Matiu 4:13 - Vengo (Babungo)

¹³ Ŋwə ziꞌ yifi, mèꞌtə ntɨꞌ Nazaret, gə̀ kɨ shi luu ntɨꞌ Kapernaum, faŋ lùu shuu maghia, nsi Zebulɔn nə Naftali.

Matiu 4:13 ပူးပေါင်းရင်းမြစ်များ

Matiu 11:23

Gə fɨ maa ghɔ, ntɨꞌ Kapernaum, a nə bɨ̀ꞌtə laa vɨ ndɔ shaꞌsə ghɔ yizɔ lee? A ndɔ siꞌ gə̀ ŋkee maa shəŋ ŋɨꞌ faŋ vəŋku və nsisə vəbwəvə lùu shɔ nə. Vɨ nə yɨsə ŋkee vənu vəkwalə taa ntɨꞌ ghɔ. Vɨ nəə toꞌ yɨsə vənu vɔ́ shɨ Sodom, faŋ Nwi nə ndìsə buꞌ vənu vəbwəvə vəŋ fɨshi nə, buu vəŋ kɨ bii shɔ kɔ tɔ və-ndee.

Matiu 17:24

Vəŋ kɨ ziꞌ ntɨꞌ Kapernaum, vɨɨ mbɨə faŋ vɨ yaa kɨ mɔꞌ ka tasə ŋii Nwi tɨ́ vəŋ, jwi ye Pita, gì tɨ́ ŋwə laa, «Tii wiŋ kee mɔ̀ꞌ tasə ghɔ́ yimu?»

Matiu 4:14

Faŋ ŋwə nə gə̀ nɨniŋ, fàynə maa nu ŋkɨə faŋ nshiiŋii-sɔghɔ Aysaya nə gì.

Matiu 4:15

Ŋwə nə gì laa lee, «Vɨɨ fɨ nsi Zebulɔn nə fɨ nsi Naftali, faŋ nyə lùu kwiŋ maghia nə, yiba muu mə Jordan njɨɨ yi, maa kwiŋ shɨ Galilii, faŋ vɨɨ shi shɔ faŋ kee lùu vɨɨ Jus nə me.

Matiu 9:1

Yeso baa kii ŋii taa bay, tɔŋ gə maa ntɨꞌ njyə faŋ ŋwə yaa kɨ shi shɔ nə.

Mark 1:21

Yeso ghɔ vɨ vɨɨ vi vɔ́ kɨ nii gə̀ zìꞌ ntɨꞌ Kapernaum. Shi zwisə Nwi kuꞌ, Yeso gə taa ŋii məshɔꞌtə Nwi, deesə nu Nwi shɔ.

Mark 2:1

Vəshi vəmɔ́ꞌ kɨ shɔɔ, Yeso bəŋ gə zìꞌ ntɨꞌ Kapernaum. Vɨɨ zɔ laa ŋwə lùu shɔ taa ŋii,

Lukas 10:15

Gə fɨ maa ghɔ, ntɨꞌ Kapernaum, a kɨ bɨꞌtə laa vɨ ndɔ koꞌsə ghɔ yizɔ mu? Bey, a ndɔ siꞌ ŋii ŋkee taa wee-nsi yibay.»

Lukas 4:23

Ŋwə gi tɨ́ vəŋ laa, «Mə kɔꞌ kɨɨ laa viŋ taa gi shee laa, bàw wuu ŋay kɨ gaŋtə nshɨ-tɔ wi. Maa viŋ kəə laa mə kɨ yɨsə vənu vəkwalə mbɨə faŋ viŋ zɔ laa mə nə yɨ̀sə ntɨꞌ Kapernaum, laa mə kɨ yɨsə ntɨꞌ nsiŋ nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:12

Yiŋkii kɨ mè, Yeso ndɔ siꞌ gə̀ ntɨꞌ Kapernaum ghɔ nshu wi nə vaŋ-nshwi vi nə vɨɨ məzwetə nu ki, ghɔ vɨ vəŋ duꞌ shɔ maa vaŋ-mbusə vəshi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:46

Yighee yɔ́ Yeso bəŋ gə ntɨꞌ Kana fɨ shɨ Galilii. Luu ntɨꞌ njyə faŋ ŋwə nə kìasə muu shɔ, mbə gu məluꞌ nə. Faŋ ŋwə nə luu yifi, wuu kwalə mɔ́ꞌ nə luu shɔ ntɨꞌ Kapernaum faŋ ŋwiŋ wi nəə zasə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:17

gə̀ ŋìi taa bay, tɔŋ gə̀ njɨɨ yi, ntɨꞌ Kapernaum, tɨ́ fu fəŋ, Yeso kee ta jwì yɨ vəŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:24

Nɨniŋ, vɨɨ vɔ́ ye laa Yeso kee baa lùu shɔ me, vɨɨ məzwetə nu ki kee lùu shɔ me, vəŋ ŋii taa vəbay vɔ́, tɔ̀ŋ muu, gə̀ njɨɨ Kapernaum, kɨ kəə Yeso fɨ fuŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:59

Yeso nə gì yigi nyə̀ yinshə faŋ ŋwə nəə deesə vɨɨ taa ŋii Nwi ntɨꞌ Kapernaum.