Matiu 3:6 - Vengo (Babungo)

⁶ biŋ vənu vəbwəvə vəŋ ntee. Ŋwə kɔ muu mə Nwi tɨ́ vəŋ taa muu mə Jordan.

Matiu 3:6 ပူးပေါင်းရင်းမြစ်များ

Matiu 3:11

Jɔn baa gi laa, «Mə kɔ muu mə Nwi tɨ́ viŋ laa viŋ kɨ kwiinə fwi siŋ. Luu nə, wə ntɨə faŋ ŋwə jwi fiiba mə, kìi wutə shɔ̀ɔ mə. Mə kee bee kùꞌnə ŋkee maa məshaꞌ gɔsə si me. Ŋwə ndɔ kɔ luu Zwitə Ley Nwi tɨ́ viŋ, nə wisə.

Mark 1:5

Vɨɨ Jerusalem vənshə ghɔ vɨ vɨɨ vənshə fɨ taa ntɨꞌsə Judia səmɔ́ꞌsə ndɔ gə̀ ye ŋwə. Ŋwə kɔ muu mə Nwi tɨ́ vɨɨ mbɨə faŋ vəŋ bìŋ vənu vəbwəvə vəŋ taa muu mə Jordan.

Lukas 1:16

Ŋwə ndɔ kiasə vɨɨ Isirayl vəyaŋ, laa vəŋ baa kɨ nuŋ fwi vəŋ maa Nwi.

Lukas 3:16

Jɔn bəŋsə tɨ́ vəŋ vənshə, gì laa, «Mə mɔꞌ lùu muu tɔ viŋ. Luu nə, wə ntɨə faŋ ŋwə weꞌ shɔɔ mə, ndɔ jwi kɨ kwaŋ luu Zwitə Ley Nwi maa viŋ, baa nə nsɔꞌ Nwi faŋ nyə twaŋ yibɨsə yinshə yaa wi. Ŋwə kwàlə shɔ̀ɔ mə. Mə kee bee kuꞌnə maa məfaꞌ vəfaꞌ və vəbuꞌ tɨ́ ŋwə, yaa məkeꞌtə kuu gɔsə wi me.

Akts 1:5

Ŋwə nə baa gì laa lee, «Vɨɨ nəə fi muu mə Nwi fɨ ghɔ Jɔn taa muu. Gə fɨ maa viŋ, viŋ taa kɨ fi luu Zwitə Ley Nwi. Ŋkə kee baa luu ntaŋ me.»

Akts 11:16

Mə ye nɨniŋ, lùmə yigi yimɔ́ꞌ faŋ tɨta ŋwaa-nsiŋ nə gì tɨ́ nsiŋ laa, vɨɨ nəə fi muu mə Nwi fɨ ghɔ Jɔn, gə̀ fɨ maa nsiŋ, nsiŋ taa fi lùu Zwitə Ley Nwi.

Akts 19:18

Vɨɨ vəyaŋ faŋ vəŋ nə bìŋ nu Kristo, jwi bìŋ yibɨsə vəŋ ntee, faŋ vəŋ yaa yɨsə.

Akts 22:16

Ŋwə kɨ nii baa bìtə shee laa mə sii kɨꞌ kə? «Bàw a ndɔ yizɔ, fì muu mə Nwi, kɨ tii yizii Yeso laa ŋwə sɔ nu bwə kə.»

1 Kɔrintian 10:2

faŋ vəŋ nəə shɔɔ fɨ ŋiꞌ mbɔꞌ yɔ́. Faŋ vəŋ nə shɔ̀ɔ fɨ taa mamuu nə, ŋkə lùu laa vəŋ vənshə nə fì muu nɨniŋ, fàynə gù fa kəmuꞌ ghɔ vɨ Mose.

Kɔlɔsii 2:12

Faŋ viŋ nə fì muu mə Nwi nə, ŋkə nə lùu yaa vɨ zwì viŋ Kristo mɔ́ꞌ, təə, nshinə yibwə yiŋ ku. Sheꞌ nɨniŋ, Nwi yweysə viŋ vɨ Kristo fɨ shɨ yiku mɔ́ꞌ, buꞌ faŋ viŋ nùŋ fwi siŋ maa wutə Nwi, faŋ ŋwə ywèysə Yeso Kristo fɨ shɨ yiku nə.

Hibru 6:2

Kɨ yia baa tey kɨ twelə tɨ́ viŋ kɔ̀ŋ nu məfi muu mə Nwi nə məmɔꞌ ghɔ tɔ vɨɨ, baa nə nu ŋkɨə faŋ Nwi ndɔ yweysə vɨɨ fɨ shɨ yiku, ndɔ baa kɨ shia nsɔꞌ tɔ vɨɨ maa yighee shə me.

Hibru 9:10

Ndeysə nə vəkɔ luu sheꞌ vətɔ və shɨ nsi. Mbə luu sheꞌ yaa nuŋsə yimɔ́ꞌ kɔ̀ŋ vətɔ vəzɨvə, nə vətɔ və mənu, nə ŋgunə məsɔ vətɔ. Nuŋsə yinshə lùu vənu və shɨ nsi faŋ mbə dùꞌ sheꞌ maa kuŋtə yighee, zìꞌ maa yighee njyə faŋ Nwi taa də jɨɨ yiday faŋ nyə bàw shɔ̀ɔ nuŋsə yɔ́.

Jeyms 5:16

Bàw viŋ biŋ nu bwə kiŋ, viŋ viŋ, kɨ buꞌ ghɔ tɨ́ Nwi, viŋ viŋ, tɔ viŋ, laa viŋ bwey fɨ maa vəza viŋ. Wə ntɨə faŋ vənu vi lùu vəloomə, kɨ luu bùꞌ ghɔ tɨ́ Nwi, buu kaꞌ ŋkee nu kwalə fùu fɨ fuŋ.

1 Pita 3:21

Nu muu kɔ́ luu mfɨꞌ nu muu mə Kristo, faŋ mbə bweysə viŋ ndwə. Mbə kee lùu maa məsɔ yifɨŋ fɨ maa viŋ me, lùu nu maa məbuꞌ ghɔ tɨ́ Nwi, laa ŋwə yɨsə fwi siŋ ley. Kaꞌ ŋkə bwèysə viŋ buꞌ laa Yeso Kristo nə ywèy fɨ shɨ yiku,

1 Jɔn 1:9

Nsiŋ kɨ luu bìŋ nu bwə kaŋ-nsiŋ, buu Nwi taa kɨ ndenə nu bwə kaŋ-nsiŋ, baa sɔ̀ vənu vəbwəvə fɨ maa nsiŋ, buꞌ laa Nwi lùu wuu yinsəŋ, yɨsə sheꞌ vənu vəloomə.