Matiu 22:3 - Vengo (Babungo)

³ Ŋwə tɔŋ vəndifwaŋ vi laa vəŋ toꞌ tìi vɨɨ mbɨə faŋ vɨ nə shoꞌ vəŋ maa məzɨ yitianə məndaa ghɔ́. Vəndifwaŋ vɔ́ gə, vɨɨ vɔ́ kee biŋ jwì me.

Matiu 22:3 ပူးပေါင်းရင်းမြစ်များ

Matiu 21:34

Kɨ luu maa yighee njyə faŋ vətaŋ yaa kɨ koonə nə, tɨɨ fu ghɔ́ tɔŋ vɨɨ faꞌ vi tɨ́ vɨɨ nswii vɔ́, laa vəŋ gə fì vətaŋ vətɨ.

Matiu 23:37

Aŋ Jerusalem, Jerusalem, a zwìlə nshiisə-ŋii sɔghɔ, tùmə vɨɨ mbɨə faŋ Nwi tɔ̀ŋ tɨ́ ghɔ, nə ŋoꞌsə. Mə nəə kəə fàynə vaŋ və ghee yaŋ, yaa nshɨ ŋgu yaa kɨ kuutə vaŋ vi taa ghalə ŋwə nə. Luu nə, viŋ kee biŋ me.

Matiu 3:2

gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 9:15

Yeso gi tɨ́ vəŋ laa, «Nə kaꞌ vɨɨ məzɨ yitianə wəndɔŋ məndaa kɨ luŋ-taw, faŋ wəndɔŋ məndaa lùu yɨ vəŋ mu? Luu nə, ndɔ luu maa yighee yimɔ́ꞌ, Nwi ndi wəndɔŋ məndaa ghɔ́ fɨ ghɔ vəŋ, buu vəŋ kɨ baŋ fazɨ maa yighee yɔ́.

Lukas 13:34

Aŋ vɨɨ Jerusalem, Jerusalem, viŋ zwilə nshiisə-ŋii sɔghɔ, tumə vɨɨ mbɨə faŋ Nwi tɔ̀ŋ tɨ́ viŋ, nə ŋoꞌsə. Ghee yaŋ mə nəə kəə baytə viŋ, sheꞌ faŋ nshɨ ŋgu yaa kɨ baytə vaŋ vi taa ghalə ŋwə nə. Luu nə, viŋ twey.

Lukas 15:28

Fwi weenshu wi ghɔ́ shə. Ŋwə twey fɨ ŋii fu vəŋ. Tii wi fuu fu, bòolə ŋwə.

Lukas 19:27

Gə fɨ maa vɨɨ mbeenə vaŋ vì, faŋ vəŋ nə kee kàw laa mə sɔꞌ vəŋ nə me, ndi vəŋ, jwì nə vəŋ, zwìlə vəŋ feenə vɨsɨ mə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:40

Luu nə, viŋ kee kaw jwi yɨ mə me, tɨ́ kaꞌ viŋ kìi məbwey vəlwaŋ me.

Akts 13:45

Faŋ vɨɨ Jus nə yè faŋ vɨɨ vɔ́ baytə ŋkee vəyaŋ nee nə, kɨ kəə zɔ yigisə Nwi, fəsə ŋii taa fwisə vəŋ, vəŋ twey nu ŋkɨə faŋ Pɔɔl nə gì ntee, ndasə ŋwə nə nu Nwi.

Roma 10:21

Gə̀ fɨ maa vɨɨ Isirayl, ŋwə nə gì kɔ̀ŋ vəŋ laa, «Nwi nə nèsə ghɔ ghi shi ŋkwəŋ tɨ́ ŋgwisə vɨɨ mbɨə faŋ vəŋ kee zɨzɔnə me, baa sɔnə nə yigi.»

Hibru 12:25

Nɨniŋ, viŋ kɨ ndɨɨnə laa kɨ viŋ twey Nwi faŋ ŋwə gì tɨ́ viŋ nə me. Viŋ lumə vɨɨ Isirayl fɨ ywaŋ-vɨsɨ, vəŋ nə twèy Nwi faŋ vəŋ nə zɔ̀ yigisə Nwi fɨ shuu wə taa mbi nyə̀. Luu nə, nsɔꞌ Nwi jia vəŋ, vəŋ kee kìi jɨɨ mənyɨŋ me. Gə fɨ maa nsiŋ, nsiŋ zɔ yigisə Nwi fɨ shuu wə faŋ ŋwə nə ndɔ̀ fɨ yizɔ. Nsiŋ kɨ luu kɨ twey yigisə yi, buu kaꞌ nsiŋ taa nyɨŋ kɨkə, faŋ vɨɨ vɔ́ nə kee bee yinyɨŋ nə me.

Hibru 9:15

Ŋkə də̀ laa Yeso lùu wə ntɨə faŋ ŋwə tɨŋ nɨntəŋ ŋwaa nsiŋ vɨ Nwi. Ŋwə nə jwì nə məkee məfimə, laa vɨɨ mbɨə faŋ Nwi tìi vəŋ laa vəŋ lùu mbii vɨɨ nə, jwi fì məbwey vəlwaŋ, faŋ Nwi nə kɔ̀ꞌnə maa məkɔ tɨ́ vəŋ nə. Kristo nə lòotə məkee məfimə mbɔ́ faŋ ŋwə nə kù tɔ nsiŋ nə. Yiku yi fuusə vɨɨ fɨ taa vənu vəbwəvə vəŋ faŋ vəŋ nə yɨ̀sə maa yighee njyə faŋ məkee məmwamə nəə kɨ bii sɔ̀ꞌ vəŋ nə.

Reveleyshən 22:17

Zwitə Ley Nwi nə wəzwi məndaa (faŋ ŋwə kɨꞌ Kristo nə), gì laa, «Jwi!» Wə ntɨə faŋ ŋwə zɔ, taa baa luu gì laa, «Jwi!» Wə ntɨə faŋ too muu ywèy ŋwə, ŋwə jwi. Wə ntɨə faŋ ŋwə kəə muu mə məbwey, jwi fi, vɨ kɔ tɨ́ ŋwə dayday.