Matiu 4:10 - Vengo (Babungo)

¹⁰ Yeso bəŋsə tɨ́ ŋwə laa, «Ndɔ fɨ yɨ mə Satan! Ŋkə lùu taa ŋwaꞌlə Nwi laa, «Kɨ bəŋsə Mɔꞌmbi, Nwi wə, fàꞌ sheꞌ faꞌ wi nɨnɔŋ.»

Matiu 4:10 ပူးပေါင်းရင်းမြစ်များ

Matiu 16:23

Ŋwə kiasə ŋwaa wi, gì tɨ́ Pita laa, «Suꞌtə fɨ yiba jɨŋ mə, Satan, a kɔꞌsə mə taa mbwəə, buꞌ laa a kee bɨꞌtə nu Nwi me, a bɨꞌtə luu sheꞌ nu wə mənsaw.»

Mark 1:13

Faŋ ŋwə nə luu shɔ taa tɔɔ waꞌsə nə, nyaasə bwəsə nə luu shɔ nɨzi. Nshiisə-ŋiisə Nwi nəə faꞌ tɨ́ ŋwə.

Lukas 10:18

Ŋwə gi tɨ́ vəŋ laa, «Mə yè faŋ tɨɨ vəzwitə vəbwəvə fìŋ fɨ taa yizɔ yaa yibay.

Lukas 11:18

Yifwàŋ Satan, tɨɨ vəzwitə vəbwəvə, nəə toꞌ gaasə ŋwaa wi vəway vəbɔɔ, buu kaꞌ yifwàŋ yi tɨŋnə kɨkə? Nɨniŋ, kaꞌ viŋ kee baa kɨ gisə laa Satan yiba jɨŋ mə, buu mə kɨ fuusə vəzwitə vəbwəvə nə me.

Lukas 13:16

Gə fɨ maa wəzwi ŋwə̀, faŋ luu ŋkee wee tɨta ŋwaa-nsiŋ Abraham nə, tɨɨ vəzwitə vəbwəvə nə yɨnə ŋwə maa ŋuꞌsə njɔsə-yifɔŋ. Ŋkə kee bàw laa mə keꞌtə ŋwə maa shi zwisə Nwi yimu?»

Lukas 22:3

Maa yighee yɔ́, tɨɨ vəzwitə vəbwəvə ŋii taa ŋwaa Judas, faŋ vɨ nəə tii ŋwə nə Iskariot, faŋ nə lùu wə muꞌ fɨ taa ŋwaa vɨɨ Yeso njɔsə-bɔɔ nə.

Lukas 22:31

Yeso kɨ nii gì tɨ́ Pita laa, «Saymon, Saymon, tɨɨ vəzwitə vəbwəvə kəə mɔŋ viŋ, sheꞌ yaa wə faŋ ŋwə səə bee, fuusə vəghɔ fɨ taa tey yi.

Lukas 4:8

Yeso bəŋsə tɨ́ ŋwə laa, vɨ nyɔ̀ꞌ taa ŋwaꞌlə Nwi laa, «Kɨ bəŋsə sheꞌ Tɨta Nwi, faŋ lùu Nwi wə. Bàw a kɨ faꞌ sheꞌ tɨ́ ŋwə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:27

Sheꞌ yighee muꞌ faŋ Saymon fi bee kɔ́, zwitə bwə Satan ŋii taa fwi ŋwə. Yeso gi tɨ́ ŋwə laa, «Nu ŋkɨə faŋ a kəə yɨ̀, yasə kɔ̀ꞌlə gə̀ yɨ̀sə.»

Akts 26:18

Mə taa tɔŋ ghɔ tɨ́ vɨɨ tɔmə day laa a taa ŋaꞌsə sɨ vəŋ, vəŋ fuu fɨ taa mfiŋsə, ŋìi taa məley Nwi. A fuusə vəŋ fɨ ghɔ wutə zwitə bwə, kwaŋ vəŋ taa wutə Nwi, laa məbiŋ vəŋ yɨsə vənu vəbwəvə vəŋ ndi, vəŋ ndɔ fi shəŋ vəŋ taa ŋwaa vaŋ ley Nwi, faŋ vəŋ nùŋ fwisə vəŋ maa mə.»

Akts 5:3

Ŋwə jwi nɨniŋ, Pita gi tɨ́ ŋwə laa, «Ananias, sii yɨ̀ kə laa tɨɨ vəzwitə vəbwəvə bweꞌsə ghɔ laa a fiŋ yindɨɨ yə, ndɨ̀ə way ka, jwì kɨ dəsə way laa lùu faŋ a fìŋ yindɨɨ yɔ́? A sɨ̀ɨ ba lùu tɨ́ Zwitə Ley Nwi.

1 Kɔrintian 5:5

mèꞌtə wə ghɔ́ tɨ́ tɨɨ vəzwitə vəbwəvə laa ŋwə ndisə ŋwaa wə ghɔ́. Nɨniŋ, kaꞌ zwitə ki ndɔ bwey maa shi ŋkɨə faŋ tɨta Yeso ndɔ bəŋ jwi, kɨ sɔꞌ mbi nə.

1 Kɔrintian 7:5

Nɨniŋ ghɔ́, kɨ wəndɔŋ ghɔ wəzwi twey nu liŋ wi me, maa tɨ̀ lɨꞌ laa vəŋ vənshə biŋ laa vəŋ taa gaasə yiŋwaa maa wee-fɨ-yighee maa məshɔꞌtə Nwi me. Yighee yɔ́ taa shɔɔ, bàw vəŋ baa faynə, tɨ́ kaꞌ zwitə bwə Satan kee kìi wutə, ŋii taa ŋwaa vəŋ nə məmɔŋ, kɨ yɨ laa vəŋ gu, buꞌ laa vəŋ kee kɨɨ sɔꞌ yiŋwaa yivəŋ me.

2 Kɔrintian 11:14

Nu kɔ́ kee lùu nu shuu yɔŋ me, buꞌ laa nshɨ-tɔ Satan kwìinə ŋwaa wi laa ŋwə kəꞌ yuu nshiiŋii Nwi.

2 Kɔrintian 12:7

Luu nə, Nwi yɨsə laa kɨ mə koꞌsə ŋwaa me, buꞌ vənu və shuu yɔŋvə faŋ mə nə ye nə. Vɨ sɔ̀ nyaw maa mbasə ŋwaa ŋwaa, faŋ luu ŋkee nshiiŋii Satan, faŋ vɨ nə kɔ laa ŋwə saŋ mə, laa mə kee baa kɨ koꞌsə ŋwaa me.

2 Kɔrintian 2:11

Nsiŋ yɨ nɨniŋ laa kɨ Satan, tɨɨ vəzwitə vəbwəvə, kee kɨ bweꞌsə nsiŋ me. Maa nsiŋ kɔꞌ kɨɨ nə ŋkɨɨ yi.

Jeyms 4:7

Nɨniŋ nə, viŋ zɔnə Nwi, twey nu zwitə bwə Satan, buu ŋwə taa kɨ nyɨŋ fɨ yɨ viŋ.

1 Pita 5:9

Viŋ tɨŋ weꞌ maa mənywenə ŋwə. Məbiŋ wiŋ weꞌ! Viŋ kɔꞌ kɨɨ laa vaŋ-nshwi viŋ faŋ vəŋ bìŋ Nwi fɨ taa mbi yinshə, kɨ ye ŋɨꞌ sheꞌ nɨndɨŋ.