Matiu 13:12 - Vengo (Babungo)

¹² Wə ntɨə faŋ ŋwə kìi, vɨ ndɔ kuꞌsə tɨ́ ŋwə, ŋwə baa kìi shɨshɔɔ. Wə ntɨə faŋ ŋwə kee yikii me, vɨ ndɔ fɨfi ŋkee tɨtiꞌ ŋgwə faŋ ŋwə kìi fɨ ghɔ ŋwə.

Matiu 13:12 ပူးပေါင်းရင်းမြစ်များ

Matiu 21:43

Nɨniŋ, mə naysə tɨ́ viŋ laa, vɨ ndɔ fi nu yifwàŋ Nwi fɨ ghɔ viŋ, kɔ̀ tɨ́ vətɔŋ faŋ vəŋ ndɔ yɨ nu ŋkɨə faŋ Nwi kəə. [

Matiu 25:29

Nɨniŋ laa wə ntɨə faŋ ŋwə kìi, vɨ taa kùꞌsə tɨ́ ŋwə, ŋwə kɨ nii kìi kəyaŋ. Gə fɨ maa wə ntɨə faŋ ŋwə kee yikii me, ŋkee fa ŋkɨə faŋ ŋkə lùu ghɔ ŋwə, vɨ fi.

Mark 12:9

Yuu vəŋ yɨ̀ nɨniŋ nə, tɨɨ yindii ghɔ́ taa yɨ kə? Maa ŋwə taa jwi zwilə vɨɨ vɔ́, kɔ̀ vətɔ vi vɔ́ tɨ́ vɨɨ day maa nswii.»

Lukas 10:42

Luu sheꞌ nu kəmuꞌ faŋ ŋkə lùu nu kwalə. Ŋkə lùu laa wə kɨ zɔ yigisə Nwi. Gə fɨ maa Meri, ŋwə shoꞌ kwiŋ jəənə, kaꞌ wə kee fì fɨ ghɔ ŋwə me.»

Lukas 12:48

Gə fɨ maa wə faŋ ŋwə kee yikɨɨ me, yɨ nu faŋ kaꞌ vɨ saŋ ŋwə shɔ, buu vɨ taa saŋ ŋwə sheꞌ tɨtiꞌ. Wə ntɨə faŋ vɨ kɔ̀ tɨ́ ŋwə kəyaŋ, vɨ ndɔ kəə kəyaŋ fɨ ghɔ ŋwə. Wə ntɨə faŋ vɨ nùŋsə vətɔ vəyaŋ tɨ́ ŋwə, vɨ ndɔ bitə vəyaŋ fɨ ghɔ ŋwə.»

Lukas 16:2

Wə ghɔ́ tii wuu məshii ŋii wi ghɔ́, gì tɨ́ ŋwə laa, «Sii lùu kə nə faŋ mə zɔ kɔ̀ŋ ghɔ? Ndi ŋwaꞌlə wə, jwì, sɨ saytə vətɔ vaŋ vənshə, faŋ mə nə nùŋsə tɨ́ ghɔ, buꞌ laa a kee baa kuꞌnə maa wuu məshii ŋii nyaa me.»

Lukas 16:25

Abraham gi tɨ́ ŋwə laa, «Ŋwiŋ ŋwaa, lumə faŋ a yaa zɨ vətɔ və vəjəəvə maa yighee njyə faŋ a nəə kɨ bii bwey shɨ nsi. Gə fɨ maa Lasarɔs, ŋwə nəə ye ŋɨꞌ. Lùu ndwə vɨ boolə ŋwə feenə, a ye luu ŋɨꞌ.

Lukas 8:18

Viŋ kɨ tɔfə faŋ viŋ zɔ yigisə nyaa nə. Wə ntɨə faŋ ŋwə kìi, vɨ ndɔ kuꞌsə tɨ́ ŋwə, ŋwə baa kìi shɨshɔɔ. Wə ntɨə faŋ ŋwə kee yikii me, vɨ ndɔ fɨfi ŋkee tɨtiꞌ ŋgwə faŋ ŋwə kii fɨ ghɔ ŋwə.»

Lukas 9:26

Viŋ zɔ! Wə ntɨə faŋ tɔ ki dɨɨ buꞌ mə, baa nə yigisə nyaa, buu tɔ kaŋ ndɔ dɨɨ maa ŋwə nɨzi, maa yighee njyə faŋ mə ndɔ jwi nə yikwalə nyaa nə njyə Tii ŋwaa, baa nə njyə nshiisə-ŋiisə Nwi səleysə.

Jeyms 4:6

Nɨniŋ, gəŋsə Nwi, faŋ Nwi kee gəŋsə nə, kwàlə shɔ̀ɔ. Ŋwaꞌlə Nwi baa gì laa, «Nwi fə̀ŋ jɨɨ fɨ ghɔ vɨɨ mbɨə faŋ vəŋ koꞌsə ŋwaa vəŋ, gaŋtə vɨɨ mbɨə faŋ vəŋ sùꞌsə ŋwaa nsi.»

Reveleyshən 2:5

Bàw a lumə nu ŋkɨə faŋ a gù ŋkə, kwìinə fwi yə, baa kɨ yɨsə nu ŋkɨə faŋ a nəə yɨsə yighee vɨsɨ nə. A kee yɨ nɨniŋ me, kee kwìinə fwi yə me, buu mə taa jwi ye ghɔ, sùꞌtə kiꞌ wə fɨ maa shəŋ ŋkɨə faŋ ŋwə lùu shɔ nə.