Matiu 2:13 - Vengo (Babungo)

¹³ Vəŋ ndɔ nɨniŋ, njyəə shi Josef. Nshiiŋii Nwi jwi maa ŋwə taa njyəə, gì tɨ́ ŋwə laa, «Ndɔ fɨ nsi, ndì wee ŋwə̀ ghɔ nshu wi, nyɨŋ gə̀ shɨ Ijip, gòꞌ shɔ, zìꞌ maa yighee njyə faŋ mə ndɔ naysə tɨ́ ghɔ, buꞌ laa fwàŋ Herod shoꞌ ghuu wee ŋwə̀ maa məzwi ŋwə.»

Matiu 2:13 ပူးပေါင်းရင်းမြစ်များ

Matiu 1:20

Faŋ ŋwə nə bɨꞌtə nɨniŋ, njyəə shi ŋwə, nshiiŋii Nwi jwi maa ŋwə taa njyəə, gì laa, «Josef, wuu ŋiinə Deyvid, kɨ ghɔ fee maa məndi Meri maa zu wə me. Məgɔ ŋwə̀ faŋ ŋwə gɔ̀ nə, yɨ̀sə Zwitə Ley Nwi.

Matiu 10:23

Vɨ ndɔ kɨ shoꞌ ghuu ghiŋ fɨ taa ntɨꞌ yimɔ́ꞌ, viŋ nyɨŋ gə shəŋ day. Mə naysə nu yinsəŋ tɨ́ viŋ laa viŋ kee ndɔ kia shɨ Isirayl, mètə ntɨꞌsə sənshə me, buu Wuu yinsəŋ Nwi ndɔ bəŋ jwì me.

Matiu 2:12

Faŋ vəŋ nə luu yifi, njyəə shi vəŋ. Nwi tɨ vəŋ taa njyəə laa kɨ vəŋ baa bəŋ gə yɨ fwàŋ Herod me. Nɨniŋ, vəŋ shɔɔ fɨ maa jɨɨ yiday, gə̀ shɨ vəŋ.

Matiu 2:14

Josef ndɔ yizɔ sheꞌ vətuꞌ shi kɔ́, ndì wee ghɔ́, ghɔ nshu wi, nyɨŋ gə̀ nə vəŋ shɨ Ijip.

Matiu 2:16

Fwàŋ Herod kɨ ye laa vɨɨ məkɨɨ nə məjwiŋ vɔ́ nə bwèꞌsə yi, njyoꞌ yi lia dɨdɨꞌ, ŋwə tɔŋ vəsogeꞌ, vəŋ gə zwìlə vaŋ-vəndɔŋ vəbwavə vənshə fɨ ntɨꞌ Betelehem nə fɨ maa kwiŋ ghɔ́ nshə, mbɨə faŋ vɨ bɨ kɨ bɨbi vəŋ, gə ziꞌ tɨ́ mbɨə faŋ vəŋ lùu ŋuꞌsə bɔɔ, buꞌ laa nə luu yighee njyə faŋ ŋwə nə tə̀əmə fɨ ghɔ vɨɨ məkɨɨ nə məjwiŋ vɔ́.

Matiu 2:22

Luu nə, ŋwə kɨ zɔ laa Arkileyɔs zɨ̀ tɔ tii wi Herod, sɔꞌ shɨ Judia, ŋwə fee maa məgə shɔ. Nwi gi tɨ́ ŋwə taa njyəə laa ŋwə gə luu kwiŋ Galilii.

Akts 10:22

Vəŋ bəŋsə tɨ́ ŋwə laa, «Tɔŋ Kɔrniliɔs, tɨɨ vəsogeꞌ, wə faŋ ŋwə fee Nwi, tɔ̀ŋ yia. Jɨɨ yi lùu yiloomə. Vɨɨ vənshə fɨ shɨ Judia gisə jəə buꞌ ŋwə. Nshiiŋii Nwi fùu yikəꞌ ŋwə, gì tɨ́ ŋwə laa ŋwə tii ghɔ, laa a jwi taa ŋii ŋwə, ŋwə taa zɔ nu ŋkɨə faŋ a taa gi tɨ́ ŋwə.»

Akts 10:7

Nshiiŋii Nwi yɔ́ metə yigi yɔ́, ndɔ̀ gə̀. Kɔrniliɔs tii vɨɨ faꞌ vi vəbɔɔ nə sogeꞌ muꞌ faŋ ŋwə nəə fee Nwi, fɨ taa ŋwaa vɨɨ mbɨə faŋ vəŋ nəə kɨꞌ ŋwə.

Akts 12:11

Sɨ Pita ley maa nu ŋkɨə faŋ ŋkə gày maa ŋwə, ŋwə gi laa yi kɔꞌ kɨɨ jəə ndwə laa lùu nu yinsəŋ, laa tɨta Yeso nə tɔŋ nshiiŋii Nwi, ŋwə fi yi fɨ ghɔ fwàŋ Herod, nə fɨ ghɔ vɨɨ Jus maa nu ŋkɨə faŋ vəŋ bɨꞌtə maa məyɨsə maa yi.

Akts 12:7

Nshiiŋii Nwi gwəkə fùu, məley Nwi bee taa ŋii mfiŋ yɔ́. Nshiiŋii Nwi yɔ́ buꞌtə Pita fɨ yiŋii ŋwə, yə̀ŋ ŋwə, gì tɨ́ ŋwə laa, «Yasə ndɔ yizɔ!» Sheꞌ yighee yɔ́ mfiŋsə sɔ́ shiakə fɨ kwiŋ ŋwə, fìŋkə nsi.

Akts 16:36

Nɨniŋ, wuu məndeynə ŋii mfiŋ naysə tɨ́ Pɔɔl laa, «Vɨɨ məshia nsɔꞌsə tɔŋ ntɔŋ laa viŋ gə. Nɨniŋ, viŋ fuu fu, gə̀ nə mənɔŋ-bwaŋnə.»

Akts 5:19

Kɨ luu vətuꞌ nshiiŋii Nwi jwi, ŋàꞌsə shuu ŋii mfiŋ ghɔ́, fùusə vəŋ, gì laa,

Akts 7:19

Fwàŋ ghɔ́ ka mənay tɔ vətɨɨ vaŋ-nsiŋ, dɔ̀ɔ vəŋ laa vəŋ kɨ meꞌ vaŋ vəŋ fu, tɨ́ kɨ kaꞌ vəŋ kùkə, kee bwèy me.

Reveleyshən 12:14

Luu nə, vɨ kɔ ghalə tɨ́ wəzwi ghɔ́ bɔɔ, faŋ lùu ghalə mbuꞌ kwalə, tɨ́ kaꞌ ŋwə vɨɨlə, nyɨ̀ŋ fɨ ghɔ zɔ yɔ́, gə̀ taa tɔɔ waꞌsə maa shəŋ ŋkɨə faŋ vɨ taa kɨ zəsə ŋwə shɔ maa wee-fɨ-kuŋtə yighee nə bɨꞌ.

Reveleyshən 12:4

Nsay yi saŋ waytə məjwiŋ fɨ taa vəwaytə vətia, mɔ̀ꞌ nsi. Zɔ-ŋgu-yibay yɔ́ tɨŋnə vɨsɨ wəzwi ghɔ́, faŋ ŋwə kɨꞌ məbi nə, laa ŋwə taa kɨ bi wee ghɔ́, ŋwə kwə.

Reveleyshən 12:6

Wəzwi ghɔ́ nyɨŋ gə̀ taa tɔɔ waꞌsə maa shəŋ faŋ Nwi nə nàysə, nùŋ tɨ́ ŋwə, laa vɨ kɨ zəsə ŋwə yifi maa vəshi ŋkaŋ nə yiwa yibɔɔ nə muu-ntɔfə.