Matiu 4:19 - Vengo (Babungo)

¹⁹ Yeso gi tɨ́ vəŋ laa, «Viŋ jwi, bèꞌsə mə. Mə taa yɨsə viŋ gu vɨɨ məbaytə vɨɨ tɨ́ Nwi, sheꞌ faŋ viŋ koo susə taa ghuu nə.»

Matiu 4:19 ပူးပေါင်းရင်းမြစ်များ

Matiu 16:24

Yeso kɨ nii gì tɨ́ vɨɨ məzwetə nu ki laa, «Wə kəə kɨ beꞌsə mə, ŋwə twèy nu ŋwaa ki, bìŋ maa məshaꞌ fəŋkɔꞌ fə ŋkɨꞌsə fi, bèꞌsə mə.

Matiu 19:21

Yeso gi tɨ́ ŋwə laa, «A kəə laa a baw mètə, a gə fìŋtə vətɔ və, gàa ka ghɔ́ tɨ́ vɨɨ ŋɨꞌ, buu vəkeynə və taa luu yizɔ. A yɨ̀ nɨniŋ, a kɨ nii jwì bèꞌsə mə.»

Matiu 4:18

Yeso kɨ shɔ̀ɔ fɨ mbɨɨ maghia Galilii shi mɔ́ꞌ, yè vɨɨ vəbɔɔ faŋ vəŋ nə mɔꞌ ghuu susə vəŋ taa muu. Vɨɨ vɔ́ nə luu Saymon faŋ vɨ tii ŋwə nə Pita, ghɔ weenshu wi Andru. Vəŋ nə luu vɨɨ məkoo susə.

Matiu 4:20

Vəŋ meꞌtə ghuu susə vəŋ yighee muꞌ, bèꞌsə ŋwə.

Matiu 8:22

Yeso gi tɨ́ ŋwə laa, «Beꞌsə mə ndwə, mèꞌtə vəŋku və vɨɨ kɨ təə vəŋku və vɨɨ.»

Matiu 9:9

Yeso fuu fɨ fuŋ, kii gə vɨsɨ, yè wə mɔ́ꞌ faŋ ŋwə dùꞌ shuu ŋii məsa vətɔ, yizii yi luu Matiu, gì tɨ́ ŋwə laa, «Beꞌsə mə!» Ŋwə ndɔ fɨ nsi, bèꞌsə Yeso.

Mark 2:14

shɔ̀ɔ kii gə, yè Levi, wee Alfeɔs, faŋ ŋwə nə dùꞌ shuu ŋii məsa vətɔ. Yeso gi tɨ́ ŋwə laa, «Beꞌsə mə!» Levi ndɔ fɨ nsi, bèꞌsə Yeso.

Lukas 5:27

Yiŋkii kɨ mè, Yeso fuu fu, kɨ toꞌ, yè wuu məsa vətɔ faŋ ŋwə nə dùꞌ shuu ŋii məsa vətɔ. Yizii yi luu Levi. Yeso gi tɨ́ ŋwə laa, «Beꞌsə mə!»

Lukas 9:59

Vəŋ baa kii gə̀, Yeso gi tɨ́ wə mɔ́ꞌ laa ŋwə beꞌsə yi. Wə ghɔ́ gi laa, «Tɨta, naꞌ, mə gə tə̀ə tii ŋwaa ŋkəə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:43

Fu baa kɨ lee, Yeso nə kəə gə̀ shɨ Galilii, ye Filip, gì tɨ́ ŋwə laa, «Beꞌsə mə!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:26

Wə faŋ ŋwə kəə laa yi luu wuu faꞌ ŋwaa, ŋwə kɨ beꞌsə mə. Mə kɔlə gə dùꞌ fə, yia ŋwə dùꞌ mɔ́ꞌ. Wə faŋ ŋwə beꞌsə mə laa yi lùu wuu faꞌ ŋwaa, ŋwə ndɔ kii yizii yikwalə fɨ ghɔ Tii ŋwaa.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:22

Yeso gi tɨ́ ŋwə laa, «Kɨ ghaŋ laa fwi nyaa bàw laa ŋwə ndɔ goꞌ mbi zìꞌ maa yighee njyə faŋ mə ndɔ baa bəŋ jwì, nsɔꞌ yə shɔ lùu laa kə? - Gə̀ fɨ maa ghɔ, beꞌsə mə.»

2 Kɔrintian 12:16

Nɨniŋ, viŋ biŋ laa mə nəə kee kɔ ŋɨꞌ tɨ́ viŋ me, luu nə, wə mɔ́ꞌ taa gi laa mə nəə kɔꞌsə viŋ nə nu mənay.