Matiu 5:12 - Vengo (Babungo)

¹² Viŋ kɨ ŋaytə, shɨꞌ, buꞌ laa vəkeynə viŋ ndɔ luu vəyaŋ shɨ Nwi taa yizɔ. Lùu nɨniŋ buꞌ laa vɨ nəə shoꞌ ghuu nshiisə-ŋii sɔghɔ mbə ywaŋ-vɨsɨ sheꞌ nɨniŋ.»

Matiu 5:12 ပူးပေါင်းရင်းမြစ်များ

Matiu 16:27

Viŋ zɔ! Wuu yinsəŋ Nwi ndɔ baa jwì nə yikwalə Tii wi, ghɔ vɨ nshiisə-ŋiisə Nwi. Ŋwə ndɔ bəŋsə nu ŋkɨə faŋ vɨɨ nə yɨ̀sə, tɨ́ vəŋ tɔ tɔ.

Matiu 6:16

«Viŋ kɨ luu kɨ baŋ fazɨ, kɨ viŋ kɨ kaŋ yikəꞌ yiŋ yaa vɨɨ məkoꞌsə ŋwaa me. Vəŋ kaŋ yikəꞌ vəŋ, tɨ́ kɨ kaꞌ vɨɨ kɨ ye, bə̀ŋsə vəŋ shɔ. Mə naysə ŋkee nu yinsəŋ tɨ́ viŋ laa vəkeynə vəŋ ndì nɨniŋ.

Lukas 13:34

Aŋ vɨɨ Jerusalem, Jerusalem, viŋ zwilə nshiisə-ŋii sɔghɔ, tumə vɨɨ mbɨə faŋ Nwi tɔ̀ŋ tɨ́ viŋ, nə ŋoꞌsə. Ghee yaŋ mə nəə kəə baytə viŋ, sheꞌ faŋ nshɨ ŋgu yaa kɨ baytə vaŋ vi taa ghalə ŋwə nə. Luu nə, viŋ twey.

Lukas 6:23

Viŋ kɨ ŋaytə maa yighee njyə faŋ vɨ yɨnə viŋ tɨ́ nee. Viŋ kɨ bisə nə məŋaytə, buꞌ laa viŋ kɔꞌ kɨɨ laa vəkeynə viŋ ndɔ luu vəyaŋ taa yizɔ. Maa vətɨɨ və vɨɨ vɔ́ nəə yɨsə sheꞌ nɨniŋ maa nshiisə-ŋii sɔghɔ.»

Lukas 6:35

Nɨniŋ, viŋ kɨ kaw luu vɨɨ mbeenə viŋ. Viŋ kɨ yɨsə vənu vəjəəvə, shwaꞌ vɨɨ nə ka, kee kɨ tə sɨ maa məbaa fi me. Viŋ yɨ̀ nɨniŋ, buu sey wiŋ ndɔ yaŋ. Viŋ luu vaŋ Nwi Nshɔɔ-mbi, buꞌ laa ŋwə yɨsə jəə maa vɨɨ vənshə, nə tɨ́ vɨɨ faŋ vəŋ kee kɔ bwaŋ-wee tɨ́ ŋwə me, nə tɨ́ vɨɨ vəŋwiŋ nɨzi.

Akts 16:25

Kɨ luu nɨndɨɨ mbi, Pɔɔl ghɔ Silas shɔꞌtə Nwi taa ŋii mfiŋ, ndɔ zwaa nyaysə. Vɨɨ ŋii mfiŋ nə ywiitə, zɔ fɨ ghɔ vəŋ.

Akts 5:41

Vɨɨ ntɔŋ Yeso vɔ́ ndɔ fɨ vɨsɨ vəŋ, kɨ ŋaytə dɨdɨꞌ laa Nwi ndì vəŋ laa vəŋ kùꞌnə maa məye ŋɨꞌ buꞌ yizii Yeso.

Roma 5:3

Faŋ nsiŋ boꞌ ŋwaa nɨniŋ, kaꞌ nsiŋ kɨ boꞌ ŋwaa ŋkee taa ŋɨꞌ, buꞌ laa nsiŋ kɔꞌ kɨɨ laa ŋɨꞌ yɔ́ yɨsə nsiŋ zwetə maa məjia fwi saŋ-nsiŋ.

1 Kɔrintian 3:8

Wə ntɨə faŋ ŋwə bɨbia, nə wə ntɨə faŋ ŋwə tutə muu shɔ nə, luu sheꞌ nɨndɨŋ. Wə kee shɔ̀ɔ liŋ wi me. Nwi taa kɔ vəkeynə tɨ́ wə tɨ̀ me wə faŋ wə ghɔ́ nə faꞌ nə.

2 Kɔrintian 4:17

Faŋ nsiŋ ye ŋɨꞌ ndwə nə, nsiŋ ndɔ zɨ ŋkee nu kwalə faŋ ŋkə shɔ̀ɔ ki, gòꞌsə yighee muꞌ. Nɨniŋ, nu ŋɨꞌ yɔ́ luu sheꞌ nu tɨtiꞌ faŋ nyə taa tay sheꞌ maa wee-fɨ-yighee nee.

Filipi 1:29

Lùu nɨniŋ buꞌ laa Nwi key viŋ nə jɨɨ maa mənuŋ fwi siŋ maa Kristo, key viŋ nə nu məye ŋɨꞌ buꞌ nu Kristo nɨzi.

Filipi 2:17

Məbiŋ wiŋ faŋ viŋ biŋ Kristo nə, lùu yaa ndey faŋ viŋ fèꞌ tɨ́ Nwi. Kɨ yighee mɔ́ꞌ məbwey ŋwaa ndɔ ndi, buu lùu yaa fa faŋ vɨ ndi, kùꞌsə maa ndey yɔ́. Ŋkə taa luu nɨniŋ, buu mə taa kii məŋaytə taa fwi mə; nsiŋ baa faynə yiŋwaa, kɨ ŋaytə.

Kɔlɔsii 1:24

Fwi nyaa lùu nə məŋaytə faŋ mə kɔlə ye ŋɨꞌ ndwə nə. Ŋɨꞌ njyə faŋ mə ye nə, mə ye buꞌ viŋ. Nyə kuꞌsə maa ŋɨꞌ njyə faŋ Kristo nə ye maa yighee vɨsɨ nə. Faŋ mə ye ŋɨꞌ taa ŋwaa mə nə, mə ye buꞌ ŋwaa Yeso Kristo, faŋ luu nshəŋtə vɨɨ Kristo nə, laa mə kɨ metə faꞌ Kristo shɔ.

Kɔlɔsii 3:24

Viŋ kɔꞌ kɨɨ laa tɨta Yeso Kristo ndɔ ndɔꞌ viŋ, faŋ viŋ ndɔ zɨ məbwey vəlwaŋ fɨ ghɔ ŋwə, buꞌ laa viŋ lùu vɨɨ faꞌ Kristo nə.

1 Tesalonika 2:15

Vɨɨ Jus nə kee kɔ ŋɨꞌ sheꞌ tɨ́ vɨɨ Nwi fiiba Yeso me, vəŋ nə bee kii zwì nshɨ-tɔ tɨta Yeso, baa zwilə nshiisə-ŋii sɔghɔ nɨzi, baa luu shoꞌ ghuu ghia. Vəŋ kee bàw tɨ́ Nwi me; vəŋ lùu vɨɨ mbeenə vɨɨ vənshə.

Hibru 10:34

Viŋ nəə ye ŋɨꞌ, viŋ vɨ vɨɨ ŋii mfiŋ, faŋ vɨ nə kwàŋ vəŋ mfiŋ buꞌ nu Nwi nə. Viŋ nə jìa fwi nə məŋaytə faŋ vɨɨ sa vətɔ viŋ, buꞌ laa viŋ lùu vɨɨ Nwi nə. Viŋ nə yɨ̀ nɨniŋ, buꞌ faŋ viŋ nəə kɔꞌ kɨɨ laa viŋ kìi vətɔ faŋ mbə shɔ̀ɔ yimbii, faŋ mbə ndɔ goꞌsə yighee muꞌ.

Hibru 11:26

Ŋwə nə ndì yaa yinsəŋ laa, kɨ luu yi ye ŋɨꞌ buꞌ vɨɨ Nwi, buu ŋkə taa baw tɨ́ ŋwə, shɔ̀ɔ faŋ ŋwə kìi yifwàŋ yinshə fɨ shɨ Ijip, sheꞌ faŋ Kristo nə mèꞌtə məbaw wi yɨ Nwi, jwì yè ŋɨꞌ shɨ nsi, kù fuu fəŋkɔꞌ nə. Mose nə yɨ̀ nɨniŋ, buꞌ laa ŋwə nə tə̀ sɨ ghi sheꞌ maa vəkeynə mbɨə faŋ mbə ndɔ jwi fɨ ghɔ Nwi.

Hibru 11:33

Vəŋ vənshə nə nùŋ fwisə vəŋ maa Nwi, faŋ vəŋ nə tùŋ yighaw ghɔ vɨ məshɨ məmɔ́ꞌ, ghɔꞌ vəŋ. Vəŋ nə sɔ̀ꞌ maa jɨɨ yijəə. Vətɔ faŋ Nwi nə kɔ̀ꞌnə maa məkɔ tɨ́ vəŋ, nə zìꞌ ghɔ vəŋ. Nwi nə yɨ̀ laa kɨ vəbikəə kwə vəŋ me.

Hibru 11:6

Kaꞌ wə kee bàwsə too Nwi, tɨ̀ lɨꞌ laa ŋwə nùŋ fwi yi maa Nwi me. Lùu nɨniŋ buꞌ laa wə kɨ luu kəə jwi yɨ Nwi, ŋwə fɔŋ biŋ laa Nwi lùu shɔ, baa nùŋ fwi yi maa Nwi laa Nwi taa kɨ yɨ jəə maa vɨɨ mbɨə faŋ vəŋ kəə Nwi.

Jeyms 1:2

Vaŋ-nshwi vaŋ, viŋ taa kɨ luu kɨ kii məmɔŋ, vənu nə ghɔꞌ viŋ, viŋ jia fwi siŋ nə məŋaytə, ndì vənu vənshə nə məŋaytə,

Jeyms 5:10

Bàw viŋ lumə nu nshiisə-ŋii sɔghɔ, faŋ vəŋ nə fɨꞌtə maa yizii Mɔꞌmbi, jia fwisə vəŋ faŋ vəŋ nə yè ŋɨꞌ. Bàw viŋ jia fwi siŋ yaa vəŋ.

1 Pita 4:13

Viŋ kɨ ŋaytə laa ŋɨꞌ njyə faŋ nyə nə ŋii Kristo nə, baa luu ŋìi viŋ, tɨ́ kaꞌ viŋ ndɔ ŋaytə, kɨ zwa nyaysə, bəŋsə ŋwə maa yighee njyə faŋ ŋwə ndɔ fuu ntee nə wutə Nwi.