Matiu 18:10 - Vengo (Babungo)

¹⁰ Viŋ kɨ ndɨɨnə laa kɨ viŋ shia fɨ maa vaŋ vəbwavə və̀ me. Mə naysə tɨ́ viŋ laa nshiisə-ŋiisə Nwi nsɨə faŋ nsə shiŋnə vaŋ vɔ́, lùu yizɔ, ye yikəꞌ Tii ŋwaa faŋ ŋwə lùu yizɔ nə.

Matiu 18:10 ပူးပေါင်းရင်းမြစ်များ

Hibru 1:14

Nshiisə-ŋiisə Nwi sənshə luu sheꞌ vəzwitə faŋ vəŋ faꞌ tɨ́ Nwi, faŋ ŋwə tɔ̀ŋ vəŋ laa vəŋ gə gàŋtə vɨɨ mbɨə faŋ Nwi taa bweysə vəŋ nə.

Lukas 16:22

Kɨ lùu maa shi mɔ́ꞌ, wuu ŋɨꞌ ghɔ́ ku. Nshiisə-ŋiisə Nwi jwi ndì ŋwə, koꞌ gə̀ nə ŋwə yizɔ, nùŋ ŋwə yɨ tii ŋwaa-nsiŋ Abraham. Tɨɨ ka ghɔ́ baa luu kù nɨzi, vɨ təə ŋwə.

Matiu 24:31

Ŋwə ndɔ jwi nɨniŋ, tɔ̀ŋ nshiisə-ŋiisə si nə yisaw yikwalə faŋ vɨ taw ŋkee nəŋay. Nshiisə-ŋiisə sɔ́ baytə vɨɨ mbɨə faŋ vɨ shòꞌ fɨ taa mfaysə mbi sənshə, nə fɨ maa vəndwə və mbi vənshə.

Lukas 1:19

Nshiiŋii Nwi yɔ́ bəŋsə tɨ́ ŋwə laa, «Mə lùu Gabreya faŋ ŋwə tɨ̀ŋnə yɨ Nwi. Vɨ tɔ̀ŋ mə laa mə jwi gì tɨ́ ghɔ maa mənaysə ntɔŋ yijəə nyə̀ tɨ́ ghɔ.

Matiu 18:14

Nu Tii wiŋ fɨ yizɔ luu sheꞌ nɨndɨŋ; ŋwə kee kàw laa tuu wə muꞌ fɨ taa ŋwaa vaŋ vətɨtiꞌ və̀ ndi me.»

Matiu 18:6

Wə ntɨə faŋ ŋwə yɨsə wə muꞌ fɨ taa ŋwaa vaŋ vətɨtiꞌ və̀ faŋ vəŋ nùŋ fwi vəŋ maa mə, laa ŋwə ndi jɨɨ, buu nii bàw laa vɨ ka yiti bee me wə ghɔ́, mɔ̀ꞌ ŋwə taa mamuu məgəmə.

Matiu 2:19

Yighee njyə faŋ fwàŋ Herod nə kù, njyəə baa kɨ shi Josef shɨ Ijip. Nshiiŋii Nwi baa kɨ jwi maa ŋwə taa njyəə,

Matiu 2:13

Vəŋ ndɔ nɨniŋ, njyəə shi Josef. Nshiiŋii Nwi jwi maa ŋwə taa njyəə, gì tɨ́ ŋwə laa, «Ndɔ fɨ nsi, ndì wee ŋwə̀ ghɔ nshu wi, nyɨŋ gə̀ shɨ Ijip, gòꞌ shɔ, zìꞌ maa yighee njyə faŋ mə ndɔ naysə tɨ́ ghɔ, buꞌ laa fwàŋ Herod shoꞌ ghuu wee ŋwə̀ maa məzwi ŋwə.»

Matiu 1:20

Faŋ ŋwə nə bɨꞌtə nɨniŋ, njyəə shi ŋwə, nshiiŋii Nwi jwi maa ŋwə taa njyəə, gì laa, «Josef, wuu ŋiinə Deyvid, kɨ ghɔ fee maa məndi Meri maa zu wə me. Məgɔ ŋwə̀ faŋ ŋwə gɔ̀ nə, yɨ̀sə Zwitə Ley Nwi.

1 Tesalonika 4:8

Nɨniŋ, wə ntɨə faŋ ŋwə shìa nu kɔ́, kee shìa luu wə me, ŋwə shìa luu Nwi, ŋkee ŋwə faŋ ŋwə kwaŋ Zwitə ki, faŋ ŋkə bàw shɨlə nə, taa fwisə viŋ.

1 Kɔrintian 11:22

Kəŋ nshinə yɔ́ kee yikuꞌnə me. Ndɔꞌ ghiŋ shɔ faŋ kaꞌ viŋ zɨ baa nu. Sii yɨ̀ kə buu viŋ kɨ shiasə ŋii Nwi, baa mɔꞌ tɔ dɨɨ tɔ vɨɨ mbɨə faŋ vəŋ kee kìi fa me? Sii kaꞌ mə gì kə tɨ́ viŋ? Nə kaꞌ mə bəŋsə viŋ mu, faŋ viŋ kìi kəŋ nshinə yɔ́ nee nə mu? Bey, kaꞌ mə kee bəŋsə viŋ me tuu tɨtiꞌ.

1 Kɔrintian 16:11

Kɨ tuu wə muꞌ shiasə ŋwə me. Yighee njyə faŋ ŋwə ndɔ baa kɨ gə, viŋ gaŋtə ŋwə, twey ŋwə jɨɨ jəə jəə, tɨ́ kaꞌ ŋwə jwi yɨ mə. Yia vɨ vɨɨ Nwi fɨ feenə kɨꞌ ŋwə.

Roma 14:10

Jwi fɨ maa ghɔ, faŋ a kee kwə mbasə me, sii yɨ kə, buu a kɨ shia nsɔꞌ tɔ weenshu wə? Nə ghɔ faŋ a kwə vətɔ vənshə, sii yɨ kə buu a kɨ shiasə weenshu wə? Maa nsiŋ vənshə ndɔ tɨŋnə vɨsɨ Nwi, ŋwə sɔꞌ nsiŋ.

Akts 27:23

Nshiiŋii Nwi nii jwì maa mə vətuꞌ ndee. Nə luu nshiiŋii Nwi, faŋ kìi Nwi ghɔ́ kìi mə. Mə baa luu bəŋsə ŋwə.

Akts 12:23

Sheꞌ yighee tii-njii, nshiiŋii Nwi saŋ ŋwə, buꞌ laa ŋwə nə kee gwènə Nwi me, vəmbii vənsaysə kwə ŋwə, ŋwə ku.

Akts 12:15

Vəŋ kee biŋ me, gi tɨ́ ŋwə laa, tɔ ki bɨbuulə. Ŋwə baa kɨ bəŋsə gì laa lùu nɨniŋ. Vəŋ gi laa, luu ndɨɨlə ki.

Akts 10:3

Shi mɔ́ꞌ bwafu nshiiŋii Nwi fuu yikəꞌ ŋwə, tii ŋwə laa, «Kɔrniliɔs.»

Akts 5:19

Kɨ luu vətuꞌ nshiiŋii Nwi jwi, ŋàꞌsə shuu ŋii mfiŋ ghɔ́, fùusə vəŋ, gì laa,

1 Timoti 4:12

Kɨ wə shia ghɔ buꞌ faŋ a kɨ bii wuu zawə nə me. Kɨ yɨsə laa a luu mfɨꞌ nu tɨ́ vɨɨ məbiŋ nu Kristo fɨ maa yigisə yə, nə ghuu yitoꞌ kə, nə nu məkaw vɨɨ, nə maa mənuŋ fwi maa Kristo, baa nə maa məyɨsə vənu vəleyvə.

1 Kɔrintian 9:22

Yighee njyə faŋ mə lùu yia vɨ vɨɨ faŋ fwisə vəŋ kee ta wèꞌ maa nu Nwi me, mə lùu yaa vəŋ, tɨ́ kaꞌ mə yɨsə vəŋ beꞌsə Kristo. Wə kɔlə lùu kɨkə, mə lùu yaa ŋwə, tɨ́ kaꞌ mə tòꞌ fɨ maa jɨɨsə sənshə maa məjwi nə vɨɨ, tɨ́ kaꞌ vəŋ kìi məbwey vəlwaŋ fɨ ghɔ Nwi.

Roma 15:1

Nɨniŋ, nu kaŋ-nsiŋ faŋ nsiŋ weꞌ maa nu Kristo nə, lùu laa, nsiŋ kɨ gaŋtə vɨɨ mbɨə faŋ vəŋ bwa maa nu Kristo, kee yɨsə vənu faŋ mbə bàw sheꞌ tɨ́ nsiŋ nə me.

Roma 14:21

Ŋkə bàw maa məmeꞌtə maa məkwə mbasə, baa nə maa mənu məluꞌ, tɨꞌnə me yɨ̀ nu mɔ́ꞌ faŋ ŋkə taa bɨ tɨ́ weenshu wə, ŋwə gu shɔ.

Reveleyshən 8:2

Mə kɨ ye, yè nshiisə-ŋiisə Nwi sɔ́ kwatia, faŋ vəŋ tɨŋnə vɨsɨ Nwi, vɨ kɔ təsaw tɨ́ vəŋ kwatia.

Galatia 6:1

Vaŋ-nshwi vaŋ, viŋ kɨ luu fàynə viŋ vɨ wə faŋ ŋwə yɨ̀ nu bwə, bàw viŋ gaŋtə wə ghɔ́ laa ŋwə kiasə gù wuu jəə. Kaꞌ viŋ yɨ̀sə nɨniŋ faŋ viŋ kìi Zwitə Ley Nwi taa fwisə viŋ. Bàw viŋ yɨ̀ nɨniŋ, kɨ yɨsə fɨ taa bwaŋnə, baa ndeynə yiŋwaa yiŋ buꞌ məmɔŋ mɔ́ꞌ taa ŋii viŋ nɨzi.

2 Kɔrintian 10:10

faŋ vɨɨ mɔ́ꞌ gì laa vəŋwaꞌlə və Pɔɔl lùu vəshəsə baa lùu vəweꞌ, luu nə, faŋ nsiŋ vɨ vəŋ lùu shəŋ kəmuꞌ, ŋwə bɨbwa, yigisə yi luu yibwaŋnə.

2 Kɔrintian 10:1

Mə Pɔɔl kəə kee vənu tɨ́ viŋ kɔ̀ŋ nu Kristo faŋ ŋwə zutə ndɔ sàylə. Mə faŋ viŋ gisə laa mə bwasə ŋwaa ŋwaa nsi, vɨsɨ viŋ yighee njyə faŋ nsiŋ lùu mɔ́ꞌ, baa nə laa, yighee njyə faŋ mə ndɔ fɨ yɨ viŋ, buu fwi nyaa weꞌ maa viŋ.

Lukas 10:16

Yeso nə gì nɨniŋ, baa gì tɨ́ vɨɨ ntɔŋ vi vɔ́ laa, «Wə ntɨə faŋ ŋwə zɔnə viŋ, zɔnə mə. Wə ntɨə faŋ ŋwə twèy viŋ, twèy luu mə. Wə ntɨə faŋ ŋwə twèy mə, twèy luu wə ntɨə faŋ ŋwə nə tɔ̀ŋ mə nə.»

Matiu 12:20

Ŋwə kee ndɔ kɨ shia yiŋkəə faŋ nyə bɨ̀ꞌnə me, tɨꞌnə me ndɨɨsə kuu laŋ faŋ ŋwə nɨndɨꞌ me, gə ziꞌ maa yighee njyə faŋ ŋwə ndɔ yɨsə nu loomə fuu ntee, ghɔ̀ꞌ nu bwə yighee muꞌ.

Hibru 9:24

Kristo nə ŋìi maa shəŋ ŋkɨə faŋ Nwi lùu shɔ yizɔ. Ŋwə tɨŋ vɨsɨ Nwi maa yizii nyaa-nsiŋ ndwə. Ŋwə nə kee bee ŋii taa vəbee və Nwi faŋ fìanə wə mənsaw me, faŋ luu sheꞌ shwenə shəŋ faŋ Nwi lùu shɔ nə.