Matiu 5:22 - Vengo (Babungo)

²² Luu nə, mə gì ŋkaŋ tɨ́ viŋ laa, «Fwi wə kɨ luu shə̀ maa weenshu wi, ŋwə ŋìi nsɔꞌ. Wə ntɨə faŋ ŋwə gì tɨ́ weenshu wi laa ŋwə lùu wuu dayday, ndɔ ŋii taa nsɔꞌ yiweꞌ. Wə ntɨə faŋ ŋwə gì tɨ́ weenshu wi laa ŋwə luu mfaw, ŋìi nsɔꞌ Nwi, vɨ mɔꞌ ŋwə taa wi.

Matiu 5:22 ပူးပေါင်းရင်းမြစ်များ

Matiu 10:17

Viŋ kɨ ndɨɨnə fɨ ghɔ vɨɨ taa mbi, buꞌ laa vəŋ ndɔ kɔ viŋ taa ghɔ vɨɨ məshia nsɔꞌ, baa sàŋ viŋ nə vəmfa taa ndɔꞌ Nwi vəŋ.

Matiu 10:28

Kɨ viŋ kɨ fee vɨɨ mbɨə faŋ kaꞌ vəŋ zwìlə yiŋwaa yiŋ, kee kɨɨ zwi zwitə kiŋ me. Viŋ fee sheꞌ Nwi faŋ kaꞌ ŋwə zwì zwitə kiŋ nə ŋwaa wiŋ maa shəŋ vəŋku və nsisə vəbwəvə taa wi.

Matiu 12:24

Vɨɨ Farisii zɔ, gì ŋkə-vəŋ laa, «Wə ŋwə̀ fuusə vəzwitə vəbwəvə nə wutə tɨɨ vəzwitə vəbwəvə.»

Matiu 17:5

Faŋ ŋwə nəə kɨ bii gisə, mbɔꞌ yiley yimɔ́ꞌ jwi shìtə vəŋ, gɨ Nwi fuu fɨ taa mbɔꞌ yɔ́, gì laa, «Lùu ŋwiŋ ŋwaa nə, faŋ mə kàw. Ŋwə bàw shee nɨzi. Viŋ kɨ zɔnə ŋwə!»

Matiu 18:21

Yiŋkii kɨ shɔɔ, Pita jwi yɨ Yeso, bìtə tɨ́ ŋwə laa, «Tɨta, mə kəə bitə nu tɨ́ ghɔ. Weenshu ŋwaa kɨ luu gù vənu maa mə, mə ndenə ghee səꞌ? Mə nə ndenə nu bwə ki ghee kwatia, ŋkə kuꞌnə mu?»

Matiu 18:35

Luu sheꞌ faŋ Tii ŋwaa fɨ yizɔ ndɔ yɨ maa viŋ nɨzi, faŋ viŋ kee ndènə yibɨsə vaŋ-nshwi viŋ fɨ taa fwisə viŋ me.»

Matiu 23:15

Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii; viŋ toꞌ gə̀ maa vəshəŋ vənshə, shɔɔ fɨ fuu mamuu nə fɨ fuu nsi yinshə laa viŋ kiasə wə muꞌ, ŋwə gu wuu məbiŋ Nwi wiŋ. Luu nə, yighee njyə faŋ ŋwə kìasə nɨniŋ, viŋ yɨ̀sə ŋwə gù wuu bwə, shɔ̀ɔ viŋ taa nu bwə ghee bɔɔ, ndɔ ŋii taa shəŋ vəŋku və nsisə vəbwəvə taa wi.

Matiu 23:33

Aŋ viŋ, zɔsə nə vaŋ-zɔsə vəshay, viŋ sii taa nyɨŋ nsɔꞌ Nwi kɨkə, laa kɨ vɨ kee mɔꞌ viŋ taa shəŋ vəŋku və nsisə vəbwəvə taa wi me?»

Matiu 25:41

Ŋwə taa kɨ nii gì tɨ́ vɨɨ mbɨə faŋ vəŋ lùu kwiŋ ŋkwii laa, «Viŋ ndɔ fɨ yɨ mə, vɨɨ ndwaŋ, gə̀ ŋìi taa wi faŋ ŋwə gòꞌsə yighee muꞌ, faŋ vɨ lòotə tɨ́ tɨɨ vəzwitə vəbwəvə ghɔ vɨ nshiisə-ŋiisə si.

Matiu 26:59

Vɨɨ kwalə məfeꞌ Nwi ghɔ vɨ vɨɨ məshia nsɔꞌ vənshə kəə vɨɨ faŋ vəŋ taa biŋ mbee tɔ Yeso, tɨ́ kaꞌ vɨ mɔꞌ nsɔꞌ tɔ Yeso, zwì ŋwə.

Matiu 3:17

Gɨ Nwi gi fɨ taa yizɔ laa, «Lùu ŋwiŋ ŋwaa nə faŋ mə kàw. Ŋwə baw shee.»

Matiu 5:34

Luu nə, mə gì ŋkaŋ tɨ́ viŋ laa, «Kɨ viŋ lɨꞌtə tuu yighee muꞌ me. Kɨ viŋ lɨꞌtə yizɔ me, buꞌ laa lùu ŋkaw Nwi, faŋ Nwi dùꞌ shɔ, kɨ sɔꞌ mbi.

Matiu 5:44

Luu nə, mə gì ŋkaŋ tɨ́ viŋ laa, «Viŋ kɨ kaw vɨɨ mbeenə viŋ, buꞌ ghɔ tɨ́ Nwi tɔ vɨɨ faŋ vəŋ shoꞌ ghuu ghiŋ.

Mark 14:55

Vɨɨ kwalə məfeꞌ Nwi nə vɨɨ mbɨə faŋ vəŋ yaa kɨ shia nsɔꞌ vənshə kəə vɨɨ tɨ́ kaꞌ vəŋ gì nu faŋ Yeso nə yɨ̀sə kəbwə, yuu vəŋ zwi ŋwə, kee ye me.

Mark 15:1

Fu kɨ lee ŋkee taa nshia-ndoo-mbisɨ, vɨɨ kwalə məfeꞌ Nwi nə vɨɨ taa fɨ taa ŋii Nwi nə vɨɨ mədeesə ŋwaꞌlə Nwi, ghɔ vɨ vɨɨ məshia nsɔꞌ vənshə, faynə shəŋ muꞌ, kà nu kɔ́, kɨ nii kà Yeso, gə̀ nə ŋwə, gə̀ kɔ̀ tɨ́ goməna Pilate maa nsɔꞌ.

Lukas 12:5

Mə taa tɨ viŋ nə wə ntɨə faŋ kaꞌ viŋ kɨ fee. Bàw viŋ kɨ fee Nwi, faŋ kaꞌ ŋwə zwì wə, baa kìi wutə maa məkwaŋ ŋwə taa wisə bwənə. Yinsəŋ, mə gì tɨ́ viŋ laa viŋ kɨ fee Nwi.

Lukas 22:66

Fu kɨ lee, vəshɨꞌ fɨ taa shɨ, ghɔ vɨ vɨɨ kwalə məfeꞌ Nwi, nə vɨɨ mədeesə ŋwaꞌlə Nwi, baytə shəŋ muꞌ, gì vɨ jwi nə Yeso taa ŋii məshia nsɔꞌ vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:47

Vɨɨ məfeꞌ Nwi nə vɨɨ Farisii faynə taa ŋii məshia nsɔꞌsə, gì laa, «Nsiŋ yɨ kɨkə nə wə ŋwə̀ faŋ ŋwə yɨsə vəshwenə və shuu yɔŋvə vəyaŋ nee nə?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:25

Ŋkə gày nɨniŋ maa məfaynə nə nu ŋkɨə faŋ vɨ nə nyɔ̀ꞌ taa ŋwaꞌlə Nwi laa, «Mə kee kɔlə gù nu me, vɨ bèe mə day.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:20

Vɨɨ vɔ́ bəŋsə tɨ́ ŋwə laa, «Zwitə bwə taa fwi ghɔ, sii kəə zwi ndə zwi ghɔ?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:48

Vɨɨ kwalə vɨɨ Jus vɔ́ bitə tɨ́ Yeso laa, «Maa yia gì nu bɔŋsə laa a lùu wuu Samaria, baa nə laa zwitə bwə lùu taa ŋwaa ghɔ.»

Akts 17:18

Vɨɨ mɔ́ꞌ faŋ nə luu vɨɨ məkəə ŋiꞌ mbi, faŋ vɨ tii vəŋ nə vɨɨ Epikurian nə vɨɨ Stoik, zɔ yigisə Pɔɔl nɨzi. Vɨɨ mɔ́ꞌ gi laa, «Wuu shuu yaŋ ŋwə̀ sii taa bee gi kə?» Vɨɨ mɔ́ꞌ gi laa ŋwə kəꞌ yaa wə faŋ ŋwə fɨꞌtə nu vənwi və tɔmə day. Vəŋ nə gì nɨniŋ, buꞌ laa Pɔɔl nəə fɨꞌtə nu Yeso nə nu məywey fɨ shɨ yiku.

Akts 22:30

Tɨɨ vəsogeꞌ kwalə ghɔ́ nəə kəə kɨɨ nə nu ŋkɨə faŋ vɨɨ Jus nəə kəə fɨ yiba Pɔɔl, fu kɨ lee ŋwə keꞌtə mfiŋ fɨ fəŋ Pɔɔl, tìi vɨɨ kwalə məfeꞌ Nwi nə vəshɨꞌ və vɨɨ Jus vənshə maa məshəŋtə, kɨ nii ndì Pɔɔl, yɨ̀sə ŋwə tɨŋnə nɨntəŋ ŋwaa vəŋ.

Akts 23:1

Pɔɔl tɨŋnə, ndèynə vəshɨꞌ vɔ́, gì laa, «Vaŋ-nshwi vaŋ, mə nəə toꞌ yitoꞌ nyaa yiley vɨsɨ Nwi ghee nshə, jwi kɔ tɔ və-ndee.»

Akts 24:20

Gə fɨ maa vɨɨ və̀ faŋ vəŋ lùu feenə nə, bàw vəŋ naysə nu bwə ŋkɨə faŋ mə nə gù, faŋ mə yaa tɨŋ vɨsɨ vəŋ taa ŋii nsɔꞌsə vəŋ.

Akts 4:15

Vəŋ gi Pita ghɔ Jɔn fuu fɨ taa ŋii nsɔꞌ, goꞌ sheꞌ vəŋ vəŋ, kɨ gisə.

Akts 5:21

Vəŋ zɔ nɨniŋ, kɨ luu leefu, vəŋ gə taa ŋii Nwi yikwalə, kɨ deesə nu Nwi shɔ. Wuu kwalə məfeꞌ Nwi nə vɨɨ vi tii vɨɨ taanə nə vəshɨꞌ vənshə maa nshəŋtə yikwalə vɨɨ Isirayl, tɔŋ ntɔŋ laa vɨ jwi nə vɨɨ ntɔŋ Yeso vɔ́ vɨsɨ vəŋ.

Akts 5:27

Vəŋ jwi nə vəŋ, nùŋsə vəŋ taa ŋii məshia nsɔꞌ, wuu kwalə məfeꞌ Nwi gi tɨ́ vəŋ laa,

Akts 6:12

Nɨniŋ, vəŋ jwi nə ntwaŋnə, bùulə tɔ vɨɨ vəyaŋ, nə vɨɨ taanə nə vɨɨ mədeesə ŋwaꞌlə Nwi, ghɔ vɨ vəŋ shɔɔ jwì maa Stefen, jìa ŋwə, shɔ̀ɔ gə̀ nə ŋwə vɨsɨ vɨɨ məshia nsɔꞌ,

Akts 6:15

Vɨɨ məshia nsɔꞌ vənshə shaꞌsə sɨ vəŋ, ndèynə Stefen, ye laa yikəꞌ yi lùu yaa yikəꞌ nshiiŋii Nwi.

Akts 7:37

Mose ghɔ́ baa lùu wə ntɨə faŋ ŋwə nə gì tɨ́ vɨɨ Isirayl laa Nwi ndɔ baa shoꞌ nshiiŋii-sɔghɔ mɔ́ꞌ fɨ taa ŋwaa vəŋ, sheꞌ faŋ ŋwə nə shòꞌ Mose nə.

Roma 12:10

Faŋ viŋ lùu vaŋ-nshwi nə, viŋ kɨ kawnə yiŋwaa yiŋ nə fwi yijəə, kɔ feenə tɨ́ vaŋ-nshwi viŋ shɔ̀ɔ faŋ vəŋ kɔ̀ tɨ́ viŋ.

1 Kɔrintian 6:10

nə vɨɨ faŋ vəŋ shɨshaw, nə vɨɨ vəŋwiŋ, nə vɨɨ faŋ vəŋ nu məluꞌ, mbə shɔɔ sɨ vəŋ, nə vɨɨ faŋ vəŋ toꞌ ndasə vɨɨ, nə vɨɨ faŋ vəŋ si vətɔ və vɨɨ, kəŋ vɨɨ vɔ́ vənshə, faŋ vəŋ yɨsə vənu vəbwəvə vɔ́ nə, kee ndɔ ŋii taa nu yifwàŋ Nwi me.

1 Kɔrintian 6:6

Ŋkə kee kùꞌnə laa wuu Nwi ndɨ weenshu wi wuu Nwi, ghɔ ŋwə gə nə nsɔꞌ vəŋ taa ŋii nsɔꞌsə, faŋ sɔꞌ vɨɨ faŋ kee lùu vɨɨ Nwi me, nə vɨɨ faŋ vəŋ kee bìŋ nu Nwi me.

1 Tesalonika 4:6

Baa nə laa kɨ wə yɨ nu bwə maa weenshu wi me, kee kɨ fuŋsə ŋwə maa nu me, buꞌ laa tɨta Nwi bəŋsə vənu vəbwəvə vɔ́ vənshə tɨ́ vɨɨ, kwaŋ nsɔꞌ tɔ vəŋ, sheꞌ faŋ yia nə duꞌtə yia naysə tɨ́ viŋ, baa tɨsə viŋ shɔ nə.

Taytəs 3:2

Kɨ vəŋ kɨ ndasə vɨɨ me, kee kəə nsɔꞌ me, yɨsə vənu vənshə maa jɨɨ yijəə, duꞌ bwaŋnə ghɔ vɨ vɨɨ vənshə.

Hibru 12:25

Nɨniŋ, viŋ kɨ ndɨɨnə laa kɨ viŋ twey Nwi faŋ ŋwə gì tɨ́ viŋ nə me. Viŋ lumə vɨɨ Isirayl fɨ ywaŋ-vɨsɨ, vəŋ nə twèy Nwi faŋ vəŋ nə zɔ̀ yigisə Nwi fɨ shuu wə taa mbi nyə̀. Luu nə, nsɔꞌ Nwi jia vəŋ, vəŋ kee kìi jɨɨ mənyɨŋ me. Gə fɨ maa nsiŋ, nsiŋ zɔ yigisə Nwi fɨ shuu wə faŋ ŋwə nə ndɔ̀ fɨ yizɔ. Nsiŋ kɨ luu kɨ twey yigisə yi, buu kaꞌ nsiŋ taa nyɨŋ kɨkə, faŋ vɨɨ vɔ́ nə kee bee yinyɨŋ nə me.

Hibru 5:9

Faŋ ŋwə nə mètə faꞌ wi nshə, ŋwə gù wuu məgaŋtə vɨɨ vənshə faŋ vəŋ zɔnə ŋwə, laa vəŋ ndɔ zɨ məbwey vəlwaŋ faŋ ŋwə gòꞌsə yighee muꞌ.

Jeyms 2:20

A luu mfaw, bàw a kɨɨ laa, wə kɨ luu biŋ Nwi, kee kɨ yɨsə nu ŋkɨə faŋ Nwi gì me, buu lùu nu dayday.

Jeyms 3:6

Nditə wə faŋ ŋkə lùu yaa bey wi nə, lùu shəŋ ŋkɨə faŋ vənu vəbwəvə vənshə faynə shɔ. Nu bwə yaa kɨ saynə fɨ fuŋ, ŋii taa ŋwaa wə, bɨsə wə ghɔ́ nshə. Nditə yaa kɨ shuꞌ wi faŋ kaꞌ ŋwə twàŋ nshinə wə ghɔ́, zì fɨ maa shi məbi ki, zìꞌ maa shi yiku. Wisə ghɔ́ ndɔ fɨ ghɔ tɨɨ vəzwitə vəbwəvə Satan.

1 Pita 2:23

Vɨɨ nə ndàsə ŋwə, ŋwə kee bə̀ŋsə ndisə sɔ́ maa vəŋ me. Vɨ kwaŋ ŋwə taa ŋɨꞌ, ŋwə ye ŋɨꞌ, kee fèsə wə me, nùŋ ŋkitə yi sheꞌ taa ghɔ Nwi, faŋ ŋwə sɔꞌ nsɔꞌsə vɨɨ səloomə.

1 Pita 3:9

Kɨ luu wə yɨsə nu bwə maa viŋ, kɨ viŋ bəŋsə nə nu bwə me! Kɨ viŋ bəŋsə ndi maa ndi me! Viŋ kɨ tu sheꞌ mənɔŋ-bwaŋnə tɔ vɨɨ, buꞌ laa Nwi tii viŋ, laa viŋ kɨ yɨsə nɨniŋ, ndɔ zɨ məbwey vəlwaŋ nɨzi.

1 Jɔn 2:9

Wə ntɨə faŋ ŋwə gì laa yi lùu taa shɨshwi ley, baa bee weenshu wi, buu ŋwə kɨ bii taa mfiŋsə.

1 Jɔn 3:10

Nu ŋkɨə faŋ vɨ yaa kɨ kɨɨ nə vaŋ Nwi nə vaŋ Satan fuŋ, lùu laa, wə tɨ̀ me wə faŋ ŋwə kee yɨ nu loomə me, nə wə ntɨə faŋ ŋwə kee kàw weenshu wi me, kee ndɔ̀ fɨ ghɔ Nwi me.

1 Jɔn 5:16

Nɨniŋ, wə kɨ luu yè weenshu wi wuu Nwi, faŋ ŋwə yɨ nu bwə faŋ kɨ kaꞌ nu kɔ́ kee zwì fwi yi me, ŋwə ndwaŋ Nwi tɔ ŋwə, laa Nwi ndɔ kɔ məbwey vəlwaŋ tɨ́ ŋwə. Ŋkə yaa kɨ luu nɨniŋ tɨ́ vɨɨ mbɨə faŋ vəŋ yɨ nu bwə faŋ kaꞌ ŋkə kee zwì fwi vəŋ me. Viŋ kɔꞌ kɨɨ laa nu bwə mɔ́ꞌ lùu shɔ faŋ ŋkə yaa kɨ zwi fwi wə; kɨ mə kee gì laa wə ndwaŋ Nwi maa kəŋ nu bwə yiŋkii me.

Ŋwaꞌlə Jud 1:9

Ŋkee Maykel faŋ luu nshiiŋii taa mbuꞌ Nwi nə, nə kee ndà Satan, tɨɨ vəzwitə vəbwəvə me. Yighee njyə faŋ Maykel nə tày ghɔ Satan buꞌ nu ŋku ŋwaa ŋku Mose, Maykel nə kee kòꞌsə ŋwaa wi maa məgi yigi yibwənə maa məsɔꞌ Satan me. Ŋwə nə gì sheꞌ laa bàw Nwi bɔŋsə Satan.

Reveleyshən 20:14

kɨ nii mɔ̀ꞌ yiku ghɔ shɨ yiku taa shəŋ wi kwalə. Lùu məku faŋ wə ndɔ ku lwesə ghee bɔɔ taa shəŋ wi ghɔ́.