Matiu 4:23 - Vengo (Babungo)

²³ Yeso kɨ nii toꞌ fɨ taa shɨ Galilii kənshə, deesə nu Nwi taa ndɔꞌ Nwi, fɨꞌtə ntɔŋ yijəə kɔ̀ŋ nu yifwàŋ yizɔ, shùꞌ vəza vənshə nə vəndoꞌ vənshə fɨ maa vɨɨ.

Matiu 4:23 ပူးပေါင်းရင်းမြစ်များ

Matiu 11:5

laa vɨɨ sɨ fɨsə yɨyenə; vɨɨ faŋ yiŋwaa yivəŋ kìlə, tɨtoꞌ; zatə bwə me fɨ maa vɨɨ; vɨɨ tuulə shiilə zɔnə; vəŋku vənsisə ywey; vɨ fɨꞌtə ntɔŋ yijəə Nwi tɨ́ vɨɨ ŋɨꞌ.

Matiu 12:9

Yeso ndɔ fɨ yifi, shɔ̀ɔ gə̀ taa ŋii Nwi.

Matiu 13:19

Wə kɨ luu kɨ zɔ nu buꞌ nu yifwàŋ yizɔ, kee kɨ̀ɨ nə ŋiꞌ ki me, buu tɨɨ vəzwitə vəbwəvə taa jwi fi nu kɔ́ fɨ ghɔ ŋwə, faŋ vɨ nii mɔ̀ꞌ taa fwi ŋwə nə. Nu wə ghɔ́ lùu yaa ŋkə ŋgwisə say ghinə faŋ ŋə fìŋ jɨɨ nə.

Matiu 13:54

kɨ ziꞌ ŋkee ntɨꞌ vəŋ shɨ vəŋ, dèesə nu Nwi tɨ́ vɨɨ taa ŋii Nwi. Shuu vɨɨ vɔ́ yɔŋ, vəŋ gi laa, «Wə ŋwə̀ sii ndì kəŋ yitɔfə ŋwə̀ fɨ fə, nə vənu vəkwalə mbɨə faŋ ŋwə yɨsə nee nə?

Matiu 14:14

Nɨniŋ, ŋwə kɨ fuu fɨ taa bay, yè nwaa vɨɨ vəyaŋ, kèe gəŋsə vəŋ, fùusə vəza fɨ maa vɨɨ vəza vəvəŋ.

Matiu 24:14

Nu mɔ́ꞌ lùu laa vɨ ndɔ fɨꞌtə ntɔŋ yijəə buꞌ nu yifwàŋ yizɔ taa mbi yinshə. Vɨɨ fɨ taa məshɨ mənshə ndɔ zɔ ntee, buu vəndwə və mbi ndɔ kuꞌnə.

Matiu 3:2

gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 9:35

Yeso kɨ tɨtoꞌ fɨ taa məshɨ nə taa ntɨꞌsə sənshə, toꞌ deesə nu Nwi taa ndɔꞌ Nwi vəŋ, fɨꞌtə ntɔŋ yijəə kɔ̀ŋ nu yifwàŋ yizɔ, baa ndisə vəza nə vəndoꞌ fɨ maa vɨɨ.

Mark 1:14

Nə luu maa yighee njyə faŋ vɨ nə duꞌtə vɨ jia Jɔn, kwàŋ ŋwə mfiŋ, Yeso jwi shɨ Galilii, kɨ toꞌ fɨꞌtə ntɔŋ Nwi yijəə buꞌ nu yifwàŋ Nwi, gisə laa,

Mark 1:21

Yeso ghɔ vɨ vɨɨ vi vɔ́ kɨ nii gə̀ zìꞌ ntɨꞌ Kapernaum. Shi zwisə Nwi kuꞌ, Yeso gə taa ŋii məshɔꞌtə Nwi, deesə nu Nwi shɔ.

Mark 1:39

Vəŋ kɨ nii yigə. Yeso fɨꞌtə nu Nwi taa ntɨꞌsə Galilii sənshə taa ndɔꞌ Nwi vəŋ, ndɔ̀ fùusə vəzwitə vəbwəvə fɨ maa vɨɨ nɨzi.

Mark 3:10

Fɔnə vɨɨ mbɨə faŋ vəŋ nə kìi vəza, nəə nywenə maa məkɔŋ ŋwə, buꞌ laa ŋwə nə duꞌtə ŋwə shùꞌ vɨɨ vəyaŋ.

Mark 6:2

Shi zwisə Nwi kuꞌ, ŋwə tey kɨ deesə nu Nwi taa ŋii məshɔꞌtə Nwi. Vɨɨ vəyaŋ faŋ vəŋ nə luu shɔ, zɔ, shuu vəŋ yɔŋ. Vəŋ gi laa, «Nu ki kə̀ sii ndɔ̀ fɨ fə? Kəŋ yitɔfə njyə faŋ vɨ kɔ̀ tɨ́ ŋwə nə, sii lùu yitɔfə yikə? Ŋwə yɨsə vənu və yifiŋtə və̀ nə ghɔ ghi kɨkə?

Mark 6:6

Shuu Yeso yɔŋ, buꞌ faŋ vəŋ kee bìŋ nu Nwi me. Ŋwə kɨ nii gə̀ kɨ toꞌ fɨ taa vaŋ-ntɨꞌsə faŋ nsə kìa ntɨꞌ vəŋ, deesə nu Nwi tɨ́ vɨɨ.

Lukas 10:9

Viŋ kɨ fuusə vəza fɨ maa vɨɨ mbɨə faŋ vəŋ zɨzasə ntɨꞌ yɔ́, naysə tɨ́ vɨɨ laa nu yifwàŋ Nwi kee baa luu ntaŋ fɨ yɨ vəŋ me.

Lukas 13:10

Kɨ luu maa shi zwisə Nwi mɔ́ꞌ, Yeso fɨꞌtə nu Nwi taa ŋii Nwi yimɔ́ꞌ.

Lukas 16:16

Yighee ntɨsə Nwi nə nshiisə-ŋii sɔghɔ nə gə zìꞌ maa nu Jɔn. Zi fɨ maa yighee yɔ́, vɨ kɨ nii fɨ̀ꞌtə ntɔŋ yijəə kɔ̀ŋ nu yifwàŋ Nwi tɨ́ vɨɨ. Vɨɨ vənshə faŋ vəŋ ŋii taa nu yifwàŋ Nwi kɔ́, ŋii nə wutə.

Lukas 20:1

Shi mɔ́ꞌ faŋ Yeso nəə deesə nu Nwi tɨ́ vɨɨ taa ŋii Nwi yikwalə, baa fɨꞌtə ntɔŋ yijəə Nwi tɨ́ vəŋ, vɨɨ kwalə məfeꞌ Nwi nə vɨɨ mədeesə ŋwaꞌlə Nwi nə vɨɨ taa fɨ taa ŋii Nwi jwi yɨ ŋwə,

Lukas 4:14

Yeso kɨ nii bə̀ŋ gə̀ shɨ Galilii, tɨ́ wutə Zwitə Nwi nə luu maa ŋwə. Nu ki saynə taa kwiŋ shɨ kɔ́ kənshə.

Lukas 5:17

Shi kəmɔ́ꞌ faŋ Yeso nəə deesə nu Nwi shəŋ mɔ́ꞌ, vɨɨ Farisii nə vɨɨ mədeesə ŋwaꞌlə Nwi duꞌ shɔ, faŋ vəŋ nə ndɔ̀ fɨ maa ntɨꞌsə ntɨꞌsə fɨ shɨ Galilii, nə fɨ shɨ Judia, baa nə ŋkee fɨ ntɨꞌ Jerusalem. Wutə Nwi nə luu maa ŋwə maa məshuꞌ vəza.

Lukas 6:17

Yeso kɨ nii sìꞌ fɨ fuu baŋ yɔ́ ghɔ vɨ vɨɨ mbɨə faŋ ŋwə nii shòꞌ vəŋ nə, zìꞌ maa shəŋ gheesə mɔ́ꞌ, tɨ̀ŋnə shɔ. Nwaa vɨɨ məzwetə nu ki vəyaŋ baytə yɨ ŋwə, nə nwaa vɨɨ vəyaŋ faŋ vəŋ nə ndɔ̀ fɨ Jerusalem, nə fɨ taa ntɨꞌsə Judia səmɔ́ꞌsə, nə fɨ taa məshɨ mə Tayra nə Sidon, faŋ mbə lùu mbɨɨ muu.

Lukas 6:6

Nə luu maa shi zwisə Nwi mɔ́ꞌ, faŋ Yeso nə ŋìi taa ŋii Nwi, dèesə nu Nwi shɔ, wə mɔ́ꞌ nə luu shɔ faŋ kwiŋ maꞌnə wi nə ku.

Lukas 7:21

Maa yighee yɔ́ faŋ vɨɨ ntɔŋ vɔ́ nə jwi yɨ Yeso nə, ŋwə nə shùꞌ vɨɨ vəyaŋ fɨ maa vəza, nə fɨ maa ŋɨꞌ, nə fɨ maa vəzwitə vəbwəvə, gàŋtə vɨɨ sɨ fɨsə vəyaŋ, yɨ̀sə vəŋ yenə.

Lukas 7:22

Nɨniŋ, ŋwə bəŋsə tɨ́ vɨɨ ntɔŋ vɔ́ laa, «Viŋ gə fɨꞌtə nu ŋkɨə faŋ viŋ yè, nə nu ŋkɨə faŋ viŋ zɔ̀, tɨ́ Jɔn. Viŋ naysə tɨ́ ŋwə laa vɨɨ sɨ fɨsə yɨyenə, vəndwey tɨtoꞌ, zatə bwə me fɨ maa vɨɨ, vənshii tuulə zɔnə, vəŋku və vɨɨ ywey, mbəəsə zɔ ntɔŋ yijəə Nwi.

Lukas 8:1

Nu kɔ́ kɨ mè, Yeso ndɔ kɨ toꞌ fɨ taa ntɨꞌsə nə məshɨ, toꞌ fɨ̀ꞌtə nu Nwi shɔ, jwi nə ntɔŋ yijəə kɔ̀ŋ nu yifwàŋ Nwi tɨ́ vɨɨ, toꞌ nɨniŋ, ghɔ vɨ vɨɨ vi njɔsə-bɔɔ luu mɔ́ꞌ.

Lukas 9:11

Vɨɨ vəyaŋ zɔ, bèꞌsə ŋwə. Ŋwə biŋ laa vəŋ ziꞌ yɨ ŋwə, gì tɨ́ vəŋ kɔ̀ŋ nu yifwàŋ Nwi, fùusə vəza fɨ maa vɨɨ mbɨə faŋ vəŋ nəə zɨzasə.

Lukas 9:60

Ŋwə gi tɨ́ wə ghɔ́ laa, «Meꞌtə vəŋku və vɨɨ kɨ təə ŋku wə. Gə fɨ maa ghɔ, gə kɨ fɨꞌtə nu yifwàŋ Nwi!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:20

Yeso bəŋsə tɨ́ ŋwə laa, «Mə nəə gisə yigi nyaa ntee tɨ́ vɨɨ vənshə. Mə nəə deesə taa ndɔꞌ məshəŋtə ghiŋ, nə taa ŋii Nwi yikwalə, faŋ lùu shəŋ ŋkɨə faŋ vɨɨ Jus vənshə faynə shɔ. Mə nəə kee gisə fɨ taa vəndenə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:59

Yeso nə gì yigi nyə̀ yinshə faŋ ŋwə nəə deesə vɨɨ taa ŋii Nwi ntɨꞌ Kapernaum.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:1

Yiŋkii kɨ shɔɔ, Yeso nə toꞌ fɨ shɨ Galilii. Ŋwə nə kee baa kaw kɨ toꞌ fɨ shɨ Judia me, buꞌ laa vɨɨ kwalə vɨɨ Jus nəə kəə zwi ŋwə.

Akts 10:38

Nwi nə yòꞌ Yeso, wuu Nazaret, nə Zwitə Ley Nwi, baa nə wutə, ŋwə ndɔ kɨ toꞌ vəshəŋ vənshə, yɨsə vənu vəjəəvə, baa shùꞌ vəza fɨ maa vɨɨ mbɨə faŋ zwitə bwə nə luu taa ŋwaa vəŋ, buꞌ laa Nwi nə luu yiba jɨŋ ŋwə.

Akts 18:4

Maa vəshi və zwisə və vɨɨ Jus, ŋwə gə taa ŋii məshɔꞌtə Nwi vɨɨ Jus, gi tɨ́ vɨɨ kɔ̀ŋ nu Nwi, faŋ vɨɨ Jus nə vɨɨ Griik nə luu shɔ.

Akts 20:25

Mə duꞌtə mə toꞌ fɨ taa ŋwaa viŋ, toꞌ fɨ̀ꞌtə nu yifwàŋ Nwi tɨ́ viŋ. Nɨniŋ ndwə, mə kɔꞌ kɨɨ laa wə fɨ wiŋ kee ndɔ baa ye mə me.

Akts 28:31

fɨꞌtə nu yifwàŋ Nwi tɨ́ vəŋ, baa deesə vəŋ nə vənu və tɨta Yeso Kristo, gi nə fwi yiweꞌ, wə kee fə̀ŋ ŋwə me.

Roma 10:15

Baa nə laa, sii kaꞌ vɨ kɨ fɨꞌtə nu Kristo kɔ́ kɨkə, faŋ vɨɨ ntɔŋsə kee fùu fu me? Luu nə, Nwi yɨ̀ nu ŋkɨə faŋ ŋkə lùu taa ŋwaꞌlə Nwi laa, «Luu ŋkee nu jəə maa məzɔ nshɨŋsə ghuu vɨɨ ntɔŋsə faŋ vəŋ jwi nə ntɔŋ yijəə.»