Matiu 5:5 - Vengo (Babungo)

⁵ Mənɔŋ-bwaŋnə tɨ́ vɨɨ zutə, fɔnə vəŋ ndɔ zɨ shɨ nsi.

Matiu 5:5 ပူးပေါင်းရင်းမြစ်များ

Matiu 11:29

Viŋ shaꞌ fəŋkɔꞌ fə kaalə nyàa faŋ maa viŋ, kɨ zwetə nu kaŋ, buꞌ laa mə lùu wuu bwaŋnə, ndɔ bwasə ŋwaa nsi fɨ taa fwi mə, buu fwi yiŋ duꞌ bwaŋnə.

Matiu 21:5

Nwi gi laa, «Viŋ naysə tɨ́ ŋwiŋ ŋwaa, shɨ Zayon laa fwàŋ wi jɨjwi yɨ ŋwə, luu wuu zutə, kòꞌ fuu jakasə, nə wee jakasə məbiꞌ vətɔ.»

Roma 4:13

Nwi nə lɨ̀ꞌtə tɨ́ Abraham nə ŋgwisə yi laa ŋwə ndɔ zɨ mbi yinshə. Luu nə, ŋwə nə kee lɨꞌtə nu kɔ́ buꞌ vənu faŋ ŋwə nə yɨ̀ faŋ mbə kùꞌnə maa ntɨsə Nwi me. Ŋwə nə kɔ̀ꞌnə nu kɔ́ tɨ́ ŋwə buꞌ faŋ ŋwə nə nùŋ fwi yi maa Nwi, Nwi kiasə vənu vi, yɨ̀sə mbə loomə.

Galatia 5:23

nə məbwasə ŋwaa, nə məshiinə ŋwaa. Ntɨ kee lùu shɔ faŋ nyə twey kəŋ vənu vɔ́ me.

Efesɔs 4:2

Viŋ bwasə yiŋwaa yiŋ nsi, kɨ yɨsə vənu fɨ taa bwaŋnə. Viŋ jia fwi siŋ, kɨ kawnə yiŋwaa yiŋ ghee nshə.

Kɔlɔsii 3:12

Viŋ kìi nshinə yifi yɔ́ ndwə, buꞌ laa Nwi nə shòꞌ viŋ laa viŋ luu mbii vɨɨ. Viŋ lùu vɨɨ ley tɨ́ ŋwə. Ŋwə baa luu kaw viŋ. Nɨniŋ, viŋ kɨ shi yaa vɨɨ vi; viŋ kɨ kee gəŋsə vɨɨ, baa kìi njyoꞌ yijəə maa viŋ, viŋ viŋ! Viŋ kɨ suꞌsə yiŋwaa yiŋ nsi, duꞌ bwaŋnə, baa kìi fwi yizutə!

1 Timoti 6:11

Gə fɨ maa ghɔ, wuu Nwi, nyɨŋ vənu vɔ́, bèꞌsə fɨ jɨŋ nu ŋkɨə faŋ lùu nu loomə, baa nə nu məbəŋsə Nwi, nə maa mənuŋ fwi maa Kristo, nə məkaw vɨɨ, nə maa məjia fwi taa ŋɨꞌ, nə nu məduꞌ bwaŋnə.

2 Timoti 2:25

Bàw ŋwə kɔ bəŋsə tɨ́ vɨɨ mətwey nu Kristo taa gɨ yibwaŋnə, laa kaꞌ yighee mɔ́ꞌ Nwi gaŋtə vəŋ, vəŋ kwiinə fwisə vəŋ, kɨ̀ɨ nə nu yinsəŋ,

Taytəs 3:2

Kɨ vəŋ kɨ ndasə vɨɨ me, kee kəə nsɔꞌ me, yɨsə vənu vənshə maa jɨɨ yijəə, duꞌ bwaŋnə ghɔ vɨ vɨɨ vənshə.

Jeyms 1:21

Nɨniŋ, viŋ meꞌ vənu vəbwəvə vənshə nə vənu mbɨə faŋ mbə fuu fɨ taa njyoꞌ yibwə, bìŋ yigi njyə faŋ Nwi bìa taa fwi siŋ, bìŋ nə fwi yizutə, tɨ́ kaꞌ nyə bweysə fwi siŋ nɨzi.

Jeyms 3:13

Wuu tɔ ley fɨ taa ŋwaa viŋ, faŋ ŋwə toꞌ nə yitɔfə nɨzi, lùu ndə? Bàw ŋwə kɨ toꞌ yitoꞌ yijəənə, yɨ vənu vəjəəvə, sùꞌsə ŋwaa wi nsi, maa mədə tɔ ley ki.

1 Pita 3:15

Viŋ kɨ bəŋsə sheꞌ tɨta Kristo fɨ taa fwisə viŋ, nùŋ ŋwə laa lùu tɨɨ ŋii wiŋ. Viŋ jia fwi siŋ ghee nshə maa məbəŋsə nu faŋ vɨɨ bitə tɨ́ viŋ kɔ̀ŋ nu məkɨꞌ məbwey vəlwaŋ, faŋ viŋ nùŋ fwi siŋ shɔ nə.

1 Pita 3:4

Viŋ bee kɨ lɔꞌnə fɨ taa fwisə viŋ. Viŋ jia fwi siŋ, bwasə yiŋwaa yiŋ, buꞌ laa kəŋ vəlɔꞌ yimbii kee yaa kɨ bɨsə me, mbə kìi vəkeynə fɨ ghɔ Nwi, yaa fa faŋ ŋkə bàw shɔ̀ɔ ki.