Matiu 22:16 - Vengo (Babungo)

¹⁶ Vəŋ tɔŋ vɨɨ məzwetə nu vəŋ ghɔ vɨ vɨɨ məbiŋ nu fwàŋ Herod tɨ́ Yeso. Vɨɨ vɔ́ gə yè Yeso, gì tɨ́ ŋwə laa, «Tɨta, yia kɔꞌ kɨɨ laa a lùu wuu yinsəŋ faŋ ŋwə deesə jɨɨ Nwi yinsəŋ, kee fee wə me, buꞌ laa a kee lùu wuu fəntɔ-fə-yisɨ me.

Matiu 22:16 ပူးပေါင်းရင်းမြစ်များ

Matiu 22:24

«Tɨta, Mose nə gì laa, kɨ luu wə ku, kee bì wee me, bàw weenshu wi ndaa zu wi ghɔ́, bì vaŋ fuŋ, jìa nji-ŋiinə weenshu wi ghɔ́.

Matiu 22:26

Sheꞌ nɨniŋ, mbeꞌsə yi ndi wəzwi ghɔ́, baa luu ku. Sheꞌ nee, gə ziꞌ tɨ́ vəŋ kwatia.

Matiu 26:18

Ŋwə bəŋsə tɨ́ vəŋ laa, «Viŋ gə maa wə wì taa shɨ, nàysə tɨ́ ŋwə laa tɨta wiŋ gì laa yighee yi kùꞌnə, laa yi kəə jwi zɨ Pasa taa ŋii ŋwə ghɔ vɨ vɨɨ məzwetə nu ki.»

Matiu 26:49

Nɨniŋ, ŋwə koꞌ jwì yɨ Yeso yighee muꞌ, gì laa, «Tɨta, sheꞌ bwaŋnə,» kɨ nii nyɔ̀ŋ fəə ghi.

Mark 10:17

Yeso kɨ nii fùu fu, zìꞌ jɨɨ, wə mɔ́ꞌ nyɨŋ jwì, tùŋ vətɔ vəyəə vi nsi vɨsɨ ŋwə, bìtə tɨ́ ŋwə laa, «Tɨta, a lùu wuu jəə. Mə kəə bitə tɨ́ ghɔ laa, mə sii taa yɨ kə buu zɨ məbwey vəlwaŋ faŋ ŋwə gòꞌsə yighee muꞌ?»

Mark 12:13

Nə luu maa yighee yɔ́, vɨ tɔŋ vɨɨ mɔ́ꞌ fɨ taa nwaa vɨɨ Farisii, nə vɨɨ mɔ́ꞌ fɨ taa nwaa vɨɨ məbiŋ nu fwàŋ Herod, tɨ́ Yeso laa vəŋ kɔꞌsə ŋwə maa yigisə yi.

Mark 12:14

Vəŋ jwi, gì tɨ́ ŋwə laa, «Tɨta, yia kɔꞌ kɨɨ laa a lùu wuu yinsəŋ, kee shəŋ maa mbɨꞌtə wə me, kee bee fee yikwalə wə me. A deesə sheꞌ nu Nwi yinsəŋ. Nɨniŋ, yia kəə bitə nu tɨ́ ghɔ laa, ŋkə kùꞌnə laa vɨ kɨ mɔꞌ tasə tɨ́ fwàŋ Kaysa mu, mu bey?»

Mark 3:6

Vɨɨ Farisii vɔ́ ye, fùu fu, fàynə ghɔ vɨ vɨɨ məbiŋ nu Herod, kà yighaw tɔ Yeso, faŋ vəŋ taa zwi ŋwə.

Mark 8:15

Fɨkɨꞌ, Yeso gi tɨ́ vəŋ laa, «Viŋ kɨ tɔfə, shiinə yiŋwaa fɨ maa nu ŋkɨə faŋ ŋkə ndɔ̀ fɨ taa nwaa vɨɨ Farisii nə fɨ taa nwaa vɨɨ Herod, faŋ ŋkə lùu yaa fa faŋ vɨ yaa kɨ kwaŋ taa bee, ŋkə mwà.»

Lukas 20:21

Ŋkisə sɔ́ jwi, gì tɨ́ Yeso laa, «Tɨta, yia kɔꞌ kɨɨ laa a gisə, ndɔ deesə sheꞌ nu faŋ ŋkə lùu kəloomə, kee yɨsə nu nə fəntɔ-fə-yisɨ me, deesə jɨɨ Nwi maa yinsəŋ.

Lukas 7:40

Yeso kɨɨ nə mbɨꞌtə yi yɔ́, gi tɨ́ ŋwə laa, «Saymon, mə kəə naysə nu tɨ́ ghɔ.» Ŋwə laa, «Ɔŋ, tɨta.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:37

Pilate gi tɨ́ ŋwə laa, «Ŋkə bee nə də̀ laa a luu fwàŋ mu?» Yeso bəŋsə tɨ́ ŋwə laa «A gì yinsəŋ laa mə luu fwàŋ. Nu ŋkɨə faŋ mə jwì ŋkə shɨ nsi luu sheꞌ kəmuꞌ. Ŋkə lùu laa mə də nu ŋkɨə faŋ lùu yinsəŋ tɨ́ vɨɨ. Lùu ŋiꞌ nu ŋkɨə faŋ vɨ nə bì mə taa mbi. Wə tɨ̀ me wə faŋ ŋwə kaw nu yinsəŋ, zɔnə yigisə nyaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:18

Wə ntɨə faŋ ŋwə gisə fɨ taa ŋkɨɨ ŋwə, kəə yizii yikwalə maa nshɨ-tɔ wi. Luu nə, wə ntɨə faŋ ŋwə kəə yikwalə wə ntɨə faŋ ŋwə nə tɔ̀ŋ ŋwə, lùu wuu yinsəŋ, kee lùu wuu məbweꞌsə vɨɨ me.

2 Kɔrintian 2:17

Yia kee lùu yaa vɨɨ vəyaŋ faŋ vəŋ fɨꞌtə nu Nwi maa ka me. Yia fɨꞌtə nu Nwi nə fwi yiley, gisə nu ŋkɨə faŋ ŋkə ndɔ̀ fɨ ghɔ Nwi, tɨ́ vɨɨ sɨ Nwi, fɔnə yia faynə yia vɨ Kristo.

2 Kɔrintian 4:2

Yia kee toꞌ nə mənay faŋ lùu nu tɔ dɨɨ me, tɨꞌnə me bweꞌsə vɨɨ me, tɨꞌnə me wasə nu Nwi me. Yia fɨꞌtə luu nu yinsəŋ Nwi ntee, tɨ́ kaꞌ ŋkə kɨ jia fwisə vɨɨ vənshə, vɨɨ vənshə biŋ yia vɨsɨ Nwi.

2 Kɔrintian 5:16

Shù fɨ ndwə yia kee baa kɨ̀ɨ nə wə fɨ maa mbɨꞌtə wə mənsaw me. Yia nə baa kɨ̀ɨ nə Kristo fɨ maa mbɨꞌtə wə mənsaw maa yighee vɨsɨ. Luu nə, yia kee baa kɨ̀ɨ nə ŋwə maa jɨɨ yɔ́ ndwə me.

Galatia 1:10

Viŋ bɨꞌtə laa mə fɨꞌtə nu Nwi laa vɨɨ kaw mə mu, mu laa ŋkə bàw tɨ́ Nwi? Mə nii toꞌ kɨ kəə jəə fɨ ghɔ vɨɨ, buu mə kee baa lùu wuu faꞌ Kristo me.

Galatia 2:6

Gə fɨ maa vɨɨ mbɨə faŋ vɨ nə ndi vəŋ maa vɨɨ faŋ vəŋ lùu tɔ, vəŋ nə kee gì laa nu mɔ́ꞌ lùu shɔ, mə baa yɨ me. Luu nə, vɨɨ vɔ́ nə kɔlə lùu vɨɨ kwalə nə, mə kee shə̀ŋ shɔ me, buꞌ laa vɨɨ vənshə luu nɨndɨŋ vɨsɨ Nwi.

1 Tesalonika 2:4

Yia bee kii gisə nu ŋkɨə faŋ Nwi kəə, buꞌ laa ŋwə nə mɔ̀ŋ yia laa yia kùꞌnə mu, buu kɔ̀ nu kɔ́ taa ghɔ yia, faŋ lùu ntɔŋ yijəə Nwi. Yia fɨꞌtə ntɔŋ yɔ́ nɨniŋ, kee kəə kɨ bawsə too vɨɨ me, luu sheꞌ maa məbawsə too Nwi faŋ ŋwə kɔꞌ kɨɨ nə fwi sia.

Jeyms 3:17

Yitɔfə njyə faŋ nyə ndɔ fɨ ghɔ Nwi, lùu nɨŋkwiŋ. Wə ntɨə faŋ ŋwə kìi kəŋ tɔ ley kɔ́, lùu wuu ley. Ŋwə jwi nə mənɔŋ-bwaŋnə tɨ́ vɨɨ, yɨ jəə, kee kìi məshii me, kee gəŋsə vɨɨ ŋkee dɨdɨꞌ, yɨsə vənu vəjəəvə ghee nshə, kee shia nsɔꞌ tɔ wə me, kee bweꞌsə wə me.

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.