Matiu 17:18 - Vengo (Babungo)

¹⁸ Vɨ jwi nə wee ghɔ́ tɨ́ Yeso, ŋwə shə tɨ́ zwitə bwə kɔ́ faŋ ŋkə nə luu taa ŋwaa wee ghɔ́, ŋkə fuu fɨ maa ŋwə, wee ghɔ́ bwaŋnə. Shù fɨ maa yighee yɔ́, kəŋgu kee baa mɔꞌ ŋwə me.

Matiu 17:18 ပူးပေါင်းရင်းမြစ်များ

Matiu 12:22

Yiŋkii kɨ shɔɔ, vɨ jwi nə wə tɨ́ Yeso faŋ zwitə bwə nə luu taa ŋwaa ŋwə, yɨsə laa ŋwə gu bɨbɨ, sɨ ghi fɨ nɨzi. Yeso shuꞌ wə ghɔ́, ŋwə gi, ndɔ yè vədɨꞌ.

Matiu 15:28

Yeso zɔ nɨniŋ, bə̀ŋsə tɨ́ ŋwə laa, «A nùŋ fwi yə maa mə dɨdɨꞌ, yaa. Nu ŋkɨə faŋ a kəə, taa gay nɨniŋ.» Wee wəzwi ghɔ́ bwaŋnə sheꞌ maa yighee yɔ́.

Matiu 17:17

Yeso gi laa, «Aŋ viŋ, ŋgwisə vɨɨ faŋ viŋ kee nùŋ fwi maa Nwi me. Nsiŋ sii taa shi tày kɨkə? Nsiŋ sii taa mwəsə ndəəkə? Viŋ jwi nə wee ghɔ́ shee!»

Matiu 17:19

Vɨɨ məzwetə nu Yeso jwi yɨ ŋwə fɨ taa vəndenə, gì laa, «Sii nii yɨ̀ kə laa kaꞌ yia kee fùusə ŋkə me?»

Matiu 9:22

Yeso kiasə ŋwaa wi, yè wəzwi ghɔ́, gì tɨ́ ŋwə laa, «Jia fwi yə mɔɔ, ŋwiŋ ŋwaa, a nùŋ fwi yə maa mə, buu a bwey.» Wəzwi ghɔ́ bwaŋnə sheꞌ maa yighee yɔ́.

Mark 1:34

Yeso shuꞌ vəza vəyaŋ, baa fùusə vəzwitə vəbwəvə fɨ taa yiŋwaa vɨɨ vəyaŋ. Faŋ ŋwə nə fuusə vəzwitə vəbwəvə fɨ taa yiŋwaa vɨɨ nɨniŋ nə, kee biŋ laa mbə gi nu kɔ̀ŋ yi me, buꞌ laa mbə nə kɔꞌ kɨɨ nə ŋwə.

Mark 5:8

Ŋwə nə gì nɨniŋ buꞌ laa Yeso nii gì tɨ́ zwitə bwə kɔ́ laa ŋkə fuu fɨ maa ŋwə.

Lukas 4:41

Vəzwitə vəbwəvə nə fùu fɨ taa ŋwaa vɨɨ vəyaŋ nɨzi, kɨ yumə laa, «A luu ŋkee Wee Nwi.» Ŋwə shə tɨ́ vəzwitə vəbwəvə vɔ́, kee biŋ laa mbə gi me, buꞌ laa mbə nəə kɔꞌ kɨɨ laa ŋwə lùu Kristo.

Lukas 8:29

Ŋwə nə gì nɨniŋ, buꞌ laa Yeso nəə kəə kɨ sɔꞌ zwitə bwə kɔ́ laa ŋkə fuu fɨ taa ŋwaa wə ghɔ́, buꞌ laa zwitə bwə kɔ́ nəə ghaysə ŋwə shù fɨshi. Vɨ nəə ka ŋwə nə vəsumə və bwey, kwaŋ mfiŋ fəŋ ŋwə, shiinə ŋwə dɨdu. Ŋwə shiatə mfiŋsə sɔ́ ghee ghee, zwitə bwə kɔ́ suŋ ŋwə, ŋwə ndɔ gə taa tɔɔ.

Lukas 9:42

Wee ghɔ́ kɨ jwi, zwitə bwə kɔ́ suŋ ŋwə, kəŋgu mɔꞌ ŋwə. Yeso shə tɨ́ zwitə bwə kɔ́, shùꞌ wee ghɔ́, kɔ̀ tɨ́ tii wi.

Akts 16:18

Ŋwə nə yɨsə nɨniŋ vəshi vəyaŋ, ŋkə za Pɔɔl, ŋwə kiasə ŋwaa wi, gì tɨ́ zwitə bwə kɔ́ fɨ taa ŋwaa wəzwi ghɔ́ laa, «Mə gì tɨ́ ghɔ maa yizii Yeso Kristo laa a fuu fɨ taa ŋwaa wəzwi ŋwə̀.» Sheꞌ yighee yɔ́ zwitə bwə kɔ́ fuu.