Matiu 12:10 - Vengo (Babungo)

¹⁰ Wə mɔ́ꞌ nə luu shɔ taa ŋii Nwi yɔ́ faŋ kwiŋ wi nə ku muꞌ. Vəŋ bitə tɨ́ Yeso laa ŋkə kùꞌnə maa məshuꞌ za fɨ maa wə maa shi zwisə Nwi mu? Vəŋ nə bìtə nɨniŋ maa məshɔɔ fuŋ, kwaŋ ŋwə taa nsɔꞌ.

Matiu 12:10 ပူးပေါင်းရင်းမြစ်များ

Lukas 13:14

Tɨɨ ŋii Nwi ye, fwi yi bɨ, buꞌ laa Yeso shùꞌ za maa shi zwisə Nwi. Ŋwə gi tɨ́ vɨɨ mbɨə faŋ vəŋ nə shə̀ŋtə yifi laa, «Vəshi lùu shɔ ntɔfə, faŋ kaꞌ vɨ kɨ fàꞌ vəfaꞌ shɔ. Viŋ jwi maa vəshi vɔ́, vɨ bweysə viŋ fɨ ghɔ vəza, kee kɨ jwi maa shi zwisə Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:16

Vɨɨ mɔ́ꞌ fɨ taa ŋwaa vɨɨ Farisii gi laa, «Kaꞌ wə ŋwə̀ kee ndɔ̀ fɨ ghɔ Nwi me, buꞌ faŋ ŋwə kee nùŋsə nuŋsə shi zwisə Nwi me.» Vɨɨ mɔ́ꞌ gi laa, «Sii kaꞌ wuu məyɨ vənu vəbwəvə yɨsə nu shuu yɔŋ nee kɨkə?» Nɨniŋ, vəŋ gaasə yiŋwaa vəway vəbɔɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:6

Vəŋ nə gì nɨniŋ maa məzɔ nu ŋkɨə faŋ ŋwə taa gì, tɨ́ kaꞌ vəŋ shɔ̀ɔ fɨ fuŋ, kəə ŋwə nə nsɔꞌ. Yeso bəəsə tɔ ki nsi, kɨ nyɔꞌ nsi nə wee-ghɔ wi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:10

Nɨniŋ, vɨɨ Jus gi tɨ́ wə ghɔ́ faŋ Yeso nə shùꞌ za ki nə laa, «Lùu shi zwisə Nwi. Luu nuŋsə laa kɨ vɨ shaꞌ yighaŋ maa shi zwisə Nwi me!»

Lukas 11:54

kəə jɨɨsə maa məyɨ laa ŋwə gi nu gù, vəŋ jia ŋwə.

Matiu 12:2

Vɨɨ Farisii ye, gì tɨ́ Yeso laa, «Ye faŋ vɨɨ məzwetə nu kə yɨ nu faŋ ŋkə kee kùꞌnə maa məyɨ maa shi zwisə Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:3

Maa vəshəŋ vɔ́, vɨɨ vəza vəyaŋ nəə nɔŋ shɔ, vɨɨ sɨ fɨsə nə vəndwey, nə vɨɨ faŋ yiway yiŋwaa vəŋ kùkə yimuꞌ yimuꞌ. [

Lukas 23:2

Vəŋ ziꞌ yifi, tey kɨ gisə vənu tɔ ŋwə, gi laa, «Yia nə ye faŋ wə ŋwə̀ nəə buulə shɨ, twey laa kɨ vɨ kɨ mɔꞌ tasə tɨ́ fwàŋ kwalə ŋwaa-nsiŋ me, baa gisə laa yi lùu wuu məbweysə shɨ kia, baa luu fwàŋ.»

Lukas 23:14

Ŋwə gi tɨ́ vəŋ laa, «Viŋ nii jwì kɔ̀ wə ŋwə̀ shee, gì laa ŋwə bùulə shɨ. Mə taꞌ taa nsɔꞌ wi sɨ viŋ, kee yè nu kəmuꞌ faŋ ŋwə gù, yuu viŋ gì tɔ ŋwə nə me.

Lukas 20:22

Naysə tɨ́ yia laa ŋkə kùꞌnə laa vɨ kɨ mɔꞌ tasə tɨ́ fwàŋ kwalə Kaysa mu, mu bey?»

Matiu 19:3

Vɨɨ Farisii jwi yɨ ŋwə, mɔ̀ŋ ŋwə nə yigi, gì laa, «Ŋkə kùꞌnə tɨ́ wə maa məjɔŋ zu wi buꞌ ntɔ nu tɨ̀ me ntɔ nu mu?»

Mark 3:2

Vɨɨ Farisii duꞌ kɨ ndeynə laa ŋwə taa shuꞌ wə ghɔ́ maa shi zwisə Nwi mu, tɨ́ kɨ kaꞌ vəŋ kwaŋ ŋwə taa nsɔꞌ laa ŋwə fàꞌ faꞌ maa shi zwisə Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:23

Faŋ viŋ sɨɨtə vaŋ maa shi zwisə Nwi nɨniŋ, laa kɨ viŋ bɨꞌ ntɨsə Mose me, sii yɨ kə fwi siŋ shəsə laa mə shùꞌ za fɨ maa wə maa shi zwisə Nwi laa wə ghɔ́ bwaŋnə, ŋwaa wi weꞌ nshə.