Matiu 11:6 - Vengo (Babungo)

⁶ Mənɔŋ-bwaŋnə tɨ́ wə ntɨə faŋ ŋwə kee tùŋ ghuu ki maa mə me.»

Matiu 11:6 ပူးပေါင်းရင်းမြစ်များ

Matiu 13:21

Luu nə, ghay ghi kee ŋìi taa fwi ŋwə me. Ŋwə lùu wə faŋ ŋwə yasə kwiinə. Bètə sheꞌ tɨtiꞌ nee, ŋɨꞌ ŋii maa ŋwə, tɨꞌnə me vɨ shoꞌ ghuu ghi, ŋwə kɨ nii nyɨ̀ŋ fɨ maa nu Nwi.

Matiu 18:7

Ndwaŋ tɔ mbi buꞌ məkɔꞌsə məyɨ nu bwə. Ŋkə lùu taa ŋkɨɨ Nwi laa məmɔŋ maa məyɨ nu bwə jwi. Luu nə, ndwaŋ tɔ wə ntɨə faŋ ŋwə jwì nə məmɔŋ ghɔ́ tɨ́ vɨɨ.

Matiu 24:10

Nɨniŋ, vɨɨ vəyaŋ fɨ taa ŋwaa viŋ suꞌtə ghuu vəŋ fɨ yiba jɨŋ mə. Vɨɨ mɔ́ꞌ kɨ bɨsə təzii tə vɨɨ mɔ́ꞌ. Vɨɨ mɔ́ꞌ kɨ bee vɨɨ mɔ́ꞌ.

Matiu 26:31

Faŋ vəŋ nəə toꞌ nɨniŋ, Yeso gi tɨ́ vɨɨ məzwetə nu ki laa, «Viŋ vənshə taa suꞌtə ghuu ghiŋ fɨ yiba jɨŋ mə sheꞌ vətuꞌ ndee, sheꞌ faŋ vɨ nə nyɔ̀ꞌ taa ŋwaꞌlə Nwi laa, Nwi taa zwi nshii bisə, bisə sɔ́ saykə.

Matiu 5:29

Kɨ luu yisɨ yə, njyə kwiŋ maꞌ, yɨsə a yɨ nu bwə, bàw a kɨlə, fùusə mèꞌ. Ŋkə bàw laa way shəŋ fɨ maa ghɔ ndi, fɨ ghɔ vɨ shaꞌ ŋwaa wə nshə, mɔ̀ꞌ taa wi.

Mark 6:3

Maa lùu wuu məfianə ndɔꞌ wì nə, wee Meri, weenshu Jeyms nə Josef nə Judas nə Saymon. Maa nsiŋ vɨ vaŋ-nshwi vi vəki lùu feenə mɔ́ꞌ.» Nɨniŋ, njyoꞌ vəŋ lia buꞌ ŋwə.

Lukas 2:34

Saymon tu mənɔŋ-bwaŋnə maa vəŋ, gì tɨ́ Meri, nshu wee ghɔ́ laa, «Ye mɔɔ, Nwi nùŋ wee ŋwə̀ laa vɨɨ vəyaŋ fɨ taa ŋwaa vɨɨ Isirayl ndɔ ndi buꞌ faŋ vəŋ kee nuŋ fwi vəŋ maa ŋwə me, vəmɔ́ꞌ ndɔ bwey buꞌ ŋwə. Ŋwə ndɔ luu shwenə fɨ ghɔ Nwi, faŋ vɨɨ vəyaŋ taa kɨ twey ŋwə.

Lukas 7:23

Mənɔŋ-bwaŋnə tɨ́ wə ntɨə faŋ njyoꞌ yi kee lìa buꞌ mə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:1

Mə naysə vənu vɔ́ tɨ́ viŋ, laa kɨ viŋ meꞌtə nu kaŋ me, faŋ vɨɨ taa tey kɨ kɔ ŋɨꞌ tɨ́ viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:66

Shù fɨ maa yighee yɔ́, vɨɨ vəyaŋ faŋ vəŋ nəə beꞌsə Yeso, suꞌtə fɨ maa ŋwə, kee baa beꞌsə ŋwə me.

1 Kɔrintian 2:14

Wə ntɨə faŋ ŋwə kee kìi Zwitə Nwi taa fwi ŋwə me, kaꞌ ŋwə kee bìŋ vənu mbɨə faŋ mbə ndɔ fɨ ghɔ Zwitə Nwi me. Kəŋ wə ghɔ́ kaꞌ ŋwə kee kɨ̀ɨ nə vənu vɔ́ me. Ŋkə lùu tɨ́ ŋwə yaa vənu və vəmfaw, buꞌ laa luu sheꞌ Zwitə Nwi faŋ ŋkə yaa kɨ yɨsə wə kɨ̀ɨ nə kəŋ vənu ghɔ́.

Galatia 5:11

Gə fɨ maa mə, vaŋ-nshwi vaŋ, ŋkə lùu kəley laa mə kee baa fɨꞌtə nu Nwi, gisə laa vɨ sɨɨtə wə ntɨə faŋ ŋwə bìŋ Kristo me. Ŋkə nii toꞌ lùu nɨniŋ, buu vɨɨ kee kɨ kəə mə nə nsɔꞌ me, faŋ vəŋ yɨsə ndwə nə. Nu ŋkɨə faŋ ŋkə yaa kɨ bɨ tɨ́ vɨɨ, lùu faŋ mə fɨꞌtə kɔ̀ŋ yiku Yeso fuu fəŋkɔꞌ fə ŋkɨꞌsə, faŋ ŋwə nə kù tɔ nsiŋ nə, kee naysə laa vɨ sɨɨtə vɨɨ me. Mə nəə toꞌ kɨ naysə laa vɨ sɨɨtə vɨɨ, buu vɨ kee baa kɨ kɔ ŋɨꞌ shee buꞌ fəŋkɔꞌ fə ŋkɨꞌsə fɔ́ me.

1 Pita 2:8

Nɨniŋ, nyə baa gù ŋoꞌ faŋ vɨɨ mətwey nu Nwi tumə ghuu shɔ, yighɔsə faŋ nyə taa yɨsə laa vɨɨ kɨ gukə shɔ. Vəŋ tumə ghuu vəŋ shɔ, buꞌ laa vəŋ twèy nu Nwi. Lùu nu ŋkɨə faŋ Nwi nə nùŋ tɨ́ vəŋ.