Matiu 5:30 - Vengo (Babungo)

³⁰ Kɨ luu kwiŋ wə maꞌnə yɨsə a yɨ nu bwə, shia, mèꞌ. Bàw way shəŋ fɨ maa ghɔ ndi, fɨ ghɔ nshɨ ŋwaa wə maa məŋii taa wi.

Matiu 5:30 ပူးပေါင်းရင်းမြစ်များ

Matiu 11:6

Mənɔŋ-bwaŋnə tɨ́ wə ntɨə faŋ ŋwə kee tùŋ ghuu ki maa mə me.»

Matiu 13:21

Luu nə, ghay ghi kee ŋìi taa fwi ŋwə me. Ŋwə lùu wə faŋ ŋwə yasə kwiinə. Bètə sheꞌ tɨtiꞌ nee, ŋɨꞌ ŋii maa ŋwə, tɨꞌnə me vɨ shoꞌ ghuu ghi, ŋwə kɨ nii nyɨ̀ŋ fɨ maa nu Nwi.

Matiu 16:23

Ŋwə kiasə ŋwaa wi, gì tɨ́ Pita laa, «Suꞌtə fɨ yiba jɨŋ mə, Satan, a kɔꞌsə mə taa mbwəə, buꞌ laa a kee bɨꞌtə nu Nwi me, a bɨꞌtə luu sheꞌ nu wə mənsaw.»

Matiu 17:27

Luu nə, ŋkə kee baw laa nsoo yɨ nu faŋ ŋkə taa bɨ tɨ́ vəŋ me. Nɨniŋ, bàw a gə taa muu, mɔ̀ꞌ tasə koꞌsə fɨ taa muu. Mfɔŋ su faŋ nyə koꞌ, a ŋaꞌsə shuu wi. A taa ye ka shuu nyə. A ndi, gə̀ kɔ̀ tɨ́ vəŋ shee, baa nə maa nshɨ-tɔ wə.»

Matiu 18:8

Kɨ luu kwiŋ wə, tɨꞌnə me ghuu kə, yɨsə laa a yɨ nu bwə, bàw a shia, mèꞌ fɨ maa ghɔ! Bàw laa a ŋii məbwey vəlwaŋ yaa ndwey, fɨ ghɔ a kii kwiŋ bɔɔ nə fəŋ bɔɔ, vɨ mɔꞌ ghɔ taa wi faŋ ŋwə kee yaa kɨ ndɨɨnə me.

Matiu 22:13

Fwàŋ ghɔ́ gi tɨ́ vəndifwaŋ vi laa vəŋ ka fəŋ ghi nə kwiŋ ghi, fùusə ŋwə, mɔ̀ꞌ ŋwə taa shəŋ ŋkɨə faŋ ŋkə fəŋ laa shiŋ, ŋwə kɨ gwia fɨ fuŋ, ndɔ kwə gɨꞌ ghi.

Matiu 25:20

Wə ntɨə faŋ ŋwə nə fì vəmalia tee nə, jwì nə mbə, baa kɔ̀ vəmalia vəmɔ́ꞌ tee, gì laa, «Tɨta, a nə kɔ̀ vəmalia shee tee, mə bèꞌlə, sèy vəmalia tee fuŋ.»

Matiu 26:31

Faŋ vəŋ nəə toꞌ nɨniŋ, Yeso gi tɨ́ vɨɨ məzwetə nu ki laa, «Viŋ vənshə taa suꞌtə ghuu ghiŋ fɨ yiba jɨŋ mə sheꞌ vətuꞌ ndee, sheꞌ faŋ vɨ nə nyɔ̀ꞌ taa ŋwaꞌlə Nwi laa, Nwi taa zwi nshii bisə, bisə sɔ́ saykə.

Matiu 5:22

Luu nə, mə gì ŋkaŋ tɨ́ viŋ laa, «Fwi wə kɨ luu shə̀ maa weenshu wi, ŋwə ŋìi nsɔꞌ. Wə ntɨə faŋ ŋwə gì tɨ́ weenshu wi laa ŋwə lùu wuu dayday, ndɔ ŋii taa nsɔꞌ yiweꞌ. Wə ntɨə faŋ ŋwə gì tɨ́ weenshu wi laa ŋwə luu mfaw, ŋìi nsɔꞌ Nwi, vɨ mɔꞌ ŋwə taa wi.

Matiu 5:29

Kɨ luu yisɨ yə, njyə kwiŋ maꞌ, yɨsə a yɨ nu bwə, bàw a kɨlə, fùusə mèꞌ. Ŋkə bàw laa way shəŋ fɨ maa ghɔ ndi, fɨ ghɔ vɨ shaꞌ ŋwaa wə nshə, mɔ̀ꞌ taa wi.

Mark 9:43

Yeso baa gì tɨ́ vəŋ laa, «Viŋ zɔ! Kɨ ghaŋ ghɔ kə yɨsə laa a yɨ nu bwə, shia, bàꞌsə, buꞌ laa ŋkə bàw laa a ndɔ ŋìi məbwey vəlwaŋ nə kwiŋ muꞌ, fɨ ghɔ a kii kwiŋ bɔɔ, ndɔ̀ ŋìi taa shəŋ vəŋku vənsisə vəbwəvə taa wi faŋ ŋwə kee yaa kɨ ndɨɨnə me,

Lukas 12:5

Mə taa tɨ viŋ nə wə ntɨə faŋ kaꞌ viŋ kɨ fee. Bàw viŋ kɨ fee Nwi, faŋ kaꞌ ŋwə zwì wə, baa kìi wutə maa məkwaŋ ŋwə taa wisə bwənə. Yinsəŋ, mə gì tɨ́ viŋ laa viŋ kɨ fee Nwi.

Lukas 17:2

Ŋkə nə bàw tɨ́ ŋwə laa vɨ ndi yiti bee, gày me ŋwə, mɔ̀ꞌ ŋwə ŋkee taa mamuu, shɔ̀ɔ fɨ ghɔ vɨ meꞌtə ŋwə, ŋwə gə mɔŋ sheꞌ wuu tɨtiꞌ muꞌ, yɨsə laa ŋwə yɨ nu bwə.

Roma 9:33

Maa ŋkə lùu taa ŋwaꞌlə Nwi laa, «Viŋ zɔ! Mə taa nuŋsə ŋoꞌ shɨ Zayon, faŋ vɨɨ taa kɨ tumə ghuu vəŋ shɔ, ŋkee nsi yighɔsə faŋ vəŋ taa kɨ gukə shɔ. Luu nə, wə ntɨə faŋ ŋwə nùŋ fwi yi maa ŋwə, kaꞌ tɔ ki kee ndɔ dɨɨ me.»

1 Kɔrintian 8:13

Nɨniŋ, mə naysə tɨ́ viŋ laa, mə kɨ luu kɨ ye laa fazɨ ŋkɨə faŋ mə zɨ ŋkə, laa ŋkə lùu nu bwə tɨ́ weenshu ŋwaa, buu mə taa meꞌtə fazɨ kɔ́ yighee muꞌ, kee baa kɨ zɨ me, tɨ́ kaꞌ mə kee yɨ laa weenshu ŋwaa gu nu me.

Galatia 5:11

Gə fɨ maa mə, vaŋ-nshwi vaŋ, ŋkə lùu kəley laa mə kee baa fɨꞌtə nu Nwi, gisə laa vɨ sɨɨtə wə ntɨə faŋ ŋwə bìŋ Kristo me. Ŋkə nii toꞌ lùu nɨniŋ, buu vɨɨ kee kɨ kəə mə nə nsɔꞌ me, faŋ vəŋ yɨsə ndwə nə. Nu ŋkɨə faŋ ŋkə yaa kɨ bɨ tɨ́ vɨɨ, lùu faŋ mə fɨꞌtə kɔ̀ŋ yiku Yeso fuu fəŋkɔꞌ fə ŋkɨꞌsə, faŋ ŋwə nə kù tɔ nsiŋ nə, kee naysə laa vɨ sɨɨtə vɨɨ me. Mə nəə toꞌ kɨ naysə laa vɨ sɨɨtə vɨɨ, buu vɨ kee baa kɨ kɔ ŋɨꞌ shee buꞌ fəŋkɔꞌ fə ŋkɨꞌsə fɔ́ me.

1 Pita 2:8

Nɨniŋ, nyə baa gù ŋoꞌ faŋ vɨɨ mətwey nu Nwi tumə ghuu shɔ, yighɔsə faŋ nyə taa yɨsə laa vɨɨ kɨ gukə shɔ. Vəŋ tumə ghuu vəŋ shɔ, buꞌ laa vəŋ twèy nu Nwi. Lùu nu ŋkɨə faŋ Nwi nə nùŋ tɨ́ vəŋ.