Matiu 12:41 - Vengo (Babungo)

⁴¹ Maa shi məshia nsɔꞌ ŋkə yiba vɨɨ fɨ shɨ Ninevee ndɔ tɨŋnə yizɔ, mɔ̀ꞌ nsɔꞌ tɔ viŋ, viŋ vɨ ŋgwisə vɨɨ və̀, buꞌ laa vəŋ nə kwìinə fwisə vəŋ maa yighee njyə faŋ Jona nə fɨ̀ꞌtə nu Nwi tɨ́ vəŋ. Gə fɨ maa viŋ, viŋ yè wə faŋ ŋwə shɔ̀ɔ Jona, kee bee kwìinə fwi siŋ me.

Matiu 12:41 ပူးပေါင်းရင်းမြစ်များ

Matiu 12:39

Ŋwə bəŋsə tɨ́ vəŋ laa, «Vɨɨ bwənə nə ŋgwisə vɨɨ mətii vəki kəə sheꞌ shwenə. Luu nə, vɨ ndɔ kee də shwenə tɨ́ vəŋ me, tɨ̀ lɨꞌ sheꞌ shwenə nu nshiiŋii-sɔghɔ Jona me.

Matiu 12:42

Sheꞌ nɨniŋ, fwàŋ wəzwi wì fɨ kwiŋ yikwii-təŋ faŋ ŋwə nə ndɔ̀ fɨ maa vəndwə və shɨ nsi, jwì maa məzɔ yitɔfə fwàŋ Solomon fɨshi nə, ndɔ tɨŋnə yizɔ nɨzi maa shi məshia nsɔꞌ, mɔ̀ꞌ nsɔꞌ tɔ viŋ, viŋ vɨ ŋgwisə vɨɨ və̀, kìasə nu kiŋ, viŋ ŋii nsɔꞌ, buꞌ laa viŋ yè wə faŋ ŋwə shɔ̀ɔ fwàŋ Solomon, kee bee zɨzɔnə ŋwə me.»

Matiu 12:45

Nɨniŋ, ŋkə baa gə̀ ndì vəzwitə vəbwəvə vəmɔ́ꞌ faŋ mbə bɨ shɔ̀ɔ ŋkə ghee kwatia, ghɔ vɨ mbə jwi ŋìi shɔ, kɨ shi shɔ. Nu wə ghɔ́ fɨ yiba ndɔ kɨ nii bɨ shɔ̀ɔ ŋkə vɨsɨ. Luu sheꞌ faŋ ŋkə ndɔ gay maa ŋgwisə vɨɨ və̀ nɨzi.

Matiu 12:6

Mə naysə tɨ́ viŋ laa viŋ yè wə feenə faŋ ŋwə kwàlə shɔ̀ɔ ŋii Nwi yɔ́.

Matiu 16:4

Ŋgwisə vɨɨ bwənə, vɨɨ məmanə Nwi kəə yè shwenə. Luu nə, vɨ kee ndɔ də shwenə tɨ́ vəŋ me, tɨ̀ lɨꞌ sheꞌ shwenə nu Jona me.» Ŋwə nə gì nɨniŋ, mèꞌtə vəŋ, ndɔ̀ fɨ yɨ vəŋ.

Matiu 17:17

Yeso gi laa, «Aŋ viŋ, ŋgwisə vɨɨ faŋ viŋ kee nùŋ fwi maa Nwi me. Nsiŋ sii taa shi tày kɨkə? Nsiŋ sii taa mwəsə ndəəkə? Viŋ jwi nə wee ghɔ́ shee!»

Matiu 23:36

Mə naysə ŋkee nu yinsəŋ tɨ́ viŋ laa, vənu vɔ́ vənshə ndɔ koꞌ tɔ ŋgwisə yiŋ.

Lukas 11:32

Sheꞌ nɨniŋ, vɨɨ fɨ shɨ Ninevee ndɔ tɨŋnə yizɔ, mɔꞌ nsɔꞌ tɔ ŋgwisə vɨɨ və̀, vəŋ ŋii nsɔꞌ, buꞌ laa vɨɨ Ninevee vɔ́ nə kwìinə fwisə vəŋ, faŋ Jona nə fɨꞌtə nu Nwi tɨ́ vəŋ nə. Gə fɨ maa viŋ, viŋ kee kwìinə fwi siŋ me, faŋ viŋ kɔlə yè wə ntɨə faŋ ŋwə shɔ̀ɔ Jona nə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:31

Wə ntɨə faŋ ŋwə siꞌ fɨ yizɔ, kwàlə shɔ̀ɔ vɨɨ vənshə. Wə ntɨə faŋ ŋwə ndɔ̀ fɨ shɨ nsi, luu sheꞌ wə faŋ ŋwə ndɔ̀ fɨ shɨ nsi, gisə vənu və shɨ nsi. Luu nə, wə ntɨə faŋ ŋwə ndɔ̀ fɨ yizɔ, shɔ̀ɔ vɨɨ vənshə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:12

A kwàlə shɔ̀ɔ tii ŋwaa-nsiŋ Jeykob faŋ ŋwə nə kɔ̀ yibɨɨ muu nyə̀ tɨ́ yia mu? Jeykob nə nu fɨ taa yibɨɨ nyə̀ ghɔ vaŋ vi nə nyaasə si.»

Roma 2:27

Nɨniŋ, wuu tətɔŋ fu ghɔ́ faŋ vɨ kee sɨɨtə ŋwə nə me, luu nə, yɨ̀sə nu ŋkɨə faŋ ntɨsə Nwi gì, ndɔ mɔꞌ nsɔꞌ Nwi tɔ ghɔ, faŋ a kɨ̀ɨ nə ntɨsə Nwi, vɨ sɨɨtə ghɔ, luu nə, a kee nùŋsə ntɨsə sɔ́ me.

Hibru 11:7

Gə fɨ maa Noa, yighee njyə faŋ ŋwə nə zɔ̀ nu ŋkɨə faŋ Nwi nəə kəə yɨsə, ŋwə nuŋ fwi yi maa Nwi, faŋ ŋwə nə kee bee kɔlə yè nu kɔ́ nə yisɨ nə me. Ŋwə nə biŋ, zɔ̀nə Nwi, kɔŋ ŋkee bay kwalə, tɨ́ kaꞌ ŋwə ndɔ ŋii tey yi ghɔ vɨ vɨɨ vi, bwèy fɨ ghɔ muu. Faŋ ŋwə nə yɨ̀ nɨniŋ nə, ŋwə də tɨ́ vɨɨ laa nsɔꞌ Nwi ndɔ luu tɔ vəŋ. Ŋwə baa luu gù wə faŋ Nwi nə ndi ŋwə yaa wuu loomə, buꞌ laa ŋwə nə nùŋ fwi yi maa Nwi.