Matiu 5:18 - Vengo (Babungo)

¹⁸ Viŋ zɔ! Mə naysə nu yinsəŋ tɨ́ viŋ laa tuu ŋkee yisɨ ŋwaꞌlə yimuꞌ, tɨꞌnə me ŋkee wee-mbey, kee ndɔ ndi fɨ taa ŋwaꞌlə ntɨsə Nwi me, gə ziꞌ maa yighee njyə faŋ yizɔ ghɔ nsi ndɔ ndi. Vənu vɔ́ vənshə fɨ taa ŋwaꞌlə Nwi ndɔ gay ŋkəə.

Matiu 5:18 ပူးပေါင်းရင်းမြစ်များ

Matiu 10:15

Mə naysə nu yinsəŋ tɨ́ viŋ laa, nsɔꞌ njyə faŋ nyə ndɔ jia ntɨꞌ yɔ́, weꞌ shɔ̀ɔ njyə shɨ Sodom ghɔ shɨ Gomora maa shi məshia nsɔꞌsə ŋkə yiba.»

Matiu 10:23

Vɨ ndɔ kɨ shoꞌ ghuu ghiŋ fɨ taa ntɨꞌ yimɔ́ꞌ, viŋ nyɨŋ gə shəŋ day. Mə naysə nu yinsəŋ tɨ́ viŋ laa viŋ kee ndɔ kia shɨ Isirayl, mètə ntɨꞌsə sənshə me, buu Wuu yinsəŋ Nwi ndɔ bəŋ jwì me.

Matiu 10:42

Kɨ luu wə kɔ ndaw muu məyoonə tɨ́ wə faŋ ŋwə kee lùu nu me, buu wə ghɔ́ ndɔ kii vəkeynə vi maa yinsəŋ.»

Matiu 11:11

Mə naysə nu yinsəŋ tɨ́ viŋ laa, wə mɔ́ꞌ faŋ ŋwə kwàlə shɔ̀ɔ Jɔn, wuu məkɔ muu mə Nwi, kee ta lùu shɔ taa ŋwaa vɨɨ faŋ bì wəzwi me. Luu nə, ŋkee wuu tɨtiꞌ fɨ taa ŋwaa vɨɨ mbɨə faŋ vəŋ ndɔ ŋii taa nu yifwàŋ yizɔ, kwàlə shɔ̀ɔ ŋwə.

Matiu 13:17

Viŋ zɔ! Mə gi ŋkee nu yinsəŋ tɨ́ viŋ laa nshiisə-ŋii sɔghɔ vəyaŋ ghɔ vɨ vɨɨ mbɨə faŋ vənu vəvəŋ nə luu vəloomə, nə kìi fwi maa məye nu ŋkɨə faŋ viŋ ye, kee ye me, baa kìi fwi maa məzɔ nu ŋkɨə faŋ viŋ zɔ, kee zɔ me.»

Matiu 16:28

Viŋ zɔ! Mə naysə ŋkee nu yinsəŋ tɨ́ viŋ laa vɨɨ lùu shɔ taa ŋwaa vɨɨ və̀ faŋ vəŋ dùꞌ feenə nə, faŋ vəŋ kee ndɔ ku me, buu ye Wuu yinsəŋ Nwi faŋ ŋwə jwi nə nu yifwàŋ fɨ yizɔ.»

Matiu 17:20

Ŋwə gi tɨ́ vəŋ laa, «Luu buꞌ faŋ viŋ kee nùŋ fwi maa Nwi, wèꞌ shɔ me. Viŋ zɔ! Mə naysə tɨ́ viŋ yinsəŋ laa, viŋ nii toꞌ nùŋ fwi maa Nwi sheꞌ tɨtiꞌ, sheꞌ yaa mfɨꞌ ŋɨꞌ fulɨsɨgaa, buu kaꞌ viŋ gì tɨ́ baŋ nyə̀ laa nyə muꞌnə gə̀ maa shəŋ kɨkee, buu nyə taa ndɔ yɨ nɨniŋ. Sheꞌ nɨniŋ, kaꞌ nu kee baa ghɔ̀ꞌ viŋ me.

Matiu 18:18

Viŋ zɔ! Mə naysə tɨ́ viŋ yinsəŋ laa, «Nu ŋkɨə faŋ viŋ ka shɨ nsi, buu vɨ ndɔ ka ŋkə yizɔ nɨzi. Nu ŋkɨə faŋ viŋ zetə shɨ nsi, buu vɨ ndɔ zetə yizɔ nɨzi.»

Matiu 18:3

gì laa, «Viŋ zɔ! Mə naysə ŋkee nu yinsəŋ tɨ́ viŋ laa, viŋ kɨ luu kee kwìinə fwi siŋ, gù yaa vaŋmbwaa me, buu kaꞌ viŋ kee ndɔ ŋii nu yifwàŋ yizɔ me.

Matiu 19:23

Yeso baa kɨ nii gì tɨ́ vɨɨ məzwetə nu ki laa, «Viŋ zɔ! Mə naysə nu yinsəŋ tɨ́ viŋ laa, ŋkə ndɔ luu kəweꞌ tɨ́ tɨɨ ka maa məŋii nu yifwàŋ yizɔ,»

Matiu 19:28

Yeso gi tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa, yighee njyə faŋ Nwi ndɔ naysə mbi, nyə gu yifi, Wuu yinsəŋ Nwi ndɔ duꞌ fuu ŋkaw məsɔꞌ mbi. Gə fɨ maa viŋ faŋ viŋ bèꞌsə mə nə, viŋ ndɔ duꞌ fuu vəŋkaw və məsɔꞌ njɔsə-bɔɔ nɨzi, kɨ sɔꞌ ŋgwisə ŋiꞌ ŋii Isirayl njɔsə-bɔɔ nə.

Matiu 21:21

Yeso bəŋsə tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa, viŋ kɨ luu nùŋ fwi siŋ maa Nwi, kee kɨ kənə me, buu kaꞌ viŋ yɨsə kəŋ nu ghɔ́ faŋ ŋkə nii gày maa tɨ taŋ kə̀ nə nɨzi, baa kɨɨ maa məyɨ vənu vəkwalə vəmɔ́ꞌ nɨzi. Kaꞌ viŋ taa gi tɨ́ baŋ nyə̀ laa nyə muꞌnə, gə̀ fìŋ taa mamuu, buu ŋkə taa gay nɨniŋ.

Matiu 21:31

Wə ntɨə faŋ ŋwə zɔ yigisə tɨɨ vəŋ fɨ taa ŋwaa vɨɨ vɔ́ vəbɔɔ nə, lùu ŋgwəə?» Vəŋ laa lùu ŋgwə vɨsɨ. Yeso gi tɨ́ vəŋ laa, «Viŋ zɔ! Mə naysə nu yinsəŋ tɨ́ viŋ laa, vɨɨ məsa vətɔ nə vəsakə fi vɨsɨ fɨ ghɔ viŋ, ŋìi nu yifwàŋ Nwi.

Matiu 23:36

Mə naysə ŋkee nu yinsəŋ tɨ́ viŋ laa, vənu vɔ́ vənshə ndɔ koꞌ tɔ ŋgwisə yiŋ.

Matiu 24:2

Ŋwə bəŋsə tɨ́ vəŋ laa, «Viŋ ndèynə vətɔ vɔ́ vənshə mu? Viŋ zɔ! Mə naysə tɨ́ viŋ yinsəŋ laa, vɨ ndɔ sɔꞌ ŋii nyə̀ yinshə. Vɨ kee ndɔ meꞌtə tuu ŋkee ŋoꞌ yimuꞌ, nyə nɔŋ fuu liŋ wi me.»

Matiu 24:47

Mə naysə tɨ́ viŋ yinsəŋ laa tɨɨ faꞌ wi taa meꞌtə vətɔ vi vənshə tɨ́ wuu faꞌ ghɔ́, laa ŋwə kɨ ndeynə.

Matiu 25:12

Ŋwə bəŋsə tɨ́ vəŋ laa, «Mə nàysə tɨ́ viŋ yinsəŋ laa mə kee kɨ̀ɨ nə viŋ me.»

Matiu 25:40

Fwàŋ taa bəŋsə tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa, nu ŋkɨə faŋ viŋ nə yɨ̀ ŋkee maa wuu tɨtiꞌ fɨ taa ŋwaa vaŋ-nshwi vaŋ, viŋ yɨ̀sə lùu maa mə.»

Matiu 25:45

Ŋwə taa bəŋsə tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa, nu faŋ viŋ nə kee yɨ̀ maa ŋkee wuu tɨtiꞌ fɨ taa ŋwaa vɨɨ me, viŋ nə kee yɨ̀ maa mə me.»

Matiu 5:26

Mə naysə nu yinsəŋ tɨ́ ghɔ laa kaꞌ a kee ndɔ fuu fɨ fuŋ me, ziꞌ maa yighee njyə faŋ a mètə ndɔ̀ꞌ ka ghɔ́ nshə, tuu ŋkee fəlaŋ kee gòꞌ me.»

Matiu 6:16

«Viŋ kɨ luu kɨ baŋ fazɨ, kɨ viŋ kɨ kaŋ yikəꞌ yiŋ yaa vɨɨ məkoꞌsə ŋwaa me. Vəŋ kaŋ yikəꞌ vəŋ, tɨ́ kɨ kaꞌ vɨɨ kɨ ye, bə̀ŋsə vəŋ shɔ. Mə naysə ŋkee nu yinsəŋ tɨ́ viŋ laa vəkeynə vəŋ ndì nɨniŋ.

Matiu 6:2

Yighee njyə faŋ viŋ kɔ fa tɨ́ wuu ŋɨꞌ, kɨ viŋ kɨ taw yisaw yaa vɨɨ məkoꞌsə ŋwaa yaa kɨ yɨsə taa ndɔꞌ Nwi nə jɨɨsə laa vɨɨ kɨ bəŋsə vəŋ nə me. Mə naysə ŋkee nu yinsəŋ tɨ́ viŋ laa vəkeynə vəŋ ndì nɨniŋ.

Matiu 8:10

Yeso zɔ yigi yɔ́, shuu wi yɔŋ. Ŋwə gi tɨ́ vɨɨ mbɨə faŋ vəŋ nəə beꞌsə ŋwə laa, «Viŋ zɔ! Mə naysə nu yinsəŋ tɨ́ viŋ laa mə kee ta yè wə shɨ Isirayl faŋ ŋwə nùŋ fwi yi maa Nwi yaa wə ŋwə̀ me.

Mark 10:15

Viŋ zɔ! Mə gì tɨ́ viŋ yinsəŋ laa, wə ntɨə faŋ ŋwə kee bìŋ nu yifwàŋ Nwi yaa weembwa wuubwa me, buu ŋwə kee ndɔ ŋii shɔ me.»

Mark 10:29

Yeso bəŋsə tɨ́ ŋwə laa, «Mə naysə ŋkee nu yinsəŋ tɨ́ viŋ laa, kɨ luu wə meꞌtə ŋii yi, tɨꞌnə me vaŋ-nshwi vi vəndɔŋ nə mbə vəki, tɨꞌnə me nshu wi, tɨꞌnə me tii wi, tɨꞌnə me vaŋ vi, tɨꞌnə me ndɨɨ si buꞌ mə nə nu ntɔŋ yijəə Nwi,

Mark 11:23

Viŋ zɔ! Mə naysə tɨ́ viŋ laa, wə ntɨə faŋ ŋwə ye baŋ nyə̀, gì tɨ́ nyə laa, «Muꞌnə, gə̀ fìŋ taa mamuu,» kɨ gì nɨniŋ, kee kìi fwisə bɔɔ me, baa nùŋ fwi yi maa Nwi laa nu kɔ́ taa gay nɨniŋ, buu ŋkə taa gay faŋ ŋwə kəə.

Mark 12:43

Yeso ye, tìi vɨɨ məzwetə nu ki yɨ ŋwə, gì tɨ́ vəŋ laa, «Maa viŋ nii yè zu ŋku wì faŋ ŋwə luu mbəə nə. Viŋ zɔ! Mə gì tɨ́ viŋ yinsəŋ laa ŋwə mɔ̀ꞌ ka, ŋwə yaŋ shɔ̀ɔ ŋgwə vɨɨ vənshə faŋ vəŋ nii mɔ̀ꞌ ka taa ŋwaꞌ məmɔꞌ ka tɨ́ Nwi.

Mark 13:30

Viŋ zɔ! Mə gì tɨ́ viŋ laa, za vɨɨ və̀ kee ndɔ kukə mè me, buu vənu və̀ vənshə gay.

Mark 14:18

Vəŋ duꞌnə nsi, kɨ zɨ. Faŋ vəŋ nə dùꞌ, kɨ zɨ, Yeso gi laa, «Viŋ zɔ! Mə gì tɨ́ viŋ yinsəŋ laa wə mɔ́ꞌ fɨ taa ŋwaa viŋ taa fiŋ mə, wə mɔ́ꞌ faŋ nsiŋ vɨ vəŋ zɨ mɔ́ꞌ.»

Mark 14:25

Viŋ zɔ! Mə gì tɨ́ viŋ yinsəŋ laa, mə kee ndɔ baa nu məluꞌ me, ziꞌ tɨ́ shi ŋkɨə faŋ nu yifwàŋ Nwi ndɔ jwi. Mə ndɔ baa kii nu sheꞌ maa yighee yɔ́.»

Mark 14:30

Yeso gi tɨ́ ŋwə laa, «Mə gì tɨ́ ghɔ yinsəŋ laa, sheꞌ vətuꞌ ndee, ŋkɨꞌ taa kee taw ghee bɔɔ me, a twey mə ghee tia.»

Mark 14:9

Mə gì tɨ́ viŋ yinsəŋ laa, shəŋ tɨ̀ me shəŋ faŋ vɨ ndɔ kɨ fɨꞌtə ntɔŋ yijəə Nwi mbi, vɨ ndɔ fɨꞌtə nu ŋkɨə faŋ ŋwə yɨ̀sə nə nɨzi. Vɨ ndɔ lumə ŋwə tɨ́ nee.»

Mark 3:28

Yinsəŋ, mə gì tɨ́ viŋ laa, Nwi ndɔ ndènə kəŋ nu bwə tɨ̀ me kəŋ nu bwə faŋ vɨɨ nə yɨ̀sə. Vənu və ndisə vənshə faŋ vɨɨ ndàsə Nwi shɔ nə, Nwi ndɔ ndènə nu kɔ́.

Mark 6:11

Kɨ ghaŋ viŋ gə shəŋ, vɨɨ vɔ́ kee ndì viŋ jəə me, twèy maa məzɔ nu kiŋ, viŋ ndɔ fɨ fuŋ, tɔ̀ŋsə butə fɨ ghuu viŋ maa shwenə, (maa mədə tɨ́ vəŋ laa vəŋ shìa nu Nwi.)»

Mark 8:12

Yeso sɔŋ ŋkee fɨ taa njyoꞌ ŋwə, gì laa, «Ŋgwi nyə̀ sii kəə shwenə buꞌ kə? Mə gì tɨ́ viŋ yinsəŋ laa tuu kee shwenə vɨ ndɔ kee kɔ tɨ́ ŋgwi nyə̀ me.»

Mark 9:1

Ŋwə baa gì tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa vɨɨ mɔ́ꞌ faŋ vəŋ tɨ̀ŋ feenə, kee ndɔ kukə me, buu ye nu yifwàŋ Nwi fuu nə wutə Nwi.»

Mark 9:41

Yeso baa gì tɨ́ vəŋ laa, «Viŋ zɔ! Mə gì tɨ́ viŋ laa, wə ntɨə faŋ ŋwə kɔ̀ ndaw muu viŋ nu, buꞌ laa viŋ lùu vɨɨ vaŋ, buu kɨ kaꞌ vəkeynə və wə ghɔ́ kee ndɔ ndi me.

Lukas 11:51

zì faŋ vɨ nə zwi Abel, gə ziꞌ tɨ́ Zakaraya, faŋ vɨ nə zwì ŋwə nɨntəŋ ŋii Nwi yɨ shəŋ məkɔ Nwi. Maa yinsəŋ, mə naysə tɨ́ viŋ laa, vɨ ndɔ kwaŋ vɨɨ mbi ndee və̀ taa nsɔꞌ buꞌ vənu vɔ́.

Lukas 12:37

Mənɔŋ-bwaŋnə tɔ vɨɨ faꞌ mbɨə faŋ tɨɨ vəŋ kɨ bə̀ŋ, ye vəŋ nə yikɨꞌ. Yinsəŋ, mə naysə tɨ́ viŋ laa ŋwə taa lootə ŋwaa wi, yɨ̀sə vəŋ duꞌ shəŋ məzɨ, kɨ nii gàa fazɨ tɨ́ vəŋ.

Lukas 13:35

Viŋ zɔ! Vɨ ndɔ meꞌtə viŋ shɔ. Ŋii yiŋ ndɔ ndi. Viŋ zɔ! Mə baa naysə tɨ́ viŋ laa viŋ ndɔ kee baa ye mə me, ziꞌ tɨ́ yighee njyə faŋ viŋ ndɔ gi laa, «Mənɔŋ-bwaŋnə tɔ wə ntɨə faŋ ŋwə jɨjwi maa yizii tɨta Nwi.»

Lukas 16:17

Ŋkə lùu kəyaysə tɨ́ kaꞌ yizɔ ghɔ nsi ndì, fɨ ghɔ wee-mia ntɨ Nwi ndi.

Lukas 18:17

Ŋwə nə baa gi laa, «Viŋ zɔ! Mə naysə ŋkee nu yinsəŋ tɨ́ viŋ laa, wə faŋ ŋwə kee nùŋ fwi yi maa nu yifwàŋ Nwi yaa weembwa me, buu kaꞌ ŋwə kee ndɔ ŋii shɔ me.»

Lukas 18:29

Ŋwə gi tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa, wə tɨ̀ me wə faŋ ŋwə mèꞌtə ŋii yi, tɨꞌnə me zu wi, tɨꞌnə me vaŋ-nshwi vi, tɨꞌnə me vətɨɨ vi, tɨꞌnə me vaŋ vi, buꞌ nu yifwàŋ Nwi,

Lukas 23:43

Yeso gi tɨ́ ŋwə laa, «Yinsəŋ, mə naysə tɨ́ ghɔ laa, ŋkee ndee sɨ taa luu shəŋ yifwàŋ Nwi mɔ́ꞌ.»

Lukas 4:24

Luu nə, mə gì tɨ́ viŋ ŋkee yinsəŋ laa, vɨ kee yaa kɨ biŋ nshiiŋii-sɔghɔ ntɨꞌ ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:51

Yeso kɨ nii baa gì tɨ́ vəŋ laa, «Viŋ zɔ! Mə gì ŋkee nu yinsəŋ tɨ́ viŋ laa viŋ ndɔ ye faŋ yizɔ ŋaꞌnə, nshiisə-ŋiisə Nwi koꞌ baa siꞌ maa Wuu yinsəŋ Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:1

Yeso baa kɨ gì tɨ́ vəŋ laa, «Viŋ zɔ! Mə naysə ŋkee nu yinsəŋ tɨ́ viŋ laa, wə ntɨə faŋ ŋwə kee shɔ̀ɔ fɨ shuu ŋkɔꞌ bisə-njɨɨ, buu ŋii taa ŋkɔꞌ me, luu nə, koꞌ fɨ tɔ ŋkɔꞌ, ŋìi taa ŋkɔꞌ bisə yɔ́, buu wə ghɔ́ lùu ndɔꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:7

Nɨniŋ, Yeso baa kɨ gì tɨ́ vəŋ laa, «Viŋ zɔ! Mə gì tɨ́ viŋ yinsəŋ laa, mə lùu yaa shuu ŋkɔꞌ bisə ghɔ́.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:24

Viŋ zɔ! Mə naysə nu yinsəŋ tɨ́ viŋ buꞌ yisay. Mbuu yisay kee ŋìi taa shɔꞌ ku me, nyə goꞌ sheꞌ nɨniŋ. Luu nə, nyə fìŋ taa shɔꞌ ku, nyə nyɔ̀ꞌ, kɨ nii lùu yighee njyə faŋ nyə taa sɔꞌ kìi say yaŋ yaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:16

Viŋ zɔ! Mə gì tɨ́ viŋ yinsəŋ laa, buꞌ kee shɔ̀ɔ tii wi me, wuu ntɔŋ kee shɔ̀ɔ wə ntɨə faŋ ŋwə tɔ̀ŋ ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:38

Yeso gi tɨ́ ŋwə laa, «A kəə ku buꞌ mə lee? Mə naysə ŋkee nu yinsəŋ tɨ́ ghɔ laa, ŋkɨꞌ taa kee taw me, a twey ghee tia laa a kee kɨ̀ɨ nə mə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:12

Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə nùŋ fwi yi maa mə, taa kɨ yɨ vənu mbɨə faŋ mə yɨ nɨzi. Ŋwə taa kɨ yɨsə vənu faŋ mbə shɔ̀ɔ mbɨə faŋ mə yɨ̀, buꞌ faŋ mə gə yɨ Tii ŋwaa.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:20

Viŋ zɔ! Mə naysə tɨ́ viŋ yinsəŋ laa, viŋ ndɔ gwia, kɨ shɨŋsə. Luu nə, mbi kɨ ŋaytə. Viŋ kɨ lɨluŋ, luu nə, məluŋ wiŋ ndɔ kiasə gù məŋaytə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:23

Ndɔ luu maa shi kɔ́, viŋ kee baa bitə tuu nu shee me. Viŋ zɔ! Mə naysə tɨ́ viŋ yinsəŋ laa, fa tɨ̀ me fa faŋ viŋ taa ndwaŋ fɨ ghɔ Tii ŋwaa maa yizii nyaa, ŋwə taa kɔ tɨ́ viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:18

Zɔ mɔɔ! Mə naysə tɨ́ ghɔ yinsəŋ laa, yighee njyə faŋ a nəə kɨ bii weembwa, a nəə shuŋ kɔtə kə ŋgɨɨ-ghɔ, ndɔ gə shəŋ ŋkɨə faŋ a kàw. Luu nə, yighee njyə faŋ a ndɔ dwaŋ, a ndɔ nesə kwiŋ ghə, vɨ kɨ shuŋ kɔtə kə, ndi ghɔ, gə nə ghɔ shəŋ ŋkɨə faŋ a kee kaw gə̀ shɔ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:11

Ye mɔɔ, mə naysə tɨ́ ghɔ yinsəŋ laa, yia gisə vənu faŋ yia kɨ̀ɨ nə mbə, baa naysə vənu faŋ yia nə yè nə yisɨ. Luu nə, viŋ kee bìŋ yia me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:3

Yeso bəŋsə tɨ́ ŋwə, gì laa, «Ye mɔɔ, mə gì ŋkee nu yinsəŋ tɨ́ ghɔ laa, vɨ kee bi wə fi me, buu kaꞌ ŋwə kee ŋìi nu yifwàŋ Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:5

Yeso gi tɨ́ ŋwə laa, «Yinsəŋ, mə naysə tɨ́ ghɔ laa, vɨ kee bì wə nə muu mə Nwi nə Zwitə Ley Nwi me, buu kaꞌ ŋwə kee ŋìi nu yifwàŋ Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:19

Nə luu buꞌ nu kɔ́, Yeso gi tɨ́ vəŋ laa, «Viŋ zɔ! Mə gì tɨ́ viŋ yinsəŋ laa, kaꞌ Wee Nwi kee kɨ yɨ tuu nu maa wutə ki me. Ŋwə yɨ sheꞌ vənu mbɨə faŋ ŋwə ye laa Tii wi yɨsə, buꞌ laa nu ŋkɨə faŋ tɨta Nwi yɨ luu sheꞌ nu ŋkɨə faŋ ŋwiŋ wi yɨsə nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:26

Yeso bəŋsə tɨ́ vəŋ laa, «Yinsəŋ, mə naysə tɨ́ viŋ laa, nu ŋkɨə faŋ viŋ kəə mə shɔ, luu buꞌ laa viŋ sɨ zɨ̀ bee kì zwə̀kə, kee bee luu buꞌ nu shuu yɔŋ ŋkɨə faŋ viŋ sɨ ye fɨ ghɔ mə nə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:32

Yeso bəŋsə tɨ́ vəŋ laa, «Viŋ zɔ! Mə gì tɨ́ viŋ yinsəŋ laa, Nə kee kɔ̀ Mose kɔ̀ fazɨ ŋkɨə faŋ ŋkə ndɔ̀ fɨ yizɔ tɨ́ viŋ me. Ndɔ kɨ kɔ Tii ŋwaa kɔ ŋkee fazɨ yinsəŋ tɨ́ viŋ faŋ ŋkə ndɔ̀ fɨ yizɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:47

Viŋ zɔ! Mə gì tɨ́ viŋ yinsəŋ laa, wə ntɨə faŋ ŋwə nùŋ fwi yi maa mə, kii məbwey faŋ ŋwə kee yaa kɨ mè me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:53

Yeso gi tɨ́ vəŋ laa, «Viŋ zɔ! Mə gì tɨ́ viŋ yinsəŋ laa, viŋ kɨ luu kee kɨ kwə mbasə Wuu yinsəŋ Nwi, ndɔ nu mənshi mi me, buu kaꞌ viŋ kee kìi məbwey ghɔ́ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:34

Yeso gi tɨ́ vəŋ laa, «Viŋ zɔ! Mə gì tɨ́ viŋ yinsəŋ laa, wə tɨ̀ me wə faŋ ŋwə yɨsə vənu vəbwəvə, ŋkə də̀ laa ŋwə lùu buꞌ tɨ́ nu bwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:51

Viŋ zɔ! Mə naysə tɨ́ viŋ yinsəŋ laa, kɨ luu wə biŋ, nùŋsə yigisə nyaa, buu ŋwə ndɔ goꞌsə yighee muꞌ, kee ku me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:58

Yeso gi tɨ́ vəŋ laa, «Viŋ zɔ! Mə gì tɨ́ viŋ yinsəŋ laa, mə nə luu shɔ, buu vɨ ndɔ kɨ dùꞌ bì Abraham.»

1 Pita 1:25

Luu nə, yigisə Nwi gòꞌsə yighee muꞌ.» Yigisə Nwi yɔ́ lùu ntɔŋ yijəə yɔ́ faŋ vɨ nə fɨ̀ꞌtə tɨ́ viŋ nə.

Reveleyshən 20:11

Mə baa kɨ nii yè kenə kwalə kəfusə nə wə faŋ ŋwə dùꞌ fuu yi, nsi nə yizɔ nyɨŋ fɨ yikəꞌ ŋwə. Shəŋ nə kee baa lùu shɔ, tɨ́ kaꞌ nsi ghɔ yizɔ dùꞌ shɔ me.