Matiu 3:1 - Vengo (Babungo)

¹ Nə luu maa ŋuꞌsə mbi sɔ́, Jɔn, wuu məkɔ muu mə Nwi, fuu kɨ fɨꞌtə nu Nwi tɔɔ waꞌsə,

Matiu 3:1 ပူးပေါင်းရင်းမြစ်များ

Matiu 11:11

Mə naysə nu yinsəŋ tɨ́ viŋ laa, wə mɔ́ꞌ faŋ ŋwə kwàlə shɔ̀ɔ Jɔn, wuu məkɔ muu mə Nwi, kee ta lùu shɔ taa ŋwaa vɨɨ faŋ bì wəzwi me. Luu nə, ŋkee wuu tɨtiꞌ fɨ taa ŋwaa vɨɨ mbɨə faŋ vəŋ ndɔ ŋii taa nu yifwàŋ yizɔ, kwàlə shɔ̀ɔ ŋwə.

Matiu 11:7

Vɨɨ ntɔŋ vɔ́ kɨ gə, Yeso tey kɨ gisə tɨ́ vɨɨ buꞌ Jɔn, wuu məkɔ muu mə Nwi, gì laa lee, «Viŋ sii nə fuu gə̀ taa tɔɔ waꞌsə, gə̀ yè kə? Viŋ nə gə̀ maa məye yigiŋ faŋ fɨɨ nəꞌsə mu?

Matiu 16:14

Vəŋ gi laa, «Vɨɨ mɔ́ꞌ gisə laa a luu Jɔn, wuu məkɔ muu mə Nwi. Vəmɔ́ꞌ laa a luu Elias, vəmɔ́ꞌ laa a luu Jeremaya, tɨꞌnə me wuu mɔ́ꞌ fɨ taa ŋwaa nshiisə-ŋii sɔghɔ vəmwavə.»

Matiu 21:32

Lùu nɨniŋ buꞌ laa Jɔn nə jwi kɨ də jɨɨ vənu vəloomə tɨ́ viŋ, viŋ kee biŋ yigisə yi me. Gə fɨ maa vɨɨ məsa vətɔ ghɔ vəsakə, vəŋ biŋ. Gə fɨ maa viŋ, viŋ kee kwìinə fwi siŋ bìŋ me, faŋ viŋ nə kɔlə yè nɨniŋ nə.»

Matiu 3:8

Bàw viŋ yɨ vənu faŋ mbə kuꞌnə yaa vɨɨ faŋ vəŋ kwìinə fwisə vəŋ.

Mark 1:15

«Yighee njyə faŋ Nwi ndɔ jwì sɔꞌ vɨɨ maa nshɨ-tɔ wi lùu nshənə. Nɨniŋ, viŋ kwiinə fwi siŋ, biŋ ntɔŋ yijəə yɔ́.»

Mark 1:2

Vənu vɔ́ nə tey sheꞌ faŋ nshiiŋii-sɔghɔ Aysaya nə ŋwàꞌlə. Ŋwə nə ŋwàꞌlə laa (Nwi nə gì tɨ́ ŋwiŋ wi laa), «Mə taa tɔŋ wuu ntɔŋ ŋwaa vɨsɨ ghɔ laa ŋwə lootə jɨɨ yə,»

Lukas 1:76

Gə fɨ maa ghɔ, weembwa, vɨ ndɔ kɨ tii ghɔ nə nshiiŋii-sɔghɔ, tɨta Nshɔɔ-mbi, buꞌ laa a ndɔ shɔɔ vɨsɨ fɨ ghɔ Mɔꞌmbi, təŋ jɨɨ yi.

Lukas 7:24

Vɨɨ ntɔŋ Jɔn kii gə, Yeso tey kɨ gisə tɨ́ vɨɨ kɔ̀ŋ Jɔn, wuu məkɔ muu mə Nwi. Ŋwə nə gì tɨ́ vəŋ laa, «Yighee njyə faŋ viŋ nə gə̀ tɔɔ waꞌsə maa məye Jɔn, viŋ nə gə̀ maa kə? Viŋ nə gə̀ maa məye gay faŋ fɨɨ shɔɔ nə̀ꞌsə mu?

Akts 1:22

shù fɨ faŋ Yeso nə fì muu fɨ ghɔ Jɔn, gə kɔ̀ tɨ́ yighee njyə faŋ ŋwə nə kòꞌ yizɔ nə. Bàw vɨ shoꞌ wə faŋ ŋwə nə yè vənu vɔ́ nə yisɨ.