Matiu 3:11 - Vengo (Babungo)

¹¹ Jɔn baa gi laa, «Mə kɔ muu mə Nwi tɨ́ viŋ laa viŋ kɨ kwiinə fwi siŋ. Luu nə, wə ntɨə faŋ ŋwə jwi fiiba mə, kìi wutə shɔ̀ɔ mə. Mə kee bee kùꞌnə ŋkee maa məshaꞌ gɔsə si me. Ŋwə ndɔ kɔ luu Zwitə Ley Nwi tɨ́ viŋ, nə wisə.

Matiu 3:11 ပူးပေါင်းရင်းမြစ်များ

Matiu 3:6

biŋ vənu vəbwəvə vəŋ ntee. Ŋwə kɔ muu mə Nwi tɨ́ vəŋ taa muu mə Jordan.

Mark 1:4

Nɨniŋ, Jɔn fuu taa tɔɔ waꞌsə, fàynə yigisə Nwi yɔ́, ndɔ fɨꞌtə nu Nwi tɨ́ vɨɨ, gi laa vəŋ biŋ nu bwə vəŋ ntee, kwìinə fwisə vəŋ, buu fi muu mə Nwi fɨ ghɔ yi maa məsɔ yibɨsə vəŋ, buu Nwi ndenə yibɨsə vəŋ.

Lukas 1:17

Ŋwə ndɔ kɨ gə vɨsɨ fɨ ghɔ Mɔꞌmbi taa Zwitə Ley Nwi, baa nə wutə nshiiŋii-sɔghɔ Elias, baa kiasə fwisə vətɨɨ vaŋmbwaa laa vəŋ baa kɨ kaw vaŋ vəŋ, nə vɨɨ faŋ vəŋ kee zɨzɔnə me, laa vəŋ baa kɨ bɨꞌtə nu loomə. Nɨniŋ, ŋwə ndɔ yɨsə vɨɨ lootə ŋwaa, kɨ kɨꞌ Mɔꞌmbi.»

Lukas 3:16

Jɔn bəŋsə tɨ́ vəŋ vənshə, gì laa, «Mə mɔꞌ lùu muu tɔ viŋ. Luu nə, wə ntɨə faŋ ŋwə weꞌ shɔɔ mə, ndɔ jwi kɨ kwaŋ luu Zwitə Ley Nwi maa viŋ, baa nə nsɔꞌ Nwi faŋ nyə twaŋ yibɨsə yinshə yaa wi. Ŋwə kwàlə shɔ̀ɔ mə. Mə kee bee kuꞌnə maa məfaꞌ vəfaꞌ və vəbuꞌ tɨ́ ŋwə, yaa məkeꞌtə kuu gɔsə wi me.

Lukas 3:3

Ŋwə gə tòꞌ fɨ kwiŋ muu mə Jordan, naysə tɨ́ vɨɨ maa vəshəŋ vənshə, laa vəŋ kwiinə fwisə vəŋ, fì muu mə Nwi, laa Nwi ndenə yibɨsə vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:15

Ŋwə nə jwì nɨniŋ, Jɔn twelə nu ki kɔ́, gisə nəŋay laa, «Ye wə ntɨə faŋ mə nəə gisə buꞌ ŋwə. Ŋwə shɔ̀ɔ mə, faŋ ŋwə kɔlə jwì fɨ yiba jɨŋ mə nə. Ŋwə nə lùu shɔ maa yighee njyə faŋ mə nə kee ta lùu mbi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:30

Lùu wə ghɔ́ faŋ mə nəə gisə buꞌ ŋwə nə, laa wə mɔ́ꞌ faŋ ŋwə nə luu vɨsɨ fɨ ghɔ mə, ndɔ jwì fɨ yiba mə, buꞌ laa ŋwə nə luu shɔ faŋ mə nə kee ta lùu shɔ me.

Akts 1:5

Ŋwə nə baa gì laa lee, «Vɨɨ nəə fi muu mə Nwi fɨ ghɔ Jɔn taa muu. Gə fɨ maa viŋ, viŋ taa kɨ fi luu Zwitə Ley Nwi. Ŋkə kee baa luu ntaŋ me.»

Akts 19:4

Pɔɔl gi tɨ́ vəŋ laa, «Jɔn nə kɔ̀ muu tɨ́ vɨɨ laa vəŋ kwiinə fwisə vəŋ, baa tɨ̀ vɨɨ laa bàw vəŋ nuŋsə fwi vəŋ maa wə ntɨə faŋ ŋwə jɨjwi fɨ yiba, faŋ lùu Yeso.»

Akts 8:36

Vəŋ nəə toꞌ fɨ jɨɨ, ziꞌ yɨ muu mɔ́ꞌ, ndifwaŋ ghɔ́ gi laa, «Ye muu mbə̀, taa lay kə lay mə laa mə kee fì muu me?» [

Akts 8:38

Ndifwaŋ ghɔ́ yɨsə kaalə kɔ́ tɨŋnə, ghɔ Filip siꞌ gə̀ ŋìi taa muu. Ndifwaŋ ghɔ́ fi muu mə Nwi fɨ ghɔ Filip.

1 Kɔrintian 12:13

Faŋ nsiŋ kɔlə lùu nɨŋkwiŋ nɨŋkwiŋ nə, faŋ vɨɨ mɔ́ꞌ lùu vɨɨ Jus, vəmɔ́ꞌ lùu vɨɨ Griik, vɨɨ mɔ́ꞌ baa lùu vəbuꞌ, vɨɨ mɔ́ꞌ kee lùu vəbuꞌ me, nsiŋ vənshə nə fì Zwitə Nwi kɔ́ kəmuꞌ.

Efesɔs 3:8

Nwi nə kɔ̀ faꞌ Nwi ghɔ́ ŋkee tɨ́ mə, faŋ mə luu ŋkee wuu tɨtiꞌ fɨ taa ŋwaa vɨɨ ley Nwi, laa mə kɨ saynə ntɔŋ yijəə Kristo yɔ́ faŋ luu ŋkee nu kwalə nə, taa ŋwaa vɨɨ tətɔŋ fu,

Taytəs 3:5

Faŋ ŋwə nə bweysə nsiŋ nɨniŋ nə, kee bweysə nsiŋ buꞌ vəfaꞌ vəjəəvə faŋ nsiŋ nə yɨsə me. Ŋwə bwèysə nsiŋ luu sheꞌ buꞌ gəŋ si, faŋ ŋwə nə sɔ nu bwə fɨ maa nsiŋ, bì nsiŋ fi. Zwitə Ley Nwi ŋii taa fwisə nsiŋ, kɔ nsiŋ nə nshinə yifi.

1 Pita 5:5

Gə fɨ maa za bwa, bàw viŋ kɨ zɔnə za taa fɨ taa nshəŋtə vɨɨ Nwi. Gə fɨ maa vɨɨ vənshə, bàw viŋ shuŋ kɔtə kəmuꞌ, bwàsə fwi siŋ nsi, viŋ viŋ, faŋ vɨ nə nyɔ̀ꞌ taa ŋwaꞌlə Nwi laa, «Nwi kee kàw vɨɨ mbɨə faŋ vəŋ koꞌsə ŋwaa me, kèe gəŋsə vɨɨ mbɨə faŋ vəŋ sùꞌsə yiŋwaa vəŋ nsi.»