Matiu 22:10 - Vengo (Babungo)

¹⁰ Vəndifwaŋ vɔ́ gə jɨɨsə, bàytə vɨɨ vənshə faŋ vəŋ yè, vɨɨ bwənə nə vɨɨ jəənə, vəŋ jwi, lwàŋ taa ŋii məndaa yɔ́, dùꞌ nsi kɨ zɨ.

Matiu 22:10 ပူးပေါင်းရင်းမြစ်များ

Matiu 13:38

Yindɨɨ yɔ́ faŋ ŋwə mɔ̀ꞌ say ghɔ́ shɔ nə, lùu taa mbi. Say jəənə ghɔ́ lùu vɨɨ mbɨə faŋ vəŋ ndɔ ŋii nu yifwàŋ yizɔ. Ŋwa ghɔ́ lùu vaŋ tɨɨ vəzwitə vəbwəvə.

Matiu 22:9

Nɨniŋ, viŋ gə mfaysə jɨɨsə, tìi vɨɨ mbɨə faŋ viŋ yè shɔ, laa vəŋ jwi zɨ̀ məndaa.»

Matiu 25:10

Faŋ vəŋ nə gə̀ maa məywaŋ nə, wəndɔŋ məndaa ghɔ́ jwì, vɨɨ mbɨə faŋ vəŋ nə lòotə yiŋwaa vəŋ nə, ŋii taa ŋii yitianə yɔ́. Vɨ kɨ nii fə̀ŋ shuufɔ.

Matiu 9:15

Yeso gi tɨ́ vəŋ laa, «Nə kaꞌ vɨɨ məzɨ yitianə wəndɔŋ məndaa kɨ luŋ-taw, faŋ wəndɔŋ məndaa lùu yɨ vəŋ mu? Luu nə, ndɔ luu maa yighee yimɔ́ꞌ, Nwi ndi wəndɔŋ məndaa ghɔ́ fɨ ghɔ vəŋ, buu vəŋ kɨ baŋ fazɨ maa yighee yɔ́.

2 Kɔrintian 12:21

Kɨ mə ndɔ kɨ jwi, Nwi yɨsə tɔ kaŋ dɨɨ taa ŋwaa viŋ, mə kɨ luŋ buꞌ vɨɨ vəyaŋ fɨ taa ŋwaa viŋ, faŋ vəŋ nəə yɨsə vənu vəbwəvə yighee vɨsɨ, kee ta kwìinə fwisə vəŋ buꞌ nu bwə vəŋ, faŋ vəŋ nəə tii vəki, tɨꞌnə me toꞌ ghɔ vəki vəsakə, tɨꞌnə me zɨ shɨ, faŋ vəŋ nəə yɨsə nə me.

1 Jɔn 2:19

Vɨɨ mbeenə Kristo vɔ́ nə fùu fɨ taa ŋwaa nsiŋ. Luu nə, vəŋ nə kee bee lùu vɨɨ vaŋ-nsiŋ me. Vəŋ nəə toꞌ luu vɨɨ vaŋ-nsiŋ, buu vəŋ nə gòꞌ nsiŋ vɨ vəŋ. Luu nə, vəŋ fuu nɨniŋ laa nsiŋ kɨɨ ntee laa vəŋ vənshə kee lùu vɨɨ vaŋ-nsiŋ me.

Reveleyshən 5:9

Vəŋ nə zwà nyay yifi laa, «A kùꞌnə maa məfi ŋwaꞌlə ghɔ́, shoꞌ vəlay vi, buꞌ laa a nə bìŋ vɨ zwi ghɔ, a ku, ywàŋ vɨɨ nə mənshi mə, yɨsə vɨɨ fɨ maa təkuu tə vɨɨ tənshə, nə təghaŋ tənshə, nə fɨ maa ŋgwisə vɨɨ vənshə, nə fɨ maa məshɨ mənshə, lùu vɨɨ Nwi.

Reveleyshən 7:9

Yiŋkii kɨ shɔɔ, mə kɨ ye, yè ŋkee nwaa vɨɨ vəyaŋ, tɨ́ kaꞌ wə kee say me. Vəŋ nə ndɔ̀ fɨ taa məshɨ mənshə, nə təkuu tənshə, nə ŋgwisə vɨɨ yinshə, nə təghaŋ tənshə, jwì tɨ̀ŋnə vɨsɨ ŋkaw kɔ́ nə vɨsɨ bi-njɨɨ yɔ́, nə njwisə fusə səmɔ́ꞌsə maa vəŋ, nə vəshay və yitee ghɔ vəŋ,