Matiu 3:9 - Vengo (Babungo)

⁹ Kɨ viŋ kɨ bɨꞌtə fɨ taa fwisə viŋ maa məgi laa kaꞌ nu kee baa bɨ̀ tɨ́ viŋ me, buꞌ faŋ Abraham lùu tii wiŋ nə. Mə naysə tɨ́ viŋ laa kaꞌ Nwi ndì ŋoꞌsə sə̀, kìasə, nsə gu vaŋ Abraham.

Matiu 3:9 ပူးပေါင်းရင်းမြစ်များ

Mark 7:21

buꞌ laa vənu vəbwəvə fuu fɨ taa ŋwaa wə, fɨ taa fwi ŋwə. Vənu vəbwəvə yaa mbɨꞌtə yibwə, nə nu mətoꞌ vəsakə, nə nu vəndɔꞌ, nə nu məzwi wə,

Lukas 12:17

Ŋwə bɨꞌtə fɨ tɔ ŋwə laa yi sii taa yɨ kɨkə, faŋ yi kee kìi shəŋ, nùŋsə vətɔ vəzɨvə vi vɔ́ shɔ vənshə me?

Lukas 16:24

Ŋwə yumə nəŋay laa, «Tii ŋwaa, Abraham, kee gəŋ saŋ, tɔ̀ŋ Lasarɔs laa ŋwə shu sheꞌ wee-ghɔ wi taa muu, jwì shu tɔ nditə mə, ŋkə zutə, buꞌ laa ŋɨꞌ nyaa yàŋ dɨdɨꞌ taa wisə ŋwə̀ faŋ ŋwə twaŋ mə nə.»

Lukas 19:40

Ŋwə bəŋsə tɨ́ vəŋ laa, «Viŋ zɔ! Mə gi tɨ́ viŋ laa, vɨɨ və̀ shia, buu ŋoꞌsə taa kɨ luꞌ.»

Lukas 3:8

Viŋ kɨ yɨsə vənu faŋ mbə kùꞌnə tɨ́ vɨɨ faŋ vəŋ kwiinə fwisə vəŋ! Kɨ viŋ tey kɨ bɨꞌtə fɨ taa fwisə viŋ laa viŋ kùꞌnə tɨ́ Nwi buꞌ faŋ viŋ lùu vaŋ vaŋ Abraham nə me. Mə naysə tɨ́ viŋ laa, kaꞌ Nwi kiasə ŋoꞌsə sə̀, nsə gu vaŋ Abraham.

Lukas 5:22

Yeso nəə kɔꞌ kɨɨ nə mbɨꞌtə vəŋ, gì tɨ́ vəŋ laa, «Viŋ sii bɨ̀ꞌtə kə fɨ taa fwisə viŋ?

Lukas 7:39

Wuu Farisii ghɔ́ faŋ ŋwə nə tìi Yeso taa ŋii ŋwə nə, ye, bɨ̀ꞌtə fɨ taa fwi ŋwə laa, Yeso nii toꞌ lùu nshiiŋii-sɔghɔ, buu ŋwə kɨ̀ɨ nə wəzwi ŋwə̀, faŋ ŋwə kɔ̀ŋ ŋwə nə, baa kɨ̀ɨ nə ŋiꞌ ki laa lùu wuu məyɨ vənu vəbwəvə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:33

Vɨɨ mɔ́ꞌ gi tɨ́ ŋwə laa vəŋ lùu vɨɨ yikuu Abraham, laa vəŋ nə kee ta lùu buꞌ tɨ́ wə me. Sii yɨ kə ŋwə gi laa vəŋ taa nyɨŋ fɨ lùu vəbuꞌ?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:37

Mə kɔꞌ kɨɨ laa viŋ lùu vɨɨ yikuu Abraham. Luu nə, viŋ mèꞌtə kɨ toꞌ kəə jɨɨ zwi mə, buꞌ laa viŋ kee bìŋ yigisə nyaa me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:53

Tii wia Abraham nə kù, a kwàlə shɔ̀ɔ ŋwə mu? Nshiisə-ŋii sɔghɔ nə kukə̀. A sii bɨꞌtə laa a lùu ndə?»

Akts 13:26

Vaŋ-nshwi vaŋ, faŋ viŋ lùu vaŋ ŋiꞌ ŋii Abraham, tɨꞌnə me vɨɨ vəmɔ́ꞌ faŋ vəŋ fee Nwi nɨzi, viŋ kɔꞌ kɨɨ laa Nwi tɔ̀ŋ nu ŋkɨə faŋ ŋkə bweysə vɨɨ tɨ́ nsiŋ.

Akts 15:14

Saymon nii duꞌtə ŋwə naysə faŋ Nwi nə ndeynə vɨɨ faŋ nə kee lùu vɨɨ Jus me, shòꞌ vɨɨ fɨ taa ŋwaa vəŋ, vəŋ luu vɨɨ vi, bìŋ yizii yi.

Roma 4:1

Nɨniŋ, nu Abraham, faŋ lùu tɨɨ ŋiꞌ ŋii kaŋ-nsiŋ nə, nə luu kɨkə? Nu ki nə luu kəloomə buꞌ vənu vəjəəvə vi faŋ ŋwə nə yɨ̀sə mu?