Matiu 5:20 - Vengo (Babungo)

²⁰ Viŋ zɔ! Mə naysə tɨ́ viŋ laa, viŋ kee kii ŋkawnə nə məzɔnə shɔ̀ɔ vɨɨ mədeesə ŋwaꞌlə Nwi ghɔ vɨ vɨɨ Farisii me, buu kaꞌ viŋ kee ndɔ ŋii nu yifwàŋ yizɔ me.»

Matiu 5:20 ပူးပေါင်းရင်းမြစ်များ

Matiu 16:12

Ŋwə nə gì tɨ́ vəŋ nɨniŋ, vəŋ kɨ nii yikɨɨ laa ŋwə nii kee gì laa vɨ shiinə yiŋwaa fɨ ghɔ fənsɨŋ me, luu nə, laa vəŋ kɨ shiinə yiŋwaa vəŋ buꞌ nu ŋkɨə faŋ vɨɨ Farisii nə vɨɨ Sadusii yaa kɨ deesə nə.

Matiu 18:5

Wə ntɨə faŋ ŋwə ndì wee yaa wee ŋwə̀, kɨ gaŋtə maa yizii nyaa, buu ŋwə gaŋtə luu mə.

Matiu 3:10

Viŋ zɔ! Vɨ duꞌtə vɨ nuŋsə njaŋ nsi ŋiꞌ vətɨ. Tɨ tɨ̀ me tɨ faŋ ŋkə kee kwàanə vətaŋ vəjəəvə me, vɨ taa gwia, twàŋ taa wi.»

Matiu 7:21

Kee ndɔ ŋii vɨɨ vənshə faŋ vəŋ tii mə laa, «Tɨta, tɨta,» ŋìi taa nu yifwàŋ yizɔ me. Ndɔ ŋii sheꞌ wə ntɨə faŋ ŋwə zɔnə ntɨsə Tii ŋwaa fɨ yizɔ.

Mark 10:15

Viŋ zɔ! Mə gì tɨ́ viŋ yinsəŋ laa, wə ntɨə faŋ ŋwə kee bìŋ nu yifwàŋ Nwi yaa weembwa wuubwa me, buu ŋwə kee ndɔ ŋii shɔ me.»

Mark 10:25

Ŋkə lùu kəyaysə tɨ́ nyaa yikwalə maa məshɔɔ fɨ maa ŋɔŋ tasə, fɨ ghɔ tɨɨ ka maa məŋii nu yifwàŋ Nwi.»

Lukas 11:44

Ndwaŋ tɔ viŋ! Viŋ lùu yaa təswi faŋ vɨ kee yishwenə me, faŋ vɨɨ toꞌ fɨ fuu yi, kee kɨɨ me.»

Lukas 12:1

Kɨ lùu maa yighee yɔ́, vɨɨ ŋkaŋsə ŋkaŋsə nə baytə shəŋ muꞌ, wə toꞌ fɨ fuu ŋwaa liŋ wi, wə toꞌ fɨ fuu ŋwaa liŋ wi. Yeso bɨ gì tɨ́ vɨɨ məzwetə nu ki laa, «Viŋ ndɨɨnə maa nu vɨɨ Farisii, faŋ vəŋ yaa kɨ boꞌ ŋwaa, buꞌ laa lùu nu faŋ kaꞌ ŋkə yasə saynə taa ŋwaa vɨɨ, sheꞌ faŋ fənsɨŋ yaa kɨ saynə taa bee, ŋkə mwa.

Lukas 18:17

Ŋwə nə baa gi laa, «Viŋ zɔ! Mə naysə ŋkee nu yinsəŋ tɨ́ viŋ laa, wə faŋ ŋwə kee nùŋ fwi yi maa nu yifwàŋ Nwi yaa weembwa me, buu kaꞌ ŋwə kee ndɔ ŋii shɔ me.»

2 Kɔrintian 3:9

Faŋ faꞌ ŋgwə faŋ ŋwə nə yɨ̀ vɨɨ gu nsɔꞌ Nwi nə, nə jwì nə məley nə, buu faꞌ ŋgwə faŋ ŋwə yɨ vɨɨ kiasə baa tɨ̀ŋnə jəə nə, bàw shɔ̀ɔ yiŋgwii ŋkee ghee yaŋ.

2 Kɔrintian 5:17

Nɨniŋ, wə kɨ luu kìi nu kəmuꞌ ghɔ Kristo, Nwi nàysə ŋwə, ŋwə gu fa fi, vənu vəmwavə vi ndì, gù vəfi.

Filipi 3:9

Mə kəə sheꞌ laa mə goꞌsə yia ŋwə. Mə kee baa lùu wuu ley buꞌ vənu mbɨə faŋ nəə yɨsə mə me, faŋ mə nəə beꞌsə ntɨsə vɨɨ Jus nə me. Mə lùu wuu ley buꞌ laa mə nùŋ fwi nyaa maa Kristo. Nwi ndɨ̀ wə yaa wuu ley buꞌ faŋ ŋwə nùŋ fwi yi maa Kristo.

Hibru 12:14

Viŋ kəə jɨɨsə maa məduꞌ nyɔŋ viŋ vɨ vɨɨ vənshə. Viŋ kɨ faꞌ nə wutə, tɨ́ kaꞌ viŋ kɨ shi nshinə faŋ lùu nshinə yiley vɨsɨ Nwi. Viŋ kɔꞌ kɨɨ laa kaꞌ wə kee ndɔ gə yè Nwi, maa kɨ shi nshinə yɔ́ me.

Reveleyshən 21:27

Tuu fa faŋ ŋkə kee lùu kəley me, kee ŋìi taa shɨ yɔ́ me, tɨꞌnə me wə faŋ ŋwə yɨsə vənu vəbwəvə, tɨꞌnə me sɨɨ təba me. Ndɔ ŋii sheꞌ vɨɨ mbɨə faŋ təzii təvəŋ lùu taa ŋwaꞌlə məbwey vəlwaŋ faŋ ŋwə lùu ghɔ bi-njɨɨ yɔ́ nə, ŋii taa shɨ yɔ́.