Matiu 12:34 - Vengo (Babungo)

³⁴ Aŋ viŋ, vaŋ-zɔ-vəshay, sii kaꞌ viŋ gì nu jəə kɨkə, faŋ viŋ lùu vɨɨ bwənə. Lùu vənu mbɨə faŋ mbə yaa kɨ lwaŋ taa fwi wə, faŋ wə ghɔ́ gisə.

Matiu 12:34 ပူးပေါင်းရင်းမြစ်များ

Matiu 12:35

Wuu jəə yaa kɨ jwi nə nu jəə, buꞌ faŋ vənu vəjəəvə lwàŋ taa fwi ŋwə. Gə fɨ maa wuu bwə, ŋwə yaa kɨ jwi nə nu bwə, buꞌ faŋ vənu vəbwəvə lwàŋ taa fwi ŋwə.

Matiu 15:18

Luu nə, vətɔ mbɨə faŋ mbə fuu fɨ shuu wə, lùu yigisə yi. Yigisə wə ndɔ luu fɨ taa fwi ŋwə, yɨsə ŋwə luu wuu bwə.

Matiu 23:33

Aŋ viŋ, zɔsə nə vaŋ-zɔsə vəshay, viŋ sii taa nyɨŋ nsɔꞌ Nwi kɨkə, laa kɨ vɨ kee mɔꞌ viŋ taa shəŋ vəŋku və nsisə vəbwəvə taa wi me?»

Matiu 3:7

Luu nə, ŋwə kɨ ye vɨɨ vəyaŋ fɨ taa nwaa vɨɨ Farisii nə fɨ taa nwaa vɨɨ Sadusii, faŋ vəŋ nə jwì maa məfi muu mə Nwi fɨ ghɔ ŋwə, ŋwə gi tɨ́ vəŋ laa, «Aŋ viŋ, vaŋ-ŋkakɨ, sii nàysə ndə tɨ́ viŋ laa kaꞌ viŋ fùu fɨ taa nsɔꞌ Nwi faŋ Nwi ndɔ kwaŋ maa vɨɨ nə?

Lukas 3:7

Ŋkee ŋgwisə vɨɨ vəyaŋ fuu fɨ taa shɨ, kɨ gə ye Jɔn, laa ŋwə kɨ kɔ muu mə Nwi tɨ́ vəŋ. Ŋwə gi tɨ́ vəŋ laa, «Aŋ viŋ, vaŋ-ŋkakɨ, gì ndə tɨ́ viŋ laa viŋ kɨ kii jɨɨ maa məfuu fɨ taa nsɔꞌ Nwi faŋ Nwi ndɔ kwaŋ tɔ vɨɨ nə?

Lukas 6:45

Sheꞌ nɨniŋ, wuu jəə yaa kɨ nuŋsə vətɔ vəjəəvə taa fwi ŋwə, fuusə fa jəə fɨ fuŋ. Wuu bwə nuŋsə sheꞌ vətɔ vəbwəvə, fùusə vətɔ vəbwəvə fɨ fuŋ nɨzi. Lùu nɨniŋ buꞌ laa yigi wə faŋ ŋwə gisə, luu sheꞌ nu ŋkɨə faŋ ŋkə lwàŋ taa fwi ŋwə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:44

Tii wiŋ lùu Satan, tɨɨ vəzwitə vəbwəvə. Viŋ yɨsə sheꞌ vənu mbɨə faŋ tii wiŋ Satan kàw. Shù fɨ maa vənzi, Satan nə luu wuu məzwilə vɨɨ. Ŋwə kee kàw yinsəŋ me, nu yinsəŋ kee lùu taa fwi ŋwə tuu kəmuꞌ me. Ŋwə gisə sɨɨ sheꞌ ba, yuu nshinə yi dùꞌ, buꞌ laa ŋwə lùu wuu ba, baa lùu tɨɨ təba.

Efesɔs 4:29

Kɨ tuu ŋkee nu bwə fuu fɨ shuu viŋ me; kɨ fuu sheꞌ yigisə yijəənə, tɨ́ kaꞌ nyə jwi nə mənɔŋ-bwaŋnə tɨ́ vɨɨ mbɨə faŋ vəŋ zɔ yigi yɔ́, gàŋtə vəŋ maa nu ŋkɨə faŋ ŋkə ghɔꞌ vəŋ.

Efesɔs 5:4

Kɨ yigisə ŋkɔmə, nə yigisə vəmfaw, nə yigisə yibwənə faŋ nyə kee yikuꞌnə me, kee kɨ fuu fɨ shuu viŋ me! Viŋ bee kɨ kii kɔ məbwaŋ tɨ́ Nwi.

Jeyms 3:2

Nsiŋ vənshə ndì vənu vəyaŋ. Wə kɨ luu kee ndì nu nə shuu wi me, buu wə ghɔ́ bàw shɨ̀lə; kaꞌ ŋwə jiatə ŋwaa wi nshə.

1 Jɔn 3:10

Nu ŋkɨə faŋ vɨ yaa kɨ kɨɨ nə vaŋ Nwi nə vaŋ Satan fuŋ, lùu laa, wə tɨ̀ me wə faŋ ŋwə kee yɨ nu loomə me, nə wə ntɨə faŋ ŋwə kee kàw weenshu wi me, kee ndɔ̀ fɨ ghɔ Nwi me.