Matiu 27:2 - Vengo (Babungo)

² Vəŋ ka ŋwə, ndì ŋwə, tɔ̀ŋ ŋwə tɨ́ goməna Pilate.

Matiu 27:2 ပူးပေါင်းရင်းမြစ်များ

Matiu 20:19

buu kɔ ŋwə tɨ́ vɨɨ tətɔŋ fu laa vəŋ shɨꞌ ŋwə, sàŋ ŋwə nə vəmfa, bèy ŋwə fuu fəŋkɔꞌ fə ŋkɨꞌsə, ŋwə ku. Vəshi kɨ ziꞌ vətia, ŋwə ywey fɨ shɨ yiku.»

Matiu 28:14

baa nə laa, «Kɨ luu goməna taa zɔ nɨniŋ, yia taa jwi bwasə fwi yi, tɨ́ kaꞌ ŋwə kee kə̀ə viŋ nə nsɔꞌ me.»

Lukas 13:1

Kɨ luu sheꞌ maa yighee yɔ́, vɨɨ mɔ́ꞌ nə jwì fɨ shɨ Galilii, nàysə nu vɨɨ Galilii mɔ́ꞌ tɨ́ Yeso, faŋ goməna Pilate nə zwìlə vəŋ ŋkee maa yighee njyə faŋ vəŋ nəə sɨɨtə nyaasə, kɔ Nwi shɔ. Ŋwə nə zwìlə vəŋ, mənshi məvəŋ wasə taa mənshi mə nyaasə sɔ́.

Lukas 20:20

Nɨniŋ, vɨɨ kwalə məfeꞌ Nwi nə vɨɨ Farisii nyɔꞌ Yeso, tɔ̀ŋ ŋkisə maa ŋwə, faŋ vəŋ jwì kɨ boꞌ ŋwə laa vəŋ lùu vɨɨ yinsəŋ, jwi kɨ kɔꞌsə ŋwə maa yigisə yi, tɨ́ kaꞌ vəŋ kɔ ŋwə tɨ́ vɨɨ kwalə nə goməna, kwàŋ ŋwə taa nsɔꞌ.

Lukas 23:1

Vɨɨ vənshə ndɔ yizɔ, ndì Yeso, gə̀ nə ŋwə vɨsɨ goməna Pilate.

Lukas 23:12

Fwàŋ Herod ghɔ goməna Pilate gu vɨɨmba sheꞌ maa shi kɔ́, buꞌ laa nu kɔ́ nə kɨ gay, tɨ́ vəŋ nə luu nə mbeenə taa ŋwaa vəŋ.

Lukas 3:1

Nə luu maa yighee njyə faŋ fwàŋ Tiberiɔs nə dùꞌ fuu ŋkaw yifwàŋ, gə ziꞌ ŋuꞌsə njɔsə-tee, Nwi tii Jɔn, wee Zakaraya fɨ tɔɔ waꞌsə, tɔ̀ŋ ŋwə nə ntɔŋ tɨ́ vɨɨ Isirayl. Nə luu maa yighee njyə faŋ Pɔntiɔs Pilate nə luu goməna fɨ shɨ Judia, Herod nə luu fwàŋ fɨ shɨ Galilii, weenshu wi Filip nə luu fwàŋ fɨ Ituria nə Trakonitis, Lisanias nə luu fwàŋ fɨ Abilene.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:12

Tɨɨ vəsogeꞌ ghɔ vəsogeꞌ vi, nə vɨɨ faꞌ vɨɨ Jus vɔ́ kɨ nii jìa Yeso, kà ŋwə,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:24

Anas kɨ nii tɔ̀ŋ Yeso tɨ́ wuu kwalə məfeꞌ Nwi Kayafas, nə kuusə maa ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:28

Kɨ luu ŋkee taa wee-leefu, vɨ fuusə Yeso fɨ fu Kayafas, gə̀ nə ŋwə fu goməna. Luu nə, vɨɨ Jus vɔ́ kee ŋìi taa ŋii nsɔꞌsə me, buꞌ laa goməna nə kee lùu wuu Jus me. Nuŋsə vəŋ nə luu laa wə kɨ luu ŋìi taa ŋii wə faŋ kee luu wuu Jus me, buu ŋwə kee baa lùu wuu ley me. Kaꞌ ŋwə kee baa zɨ fazɨ Pasa me.

Akts 12:6

Sheꞌ vətuꞌ shi kɔ́ faŋ fwàŋ Herod taa fuusə ŋwə, Pita nɔŋ nɨntəŋ ŋwaa vəsogeꞌ vəbɔɔ, kɨ bwey, tɨ́ vɨ shuŋ ŋwə nə mfiŋsə səbɔɔ, vɨɨ məshii vədɨꞌ luu shuu ŋii, shii ŋii mfiŋ yɔ́.

Akts 21:33

Tɨɨ vəsogeꞌ ghɔ́ shəŋtə jwì, jìa Pɔɔl, gì laa vɨ shuŋ ŋwə nə vəsumə vəbɔɔ. Ŋwə bitə laa Pɔɔl lùu ndə, baa nə laa ŋwə nə yɨ̀ kə bwə.

Akts 22:25

Faŋ vəsogeꞌ nə ka ŋwə, kɨ kəə saŋ, Pɔɔl gi tɨ́ tɨɨ vəsogeꞌ faŋ ŋwə nə tɨ̀ŋnə yifi laa, «Luu nuŋsə tɨ́ viŋ laa vɨ saŋ wuu Rom maa zɔ̀ ŋiꞌ nu ŋkɨə faŋ ŋwə yɨ̀sə mu?»

Akts 22:29

Vəsogeꞌ vɔ́ faŋ vəŋ nii kəə bitə vənu tɨ́ Pɔɔl fɨ taa dɔɔ, baa kɨ nii yigay. Ŋkee nshɨ-tɔ tɨɨ vəsogeꞌ kwalə ghɔ́ fee, buꞌ faŋ ŋwə nə ye laa luu ŋkee wuu Rom faŋ yi nə kà ŋwə nə sumə nə.

Akts 24:27

Ŋuꞌsə kɨ shɔɔ səbɔɔ, vɨ kwiinə Feliks, jìa Pɔrsiəs Festɔs tɔ ŋwə. Faŋ Feliks nə ndɔ nɨniŋ, ŋwə nə kəə yɨ̀ nu ŋkɨə faŋ ŋkə bàw tɨ́ vɨɨ Jus, mèꞌtə Pɔɔl taa ŋii mfiŋ.

Akts 28:20

Lùu ŋiꞌ nu ŋkɨə faŋ mə tìi viŋ shɔ nə, laa mə naysə nu kɔ́ tɨ́ viŋ. Vɨ kà mə nə vəsumə və̀, luu buꞌ laa mə biŋ ŋkɔꞌnə njyə faŋ Nwi nə kɔ̀ꞌnə tɨ́ vɨɨ Isirayl nə.»

Akts 3:13

Viŋ zɔ! Nwi vətɨɨ via Abraham nə Isak baa nə Jeykob, nəə bəŋsə wuu faꞌ wi Yeso. Luu ŋwə faŋ viŋ nə kɔ̀ tɨ́ goməna Pilate, baa twey ŋwə sɨ Pilate, faŋ ŋwə nə kəə meꞌtə ŋwə, ŋwə gə.

Akts 4:27

Yinsəŋ, fwàŋ Herod nə goməna Pɔntiɔs Pilate faynə ntɨꞌ nyə̀ ghɔ vɨ vɨɨ tətɔŋ fu, nə vɨɨ Isirayl maa məka yighaw tɔ Yeso, wuu faꞌ ley wə, faŋ a shòꞌ.

Akts 9:2

zwilə vəŋ, ndɔ̀ gə̀ yè wuu kwalə məfeꞌ Nwi, buꞌ ghɔ tɨ́ ŋwə laa ŋwə nyɔꞌ vəŋwaꞌlə, kɔ̀ tɨ́ yi, yi gə nə mbə, kɔ̀ tɨ́ vəməshəŋtə və vɨɨ Jus, faŋ vəŋ nəə shi ntɨꞌ Damaskɔs, laa ŋwə kɨ luu ye vɨɨ, vəndɔŋ nə vəki, faŋ vəŋ toꞌ fɨ maa jɨɨ Kristo shɔ, yi jiatə vəŋ, ka, jwì nə vəŋ Jerusalem.

1 Timoti 6:13

Mə tɨsə ghɔ vɨsɨ Nwi faŋ ŋwə yɨsə vətɔ vənshə bwey, baa nə vɨsɨ Yeso Kristo, faŋ ŋwə nə bìŋ nu ki jəə ntee vɨsɨ goməna Pɔntiɔs Pilate.

2 Timoti 2:9

Mə ye ŋɨꞌ, ŋii ŋkee mfiŋ yaa ŋkee yɨ-kəbwə, luu buꞌ ntɔŋ yijəə yɔ́. Luu nə, faŋ vɨ kɔlə kwàŋ mə mfiŋ nə, kaꞌ vɨ kee fə̀ŋ nu Nwi me.

Hibru 13:3

Viŋ lumə vɨɨ mbɨə faŋ vəŋ lùu taa ŋii mfiŋ buꞌ nu Nwi. Bàw ŋkə luu tɨ́ viŋ yaa viŋ lùu taa ŋii mfiŋ nɨzi, viŋ vɨ vəŋ. Viŋ baa lumə vɨɨ mbɨə faŋ vəŋ ye ŋɨꞌ, yaa vɨɨ faŋ vəŋ kɨ bii vɨɨ viŋ.