Matiu 13:23 - Vengo (Babungo)

²³ Say ŋgɨə faŋ ŋə fìŋkə taa nsi yijəə, lùu yaa wə ntɨə faŋ ŋwə zɔ̀ yigisə Nwi, kɨ̀ɨ nə ŋiꞌ ki. Ŋwə yəəsə ŋgwisə yi, yisay yimɔ́ꞌ kii say waaghɨꞌ, yimɔ́ꞌ muu-ntɔfə, yimɔ́ꞌ muu-ntia.»

Matiu 13:23 ပူးပေါင်းရင်းမြစ်များ

Matiu 12:33

Viŋ bìa tɨ jəə, buu vətaŋ vi ndɔ baw nɨzi. Luu nə, tɨ kɔ́ bɨ, buu vətaŋ vi baa luu bɨ. Maa vɨ yaa kɨ kɨɨ nə tɨ fɨ maa vətaŋ vi.

Matiu 13:8

Say mɔ́ꞌ fiŋkə taa nsi yijəə, sɔꞌ, mbuu yisay kii sɨ say waaghɨꞌ, ghɨ-mɔ́ꞌ muu-ntɔfə, ghɨ-mɔ́ꞌ muu-ntia.»

Matiu 3:10

Viŋ zɔ! Vɨ duꞌtə vɨ nuŋsə njaŋ nsi ŋiꞌ vətɨ. Tɨ tɨ̀ me tɨ faŋ ŋkə kee kwàanə vətaŋ vəjəəvə me, vɨ taa gwia, twàŋ taa wi.»

Matiu 3:8

Bàw viŋ yɨ vənu faŋ mbə kuꞌnə yaa vɨɨ faŋ vəŋ kwìinə fwisə vəŋ.

Mark 10:15

Viŋ zɔ! Mə gì tɨ́ viŋ yinsəŋ laa, wə ntɨə faŋ ŋwə kee bìŋ nu yifwàŋ Nwi yaa weembwa wuubwa me, buu ŋwə kee ndɔ ŋii shɔ me.»

Mark 4:20

Gə fɨ maa vɨɨ mbɨə faŋ ngwisə say vəŋ fìŋkə maa shɔꞌ jəə, lùu vɨɨ mbɨə faŋ vəŋ zɔ̀ yigisə Nwi, biŋ. Say vəŋ sɔꞌ, sèe yaŋ yaŋ. Vəŋ yɨ vənu vəjəəvə. Wə mɔ́ꞌ yɨ vənu vəjəəvə vətɨtiꞌ. Wə mɔ́ꞌ yɨ vənu vəjəəvə vəyaŋ. Wə mɔ́ꞌ ŋkee vəyaŋ shɔ̀ɔ ki.»

Lukas 13:9

Yighee mɔ́ꞌ ŋkə koonə maa ŋuꞌ njii. Ŋkə kee taa koonə me, a gwìa.»

Lukas 8:15

Gə fɨ maa say ŋgɨə faŋ ŋə fìŋkə taa shɔꞌ jəə nə, lùu yaa nu vɨɨ mbɨə faŋ vəŋ zɔ̀ yigisə Nwi, jìa jəə taa fwisə vəŋ, twèꞌ shɔ, kɨ yɨsə vənu vəjəəvə.»

Lukas 8:8

Way mɔ́ꞌ fiŋkə taa shɔꞌ jəə, ta, mbuu yisay kii say waaghɨꞌ waaghɨꞌ.» Yeso metə yigisə tii yɔ́, baa gì nə gɨ yishaꞌsə laa, «Wə ntɨə faŋ ŋwə kìi tuulə ghi zɔ, ŋwə zɔ!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:16

Nə kee shòꞌ viŋ shòꞌ mə laa mə luu tii wiŋ me, nə shòꞌ mə shòꞌ viŋ laa viŋ luu vɨɨ məzwetə nu kaŋ, mə baa shoꞌ viŋ laa viŋ kɨ toꞌ fàꞌ maa yizii nyaa, vənu vəjəəvə fuu fɨ fuŋ, kee mè me. Nɨniŋ, kaꞌ viŋ ndwàŋ fa fɨ ghɔ tɨta Nwi maa yizii nyaa, ŋwə kɔ̀ tɨ́ viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:47

Wə kɨ luu, lùu wee Nwi, buu ŋwə taa kɨ zɔ yigisə Nwi biŋ. Nu ŋkɨə faŋ ŋkə yɨ̀ laa kɨ viŋ zɔ yigisə Nwi kee biŋ me, luu buꞌ laa viŋ kee lùu vaŋ Nwi me.»

Akts 16:14

Taa ŋwaa vɨɨ vɔ́ faŋ vəŋ nə bàytə yifi, zɔ̀ nu ŋkɨə faŋ Pɔɔl nəə gisə nə, wəzwi mɔ́ꞌ nə luu shɔ, yizii yi luu Lidia. Ŋwə nə ndɔ̀ fɨ shɨ Tiateyra. Ŋwə nə luu wuu məbeꞌlə njwisə baysə, ndɔ̀ lùu wuu məbəŋsə Nwi. Ŋwə zɔ yigisə Pɔɔl, Nwi ŋaꞌsə fwi yi laa ŋwə zɔ yigisə Pɔɔl nə fwi yiley.

Akts 17:11

Vɨɨ fɨ ntɨꞌ Berea nə kii fwisə jəəsə shɔ̀ɔ vɨɨ fɨ ntɨꞌ Tesalonika. Vəŋ zɔ nu Kristo nə fwi yiley, tìi fɨ taa ŋwaꞌlə Nwi shi shi, maa məye laa vənu mbɨə faŋ Pɔɔl nəə gisə nə, lùu yinsəŋ mu?

2 Kɔrintian 9:10

Nɨniŋ, Nwi faŋ ŋwə yaa kɨ gaa ŋgwisə vətɔ tɨ́ vɨɨ məbia, baa nə bee maa məzɨ, taa kɔ ŋgwisə vətɔ tɨ́ viŋ nɨzi, yɨsə mbə ta, tɨ́ kaꞌ viŋ kɨ kɔ, nu kiŋ lùu kəloomə.

Filipi 1:11

Vənu vəjəəvə ndɔ lwaŋ taa ŋwaa viŋ, viŋ kii nshinə yijəə faŋ nyə ndɔ̀ fɨ ghɔ Yeso Kristo. Nɨniŋ, vɨɨ ye yikwalə Nwi fɨ fuŋ, bəŋsə ŋwə.

Filipi 4:17

Kɨ mə kee tə̀ sɨ maa vətɔ mbɨə faŋ viŋ tɔŋ shee nə mə. Nu ŋkɨə faŋ ŋkə lùu kəkwalə, lùu laa mə yè fɨ fuŋ laa viŋ nùŋ fwi siŋ maa nu Nwi, gə nə vɨsɨ. Lùu ŋiꞌ nu ŋkɨə faŋ mə kìi məŋaytə, buꞌ faŋ viŋ kuꞌsə vənu vəjəəvə viŋ, tɨ́ kaꞌ Nwi ndɔ key viŋ shɔ nə.

Kɔlɔsii 1:10

Nu tɔ ley kɔ́ taa yɨsə laa viŋ kɨ toꞌ nə nshinə yiŋ, faŋ nyə bàw tɨ́ tɨta Kristo, kùꞌnə tɨ́ vɨɨ faŋ vəŋ beꞌsə ŋwə nə. Viŋ kɨ yɨsə vənu vəjəəvə jɨɨsə səyaŋ, baa kɨ̀ɨ nə Nwi ŋkee jəə.

Kɔlɔsii 1:6

Ntɔŋ yijəə Nwi yɔ́ zìꞌ maa vəshəŋ vənshə fɨ shɨ nsi, nyə yɨsə vɨɨ kwiinə nshinə vəŋ, kii nshinə yijəə. Viŋ nɨzi zɔ̀ fɨ fuŋ, nyə yɨ viŋ yɨsə vənu vəjəəvə, zì fɨ maa yighee njyə faŋ viŋ nə fɔŋ zɔ̀ yigi yɔ́, faŋ ŋkə nə lèy tɨ́ viŋ, viŋ kɨɨ jəə faŋ Nwi tu mənɔŋ-bwaŋnə wi tɔ viŋ.

1 Tesalonika 4:1

Vaŋ-nshwi vaŋ, yia fàynə vənu vɔ́ laa viŋ kɨ toꞌ ghuu yitoꞌ kiŋ, ŋkə kuꞌnə tɨ́ Nwi. Maa viŋ nə duꞌtə viŋ zɔ fɨ ghɔ yia, faŋ ŋkə kùꞌnə maa mətoꞌ vɨsɨ Nwi; viŋ baa luu tòꞌ nɨniŋ. Nɨniŋ, yia buꞌ ghɔ tɨ́ viŋ, tɨsə viŋ maa yizii tɨta Yeso, laa viŋ kɨ toꞌ nɨniŋ, gə̀ vɨsɨ vɨsɨ.

2 Tesalonika 2:10

Ŋwə ndɔ bweꞌsə vɨɨ nə taŋ vənu vədayday vənshə faŋ mbə kee lùu vəloomə me, bwèꞌsə vɨɨ mbɨə faŋ vəŋ nə kee kàw nu yinsəŋ me, tɨ́ kaꞌ Nwi bwèysə vəŋ me. Vəŋ ndɔ ndi vənshə.

Hibru 4:2

Vɨ nàysə ntɔŋ yijəə Nwi tɨ́ nsiŋ sheꞌ faŋ vɨ nə nàysə tɨ́ vɨɨ vɔ́ maa yighee vɨsɨ nə. Luu nə, ntɔŋ yijəə yɔ́ faŋ vɨɨ vɔ́ nə zɔ nə, kee gàŋtə vəŋ me, buꞌ laa vəŋ nə zɔ, kee nùŋ fwi vəŋ shɔ me.

Hibru 6:7

Viŋ ndɨ yindɨɨ maa shwenə, faŋ nsi yaa kɨ nyɔŋ yighuu, faŋ nyə siꞌ fuu nsi ghee ghee nə, vətɔ ta fuu nsi yɔ́, faŋ vɨɨ bìa nə. Vətɔ vɔ́ gàŋtə vɨɨ vɔ́. Maa ŋkə də̀ laa Nwi tù mənɔŋ-bwaŋnə maa nsi yɔ́.

Hibru 8:10

Ŋwə baa luu gì tɨ́ vəŋ laa, «Məkee mbɔ́ faŋ yia vɨɨ Isirayl ndɔ gwia maa vəshi vɔ́, lùu laa mə ndɔ yɨsə vəŋ kɨɨ nə ntɨsə saŋ, nùŋ fwi vəŋ shɔ, kɨ zɔnə ntɨsə sɔ́ nə fwi yimuꞌ. Mə taa luu Nwi vəŋ, vəŋ luu vɨɨ vaŋ.

2 Pita 3:18

Viŋ tɨŋnə sheꞌ taa shəŋ jəə kɔ́, weꞌ shɔ, tɨ́ kɨ kaꞌ tɨta ŋwaa-nsiŋ Yeso Kristo, faŋ lùu wuu məbweysə ŋwaa-nsiŋ, tu mənɔŋ-bwaŋnə tɔ viŋ. Viŋ baa kɨɨ nə ŋwə jəə. Nsiŋ kɨ bəŋsə ŋwə, faŋ ŋwə kìi feenə wi ghee nshə.

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.