Matiu 27:4 - Vengo (Babungo)

⁴ gì laa, «Mə yɨ̀ nu bwə faŋ mə nə fìŋ wuu məmbuꞌ nə.» Vəŋ gi laa, «Kee lùu nu kia me. Luu ŋkɨɨ nu.»

Matiu 27:4 ပူးပေါင်းရင်းမြစ်များ

Matiu 27:19

Kɨ luu maa yighee yɔ́, faŋ goməna nə dùꞌ fuu ŋkaw məshia nsɔꞌ nə, zu wi tɔŋ ntɔŋ tɨ́ ŋwə laa, kɨ ŋwə kwaŋ ghɔ maa nu nsɔꞌ wuu ley wì me, laa nu ki nii ghaysə yi dɨdɨꞌ ndee taa njyəə.

Matiu 27:54

Tɨɨ vəsogeꞌ ghɔ vɨ vɨɨ vi faŋ vəŋ nə dùꞌ, kɨ ndeynə Yeso nə, ye mənəꞌnə nsi ghɔ́, baa nə vənu vənshə faŋ mbə nə gày, vəŋ fee dɨdɨꞌ, gì laa, «Ŋkee yinsəŋ, nə luu ŋkee Wee Nwi nə.»

Lukas 23:22

Ŋwə baa gì tɨ́ vəŋ ziꞌ ghee tia laa, «Wə ŋwə̀ sii yɨ̀ kəŋ nu bwə ŋkɨə? Mə kee yè nu ŋkɨə faŋ ŋwə nə yɨ̀sə faŋ ŋkə kùꞌnə tɨ́ kaꞌ vɨ zwi ŋwə shɔ me. Nɨniŋ, mə taa saŋ ŋwə, mèꞌtə ŋwə.»

Lukas 23:41

Nsoo lùu taa nsɔꞌ yiloomə, buꞌ laa nsoo nə yɨ̀ nu bwə, buu vɨ kɨ shia nsɔꞌ nyə̀ tɔ nsoo. Gə fɨ maa wə ŋwə̀, ŋwə kee yɨ̀ tuu nu gu me.»

Lukas 23:47

Faŋ tɨɨ vəsogeꞌ nə yè nu ŋkɨə faŋ ŋkə gày, ŋwə bəŋsə Nwi, gì laa, «Yinsəŋ, wə ŋwə̀ nə luu wuu loomə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:7

Vɨɨ Jus vɔ́ gi laa, «Nuŋsə yia yimɔ́ꞌ lùu shɔ laa vɨ yɨsə kəŋ wə ŋwə̀ ku, buꞌ laa ŋwə taw Nwi, gì laa yi lùu Wee Nwi.»

Akts 13:28

Vəŋ nə dɔ̀ɔ laa goməna Pilate shia nsɔꞌ yi, laa vɨ zwi ŋwə, faŋ vəŋ nə kee bee yè nu bwə maa ŋwə, tɨ́ kɨ kaꞌ vəŋ zwi ŋwə shɔ me.

Roma 3:19

Nsiŋ kɔꞌ kɨɨ laa vənu vənshə faŋ ŋwaꞌlə ntɨsə Nwi gi, lùu tɨ́ vɨɨ mbɨə faŋ Nwi nə nuŋsə ntɨsə sɔ́ tɨ́ vəŋ, laa nuŋsə yɔ́ fəŋ shuu vəŋ. Nɨniŋ nə, vɨɨ vənshə fɨ taa mbi ndɔ ŋii taa nsɔꞌ Nwi,

1 Timoti 4:2

Vɨɨ məsɨɨ təba vəmɔ́ꞌ, boꞌ ŋwaa, bwèꞌsə vɨɨ. Mbɨꞌtə vɨɨ təba vɔ́ kukə, shwenə nu bwə lùu taa fwisə vəŋ, luu sheꞌ yaa vɨ twaŋ nə bwey ndɔŋ.

Taytəs 1:16

Vəŋ gisə laa vəŋ kɨ̀ɨ nə Nwi. Luu nə, vəŋ twey ŋwə fɨ taa nshinə vəŋ. Vəŋ luu ŋkee vɨɨ bwənə, kee zɨzɔnə Nwi me, kee bee kùꞌnə maa məyɨ tuu nu jəə kəmuꞌ me.

Hibru 7:26

Ŋwə luu ŋkee wuu ley, kee kìi nu bwə me, tɨꞌnə me kìi wee-ndoꞌ maa ŋwə me. Ŋwə kee kìi nu ghɔ vɨɨ bwənə me. Nwi nùŋsə ŋwə ŋkee taa yizɔ, laa ŋwə duꞌ yɨ Nwi. Nɨniŋ, ŋwə kùꞌnə tɨ́ kaꞌ ŋwə lùu wuu kwalə məfeꞌ Nwi tɨ́ nsiŋ.

1 Pita 1:19

Ŋwə nə shùꞌ fwi siŋ sheꞌ nə mənshi mi, faŋ lùu fa bwey. Kristo nə lùu yaa bi-njɨɨ, faŋ vɨ yaa kɨ sɨɨ, kɔ Nwi shɔ, tɨ́ kaꞌ Nwi ndènə yibɨsə vɨɨ. Nɨniŋ, ŋwə nə kù tɔ nsiŋ faŋ tuu wee-ndoꞌ, tɨꞌnə me wee-shəŋ fəŋ, nə kee lùu maa ŋwə me.

1 Jɔn 3:12

Kɨ nsiŋ luu yaa Kayin faŋ ŋwə nə ndɔ̀ fɨ ghɔ tɨɨ vəzwitə vəbwəvə, zwi weenshu wi me. Ŋwə nə zwì weenshu wi buꞌ kə? Maa ŋwə nə zwì weenshu wi, buꞌ laa vənu vi nə luu vəbwə, vənu və weenshu wi luu vəloomə.

Reveleyshən 11:10

Vɨɨ fɨ taa mbi taa kɨ ŋaytə ŋkee dɨdɨꞌ buꞌ yiku vɨɨ vɔ́ vəbɔɔ nə. Vəŋ ndɔ kɔ vətɔ tɨ́ vəliŋ vəvəŋ buꞌ laa vɨɨ vɔ́ vəbɔɔ faŋ nə luu nshiisə-ŋii sɔghɔ nə, yaa kɨ jwi nə ŋɨꞌ yiyaŋ tɨ́ vɨɨ fɨ taa mbi.