Matiu 5:17 - Vengo (Babungo)

¹⁷ «Kɨ viŋ kɨ bɨꞌtə laa mə nə jwì maa məndisə nu ŋkɨə faŋ ŋkə lùu taa ŋwaꞌlə ntɨsə Nwi, nə ŋkɨə fɨ taa vəŋwaꞌlə və nshiisə-ŋii sɔghɔ me. Mə kee jwi maa məndisə me; mə jwi maa məfaynə, ŋkə kuꞌnə.

Matiu 5:17 ပူးပေါင်းရင်းမြစ်များ

Matiu 3:15

Yeso bəŋsə tɨ́ ŋwə laa, «Meꞌtə ŋkə lùu nɨniŋ ndwə. Bàw ŋkə luu nɨniŋ laa sɨ kɨ yɨsə vənu vənshə faŋ Nwi kàw.» Nɨniŋ, Jɔn biŋ, mèꞌtə ŋwə.

Matiu 7:12

Vənu vənshə faŋ viŋ kəə laa vɨɨ kɨ yɨsə maa viŋ, viŋ kɨ yɨsə maa vəŋ nɨzi. Lùu nu ŋkɨə faŋ ŋkə lùu taa ŋwaꞌlə ntɨsə Nwi nə taa ŋwaꞌlə nshiisə-ŋii sɔghɔ.

Lukas 16:17

Ŋkə lùu kəyaysə tɨ́ kaꞌ yizɔ ghɔ nsi ndì, fɨ ghɔ wee-mia ntɨ Nwi ndi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:5

Maa ŋkə lùu taa ŋwaꞌlə ntɨsə Nwi faŋ Mose nə kɔ̀ tɨ́ nsiŋ nə, laa wə faŋ ŋwə yɨ nɨniŋ, vɨ tùmə ŋwə nə ŋoꞌsə ŋwə ku. A gì ŋkɨɨ laa kə?»

Akts 18:13

gə gì laa, «Wə ŋwə̀ toꞌ dɔɔ vɨɨ laa vəŋ bəŋsə Nwi maa kəŋ jɨɨ yimɔ́ꞌ faŋ nyə kee yikuꞌnə maa nuŋsə shɨ me.»

Akts 21:28

yùmə laa, «Vɨɨ Isirayl, viŋ jwi gàŋtə! Ye wə ntɨə faŋ ŋwə toꞌ deesə vɨɨ vənshə nə bwə buꞌ vɨɨ Isirayl, nə buꞌ nuŋsə nyaa-nsiŋ, nə ŋii Nwi nyə̀. Ŋkə nə kee ta yikuꞌnə tɨ́ ŋwə me, ŋwə ndi vɨɨ Griik, jwì ŋìisə taa ŋii Nwi nyə̀, faŋ ŋkə kee yikuꞌnə laa vɨɨ tɔmə day ŋii shɔ me. Ŋwə bɨsə shəŋ ley Nwi kə̀.»

Akts 6:13

tìi vɨɨ mɔ́ꞌ laa vəŋ ŋii, sɨ̀ɨ təba tɔ ŋwə. Vɨɨ vɔ́ gi laa Stefen yaa kɨ gisə bwə kɔ̀ŋ ŋii Nwi yikwalə nyə̀, baa kɔ̀ŋ ntɨsə Mose ghee nshə.

Roma 10:4

Vəndwə və ntɨsə Nwi lùu Yeso Kristo faŋ ŋwə yɨsə laa nu wə kiasə lòomə, buꞌ faŋ ŋwə nùŋ fwi yi maa ŋwə.

Roma 3:31

Ŋkə nə də̀ laa nsiŋ mèꞌ ntɨsə Nwi buꞌ nu mənuŋ fwi maa Kristo mu? - Bey, nsiŋ gisə laa ntɨsə sɔ́ lùu yinsəŋ.

Roma 8:4

Nɨniŋ, Nwi shia nsɔꞌ tɔ nu bwə, yuu ŋkə kùꞌnə maa ntɨsə Nwi. Nu kaŋ-nsiŋ kɨ nii lùu kəloomə, faŋ nsiŋ toꞌ ghuu yitoꞌ kaŋ-nsiŋ fɨ taa Zwitə Ley Nwi, kee toꞌ maa nuŋsə mbasə ŋwaa ŋwaa-nsiŋ me.