Matiu 26:10 - Vengo (Babungo)

¹⁰ Yeso kɨɨ nə nu ŋkɨə faŋ vəŋ gisə nə, gì tɨ́ vəŋ laa, «Viŋ sii kɔ ŋɨꞌ tɨ́ wəzwi ŋwə̀ buꞌ kə? Ŋwə yɨ̀ ŋkee nu jəə maa mə.

Matiu 26:10 ပူးပေါင်းရင်းမြစ်များ

Matiu 26:11

Maa viŋ vɨ mbəəsə lùu ghee nshə. Luu nə, nsiŋ kee taa luu mɔ́ꞌ ghee nshə me.

Matiu 26:9

Nii kaꞌ vɨ fìŋ nə ka yaŋ, ndì ka ghɔ́, gàŋtə mbəəsə shɔ.»

Mark 14:6

Yeso zɔ, gì laa, «Viŋ meꞌtə ŋwə! Viŋ sii ghaysə ŋwə buꞌ kə? Ŋwə yɨ̀ ŋkee nu jəə shee.

Lukas 8:49

Sheꞌ faŋ ŋwə kɨ bii gisə, wə mɔ́ꞌ jwi fɨ taa ŋii tɨɨ ŋii Nwi ghɔ́, jwi gì tɨ́ tɨɨ ŋii Nwi ghɔ́ laa, «Ŋwiŋ wə ku, kɨ baa ghaysə tɨta ŋwaa-nsiŋ me.»

2 Kɔrintian 9:8

Viŋ kɔꞌ kɨɨ laa Nwi kìi wutə maa məkey viŋ nə vətɔ vəjəəvə vənshə, mbə yaŋ sàynə, laa vətɔ vəjəəvə lwaŋ ghɔ viŋ, kùꞌnə ghee nshə, maa vənu vənshə, tɨ́ kaꞌ viŋ baa kɨ yɨsə vənu vəjəəvə vənshə, mbə yaŋ sàynə.

Galatia 1:7

Jɨɨ Nwi yiday kee lùu shɔ me. Nu Nwi kəday kəmɔ́ꞌ kee lùu shɔ me. Luu sheꞌ vɨɨ mɔ́ꞌ shɔ, faŋ vəŋ buulə tɔ kiŋ, buꞌ faŋ vəŋ kəə kwiinə nu Kristo, faŋ lùu jɨɨ məbwey vəlwaŋ.

Galatia 5:12

Gə fɨ maa vɨɨ mbɨə faŋ vəŋ bweꞌsə̀ viŋ, gisə laa vɨ sɨɨtə viŋ nə, bàw vəŋ gə yɔ̀ꞌ yiŋwaa vəŋ.

Galatia 6:17

Maa məndwə, kɨ vɨɨ baa kɨ kɔ ŋɨꞌ shee me, buꞌ laa təfɨɨ tə vədɨꞌ ntɨə faŋ ntə lùu maa mə, də̀ laa mə beꞌsə Yeso.

Efesɔs 2:10

Nsiŋ lùu fa faŋ nə bɔ̀ŋ Nwi. Ŋwə bɔ̀ŋ nsiŋ buꞌ Yeso Kristo, laa nsiŋ kɨ yɨsə vənu vəjəəvə mbɨə faŋ ŋwə nə nùŋsə shù fɨ maa yighee vɨsɨ, laa nsiŋ ndɔ kɨ toꞌ ghuu yitoꞌ kaŋ-nsiŋ maa jɨɨ yɔ́ nə.

Kɔlɔsii 1:10

Nu tɔ ley kɔ́ taa yɨsə laa viŋ kɨ toꞌ nə nshinə yiŋ, faŋ nyə bàw tɨ́ tɨta Kristo, kùꞌnə tɨ́ vɨɨ faŋ vəŋ beꞌsə ŋwə nə. Viŋ kɨ yɨsə vənu vəjəəvə jɨɨsə səyaŋ, baa kɨ̀ɨ nə Nwi ŋkee jəə.

2 Tesalonika 2:17

Bàw ŋwə kɨ boolə fwi siŋ, kwàŋ wutə maa viŋ, tɨ́ kaꞌ viŋ kɨ yɨsə vənu vəjəəvə vənshə, gisə sheꞌ vənu vəjəəvə nɨzi.

1 Timoti 3:1

Yigi yimɔ́ꞌ lùu shɔ laa, wə kɨ luu kəə lùu tɔ fɨ taa ŋwaa vɨɨ Nwi, buu ŋwə kəə luu ŋkee faꞌ jəə. Yigi yɔ́ lùu yinsəŋ.

1 Timoti 5:10

Bàw vɨ kwaŋ yizii yi faŋ vɨɨ biŋ ŋwə laa ŋwə nəə yɨsə vənu vəjəəvə, kɨꞌ vaŋmbwaa, baa fisə vəndɔ taa ŋii ŋwə, sɔ ghuu vɨɨ ley Nwi, gaŋtə vɨɨ ŋɨꞌ, yɨsə vənu vəjəəvə vənshə.

2 Timoti 2:21

Kɨ luu wə yɨsə vənu vi nə ŋwaa wi ley fɨ maa vənu vəbwəvə, buu ŋwaa wi ghɔ́ taa luu maa məyɨ nu Nwi ley, kùꞌnə maa məfaꞌ vəfaꞌ tɨ́ tii wi.

Taytəs 1:16

Vəŋ gisə laa vəŋ kɨ̀ɨ nə Nwi. Luu nə, vəŋ twey ŋwə fɨ taa nshinə vəŋ. Vəŋ luu ŋkee vɨɨ bwənə, kee zɨzɔnə Nwi me, kee bee kùꞌnə maa məyɨ tuu nu jəə kəmuꞌ me.

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

Taytəs 3:1

Lumə tɨ́ vɨɨ laa ŋkə bàw vəŋ fee vɨɨ mbɨə faŋ vəŋ sɔꞌ vəŋ, zɔnə vəŋ, baa yɨsə vənu vəjəəvə vənshə.

Taytəs 3:14

Bàw laa vaŋ-nshwi vaŋ-nsiŋ zwetə maa məyɨ vənu vəjəəvə maa vɨɨ faŋ nu mɔ́ꞌ ghɔꞌ vəŋ, laa kɨ məbiŋ vəŋ, faŋ vəŋ nùŋ fwi vəŋ maa Kristo nə, kee gù nu yɔŋ me.

Taytəs 3:8

Yigi yɔ́ lùu nu yinsəŋ. Mə kəə laa a gi vənu vɔ́ ŋkee nə wutə, laa vɨɨ mbɨə faŋ vəŋ nùŋ fwisə vəŋ maa Nwi, tə̀ sɨ maa məyɨsə vənu vəjəəvə. Kɨ luu vəŋ yɨ̀ nɨniŋ, buu luu ŋkee nu jəə. Ŋkə baa gàŋtə vɨɨ nɨzi.

Hibru 13:21

Nwi kɔ viŋ nə vətɔ vəjəəvə vənshə faŋ mbə gaŋtə viŋ maa məyɨsə vənu mbɨə faŋ ŋwə kəə laa viŋ kɨ yɨsə. Yeso Kristo faꞌ taa fwisə nsiŋ, laa nsiŋ kɨ shi nə nshinə njyə faŋ nyə bàw too Nwi. Nsiŋ kɨ bəŋsə Yeso ghee nshə. Feenə wi ndɔ goꞌsə yighee muꞌ. Ŋkə lùu nɨniŋ.

1 Pita 2:12

Viŋ toꞌ ghuu yitoꞌ kiŋ jəə taa ŋwaa vɨɨ mbɨə faŋ vəŋ kee kɨ̀ɨ nə Nwi me, kɨ gi laa viŋ lùu vɨɨ bwənə, tɨ́ kaꞌ vəŋ ye, ndɔ kɨɨ nə jəə wiŋ, faŋ vəŋ ye vənu vəjəəvə mbɨə faŋ viŋ yɨsə. Nɨniŋ laa vəŋ ndɔ bəŋsə Nwi shɔ maa shi yiba, faŋ Nwi ndɔ jwi ye vəŋ.