Matiu 13:11 - Vengo (Babungo)

¹¹ Ŋwə bəŋsə tɨ́ vəŋ laa, «Nwi kɔ ŋiꞌ nu yifwàŋ yizɔ tɨ́ viŋ laa viŋ kɨɨ, kee kɔ̀ tɨ́ vɨɨ mbii-wə me.

Matiu 13:11 ပူးပေါင်းရင်းမြစ်များ

Matiu 13:10

Vɨɨ məzwetə nu Yeso shəŋtə jwì yɨ ŋwə, bìtə tɨ́ ŋwə laa, «Sii yɨ̀ kə a nə gisə tɨ́ vɨɨ vɔ́ maa ghaŋ tii?»

Matiu 16:17

Yeso bəŋsə tɨ́ ŋwə laa, «Mənɔŋ-bwaŋnə tɔ ghɔ mɔɔ, Saymon, wee Jona, buꞌ laa nə kee twèlə mbɨꞌtə wə mənsaw twèlə nu kɔ́ tɨ́ ghɔ me, nə twèlə sheꞌ Tii ŋwaa faŋ ŋwə lùu yizɔ.

Matiu 19:11

Ŋwə gi tɨ́ vəŋ laa, «Kaꞌ vɨɨ vənshə kee zɔ̀ ŋiꞌ nu ŋkɨə faŋ mə gì nə me, taa zɔ sheꞌ vɨɨ mbɨə faŋ Nwi kɔ̀ tɨ́ vəŋ.

Matiu 20:23

Ŋwə gi tɨ́ vəŋ laa, «Viŋ ndɔ nu ndaw ŋɨꞌ yɔ́. Luu nə, nu maa məduꞌ maa kwiŋ maꞌnə maa, tɨꞌnə me maa kwiŋ ŋkwii, kee lùu nu kaŋ maa məkɔ tɨ́ wə me, ndɔ kɔ sheꞌ Tii ŋwaa tɨ́ vɨɨ mbɨə faŋ ŋwə nə nùŋsə tɨ́ vəŋ.»

Mark 10:40

Gə fɨ maa nu məduꞌ maa kwiŋ maꞌnə ŋwaa nə maa kwiŋ ŋkwii, ŋkə kee lùu nu faŋ bìŋ mə me; ŋkə ndɔ luu tɨ́ vɨɨ mbɨə faŋ Nwi lòotə tɨ́ vəŋ.»

Mark 4:11

Yeso gi tɨ́ vəŋ laa, «Nwi kɔ̀ ŋiꞌ nu yifwàŋ Nwi tɨ́ viŋ. Vɨɨ mbɨə faŋ vəŋ kee lùu vɨɨ vaŋ me, taa kɨ zɔ vənu sheꞌ maa ghaŋ tii.»

Lukas 8:10

Ŋwə gi tɨ́ vəŋ laa, «Nwi yɨ̀sə viŋ kɨɨ nə ŋiꞌ nu yifwàŋ ki. Vɨɨ mɔ́ꞌ zɔ ŋkə-vəŋ sheꞌ maa yigisə tii, laa vəŋ kɨ yɨye, kee ye me, zɨzɔ, kee kɨɨ nə ŋiꞌ ki me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:65

Yeso baa gi laa, «Lùu ŋiꞌ nu ŋkɨə faŋ mə nə nàysə laa, kaꞌ wə kee jwi yɨ mə me, tɨ̀ lɨꞌ laa Tii ŋwaa sùŋ ŋwə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:17

Wə kɨ luu kɨ kəə yɨ̀ nu ŋkɨə faŋ Nwi kàw, buu kaꞌ ŋwə kɨɨ laa yigisə nyaa yɔ́ ndɔ̀ fɨ ghɔ Nwi, laa nyə kee lùu nu faŋ mə gisə maa ŋkɨɨ nyaa me.

Akts 16:14

Taa ŋwaa vɨɨ vɔ́ faŋ vəŋ nə bàytə yifi, zɔ̀ nu ŋkɨə faŋ Pɔɔl nəə gisə nə, wəzwi mɔ́ꞌ nə luu shɔ, yizii yi luu Lidia. Ŋwə nə ndɔ̀ fɨ shɨ Tiateyra. Ŋwə nə luu wuu məbeꞌlə njwisə baysə, ndɔ̀ lùu wuu məbəŋsə Nwi. Ŋwə zɔ yigisə Pɔɔl, Nwi ŋaꞌsə fwi yi laa ŋwə zɔ yigisə Pɔɔl nə fwi yiley.

Roma 11:25

Vaŋ-nshwi vaŋ, mə kəə yɨ̀sə viŋ kɨ̀ɨ nə nu mɔ́ꞌ nɨzi, faŋ ŋkə nə ndènə fɨ ghɔ vɨɨ. Mə kəə naysə tɨ́ viŋ laa kɨ viŋ taa kɨ bɨꞌtə ŋkiŋ nu fɨ maa yitɔfə yiŋ me. Viŋ zɔ! Nwi nə yɨ̀ fwisə way vɨɨ Isirayl luu səfɨsə, gə kɔ tɨ́ yighee njyə faŋ vɨɨ tətɔŋ fu ndɔ jwi kɨ kɨɨ nə Nwi, nwaa vəŋ lwaŋ,

Roma 16:25

Nsiŋ kɨ bəŋsə Nwi faŋ kaꞌ ŋwə kwàŋ wutə maa viŋ, viŋ weꞌ maa nu Yeso Kristo faŋ lùu ŋiꞌ ntɔŋ yijəə Nwi faŋ mə fɨꞌtə tɨ́ vɨɨ nə. Nyə nə ndènə shù fɨshi,

1 Kɔrintian 13:2

Mə kɔlə kìi wutə faŋ kaꞌ mə kɨ twelə yigisə shuu Nwi, tɨꞌnə me kɨɨ nə vənu vənshə faŋ mbə ndènə fɨ ghɔ vɨɨ, tɨꞌnə me kɨɨ nə nu Nwi laylay, tɨꞌnə me nùŋ fwi nyaa maa Nwi ŋkee dɨdɨꞌ, tɨ́ kaꞌ mə yɨ̀sə laa ŋkee baŋsə kwalə muꞌnə, mə nəə toꞌ kɨ̀ɨ nə vənu vɔ́ vənshə, luu nə, kee kìi ŋkawnə maa vɨɨ me, buu lùu nu dayday.

1 Kɔrintian 15:51

Viŋ zɔ! Mə taa naysə nu faŋ ŋkə nə ndènə fɨ ghɔ vɨɨ. Nsiŋ kee ndɔ kukə vənshə me. Luu nə, nsiŋ vənshə ndɔ kwiinə.

1 Kɔrintian 2:14

Wə ntɨə faŋ ŋwə kee kìi Zwitə Nwi taa fwi ŋwə me, kaꞌ ŋwə kee bìŋ vənu mbɨə faŋ mbə ndɔ fɨ ghɔ Zwitə Nwi me. Kəŋ wə ghɔ́ kaꞌ ŋwə kee kɨ̀ɨ nə vənu vɔ́ me. Ŋkə lùu tɨ́ ŋwə yaa vənu və vəmfaw, buꞌ laa luu sheꞌ Zwitə Nwi faŋ ŋkə yaa kɨ yɨsə wə kɨ̀ɨ nə kəŋ vənu ghɔ́.

1 Kɔrintian 2:7

Nu tɔ-ley ŋkɨə faŋ yia gisə nə, luu ŋkee nu tɔ-ley Nwi, faŋ wə mənsaw nə kee ta yiye me. Ŋkee fɨshi, faŋ Nwi nə kee ta zì kɨ bɔŋ mbi me, Nwi nə duꞌtə Nwi tə nu tɔ-ley kɔ́, tɨ́ kaꞌ nsiŋ vɨ vəŋ ndɔ luu mɔ́ꞌ taa yikwalə yi.

1 Kɔrintian 4:1

Nu ŋkɨə faŋ ŋkə bàw laa vɨɨ kɨ bitə kɔ̀ŋ yia, lùu laa yia lùu vɨɨ faꞌ Kristo, baa lùu vɨɨ məndeynə nu Nwi, ŋkɨə faŋ ŋkə nə ndènə fɨ yikəꞌ vɨɨ nə.

1 Kɔrintian 4:7

Sii nàysə ndə laa a shɔ̀ɔ vɨɨ mɔ́ꞌ? A kìi fa ghɔ ghɔ faŋ ŋkə kee ndɔ̀ fɨ ghɔ Nwi yimu? Faŋ kɔ̀ Nwi kɔ̀ vətɔ vənshə tɨ́ ghɔ nə, sii yɨ̀ kə a koꞌsə ŋwaa maa vətɔ vɔ́, yaa wə faŋ ŋwə nə fàꞌ nu nə ŋkiinə wutə.

Efesɔs 1:18

Mə baa buꞌ ghɔ tɨ́ Nwi, laa ŋwə yɨsə sɨ ghiŋ ŋaꞌsə, tɨ́ kaꞌ viŋ kɨ̀ɨ nə ŋiꞌ nu ŋkɨə faŋ ŋwə tìi viŋ shɔ nə, ndɔ kɨɨ laa məbwey vəlwaŋ faŋ ŋwə kɔ̀ꞌnə tɨ́ vɨɨ vi nə, luu ŋkee nu jəə.

Efesɔs 1:9

tɨ́ kaꞌ nsiŋ kɔꞌ kɨɨ nə nu ŋkɨə faŋ ŋkə lùu taa ŋkɨɨ Nwi, faŋ ŋkə nə ndènə fɨ yikəꞌ vɨɨ nə. Nu kɔ́ nə bàw tɨ́ ŋwə maa məyɨ nɨniŋ,

Efesɔs 5:32

Luu ŋkee nu kwalə faŋ ŋkə ndènə fɨ sɨ vɨɨ. Luu nə, mə gì laa muꞌlə wi luu Kristo, faŋ ghɔ nwaa vɨɨ vi faynə̀, gù fa kəmuꞌ nə.

Efesɔs 6:19

Viŋ kɨ shɔꞌtə Nwi tɔ mə nɨzi, laa Nwi kwaŋ nu ki taa fwi mə, ŋàꞌsə shuu ŋwaa, mə kɨ jia fwi nyaa, yɨsə vɨɨ kɨ kɨɨ nə ŋiꞌ ntɔŋ yijəə Nwi yɔ́, faŋ nyə nə ndènə fɨ yikəꞌ vɨɨ nə.

Kɔlɔsii 2:2

Mə kɨɨtə, tɨ́ kaꞌ fwi siŋ weꞌ, baa nə laa viŋ kɨ kawnə yiŋwaa yiŋ, gù fa kəmuꞌ, baa nə laa viŋ ndɔ kii ŋkee tɔ ley maa nu Nwi, kɨ̀ɨ nə ŋiꞌ nu Nwi ŋkee jəə, faŋ ŋkə nə ndènə fɨ ghɔ vɨɨ nə. Ŋiꞌ nu Nwi kɔ́ luu sheꞌ nu Kristo, wuu məbweysə ŋwaa-nsiŋ.

1 Timoti 3:16

Nu məbəŋsə Nwi luu ŋkee nu kwalə, kaꞌ wə kee twey me, faŋ ŋkə kɔlə ndènə fɨ yikəꞌ vɨɨ nə. Nu kwalə kɔ́ lùu laa, «Wuu məbweysə ŋwaa-nsiŋ, nə gù wə, fùu yikəꞌ vɨɨ. Nu ki fuu kəloomə buꞌ Zwitə Ley ki. Nshiisə-ŋiisə Nwi ye ŋwə. Vɨɨ fɨꞌtə nu ki taa ŋwaa vɨɨ tətɔŋ fu. Vɨɨ fɨ taa mbi yinshə nuŋ fwisə vəŋ maa ŋwə. Nwi ndi ŋwə, koꞌ nə ŋwə taa yizɔ, yɨ̀sə ŋwə kwalə.»

1 Timoti 3:9

Bàw vɨ ndi vɨɨ faŋ vəŋ kɨɨ nə ŋiꞌ nu, kɨɨ nə yinsəŋ nu Nwi faŋ nyə fùu ntee ndwə, nùŋsə taa fwisə vəŋ. Fwisə vəŋ baa lùu səley.

Jeyms 1:5

Tɔ ley kɨ luu bə̀ə fɨ ghɔ wə mɔ́ꞌ fɨ taa ŋwaa viŋ maa yighee məmɔŋ, ŋwə ndwàŋ fɨ ghɔ Nwi faŋ ŋwə kɔ tɨ́ vɨɨ vənshə ghee nshə nə fwi yi yimuꞌ, kee sɨ̀ŋtə me. Nwi taa kɔ tɔ ley tɨ́ wə ghɔ́ faŋ ŋwə ndwaŋ nə.

1 Jɔn 2:20

Gə fɨ maa viŋ, Yeso Kristo faŋ ŋwə bàw shɨ̀lə nə, tù Zwitə Ley Nwi maa viŋ. Nɨniŋ, viŋ vənshə kɔꞌ kɨɨ nə vənu və yinsəŋ.

1 Jɔn 2:27

Gə fɨ maa viŋ, viŋ kɔꞌ kɨɨ laa Zwitə Ley Nwi faŋ Yeso nə tù maa viŋ, gòꞌsə taa fwisə viŋ, nu kee baa ghɔ̀ꞌ viŋ, tɨ́ kɨ kaꞌ wə baa kɨ deesə viŋ nə nu Nwi me, buꞌ laa Zwitə Ley Nwi kɔ́ dèesə vənu vənshə tɨ́ viŋ. Nu ŋkɨə faŋ Zwitə Ley Nwi kɔ́ dèesə tɨ́ viŋ nə, luu ŋkee nu yinsəŋ, kee lùu ba me. Nɨniŋ, bàw viŋ vɨ Yeso goꞌ nə fa kəmuꞌ.