Matiu 5:16 - Vengo (Babungo)

¹⁶ Nɨniŋ, viŋ kɨ yɨsə laa kiꞌ wiŋ kɨ bee yikəꞌ vɨɨ, vəŋ kɨ ye vənu vəjəəvə viŋ, bəŋsə yizii Nwi, Tii wiŋ, faŋ ŋwə lùu yizɔ nə.»

Matiu 5:16 ပူးပေါင်းရင်းမြစ်များ

Matiu 23:5

Gə fɨ maa vənu vəjəəvə vənshə faŋ vəŋ yɨsə nə, vəŋ yɨsə sheꞌ laa vɨɨ kɨ ye. Vəŋ nyɔ̀ꞌ ŋwaꞌlə vəŋ maa məlumə Nwi fuu waytə gɔ yizisə, ka nsaysə dəsə maa njwisə vəŋ maa məlumə ntɨsə Nwi, luu nə, yɨsə vənu vɔ́ sheꞌ laa vɨɨ kɨ ye vəŋ.

Matiu 23:9

Kɨ viŋ tii wə mɔ́ꞌ nə tii wiŋ fɨ shɨ nsi nyə̀ me, buꞌ laa tii wiŋ lùu Nwi faŋ ŋwə lùu yizɔ.

Matiu 5:45

Nɨniŋ laa viŋ luu vaŋ tɨta Nwi, Tii wiŋ fɨ yizɔ, buꞌ faŋ ŋwə yɨsə shɨshwi wi bee tɔ vɨɨ bwənə nə vɨɨ jəənə, tɔŋ yighuu tɨ́ vɨɨ vənu vəloomə nə tɨ́ vɨɨ faŋ vənu vəvəŋ kee lùu vəloomə me.

Matiu 6:16

«Viŋ kɨ luu kɨ baŋ fazɨ, kɨ viŋ kɨ kaŋ yikəꞌ yiŋ yaa vɨɨ məkoꞌsə ŋwaa me. Vəŋ kaŋ yikəꞌ vəŋ, tɨ́ kɨ kaꞌ vɨɨ kɨ ye, bə̀ŋsə vəŋ shɔ. Mə naysə ŋkee nu yinsəŋ tɨ́ viŋ laa vəkeynə vəŋ ndì nɨniŋ.

Matiu 6:9

Nɨniŋ, ŋkə bàw laa viŋ kɨ shɔꞌtə Nwi, gi laa lee, Tii wia fɨ yizɔ, məbəŋsə lùu maa yizii yə.

Matiu 9:8

Nwaa vɨɨ vəyaŋ vɔ́ ye, fèe, kɨ bəŋsə yizii Nwi faŋ ŋwə kɔ̀ kəŋ wutə kɔ́ tɨ́ vɨɨ nə.

Lukas 11:2

Ŋwə gi tɨ́ vəŋ laa, «Viŋ taa kɨ shɔꞌtə Nwi, viŋ gì laa lee, «Tɨta Nwi, məbəŋsə lùu maa yizii yə. Bàw yifwàŋ yə jwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:8

Nu ŋkɨə faŋ yizii Tii ŋwaa taa kɨ kwalə shɔ, lùu faŋ viŋ taa kɨ kwaanə vətaŋ vəyaŋ, yɨsə vənu vəjəəvə, də nɨniŋ laa viŋ lùu vɨɨ məzwetə nu kaŋ.»

Akts 9:36

Sheꞌ maa yighee yɔ́ wəzwi mɔ́ꞌ nə luu shɔ ntɨꞌ Jɔpa, yizii yi luu Tabita, ŋiꞌ yizii yi yɔ́ lùu laa fəshwi. Ŋwə nə luu wuu məbiŋ nu Yeso, ndì yighee yinshə maa məyɨ vənu vəjəəvə maa vɨɨ.

1 Kɔrintian 14:25

Təgi tɔ́ taa yɨsə vənu mbɨə faŋ ŋwə bɨꞌtə fɨ taa fwi ŋwə, fuu ntee. Ŋwə kɨ nii tùŋ vətɔ vəyəə vi nsi vɨsɨ Nwi, kɔ̀ feenə tɨ́ Nwi, baa tèytə laa, «Yinsəŋ, viŋ vɨ Nwi lùu mɔ́ꞌ.»

2 Kɔrintian 9:13

Faꞌ ghɔ́ ndɔ twelə nu kiŋ tɨ́ vəŋ laa viŋ kùꞌnə maa nu Nwi. Vəŋ kɨ bəŋsə Nwi, buꞌ laa viŋ bìŋ ntɔŋ yijəə Nwi kɔ̀ŋ Yeso Kristo ntee, zɔnə ŋwə, gaŋtə vəŋ nə vətɔ viŋ nə fwi yimuꞌ. Vəŋ ndɔ biŋ viŋ nɨniŋ, ghɔ vɨ vɨɨ Nwi vənshə,

Galatia 1:24

Nɨniŋ, vəŋ nə bə̀ŋsə Nwi buꞌ mə.

Efesɔs 2:10

Nsiŋ lùu fa faŋ nə bɔ̀ŋ Nwi. Ŋwə bɔ̀ŋ nsiŋ buꞌ Yeso Kristo, laa nsiŋ kɨ yɨsə vənu vəjəəvə mbɨə faŋ ŋwə nə nùŋsə shù fɨ maa yighee vɨsɨ, laa nsiŋ ndɔ kɨ toꞌ ghuu yitoꞌ kaŋ-nsiŋ maa jɨɨ yɔ́ nə.

Efesɔs 5:8

Nə luu maa yighee vɨsɨ, viŋ luu vɨɨ taa mfiŋsə. Luu ndwə, viŋ lùu vɨɨ taa məley buꞌ tɨta Yeso. Nɨniŋ, viŋ kɨ toꞌ yaa vaŋ taa məley.

1 Tesalonika 2:12

Yia nəə bwasə fwi siŋ, kwàŋ wutə maa viŋ, kɨ tɨsə viŋ maa məshi nshinə njyə faŋ nyə kùꞌnə tɨ́ Nwi, faŋ ŋwə tìi viŋ taa nu yifwàŋ ki, faŋ ŋkə bàw yaa ŋwə.

1 Timoti 2:10

Bàw vəlɔꞌ vəvəŋ luu sheꞌ vənu vəjəəvə faŋ vəŋ yɨsə. Lùu faŋ ŋkə kùꞌnə tɨ́ vəki faŋ vəŋ kəə kɨ bəŋsə Nwi.

1 Timoti 5:10

Bàw vɨ kwaŋ yizii yi faŋ vɨɨ biŋ ŋwə laa ŋwə nəə yɨsə vənu vəjəəvə, kɨꞌ vaŋmbwaa, baa fisə vəndɔ taa ŋii ŋwə, sɔ ghuu vɨɨ ley Nwi, gaŋtə vɨɨ ŋɨꞌ, yɨsə vənu vəjəəvə vənshə.

1 Timoti 5:25

Vənu vəjəəvə faŋ vɨɨ yɨsə, luu sheꞌ nɨniŋ, yighee mɔ́ꞌ mbə fuu ntee nɨzi, yighee mɔ́ꞌ mbə kee fuu ntee me. Luu nə, kaꞌ mbə kee taa goꞌ taa vəndenə me.

1 Timoti 6:18

Bàw a gi vəŋ kɨ yɨsə vənu vəjəəvə, vənu vəjəəvə vɔ́ gu ka vəŋ, yaŋ. Bàw vəŋ baa kɨ kaw maa məkɔ vətɔ tɨ́ vɨɨ ŋɨꞌ, gaŋtə vəŋ nə mbə.

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

Taytəs 2:7

Nuŋsə ŋwaa wə laa a luu mfɨꞌ nu tɨ́ vəŋ maa vənu vənshə, mbə kɨ baw. Deesə sheꞌ nu yinsəŋ tɨ́ vɨɨ, faŋ a deesə nu Nwi tɨ́ vəŋ. Deesə nu Nwi nə fwi yimuꞌ,

Taytəs 3:14

Bàw laa vaŋ-nshwi vaŋ-nsiŋ zwetə maa məyɨ vənu vəjəəvə maa vɨɨ faŋ nu mɔ́ꞌ ghɔꞌ vəŋ, laa kɨ məbiŋ vəŋ, faŋ vəŋ nùŋ fwi vəŋ maa Kristo nə, kee gù nu yɔŋ me.

Taytəs 3:4

Luu nə, nə luu maa yighee njyə faŋ Nwi, wuu məbweysə ŋwaa-nsiŋ, nə də̀ njyoꞌ yijəə yi nə ŋkawnə yi tɨ́ nsiŋ, ŋwə bweysə nsiŋ fɨ ghɔ jɨɨ yibwə yɔ́.

Hibru 10:24

Bàw nsiŋ kɨ sɨɨnə nə vənu vaŋ-nsiŋ, nsiŋ nsiŋ, tɨ́ kaꞌ nsiŋ kɨ gaŋtə yiŋwaa nyaa-nsiŋ, nsiŋ nsiŋ, maa məkaw vɨɨ, baa nə maa məyɨ vənu vəjəəvə.

1 Pita 2:12

Viŋ toꞌ ghuu yitoꞌ kiŋ jəə taa ŋwaa vɨɨ mbɨə faŋ vəŋ kee kɨ̀ɨ nə Nwi me, kɨ gi laa viŋ lùu vɨɨ bwənə, tɨ́ kaꞌ vəŋ ye, ndɔ kɨɨ nə jəə wiŋ, faŋ vəŋ ye vənu vəjəəvə mbɨə faŋ viŋ yɨsə. Nɨniŋ laa vəŋ ndɔ bəŋsə Nwi shɔ maa shi yiba, faŋ Nwi ndɔ jwi ye vəŋ.

1 Pita 2:9

Gə̀ fɨ maa viŋ, viŋ lùu way vɨɨ faŋ Nwi nə shòꞌ, lùu vɨɨ vəkɔ vi, ŋgwisə yiley. Viŋ lùu vɨɨ Nwi faŋ Nwi nə shòꞌ laa lùu vɨɨ yifwàŋ vi, baa nə laa viŋ sàynə vənu və shuu yɔŋvə Nwi. Ŋwə nə tìi viŋ fɨ taa mfiŋsə, laa viŋ ŋii taa ŋgwii məley.

1 Pita 3:1

Gə fɨ maa viŋ vəki, bàw viŋ zɔnə vəndəə viŋ, bwàsə yiŋwaa yiŋ, tɨ́ kaꞌ vəndɔŋ vəmɔ́ꞌ faŋ vəŋ kee bìŋ nu Nwi me, kwìinə fwisə vəŋ, faŋ vəŋ yè nshinə yijəə yiŋ, faŋ viŋ kee bee tɨ vəŋ nə shuu me.

1 Pita 3:16

Nɨniŋ, viŋ kɨ bəŋsə fɨ taa bwaŋnə nə feenə, jìa fwi siŋ buꞌ nsə kɨ sɔꞌ viŋ maa nu. Viŋ yɨ nɨniŋ laa tɔ vɨɨ vɔ́ dɨɨ, faŋ vəŋ gisə bwə kɔ̀ŋ viŋ, faŋ viŋ bèꞌsə Kristo, yɨsə vənu vəjəəvə nə.

1 Pita 4:11

Wə kɨ luu kɨ gisə yigi, bàw ŋwə kɨ gisə sheꞌ yigisə Nwi. Kɨ luu, wə nə faꞌ faꞌ Nwi, gaŋtə vɨɨ, bàw ŋwə kɨ faꞌ nə wutə ŋkɨə faŋ Nwi kɔ̀ tɨ́ ŋwə. Viŋ kɨ yɨ nɨniŋ laa, viŋ kɨ bəŋsə Nwi maa vənu vənshə fɨ yiba Yeso Kristo, faŋ ŋwə kwàlə, ndɔ weꞌ, gòꞌsə yighee muꞌ. Ŋkə lùu nɨniŋ.

1 Pita 4:14

Kɨ luu laa vɨ ndasə viŋ buꞌ faŋ viŋ lùu vɨɨ Kristo, buu mənɔŋ-bwaŋnə luu ŋgwiŋ, buꞌ laa Zwitə Nwi faŋ ŋkə bàw shɨlə, lùu taa ŋwaa viŋ.