔrintian 7:25

Gə fɨ maa nu vɨɨ mbɨə faŋ vəŋ kee ta yindaa me, Nwi kee ta kɔ̀ yigi shee kɔ̀ŋ nu kɔ́ me. Luu nə, mə kəə naysə mbɨꞌtə nyaa tɨ́ viŋ. Bàw viŋ zɔ yigisə nyaa, buꞌ laa tɨta Yeso Kristo nə kèe gəŋ saŋ tɨ́ kaꞌ mə lùu wuu yinsəŋ.

2 Kɔrintian 4:1

Nɨniŋ, yia kee yibwa maa məfaꞌ faꞌ Nwi me. Faꞌ Nwi ghɔ́ nə kɔ̀ Nwi tɨ́ yia buꞌ gəŋsə si, faŋ ŋwə nə kèe gəŋ sia nə.

Efesɔs 4:32

Viŋ kɨ kawnə wə nə wə, kii fwi gəŋsə, ndenə yibɨsə wə nə wə, sheꞌ faŋ Nwi nə ndènə yibɨsə yiŋ buꞌ Kristo nə.

Kɔlɔsii 3:12

Viŋ kìi nshinə yifi yɔ́ ndwə, buꞌ laa Nwi nə shòꞌ viŋ laa viŋ luu mbii vɨɨ. Viŋ lùu vɨɨ ley tɨ́ ŋwə. Ŋwə baa luu kaw viŋ. Nɨniŋ, viŋ kɨ shi yaa vɨɨ vi; viŋ kɨ kee gəŋsə vɨɨ, baa kìi njyoꞌ yijəə maa viŋ, viŋ viŋ! Viŋ kɨ suꞌsə yiŋwaa yiŋ nsi, duꞌ bwaŋnə, baa kìi fwi yizutə!

1 Timoti 1:13

Ŋwə nə ndì mə maa faꞌ wi faŋ mə nəə kɔlə ndàsə yizii yi maa yighee vɨsɨ, toꞌ shoꞌ ghuu vɨɨ vi, yɨnə vəŋ. Luu nə, ŋwə kee gəŋ saŋ, buꞌ laa mə nəə yɨ vənu vɔ́ nə nshi, kee ta kɨ̀ɨ nə ŋwə, nùŋ fwi nyaa maa ŋwə me.

1 Timoti 1:16

Ŋiꞌ nu ŋkɨə faŋ Yeso Kristo nə kèe gəŋ saŋ nə, lùu laa ŋwə də̀ fɨ maa mə, faŋ ŋwə jìa fwi yi tɨ́ vɨɨ vənshə maa vənu vəvəŋ, laa mə luu mfɨꞌ nu tɨ́ vɨɨ faŋ vəŋ ndɔ nuŋ fwi maa ŋwə, maa məndɔ zɨ məbwey vəlwaŋ faŋ ŋwə gòꞌsə yighee muꞌ.

Hibru 4:16

Nɨniŋ, bàw nsiŋ kii fwi yiweꞌ, kɨ jwi nə məŋaytə maa shəŋ kenə Nwi ŋkɨə faŋ ŋwə kee gəŋsə vɨɨ shɔ nə. Bàw nsiŋ gə maa shəŋ kɔ́ tɨ́ kaꞌ nsiŋ kìi mənɔŋ-bwaŋnə fɨ fuŋ, Nwi taa kɨ kee gəŋ saŋ-nsiŋ, baa gaŋtə nsiŋ maa yighee njyə faŋ nyə kùꞌnə.

Hibru 6:10

Nwi kee lùu wuu məseesə mbi me. Kaꞌ ŋwə kee ndenə vənu vəjəəvə viŋ faŋ viŋ nəə yɨsə nə me, faŋ viŋ nə də ŋkawnə yiŋ tɨ́ vɨɨ ley Nwi, gàŋtə vəŋ maa yizii Nwi, nə faŋ viŋ kɨ gɨgaŋtə vəŋ nə.

Jeyms 2:13

Nwi ndɔ kee kee gəŋsə wə ntɨə faŋ ŋwə kee yaa kɨ kee gəŋsə vɨɨ me. Luu nə, wuu məkee gəŋsə ndɔ ye laa gəŋsə Nwi kwalə shɔ̀ɔ nsɔꞌ Nwi.

Jeyms 3:17

Yitɔfə njyə faŋ nyə ndɔ fɨ ghɔ Nwi, lùu nɨŋkwiŋ. Wə ntɨə faŋ ŋwə kìi kəŋ tɔ ley kɔ́, lùu wuu ley. Ŋwə jwi nə mənɔŋ-bwaŋnə tɨ́ vɨɨ, yɨ jəə, kee kìi məshii me, kee gəŋsə vɨɨ ŋkee dɨdɨꞌ, yɨsə vənu vəjəəvə ghee nshə, kee shia nsɔꞌ tɔ wə me, kee bweꞌsə wə me.

1 Pita 2:10

Nə luu yighee vɨsɨ, viŋ kee lùu ŋiꞌ ŋii kəmuꞌ me. Luu nə, ndwə viŋ lùu ŋiꞌ ŋii vɨɨ Nwi. Yighee vɨsɨ, Nwi nəə kee ta kee gəŋ siŋ me, lùu ndwə Nwi kee gəŋ siŋ dɨdɨꞌ.