Matiu 24:7 - Vengo (Babungo)

⁷ Shɨ ndɔ fuu gə kɨ kəə kəmɔ́ꞌ nə yighaw. Yifwàŋ kɨ kəə yimɔ́ꞌ nə yighaw. Jɨŋ koo məshɨ məshɨ. Nsi kɨ nəꞌnə vəshəŋ vəshəŋ.

Matiu 24:7 ပူးပေါင်းရင်းမြစ်များ

Lukas 21:11

Nsi kɨ nəꞌnə nəŋay maa vəshəŋ vəyaŋ. Jɨŋ nə vəza vəbwəvə ŋii vɨɨ vəshəŋ vəshəŋ. Vənu ndɔ fuu faŋ mbə yɨsə nduŋ sɨɨ vɨɨ. Vəshwenə vəkwalə baa fuu fɨ yizɔ.

Akts 11:28

Wə mɔ́ꞌ fɨ taa ŋwaa vəŋ luu Agabɔs. Ŋwə ndɔ fɨ nsi, gì faŋ Zwitə Ley Nwi nàysə tɨ́ ŋwə laa, ŋkee jɨŋ yiweꞌ taa koo shɨ nsi. Jɨŋ yɔ́ kɨ nii kòo shɨ nsi maa yighee fwàŋ Klɔɔdiɔs.

Akts 2:19

Mə ndɔ də vənu və shuu yɔŋvə yizɔ, baa nə vəshwenə shɨ nsi, vəshwenə yaa mənshi nə wisə nə fəndɨꞌ.

Hibru 12:27

Yigi yɔ́ faŋ ŋwə nə gì nə, nyə də laa shi mɔ́ꞌ Nwi taa kwiinə vətɔ mbɨə faŋ mbə nəꞌnə nə, faŋ lùu vətɔ mbɨə faŋ Nwi nə naysə̀ nə. Ŋwə ndɔ kwiinə mbə, nùŋ vətɔ faŋ kaꞌ mbə kee baa nə̀ꞌnə me.

Reveleyshən 6:12

Mə kɨ ye, yè faŋ ŋwə shoꞌ vəlay lwesə ntɔfə, nsi kɨ nii nə̀ꞌnə ŋkee nəŋay, shɨshwi fəŋ yaa njwi faŋ vɨ bà nə nyuŋsə fəŋsə, ŋuu kiasə kɨ bɨbay yaa mənshi.

Reveleyshən 6:5

Bi-njɨɨ yɔ́ kɨ shoꞌ vəlay lwesə vətia, mə zɔ wuu mɔ́ꞌ fɨ taa ŋwaa vətɔ vəbweyvə vɔ́, ŋgwə lwesə vətia, gi ŋkii laa, «Jwi!» Mə ndeynə, ye nyaa-yikoꞌ yifəŋ, wuu məkoꞌ wi jia kilo ghɔ ŋwə.

Reveleyshən 6:6

Mə kɨ nii zɔ̀ gɨ wə fuu fɨ taa ŋwaa vətɔ vəbweyvə vɔ́ yishwe nə. Ŋwə gì laa, «Vɨ fiŋ kay bee maa ŋkaŋ, nə say tia maa ŋkaŋ. Gə fɨ maa məluꞌ nə məŋgwə, kɨ kɔŋ mbə me.»

Reveleyshən 6:8

Mə ndeynə, yè nyaa yikoꞌ yimɔ́ꞌ faŋ nyə nɨndɔɔlə. Wuu məkoꞌ wi lùu yiku, shɨ yiku beꞌsə ŋwə. Vɨ gaasə vɨɨ fɨ taa mbi vəshəŋ yishwe, kɔ̀ shəŋ kəmuꞌ tɨ́ ŋwə, kɔ̀ wutə tɨ́ ŋwə maa məndisə vəŋ nə baꞌ yighaw, baa nə jɨŋ, nə vəza, nə nyaasə bwəsə fɨ shɨ nsi.