Matiu 16:18 - Vengo (Babungo)

¹⁸ Zɔ mɔɔ! Mə naysə tɨ́ ghɔ laa, yizii yə lùu Yighɔsə. Mə ndɔ fia ŋii Nwi fuu yighɔsə nyə̀. Kaꞌ wutə yiku kee ndɔ ghɔꞌ ŋii Nwi yɔ́ me.

Matiu 16:18 ပူးပေါင်းရင်းမြစ်များ

Kɔlɔsii 1:18

Ŋwə baa lùu tɔ fɨ taa vəməshəŋtə və vɨɨ Nwi, sɔꞌ vɨɨ Nwi vənshə, sheꞌ faŋ tɔ wə sɔꞌ ŋwaa wə nshə nə. Ŋwə baa lùu vənzi və ŋii Nwi, baa luu mfɔŋ wə maa məywey fɨ shɨ yiku. Nɨniŋ laa ŋwə luu vɨsɨ maa vənu vənshə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:42

Nɨniŋ, Andru ndi weenshu wi, ghɔ ŋwə gə yɨ Yeso. Yeso ye Saymon, gì tɨ́ ŋwə laa, «A lùu Saymon, wee Jɔn, vɨ taa kɨ tii ghɔ nə Sifas.» Yizii Sifas luu sheꞌ yizii Pita faŋ lùu laa yighɔsə.

Hibru 12:28

Nɨniŋ, bàw nsiŋ kɨ bwaŋ Nwi, buꞌ laa ŋwə bɔ̀ŋ yifwàŋ tɨ́ nsiŋ faŋ kaꞌ nyə kee nə̀ꞌnə me. Nsiŋ kɨ bwaŋ ŋwə maa yifwàŋ yi yɔ́, buu nsiŋ bəŋsə Nwi maa jɨɨ njyə faŋ nyə bàw too ŋwə. Nsiŋ baa luu kɔ feenə tɨ́ ŋwə, faꞌ tɨ́ ŋwə nə məfee,

Akts 2:47

bəŋsə Nwi. Vɨɨ vənshə ŋaytə maa vəŋ. Nwi baa kùꞌsə nwaa vəŋ shi shi nə vɨɨ faŋ Nwi bwèysə vəŋ nɨzi.

1 Timoti 3:15

Kɨ luu mə ndɔ tay, bàw a kɨɨ faŋ kaꞌ a kɨ yɨsə vənu taa ŋii Nwi. Ŋii Nwi yɔ́ lùu nshəŋtə vɨɨ Nwi faŋ Nwi goꞌsə yighee muꞌ. Ŋii yɔ́ baa luu tweꞌ faŋ ŋkə tɔ̀ŋ nu yinsəŋ.

Efesɔs 5:32

Luu ŋkee nu kwalə faŋ ŋkə ndènə fɨ sɨ vɨɨ. Luu nə, mə gì laa muꞌlə wi luu Kristo, faŋ ghɔ nwaa vɨɨ vi faynə̀, gù fa kəmuꞌ nə.

Efesɔs 3:10

Ŋwə yɨ̀sə nɨniŋ laa vɨɨ məsɔꞌ mbi nə vətɨɨ və wutə fɨ taa yizɔ zɔ sheꞌ ndwə fɨ shuu nwaa vɨɨ Nwi, faŋ yitɔfə Nwi lùu taŋ taŋ maa vənu vənshə.

Reveleyshən 21:14

Vɨ bɔ̀ŋ mfaysə ŋkɔꞌ yɔ́ nə ŋoꞌsə njɔsə-bɔɔ, faŋ vɨ nyɔ̀ꞌ təzii tə vɨɨ ntɔŋ bi-njɨɨ yɔ́ mbɨɨ yi.

Akts 8:1

Sɔɔl ghɔ́ nə biŋ laa vɨ zwì Stefen. Shù fɨ maa shi kɔ́, vɨ tey kɨ yɨnə vɨɨ məbiŋ Kristo ntɨꞌ Jerusalem ŋkee dɨdɨꞌ. Vəŋ vənshə saykə taa shɨ Judia nə taa shɨ Samaria, kɨ nii gòꞌ sheꞌ vɨɨ ntɔŋ Kristo ntɨꞌ Jerusalem.

1 Timoti 3:5

Wə kɨ luu kee kɨɨ sɔꞌ vɨɨ taa ŋii ŋwə me, buu kaꞌ ŋwə ndeynə nu nshəŋtə vɨɨ Nwi, ŋkə bàw kɨkə?

Galatia 2:9

Nɨniŋ, Jeyms nə Pita [Sifas] nə Jɔn, faŋ vɨɨ Nwi nə ndi vəŋ yaa vətweꞌ, baa lùu ŋkee vɨɨ kwalə fɨ taa ŋii Nwi, nə ye laa Nwi kɔ̀ faꞌ ghɔ́ shee yinsəŋ, yia vɨ vəŋ nə Barnabas sə̀ŋnə ghɔ, faŋ nə luu shwenə laa yia lùu fa kəmuꞌ, yia vɨ vəŋ. Vəŋ biŋ laa, yia Barnabas gə fàꞌ taa ŋwaa vɨɨ faŋ kee lùu vɨɨ Jus me, vəŋ gə fàꞌ taa ŋwaa vɨɨ Jus.

Matiu 18:17

Kɨ luu ŋwə twey maa məzɔ yigisə vəŋ, a nàysə tɨ́ məshəŋtə vɨɨ Nwi. Ŋwə taa kɨ luu twey yigisə vəŋ nɨzi, buu a ndi ŋwə yaa wuu məmanə Nwi, tɨꞌnə me wuu məsa vətɔ.

Matiu 11:23

Gə fɨ maa ghɔ, ntɨꞌ Kapernaum, a nə bɨ̀ꞌtə laa vɨ ndɔ shaꞌsə ghɔ yizɔ lee? A ndɔ siꞌ gə̀ ŋkee maa shəŋ ŋɨꞌ faŋ vəŋku və nsisə vəbwəvə lùu shɔ nə. Vɨ nə yɨsə ŋkee vənu vəkwalə taa ntɨꞌ ghɔ. Vɨ nəə toꞌ yɨsə vənu vɔ́ shɨ Sodom, faŋ Nwi nə ndìsə buꞌ vənu vəbwəvə vəŋ fɨshi nə, buu vəŋ kɨ bii shɔ kɔ tɔ və-ndee.

Matiu 10:2

Təzii tə vɨɨ vi vɔ́ njɔsə-bɔɔ nə, lùu nee: Saymon faŋ vɨ tii ŋwə nə Pita, nə Andru weenshu wi, nə Jeyms wee Zebedii, nə Jɔn weenshu wi,

Reveleyshən 11:15

Nshiiŋii Nwi lwesə kwatia kɨ nii tàw yisaw yi, gɨsə vɨɨ gi fɨ yizɔ ŋkee nəŋay laa, «Yighee jwi kùꞌ faŋ tɨta ŋwaa-nsiŋ, ghɔ wə ntɨə faŋ ŋwə nə shòꞌ ŋwə nə, ndɔ kɨ sɔꞌ mbi yinshə. Yifwàŋ yivəŋ ndɔ goꞌsə yighee muꞌ.»

1 Kɔrintian 15:55

Aŋ yiku, wutə kə bə? Aŋ yiku, wutə mətə wə kə baa bə?»

Matiu 4:18

Yeso kɨ shɔ̀ɔ fɨ mbɨɨ maghia Galilii shi mɔ́ꞌ, yè vɨɨ vəbɔɔ faŋ vəŋ nə mɔꞌ ghuu susə vəŋ taa muu. Vɨɨ vɔ́ nə luu Saymon faŋ vɨ tii ŋwə nə Pita, ghɔ weenshu wi Andru. Vəŋ nə luu vɨɨ məkoo susə.

Matiu 7:24

«Nɨniŋ, wə ntɨə faŋ ŋwə zɔ̀ təgi taŋ tɔ́, kɨ yɨsə nɨzi, fɨnə wuu yitɔ faŋ ŋwə nə fìa ŋii yi taa nsi yighɔsə.

Akts 20:28

Nɨniŋ, viŋ kɨ shiinə yiŋwaa yiŋ, baa shii nwaa vɨɨ mbɨə faŋ Zwitə Ley Nwi nùŋsə taa ghɔ viŋ nə. Viŋ luu nshiisə vɨɨ Kristo, faŋ ŋwə nə shòꞌ vəŋ, kù tɔ vəŋ nə.