Matiu 3:2 - Vengo (Babungo)

² gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 3:2 ပူးပေါင်းရင်းမြစ်များ

Matiu 10:7

Viŋ taa kii toꞌ nɨniŋ, viŋ kɨ naysə tɨ́ vɨɨ laa nu yifwàŋ yizɔ luu nshənə.

Matiu 11:20

Yeso kɨ nii tey kɨ shə fɨ tɔ ntɨꞌsə səmɔ́ꞌ, buꞌ laa vəŋ nə kee kwìinə fwisə vəŋ me, faŋ ŋwə nə kɔlə yɨ̀sə ŋkee vənu vəkwalə sɨ vəŋ. Ŋwə nə gì laa lee,

Matiu 12:41

Maa shi məshia nsɔꞌ ŋkə yiba vɨɨ fɨ shɨ Ninevee ndɔ tɨŋnə yizɔ, mɔ̀ꞌ nsɔꞌ tɔ viŋ, viŋ vɨ ŋgwisə vɨɨ və̀, buꞌ laa vəŋ nə kwìinə fwisə vəŋ maa yighee njyə faŋ Jona nə fɨ̀ꞌtə nu Nwi tɨ́ vəŋ. Gə fɨ maa viŋ, viŋ yè wə faŋ ŋwə shɔ̀ɔ Jona, kee bee kwìinə fwi siŋ me.

Matiu 13:11

Ŋwə bəŋsə tɨ́ vəŋ laa, «Nwi kɔ ŋiꞌ nu yifwàŋ yizɔ tɨ́ viŋ laa viŋ kɨɨ, kee kɔ̀ tɨ́ vɨɨ mbii-wə me.

Matiu 13:24

Yeso baa fɨ̀ꞌtə yigisə tii yimɔ́ꞌ tɨ́ vəŋ, gì laa, «Nu yifwàŋ yizɔ lùu yaa wə mɔ́ꞌ faŋ ŋwə nə gə̀ mɔꞌ say ghinə jəənə taa biisə ŋwə.

Matiu 13:31

Ŋwə baa kɨ fɨꞌtə yigisə tii yimɔ́ꞌ tɨ́ vəŋ laa, «Nu yifwàŋ yizɔ lùu yaa ŋɨꞌ fulɨsɨgaa faŋ wə ndì, gə̀ mɔ̀ꞌ taa biisə ŋwə.

Matiu 13:33

Ŋwə baa kɨ fɨꞌtə yigisə tii yimɔ́ꞌ tɨ́ vəŋ laa, «Nu yifwàŋ yizɔ lùu yaa fənsɨŋ, faŋ wəzwi mɔ́ꞌ nə ndì, wàsə taa vətɔ və bee-nə-mbwii vətia, mbə mwakə lwaŋkə.»

Matiu 13:47

«Nu yifwàŋ yizɔ baa fɨ̀nə ghuu məkoo susə faŋ vɨ nə mɔ̀ꞌ taa mamuu, kòo taŋ susə shɔ nshə.

Matiu 13:52

Ŋwə gi tɨ́ vəŋ laa, «Wuu məkɨɨ nə ŋwaꞌlə Nwi ŋgwə faŋ ŋwə zwètə nu yifwàŋ yizɔ, lùu yaa tɨɨ fu, faŋ ŋwə nùŋsə vətɔ vi vənshə taa ŋii ŋwə, tɨ́ kɨ kaꞌ ŋwə kɨ fuusə vətɔ vəfivə fɨ fuŋ ghɔ vəmwavə.»

Matiu 18:23

«Nu yifwàŋ yizɔ lùu yaa nu fwàŋ mɔ́ꞌ faŋ ŋwə nəə kəə kɔɔ vɨɨ faꞌ vi.

Matiu 20:1

Yeso nə baa nàysə yigisə tii yimɔ́ꞌ tɨ́ vəŋ, gì laa lee, «Nu yifwàŋ fɨ yizɔ fɨ̀nə tɨɨ fu faŋ ŋwə fùu taa nshia-ndoo-mbisɨ maa məbaytə vɨɨ faꞌ laa vəŋ gə fàꞌ taa yindɨɨ ŋwə.

Matiu 22:2

«Nu yifwàŋ yizɔ lùu yaa nu fwàŋ mɔ́ꞌ faŋ ŋwə nə nàysə yitianə məndaa ŋwiŋ wi.

Matiu 23:13

Yeso nə baa gì laa lee, «Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii; viŋ lùu vɨɨ məboꞌ ŋwaa. Viŋ fəŋ shuu yifwàŋ fɨ yizɔ fɨ ghɔ vɨɨ. Nshɨ-tɔ wiŋ kee ŋìi shɔ me. Gə fɨ maa vɨɨ mbɨə faŋ vəŋ kəə ŋii shɔ, viŋ fəŋ vəŋ.

Matiu 25:1

Yeso nə baa gì laa, «Yighee njyə faŋ Wuu yinsəŋ Nwi ndɔ bəŋ jwi, nu vɨɨ məkɨꞌ nu yifwàŋ fɨ yizɔ ndɔ luu yaa nu vaŋ-vəki vəmɔ́ꞌ yighuŋ, faŋ vəŋ nə ndì təkiꞌ təvəŋ, gə̀ nə ntə fɔ məndaa.

Matiu 25:14

Yeso baa tìi yigisə tii yimɔ́ꞌ laa, «Yighee njyə faŋ Wuu yinsəŋ Nwi ndɔ bəŋ jwi, ŋkə ndɔ luu yaa nu wə faŋ ŋwə nə kəə gə̀ yitoꞌ, tìi vɨɨ faꞌ vi, kɔ̀ vətɔ vi tɨ́ vəŋ.

Matiu 4:17

Nə luu maa yighee yɔ́, Yeso tey kɨ fɨꞌtə nu Nwi, gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 4:23

Yeso kɨ nii toꞌ fɨ taa shɨ Galilii kənshə, deesə nu Nwi taa ndɔꞌ Nwi, fɨꞌtə ntɔŋ yijəə kɔ̀ŋ nu yifwàŋ yizɔ, shùꞌ vəza vənshə nə vəndoꞌ vənshə fɨ maa vɨɨ.

Matiu 5:10

Mənɔŋ-bwaŋnə tɨ́ vɨɨ mbɨə faŋ vɨ shoꞌ ghuu vəŋ buꞌ məzɔnə nə vənu vəloomə faŋ vəŋ yɨsə, fɔnə nu yifwàŋ yizɔ lùu tɨ́ vəŋ.

Matiu 5:3

«Mənɔŋ-bwaŋnə tɨ́ vɨɨ mbɨə faŋ vəŋ dùꞌ yaa mbəəsə vɨsɨ Nwi (faŋ vəŋ kɨꞌ vənu vənshə sheꞌ fɨ ghɔ Nwi,) fɔnə nu yifwàŋ yizɔ lùu tɨ́ vəŋ.

Matiu 6:10

Bàw yifwàŋ yə jwi. Yɨsə laa vənu vənshə gay sheꞌ maa ŋkitə yə shɨ nsi yuu ŋkə lùu yizɔ.

Matiu 6:33

Nɨniŋ, viŋ bɨ tə̀ sɨ maa nu yifwàŋ yizɔ, baa nə laa viŋ ndɔ luu vəloomə sɨ ŋwə, buu ŋwə kɨ kuꞌsə vətɔ vɔ́ tɨ́ viŋ nɨzi.

Mark 1:15

«Yighee njyə faŋ Nwi ndɔ jwì sɔꞌ vɨɨ maa nshɨ-tɔ wi lùu nshənə. Nɨniŋ, viŋ kwiinə fwi siŋ, biŋ ntɔŋ yijəə yɔ́.»

Mark 1:4

Nɨniŋ, Jɔn fuu taa tɔɔ waꞌsə, fàynə yigisə Nwi yɔ́, ndɔ fɨꞌtə nu Nwi tɨ́ vɨɨ, gi laa vəŋ biŋ nu bwə vəŋ ntee, kwìinə fwisə vəŋ, buu fi muu mə Nwi fɨ ghɔ yi maa məsɔ yibɨsə vəŋ, buu Nwi ndenə yibɨsə vəŋ.

Mark 6:12

Yeso mètə yigi yi yɔ́, vɨɨ məzwetə nu ki fuu, gə̀ kɨ fɨꞌtə nu Nwi laa vɨɨ kwiinə njɨɨnə vəŋ.

Lukas 1:16

Ŋwə ndɔ kiasə vɨɨ Isirayl vəyaŋ, laa vəŋ baa kɨ nuŋ fwi vəŋ maa Nwi.

Lukas 11:20

Luu nə, mə kɨ luu kɨ fuusə vəzwitə vəbwəvə nə wutə Nwi, buu ŋkə lùu laa nu yifwàŋ Nwi zìꞌ ghɔ viŋ.

Lukas 13:3

Ŋkə kee lùu nɨniŋ me. Viŋ zɔ! Mə gì tɨ́ viŋ laa viŋ kɨ luu kee kwiinə fwi siŋ me, buu viŋ vənshə ndɔ kɨ kukə sheꞌ nɨniŋ.

Lukas 13:5

Bey, mə gì tɨ́ viŋ laa, viŋ kɨ luu kee kwìinə fwi siŋ me, buu viŋ vənshə ndɔ kɨ kukə sheꞌ nɨniŋ.»

Lukas 15:10

Mə naysə tɨ́ viŋ laa, nshiisə-ŋiisə Nwi ŋaytə sheꞌ nɨniŋ maa wuu məyɨ nu bwə muꞌ faŋ ŋwə kwiinə fwi yi.»

Lukas 15:7

Viŋ zɔ! Mə naysə tɨ́ viŋ laa vɨ ŋaytə yizɔ sheꞌ nɨniŋ buꞌ yɨ-kəbwə muꞌ, faŋ ŋwə kwìinə fwi yi, shɔ̀ɔ faŋ vɨ ŋaytə maa vɨɨ njɔsə-buumuꞌ muu-buumuꞌ faŋ vənu vəvəŋ lùu vəloomə, faŋ nu kee ghɔꞌ vəŋ laa vəŋ kwiinə fwisə vəŋ me.»

Lukas 16:30

Ŋwə laa, «Ŋkə kee yikuꞌnə me. Luu nə, wə kɨ luu fuu fɨ shɨ yiku, gə̀ maa vəŋ, buu vəŋ taa kwiinə fwisə vəŋ.»

Lukas 21:31

Sheꞌ nɨniŋ, yighee njyə faŋ viŋ ndɔ ye vənu vɔ́ gay nɨniŋ, viŋ kɔꞌ kɨ nii kɨɨ laa nu yifwàŋ Nwi lùu nshənə.

Lukas 24:47

baa nə laa vɨ ndɔ kɨ fɨꞌtə nu ki tɨ́ vɨɨ vənshə fɨ taa mbi, laa vəŋ kwiinə fwisə vəŋ, buu Nwi ndenə yibɨsə vəŋ buꞌ yizii yi. Nɨniŋ, viŋ ndɔ kɨ fɨꞌtə nu kɔ́, tèy fɨ ntɨꞌ Jerusalem.

Lukas 6:20

Yeso shaꞌsə tɔ ki, kɨ ndeynə vɨɨ məzwetə nu ki, gì laa, «Mənɔŋ-bwaŋnə lùu tɔ viŋ faŋ viŋ luu mbəəsə, fɔnə viŋ ndɔ zɨ nu yifwàŋ Nwi.

Lukas 9:2

kɨ nii tɔŋ vəŋ laa vəŋ gə, kɨ toꞌ, fɨꞌtə nu yifwàŋ Nwi tɨ́ vɨɨ, baa shùꞌ vəza fɨ maa vɨɨ.

Akts 11:18

Vɨɨ Jus vɔ́ zɔ nɨniŋ, gày, kɨ bəŋsə Nwi, gi laa, «Yinsəŋ, Nwi kɔ̀ jɨɨ tɨ́ vɨɨ tɔmə day nɨzi, laa vəŋ kwiinə fwisə vəŋ, zɨ̀ məbwey vəlwaŋ nɨzi.

Akts 17:30

Nɨniŋ, Nwi ndenə vənu mbɨə faŋ viŋ nə yɨsə nshi yighee vɨsɨ. Lùu ndwə, ŋwə gì tɨ́ vɨɨ vənshə maa vəshəŋ vənshə, laa vəŋ kwiinə fwisə vəŋ,

Akts 2:38

Pita gi tɨ́ vəŋ laa, «Viŋ kwiinə fwi siŋ, fì muu mə Nwi tɔ tɔ, maa yizii Yeso Kristo, laa Nwi ndenə vənu vəbwəvə viŋ faŋ viŋ nə yɨ̀sə, buu viŋ fi Zwitə Ley Nwi, faŋ Nwi taa key viŋ shɔ nə,

Akts 20:21

Mə nə gì tɨ́ vɨɨ Jus nə tɨ́ vɨɨ Griik, laa vəŋ kwiinə fwisə vəŋ, nùŋ maa Nwi, nə maa tɨta Yeso Kristo.

Akts 26:20

Mə kɨ nii gə fɨ̀ꞌtə nu Nwi tɨ́ vɨɨ ntɨꞌ Damaskɔs, laa vəŋ kwiinə fwisə vəŋ, nùŋ maa Nwi, kɨ yɨsə vənu faŋ mbə kùꞌnə maa vɨɨ, faŋ vəŋ nə kwìinə fwisə vəŋ. Mə kɨ nii baa shɔ̀ɔ gə̀ maa vɨɨ fɨ ntɨꞌ Jerusalem, nə maa vɨɨ vənshə faŋ vəŋ lùu shɨ Judia, baa nə vɨɨ fɨ taa məshɨ məday.

Akts 3:19

Nɨniŋ, viŋ kwiinə fwi siŋ ndwə, kwiinə nshinə yiŋ, laa Nwi ndenə yibɨsə yiŋ faŋ viŋ nə yɨ̀.

2 Kɔrintian 7:10

Wə kɨ luu kɨ luŋ maa jɨɨ Nwi, buu məluŋ wi ghɔ́ taa bweysə ŋwə, fwi yi kee sɔꞌ ŋwə faŋ ŋwə kwìinə fwi yi nə me. Kɨ luu wə nə luŋ maa jɨɨ vənu və taa mbi, buu lùu yiku yi.

Kɔlɔsii 1:13

Nwi nə bwèysə nsiŋ, fùusə nsiŋ fɨ ghɔ vəwutə vəbwəvə faŋ mbə lùu taa mfiŋsə. Ŋwə nə ndì nsiŋ fɨ fuŋ, nùŋsə nsiŋ taa yifwàŋ ŋwiŋ wi, faŋ ŋwə kàw ŋwə nə.

2 Timoti 2:25

Bàw ŋwə kɔ bəŋsə tɨ́ vɨɨ mətwey nu Kristo taa gɨ yibwaŋnə, laa kaꞌ yighee mɔ́ꞌ Nwi gaŋtə vəŋ, vəŋ kwiinə fwisə vəŋ, kɨ̀ɨ nə nu yinsəŋ,

Hibru 6:1

Faŋ ŋkə lùu nɨniŋ nə, bàw nsiŋ kɨ gə vɨsɨ nə nu ŋkɨə faŋ lùu nu wə faŋ ŋwə ta kùꞌnə. Nsiŋ kee baa kɨ gisə kɔ̀ŋ mfɔŋsə vənu və Kristo me, faŋ lùu laa vɨɨ kwiinə fwisə vəŋ, kee baa kɨ yɨsə vənu vəbwəvə faŋ mbə jwi nə yiku nə me, baa nə laa vɨɨ nuŋ fwi vəŋ maa Nwi. Viŋ duꞌtə viŋ kɨɨ nə vənu vɔ́. Kaꞌ vɨ kee bɔ̀ŋ shɨ ŋii ghee bɔɔ me.

2 Pita 3:9

Vɨɨ mɔ́ꞌ bɨꞌtə laa Nwi tày dɨdɨꞌ, baa nə laa ŋwə kee ndɔ yɨ nu ŋkɨə faŋ ŋwə nə kɔ̀ꞌnə laa yi ndɔ yɨ me. Ŋkə kee lùu nɨniŋ me. Ŋiꞌ nu kɔ́ lùu laa, Nwi jìa fwi yi tɨ́ viŋ, kɔ̀ jɨɨ tɨ́ vɨɨ laa vəŋ kwiinə fwisə vəŋ. Nwi kee kàw laa vɨɨ mɔ́ꞌ lee məbwey vəlwaŋ me. Nwi kəə laa vɨɨ vənshə kwiinə fwisə vəŋ.

Reveleyshən 2:21

Mə nə kɔ̀ yighee tɨ́ ŋwə maa məkwiinə fwi yi. Luu nə, ŋwə kee biŋ maa məkwiinə me, yuu meꞌtə nu sakə faŋ ŋwə yɨsə nə me.

Reveleyshən 2:5

Bàw a lumə nu ŋkɨə faŋ a gù ŋkə, kwìinə fwi yə, baa kɨ yɨsə nu ŋkɨə faŋ a nəə yɨsə yighee vɨsɨ nə. A kee yɨ nɨniŋ me, kee kwìinə fwi yə me, buu mə taa jwi ye ghɔ, sùꞌtə kiꞌ wə fɨ maa shəŋ ŋkɨə faŋ ŋwə lùu shɔ nə.