Matiu 18:3 - Vengo (Babungo)

³ gì laa, «Viŋ zɔ! Mə naysə ŋkee nu yinsəŋ tɨ́ viŋ laa, viŋ kɨ luu kee kwìinə fwi siŋ, gù yaa vaŋmbwaa me, buu kaꞌ viŋ kee ndɔ ŋii nu yifwàŋ yizɔ me.

Matiu 18:3 ပူးပေါင်းရင်းမြစ်များ

Matiu 13:15

buꞌ laa fwisə ŋgwisə vɨɨ və̀ fɨ̀; vəŋ zɔ nə tuulə vəŋ dɨdu, shitə sɨ vəŋ, laa kɨ vəŋ ye nə sɨ vəŋ me, kee zɔ̀ nu nə tuulə vəŋ me, kee kɨ̀ɨ nə ŋiꞌ nu, kwìinə fwisə vəŋ, tɨ́ kaꞌ mə bwèysə vəŋ me.»

Matiu 18:2

Yeso tii weembwa wuubwa, tə̀ ŋwə nɨntəŋ ŋwaa vəŋ,

Matiu 18:4

Wə ntɨə faŋ ŋwə sùꞌsə ŋwaa wi nsi yaa wee ŋwə̀, ndɔ luu wuu kwalə taa yifwàŋ yizɔ.

Matiu 19:14

Yeso gi laa, «Viŋ meꞌtə vaŋmbwaa jwi yɨ mə. Kɨ viŋ fəŋ vəŋ me, fɔnə nu yifwàŋ yizɔ lùu tɨ́ kəŋ vɨɨ vɔ́.»

Matiu 19:23

Yeso baa kɨ nii gì tɨ́ vɨɨ məzwetə nu ki laa, «Viŋ zɔ! Mə naysə nu yinsəŋ tɨ́ viŋ laa, ŋkə ndɔ luu kəweꞌ tɨ́ tɨɨ ka maa məŋii nu yifwàŋ yizɔ,»

Matiu 5:18

Viŋ zɔ! Mə naysə nu yinsəŋ tɨ́ viŋ laa tuu ŋkee yisɨ ŋwaꞌlə yimuꞌ, tɨꞌnə me ŋkee wee-mbey, kee ndɔ ndi fɨ taa ŋwaꞌlə ntɨsə Nwi me, gə ziꞌ maa yighee njyə faŋ yizɔ ghɔ nsi ndɔ ndi. Vənu vɔ́ vənshə fɨ taa ŋwaꞌlə Nwi ndɔ gay ŋkəə.

Matiu 5:20

Viŋ zɔ! Mə naysə tɨ́ viŋ laa, viŋ kee kii ŋkawnə nə məzɔnə shɔ̀ɔ vɨɨ mədeesə ŋwaꞌlə Nwi ghɔ vɨ vɨɨ Farisii me, buu kaꞌ viŋ kee ndɔ ŋii nu yifwàŋ yizɔ me.»

Matiu 6:16

«Viŋ kɨ luu kɨ baŋ fazɨ, kɨ viŋ kɨ kaŋ yikəꞌ yiŋ yaa vɨɨ məkoꞌsə ŋwaa me. Vəŋ kaŋ yikəꞌ vəŋ, tɨ́ kɨ kaꞌ vɨɨ kɨ ye, bə̀ŋsə vəŋ shɔ. Mə naysə ŋkee nu yinsəŋ tɨ́ viŋ laa vəkeynə vəŋ ndì nɨniŋ.

Matiu 6:2

Yighee njyə faŋ viŋ kɔ fa tɨ́ wuu ŋɨꞌ, kɨ viŋ kɨ taw yisaw yaa vɨɨ məkoꞌsə ŋwaa yaa kɨ yɨsə taa ndɔꞌ Nwi nə jɨɨsə laa vɨɨ kɨ bəŋsə vəŋ nə me. Mə naysə ŋkee nu yinsəŋ tɨ́ viŋ laa vəkeynə vəŋ ndì nɨniŋ.

Matiu 6:5

«Yighee njyə faŋ viŋ kəə shɔꞌtə Nwi, kɨ viŋ lùu yaa vɨɨ məkoꞌsə ŋwaa me, faŋ vəŋ yaa kɨ kaw maa mətɨŋnə taa ndɔꞌ Nwi nə maa vənsanə və jɨɨsə, shɔꞌtə Nwi yifi laa vɨɨ kɨ ye vəŋ, bəŋsə vəŋ. Mə naysə ŋkee nu yinsəŋ tɨ́ viŋ laa vəkeynə vəŋ ndì.

Mark 4:12

Ŋwə gi nɨniŋ, baa gì faŋ vɨ nyɔ̀ꞌ taa ŋwaꞌlə Nwi laa, «Ŋkə lùu nɨniŋ laa vəŋ kɨ ye, kee ye me, zɔ, kee kɨɨ me, tɨ́ kɨ kaꞌ vəŋ kee ndɔ kwiinə fwisə vəŋ me, Nwi kee ndènə yibɨsə vəŋ me.»

Lukas 13:24

Shuufɔ maa məŋii yifwàŋ Nwi luu sheꞌ yitɨtiꞌ. Viŋ saŋ ŋwaa maa məŋii shɔ! Viŋ zɔ! Mə naysə tɨ́ viŋ laa vɨɨ vəyaŋ ndɔ kɨ kəə ŋii shɔ, ŋìi dɨdu.

Lukas 22:32

Luu nə, mə shɔꞌtə Nwi tɔ ghɔ laa, kɨ nu mənuŋ fwi yə maa mə kee ndɔ mè me. Nɨniŋ, yighee njyə faŋ a ndɔ kwiinə fwi yə, weꞌsə vaŋ-nshwi və!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:51

Yeso kɨ nii baa gì tɨ́ vəŋ laa, «Viŋ zɔ! Mə gì ŋkee nu yinsəŋ tɨ́ viŋ laa viŋ ndɔ ye faŋ yizɔ ŋaꞌnə, nshiisə-ŋiisə Nwi koꞌ baa siꞌ maa Wuu yinsəŋ Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:3

Yeso bəŋsə tɨ́ ŋwə, gì laa, «Ye mɔɔ, mə gì ŋkee nu yinsəŋ tɨ́ ghɔ laa, vɨ kee bi wə fi me, buu kaꞌ ŋwə kee ŋìi nu yifwàŋ Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:5

Yeso gi tɨ́ ŋwə laa, «Yinsəŋ, mə naysə tɨ́ ghɔ laa, vɨ kee bì wə nə muu mə Nwi nə Zwitə Ley Nwi me, buu kaꞌ ŋwə kee ŋìi nu yifwàŋ Nwi me.

Akts 14:22

Maa vəshəŋ vɔ́ vənshə, vəŋ yɨsə fwisə vɨɨ məbiŋ nu Kristo weꞌ maa nu Kristo. Vəŋ baa tɨ̀sə vɨɨ vɔ́ laa vəŋ goꞌsə ghɔ vɨ Yeso, baa nàysə tɨ́ vəŋ laa vɨɨ məbiŋ nu Kristo taa ye ŋɨꞌ, buu ŋii maa nu yifwàŋ Nwi.

Akts 28:27

buꞌ laa fwisə vɨɨ shɨ və̀ fɨ, tuulə vəŋ shii. Vəŋ shitə sɨ vəŋ, laa kɨ vəŋ ye vədɨꞌ nə sɨ vəŋ me, kee zɔ nu nə tuulə vəŋ me, kee kɨ̀ɨ nə ŋiꞌ nu fɨ taa fwisə vəŋ me, kee kɨ kwiinə fwisə vəŋ, tɨ́ kaꞌ Nwi bwèysə vəŋ me.»

Akts 3:19

Nɨniŋ, viŋ kwiinə fwi siŋ ndwə, kwiinə nshinə yiŋ, laa Nwi ndenə yibɨsə yiŋ faŋ viŋ nə yɨ̀.

1 Kɔrintian 14:20

Vaŋ-nshwi vaŋ, kɨ viŋ kɨ bɨꞌtə vənu yuu vaŋmbwaa me. Nu ŋkɨə faŋ kaꞌ viŋ lùu yaa vaŋmbwaa, faŋ vəŋ kee ta weꞌ maa nu me, lùu maa məyɨsə vənu vəbwəvə. Bàw viŋ kee weꞌ maa kəŋ nu ghɔ́ me. Luu nə, bàw viŋ lùu yaa vɨɨ taa maa məbɨꞌtə vənu.

1 Pita 2:2

Viŋ lùu yaa vaŋ faŋ vɨ bɨ kɨ bɨbi vəŋ, faŋ vənshwi vəŋ yaa bɨ bɨbi vəŋ, vəŋ kɨ kəə yiməŋ ghee nshə. Bàw jɨŋ nu Nwi kɨ zasə viŋ sheꞌ yuu yiməŋ zasə vaŋ nə, buu viŋ taa kɨ ta taa nu Nwi, tɨ́ kɨ kaꞌ Nwi ndɔ bweysə viŋ.

2 Pita 1:11

Nɨniŋ, viŋ taa kii jɨɨ yinsəŋ maa məŋii taa yifwàŋ Yeso Kristo, faŋ luu mbweysə nyaa-nsiŋ; nsiŋ vɨ vəŋ taa gòꞌsə shɔ yighee muꞌ.