Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiu 18:7 - Vengo (Babungo)

7 Ndwaŋ tɔ mbi buꞌ məkɔꞌsə məyɨ nu bwə. Ŋkə lùu taa ŋkɨɨ Nwi laa məmɔŋ maa məyɨ nu bwə jwi. Luu nə, ndwaŋ tɔ wə ntɨə faŋ ŋwə jwì nə məmɔŋ ghɔ́ tɨ́ vɨɨ.

အခန်းကိုကြည့်ပါ။ ကော်ပီ




Matiu 18:7
30 ပူးပေါင်းရင်းမြစ်များ  

Ŋwə kiasə ŋwaa wi, gì tɨ́ Pita laa, «Suꞌtə fɨ yiba jɨŋ mə, Satan, a kɔꞌsə mə taa mbwəə, buꞌ laa a kee bɨꞌtə nu Nwi me, a bɨꞌtə luu sheꞌ nu wə mənsaw.»


Wuu yinsəŋ Nwi taa ndi, yuu vɨ nə nyɔ̀ꞌ buꞌ ŋwə taa ŋwaꞌlə Nwi. Luu nə, ndwaŋ tɔ wə ntɨə faŋ ŋwə fìŋ Wuu yinsəŋ Nwi ghɔ́. Ŋkə nə bàw tɨ́ wə ghɔ́ laa kɨ vɨ bi ŋwə me.»


Viŋ zɔ! Yighee njyə faŋ viŋ ndɔ zɔ təghaw nə yumə yighaw, kɨ nduŋ sɨɨ viŋ me. Ŋkə ndɔ ghaa gay nɨniŋ. Luu nə, vəndwə və mbi kee ta yikuꞌ maa yighee yɔ́ me.


Yeso nə baa gì tɨ́ vɨɨ məzwetə nu ki laa, «Nu vɨɨ vənshə lùu laa vəŋ ŋii məmɔŋ maa məyɨ nu bwə. Luu nə, ndwaŋ tɔ wə ntɨə faŋ ŋwə yɨsə laa wə mɔ́ꞌ yɨ nu bwə.


Yighee njyə faŋ mə yaa luu yia vɨ vəŋ, mə nəə shiinə vəŋ, vəŋ goꞌsə maa yizii yə, faŋ a nə kɔ̀ shee nə. Mə nəə ndeynə vəŋ, tuu wə fɨ vəŋ muꞌ kee ndì me, tɨ̀ lɨꞌ sheꞌ wuu ndwaŋ wì, faŋ nə luu wuu ndi fɨ maa vənzi. Nɨniŋ laa nu ŋkɨə faŋ ŋkə lùu taa ŋwaꞌlə Nwi faynə.


Ŋwə gi laa, «Vaŋ-nshwi vaŋ, nu ŋkɨə faŋ ŋkə lùu taa ŋwaꞌlə Nwi kɔ̀ŋ nu Judas, faŋ ŋwə nə də̀ jɨɨ tɨ́ vɨɨ mbɨə faŋ vəŋ nə jìa Yeso nə, fàynə, buꞌ laa Zwitə Nwi nə duꞌtə ŋkə kwaŋ nu kɔ́ taa yigisə fwàŋ Deyvid yighee vɨsɨ, ŋwə naysə tɨ́ vɨɨ.


Ŋkə bàw faŋ ŋgaasə fuu taa ŋwaa viŋ, tɨ́ kaꞌ vɨ taa ye vɨɨ mbɨə faŋ vəŋ nùŋ fwi maa Yeso Kristo maa yinsəŋ.


Bàw laa vəbuꞌ faŋ vəŋ faꞌ vəfaꞌ tɨ́ vətɨɨ vəvəŋ ghee nshə, kɨ zɔnə vətɨɨ və faꞌ vəvəŋ maa jɨɨsə sənshə. Nɨniŋ laa kɨ vəŋ kɨ bɨsə yizii Nwi nə nu ki faŋ nsiŋ fɨꞌtə nə me.


yɨsə vənu vənshə nə yitɔfə, kee toꞌ vəswaŋ me, faꞌ vəfaꞌ taa ndɔꞌ vəŋ nə fwi yijəə, yɨsə vənu vəjəəvə, zɔnə vəndəə vəvəŋ. Nɨniŋ laa kɨ vɨɨ kɨ ndasə nu Nwi buꞌ vəŋ me.


gisə nu faŋ ŋkə lùu kəweꞌ, baa lùu nu yinsəŋ, tɨ́ kaꞌ wə kee lùlə me, tɔ wuu mbeenə ŋwaa-nsiŋ dɨɨ, buꞌ faŋ ŋwə kee yè nu bwə maa məgi tɔ nsiŋ nə me.


Mə gì nɨniŋ buꞌ laa vɨɨ mɔ́ꞌ shɔ faŋ vəŋ kee kɨ̀ɨ nə Nwi me. Vəŋ ŋìi taa ŋwaa viŋ fɨ yiba, kəə jɨɨsə maa məkwiinə jɨɨ njyə faŋ Nwi kee gəŋ saŋ-nsiŋ nə. Vəŋ kwiinə jɨɨ yɔ́ maa məyɨsə vənu vəbwəvə faŋ fwisə vəŋ kàw. Vəŋ twey ŋkee Yeso Kristo nɨzi, faŋ ŋwə luu ŋkee Tii ŋwaa-nsiŋ faŋ ŋwə sɔꞌ nsiŋ. Vɨ nə nyɔ̀ꞌ taa ŋwaꞌlə Nwi fɨshi laa, Nwi ndɔ kwaŋ kəŋ vɨɨ vɔ́ taa nsɔꞌ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ