Matiu 23:4 - Vengo (Babungo)

⁴ Vəŋ kà vətɔ vədɨɨvə, koꞌsə mbəꞌ vɨɨ, tɨ́ nshɨ-tɔ vəŋ kee kàw maa məkɔŋ vəbiꞌ vɔ́ tuu tɨtiꞌ me.

Matiu 23:4 ပူးပေါင်းရင်းမြစ်များ

Matiu 23:23

Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii, viŋ lùu vɨɨ məboꞌ ŋwaa! Viŋ kɔ way kəmuꞌ fɨ taa vəway yighuŋ tɨ́ Nwi, kɔ ŋkee fɨ maa vətɔ və taa biisə vəghilə. Luu nə, viŋ shìasə maa məzɔnə nu ŋkɨə faŋ ŋkə lùu kəkwalə fɨ taa ntɨsə Nwi, yaa nu loomə, nə nu məkee gəŋsə, nə mənuŋ fwi maa Nwi. Bàw viŋ yɨsə yimbii vənu, kee kɨ manə vəmɔ́ꞌ me.

Matiu 23:3

Vənu vənshə faŋ vəŋ naysə tɨ́ viŋ, viŋ jia, kɨ yɨsə. Luu nə, kɨ viŋ kɨ yɨsə faŋ vəŋ yɨsə me, buꞌ laa vəŋ gɨgisə, kee yɨyɨ me.

Lukas 11:46

Ŋwə bəŋsə tɨ́ wə ghɔ́ laa, «Ndwaŋ tɔ viŋ nɨzi, vɨɨ mədeesə ŋwaꞌlə Nwi, viŋ kɔ ntɨ yiweꞌ tɨ́ vɨɨ, koꞌsə biꞌ jɨŋ vəŋ nɨniŋ, faŋ ŋkə luu kəweꞌ maa məshaꞌ, faŋ nshɨ-tɔ wiŋ kee bee nesə wee-ghɔ wiŋ muꞌ maa məbaa luu shaꞌ biꞌ kɔ́ me.

Akts 15:10

Nɨniŋ, sii yɨ kə buu viŋ kəə kɨ mɔŋ Nwi, faŋ viŋ kəə koꞌsə biꞌ mbəꞌ vɨɨ məbiŋ Kristo, faŋ ŋkee vətɨɨ vaŋ-nsiŋ, tɨꞌnə me nsiŋ, nə kee kìi wutə maa məbiꞌ me?

Akts 15:28

Zwitə Ley Nwi nə tə, yia baa luu tə, laa kɨ vɨ kwaŋ nu faŋ kaꞌ ŋkə ghɔꞌ viŋ me, tɨ̀ lɨꞌ sheꞌ nu kəmuꞌ faŋ kaꞌ vɨ kee mèꞌtə me.

Galatia 6:13

Vɨɨ vɔ́ faŋ vəŋ sɨɨtə vɨɨ nə, nshɨ-tɔ vəŋ kee bee zɔnə ntɨsə vɨɨ Jus sənshə me. Vəŋ kəə sheꞌ laa viŋ biŋ vɨ sɨɨtə viŋ, tɨ́ kaꞌ vəŋ kɨ koꞌsə yiŋwaa, laa viŋ suꞌsə yiŋwaa yiŋ nsi.

1 Jɔn 5:3

Nu ŋkɨə faŋ nsiŋ kaw Nwi shɔ, lùu faŋ nsiŋ nuŋsə ntɨsə si. Ntɨsə Nwi kee lùu səweꞌ tɨ́ nsiŋ me,

Reveleyshən 2:24

Gə fɨ maa viŋ, bətə vɨɨ fɨ shɨ Tiateyra, faŋ viŋ kee bìŋ nu kɔ́ me, mə kee taa kɔ ntɨ yiday tɨ́ viŋ me, buꞌ laa viŋ kee kɨ̀ɨ nə ŋiꞌ nu njyoꞌ Satan kɔ́ me, faŋ vɨɨ mbii-wə gisə laa vəŋ kɨɨ nə ŋiꞌ nu nə.