Matiu 5:11 - Vengo (Babungo)

¹¹ Mənɔŋ-bwaŋnə lùu tɨ́ viŋ, faŋ vɨɨ ndasə viŋ, shoꞌ ghuu ghiŋ, gisə vənu vəbwəvə tɔ viŋ, sɨɨ təba shɔ buꞌ mə.

Matiu 5:11 ပူးပေါင်းရင်းမြစ်များ

Matiu 10:18

Vɨ ndɔ gə nə viŋ vɨsɨ vəgoməna nə vəfwàŋ buꞌ mə. Nɨniŋ, viŋ ndɔ kɨ fɨꞌtə nu Nwi tɨ́ vəŋ, nə tɨ́ vɨɨ faŋ vəŋ kee ta kɨ̀ɨ nə Nwi me.

Matiu 10:22

Vɨɨ vənshə ndɔ kɨ bee viŋ buꞌ mə. Luu nə, wə ntɨə faŋ ŋwə ndɔ jia fwi yi, zìꞌ maa vəndwə və vənu vɔ́, ndɔ kii məbwey vəlwaŋ.

Matiu 10:25

Ŋkə kùꞌnə tɨ́ wuu məzwetə nu laa ŋwə lùu yaa wuu mədeesə wi, baa kùꞌnə tɨ́ buꞌ, laa ŋwə lùu yaa tii wi. Vɨ nə tìi mə nə tɨɨ vəzwitə vəbwəvə, faŋ mə lùu tɨɨ fu tɨ́ viŋ nə. Nɨniŋ, vɨ nə taa tii viŋ vaŋ nə kə?»

Matiu 10:39

Wə ntɨə faŋ ŋwə kəə bweysə ŋwaa wi, ndɔ ndisə ŋwaa wi. Gə fɨ maa wə ntɨə faŋ ŋwə ndisə ŋwaa wi buꞌ mə, ŋwə ndɔ bweysə ŋwaa wi, zɨ̀ məbwey vəlwaŋ.»

Matiu 19:29

Wə tɨ̀ me wə faŋ ŋwə mèꞌtə ŋii yi, tɨꞌnə me vaŋ-nshwi vi, tɨꞌnə me tii wi, tɨꞌnə me nshu wi, tɨꞌnə me vaŋ vi, tɨꞌnə me ndɨɨsə si buꞌ nu yizii kaŋ, taa baa kɨ ye vəmɔ́ꞌ ŋkee vəyaŋ, ndɔ baa zɨ̀ məbwey faŋ ŋwə gòꞌsə yighee muꞌ.

Matiu 24:9

Yiŋkii ndɔ kɨ shɔɔ, vɨ jiatə viŋ, kɔ̀ maa vəshəŋ və ŋɨꞌ, zwìlə viŋ. Vɨɨ kɨ bee viŋ taa məshɨ mənshə buꞌ nu yizii kaŋ.

Matiu 27:39

Vɨɨ mbɨə faŋ vəŋ nə shɔɔ fɨ yifi, nəꞌsə yitɔ yivəŋ, taw ŋwə,

Mark 13:13

Gə fɨ maa viŋ, vɨɨ vənshə ndɔ bee viŋ buꞌ mə. Luu nə, wə ntɨə faŋ ŋwə kà fwi yi zìꞌ tɨ́ vəndwə və vənu vɔ́, ndɔ zɨ məbwey vəlwaŋ.»

Mark 13:9

Viŋ kɨ lootə yiŋwaa yiŋ. Vɨ ndɔ kɨ jiatə viŋ, kwaŋ taa nsɔꞌ, saŋ viŋ taa ndɔꞌ məshəŋtə vɨɨ Nwi. Viŋ ndɔ tɨŋ vɨsɨ vəgoməna nə vəfwàŋ buꞌ yizii nyaa. Nɨniŋ, vɨɨ vɔ́ ndɔ zɔ nu Nwi shɔ.

Mark 4:17

Luu nə, ghay ghi kee lùu taa fwisə vəŋ me, bètə sheꞌ tɨtiꞌ, ŋɨꞌ taa kɨ ŋii vəŋ, vɨɨ nə shoꞌ ghuu vəŋ buꞌ nu Nwi, vəŋ ndì jɨɨ Nwi yighee muꞌ.

Mark 8:35

Mə gì tɨ́ nee buꞌ laa, wə ntɨə faŋ ŋwə kəə gaŋtə məbwey wi shɨ nsi, ndɔ ndisə ŋwaa wi. Luu nə, wə ntɨə faŋ ŋwə ndìsə ŋwaa wi buꞌ mə, tɨꞌnə me buꞌ ntɔŋ Nwi yijəə, ndɔ bweysə ŋwaa wi.

Lukas 21:12

Luu nə, nu mɔ́ꞌ ndɔ luu shɔ ŋkəə, buu vənu vɔ́ vənshə gay. Nu kɔ́ lùu laa vɨ ndɔ jiatə viŋ, kɨ shoꞌ ghuu ghiŋ, nùŋsə viŋ nsi taa ndɔꞌ məshəŋtə, kwàŋ viŋ mfiŋ, gə nə viŋ vɨsɨ vəfwàŋ nə vəgoməna buꞌ nu yizii kaŋ.

Lukas 21:17

Vɨɨ vənshə ndɔ bee viŋ buꞌ mə.

Lukas 6:22

Mənɔŋ-bwaŋnə lùu tɨ́ viŋ faŋ vɨɨ bee viŋ, jɔmə viŋ, tɨꞌnə me ndasə viŋ, tɨꞌnə me ndì yizii yiŋ laa lùu fa bwə buꞌ Wuu yinsəŋ Nwi.

Lukas 9:24

Wə ntɨə faŋ ŋwə kəə bweysə ŋwaa wi, ndɔ ndisə ŋwaa wi. Wə ntɨə faŋ ŋwə ndisə ŋwaa wi buꞌ mə, ndɔ bweysə ŋwaa wi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:21

Vənu vəbwəvə faŋ vɨ ndɔ yɨsə maa viŋ, vɨ yɨ̀ buꞌ yizii nyaa, buꞌ laa vəŋ kee kɨɨ nə wə ntɨə faŋ ŋwə nə tɔ̀ŋ mə taa mbi nyə̀ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:28

Vəŋ ndasə ŋwə, gì laa, «A lùu wuu məbeꞌsə nu wə ghɔ́ lee! Gə̀ fɨ maa yia, yia beꞌsə nu Mose.

Akts 9:16

Mə taa də ŋɨꞌ tɨ́ ŋwə yiyaŋ, faŋ ŋwə taa ye buꞌ yizii nyaa.»

Roma 8:36

Ŋkə luu sheꞌ yuu ŋkə lùu taa ŋwaꞌlə Nwi laa, «Vɨ zwìlə yia maa shi ŋkwəŋ buꞌ ghɔ, ndèynə yia yaa bisə-njɨɨ faŋ vɨ zwìlə.»

1 Kɔrintian 4:10

Yia lùu yaa vəmfaw buꞌ faŋ yia fɨꞌtə nu Kristo. Gə fɨ maa viŋ, viŋ lùu yaa vɨɨ tɔ-ley buꞌ Kristo. Yia kee kìi wutə me. Luu nə, viŋ kìi wutə. Viŋ lùu vɨɨ faŋ vɨ fee viŋ. Luu nə, yia lùu vɨɨ faŋ vɨ gisə mbi yibwə tɔ yia.

2 Kɔrintian 4:11

Faŋ yia kɔlə bwèy nə, yia luu shuu yiku buꞌ Yeso ghee nshə. Nɨniŋ laa vɨ kɨ ye məbwey Yeso maa mbasə ŋwaa wia, faŋ ŋwə kɔlə lùu fa yiku nə.

Filipi 1:29

Lùu nɨniŋ buꞌ laa Nwi key viŋ nə jɨɨ maa mənuŋ fwi siŋ maa Kristo, key viŋ nə nu məye ŋɨꞌ buꞌ nu Kristo nɨzi.

1 Pita 2:23

Vɨɨ nə ndàsə ŋwə, ŋwə kee bə̀ŋsə ndisə sɔ́ maa vəŋ me. Vɨ kwaŋ ŋwə taa ŋɨꞌ, ŋwə ye ŋɨꞌ, kee fèsə wə me, nùŋ ŋkitə yi sheꞌ taa ghɔ Nwi, faŋ ŋwə sɔꞌ nsɔꞌsə vɨɨ səloomə.

1 Pita 4:14

Kɨ luu laa vɨ ndasə viŋ buꞌ faŋ viŋ lùu vɨɨ Kristo, buu mənɔŋ-bwaŋnə luu ŋgwiŋ, buꞌ laa Zwitə Nwi faŋ ŋkə bàw shɨlə, lùu taa ŋwaa viŋ.

Reveleyshən 2:3

Mə kɔꞌ kɨɨ laa a jìa fwi yə taa ŋɨꞌ, bìꞌ vətɔ vədɨɨvə maa nu yizii kaŋ, kee bwa me.