Matiu 5:3 - Vengo (Babungo)

³ «Mənɔŋ-bwaŋnə tɨ́ vɨɨ mbɨə faŋ vəŋ dùꞌ yaa mbəəsə vɨsɨ Nwi (faŋ vəŋ kɨꞌ vənu vənshə sheꞌ fɨ ghɔ Nwi,) fɔnə nu yifwàŋ yizɔ lùu tɨ́ vəŋ.

Matiu 5:3 ပူးပေါင်းရင်းမြစ်များ

Matiu 11:25

Kɨ lùu sheꞌ maa yighee yɔ́, Yeso tey kɨ shɔꞌtə Nwi laa, «Mə kɨ bəŋsə ghɔ, tɨta Nwi, faŋ a sɔꞌ yizɔ ghɔ nsi, buꞌ laa a ndɨ̀ə ntɔŋ yijəə yə fɨ ghɔ vɨɨ tɔ ley nə vəŋkaŋ-sɨ, bee kii kɔ̀ tɨ́ vɨɨ nshi.

Matiu 11:6

Mənɔŋ-bwaŋnə tɨ́ wə ntɨə faŋ ŋwə kee tùŋ ghuu ki maa mə me.»

Matiu 13:16

Gə fɨ maa viŋ, mənɔŋ-bwaŋnə tɔ viŋ buꞌ sɨ ghiŋ, buꞌ faŋ sɨ ghiŋ yɨyenə. Mənɔŋ-bwaŋnə tɔ viŋ buꞌ tuulə ghiŋ, buꞌ faŋ tuulə ghiŋ zɨzɔnə.

Matiu 19:14

Yeso gi laa, «Viŋ meꞌtə vaŋmbwaa jwi yɨ mə. Kɨ viŋ fəŋ vəŋ me, fɔnə nu yifwàŋ yizɔ lùu tɨ́ kəŋ vɨɨ vɔ́.»

Matiu 24:46

Mənɔŋ-bwaŋnə tɔ wuu faꞌ ŋgwə faŋ tɨɨ faꞌ wi kɨ jwi, ŋwə nə yɨ̀ nɨniŋ.

Matiu 25:34

Ŋwə kɨ nii gì tɨ́ vɨɨ mbɨə faŋ vəŋ lùu maa kwiŋ maꞌnə wi laa, «Viŋ jwi feenə! Viŋ lùu vɨɨ mənɔŋ-bwaŋnə Tii ŋwaa, zɨ nu yifwàŋ yizɔ, faŋ Nwi nə nùŋsə tɨ́ viŋ shù fɨ maa vənzi, faŋ Nwi nə bɔ̀ŋ mbi nə.

Matiu 3:2

gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 8:11

Mə baa luu naysə tɨ́ viŋ laa vɨɨ vəyaŋ ndɔ ndɔ̀ fɨ ntɔŋ-shɨshwi, nə fɨ mfiŋ-shɨshwi, jwì nɔ̀ŋ nsi ghɔ vətɨɨ vaŋ-nsiŋ Abraham nə Isak nə Jeykob maa yighee njyə faŋ nu yifwàŋ yizɔ ndɔ jwi, kɨ zɨ vətɔ.

Mark 10:14

Yeso ye, ŋkə bɨ tɨ́ ŋwə. Ŋwə gi tɨ́ vɨɨ məzwetə nu ki laa, «Viŋ biŋ vaŋmbwaa kɨ jwi yɨ mə! Kɨ viŋ baa fəŋ vəŋ me! Viŋ kɔꞌ kɨɨ laa vɨɨ mbɨə faŋ vəŋ ndɔ zɨ nu yifwàŋ Nwi, lùu vɨɨ faŋ vəŋ lùu yaa vaŋmbwaa və̀.

Lukas 11:28

Ŋwə gi ŋkii laa, «Bey, mənɔŋ-bwaŋnə tɔ vɨɨ mbɨə faŋ vəŋ zɔ nu Nwi jia!»

Lukas 18:14

Mə naysə tɨ́ viŋ laa wuu məsa vətɔ ghɔ́ nə siꞌ gə̀ taa ŋii ŋwə, vənu vi loomə vɨsɨ Nwi. Nu wuu Farisii kee lòomə me. Lùu nɨniŋ buꞌ laa wə tɨ̀ me wə faŋ ŋwə koꞌsə ŋwaa wi yizɔ, vɨ taa suꞌsə ŋwə nsi. Gə fɨ maa wə ntɨə faŋ ŋwə suꞌsə ŋwaa wi nsi, vɨ ndɔ koꞌsə ŋwə yizɔ.»

Lukas 22:29

Nɨniŋ, mə taa kɔ wutə məsɔꞌ vɨɨ tɨ́ viŋ, sheꞌ faŋ Tii ŋwaa fɨ yizɔ nə kɔ̀ tɨ́ mə.

Lukas 22:30

Viŋ ndɔ zɨ maa shəŋ ŋkɨə faŋ mə zɨ shɔ taa yifwàŋ Nwi, ndɔ duꞌ fuu vəkenə, kɨ sɔꞌ məshɨ mə Isirayl njɔsə-bɔɔ nə.»

Lukas 4:18

«Zwitə Nwi maa mə, buꞌ laa ŋwə nə yòꞌ mə nə məŋgwə, laa mə kɨ fɨꞌtə ntɔŋ yijəə tɨ́ vɨɨ ŋɨꞌ. Ŋwə nə baa tɔ̀ŋ mə laa mə kɨ fɨꞌtə tɨ́ vəbuꞌ və yighaw, laa vəŋ kuunə nə ŋwaa vəŋ, baa nə laa mə gì tɨ́ vɨɨ sɨ fɨsə, laa vəŋ yenə, baa nə laa mə fuusə vɨɨ faŋ vɨ nəə fiitə vəŋ nsi, laa vəŋ gə duꞌ tɔ vəŋ,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:29

Yeso gi tɨ́ ŋwə laa, «A bìŋ mə, buꞌ laa a ye mə nə yisɨ yə. Mənɔŋ-bwaŋnə ndɔ luu tɔ vɨɨ mbɨə faŋ vəŋ kee yè vənu və̀ nə sɨ me, biŋ vənu vɔ́.»

Jeyms 1:10

Wə faŋ luu mfuꞌ, bàw laa ŋwə kɨ ŋaytə buꞌ faŋ Nwi sùꞌsə ŋwə nsi, kɨ kɨɨ laa ŋwə ndɔ yɔŋ yaa baybay, ndì.

Jeyms 1:12

Məŋaytə lùu tɨ́ wə ntɨə faŋ ŋwə jìa fwi yi wèꞌ maa yighee njyə faŋ məmɔŋ jwì maa ŋwə. Bàw ŋwə ŋaytə buꞌ laa vəkeynə vi ndɔ lùu məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ mbɨə faŋ vəŋ kaw Nwi.

Jeyms 2:5

Viŋ zɔ, vaŋ-nshwi vaŋ faŋ mə kàw viŋ, Nwi shòꞌ luu mbəəsə fɨ mbi, ndì vəŋ laa vəŋ nuŋsə fwisə vəŋ maa Kristo, ndɔ̀ zɨ̀ nu yifwàŋ Nwi, faŋ Nwi nə kɔ̀ꞌnə maa məkɔ tɨ́ vɨɨ mbɨə faŋ vəŋ kàw ŋwə. Nɨniŋ, luu vəŋ luu mfuꞌsə yinsəŋ.

Reveleyshən 19:9

Nshiiŋii Nwi yɔ́ gi tɨ́ mə laa mə nyɔꞌ laa, «Mənɔŋ-bwaŋnə lùu tɨ́ vɨɨ mbɨə faŋ Nwi tii vəŋ maa yitianə wee-bi-njɨɨ yɔ́,» baa kɨ gì laa, «Luu ŋkee yigisə Nwi yinsəŋ nə.»

Reveleyshən 22:14

Mənɔŋ-bwaŋnə tɨ́ vɨɨ mbɨə faŋ vəŋ sɔ̀ njwisə vəŋ, nsə ley, tɨ́ kaꞌ vəŋ kìi wutə maa məkwə fɨ maa vətaŋ tɨ və məbwey, baa nə maa məshɔɔ fɨ shuu ŋkɔꞌ, ŋìi taa shɨ yɔ́.

Reveleyshən 3:17

A gisə laa a lùu tɨɨ ka, baa gù mfuꞌ, kee bəə fa me. A kee bee kɨɨ laa a lùu mbəə faŋ ŋwə bə̀ə gəŋsə nə mənɔŋ-bwaŋnə Nwi me. A luu wuu sɨ fɨsə, baa lùu nə ntɨŋ.