Matiu 11:5 - Vengo (Babungo)

⁵ laa vɨɨ sɨ fɨsə yɨyenə; vɨɨ faŋ yiŋwaa yivəŋ kìlə, tɨtoꞌ; zatə bwə me fɨ maa vɨɨ; vɨɨ tuulə shiilə zɔnə; vəŋku vənsisə ywey; vɨ fɨꞌtə ntɔŋ yijəə Nwi tɨ́ vɨɨ ŋɨꞌ.

Matiu 11:5 ပူးပေါင်းရင်းမြစ်များ

Matiu 10:8

Viŋ kɨ fuusə vəza fɨ maa vɨɨ vəza, yweysə vɨɨ fɨ shɨ yiku, yɨsə zatə bwə me fɨ maa vɨɨ, fuusə vəzwitə vəbwəvə fɨ maa vɨɨ. Viŋ nə fì wutə fɨ ghɔ Nwi dayday, viŋ kɨ kɔ dayday nɨzi.

Matiu 11:4

Yeso bəŋsə tɨ́ vəŋ laa, «Viŋ gə nàysə nu ŋkɨə faŋ viŋ zɔ̀, nə nu ŋkɨə faŋ viŋ yè, tɨ́ Jɔn,

Matiu 12:13

Yeso kɨ nii gì tɨ́ wə ghɔ́ faŋ kwiŋ wi nə ku muꞌ nə laa, «Nesə kwiŋ wə!» Wə ghɔ́ nesə kwiŋ wi ghɔ́, ŋwə bwaŋnə yaa wuu mɔ́ꞌ.

Matiu 21:14

Vɨɨ sɨ fɨsə nə vəndwey jwi yɨ ŋwə taa ŋii Nwi yɔ́, ŋwə shuꞌ vəŋ.

Matiu 5:3

«Mənɔŋ-bwaŋnə tɨ́ vɨɨ mbɨə faŋ vəŋ dùꞌ yaa mbəəsə vɨsɨ Nwi (faŋ vəŋ kɨꞌ vənu vənshə sheꞌ fɨ ghɔ Nwi,) fɔnə nu yifwàŋ yizɔ lùu tɨ́ vəŋ.

Matiu 9:30

Sɨ vəŋ ŋaꞌnə. Yeso gi tɨ́ vəŋ nəŋay laa, «Viŋ tɔfə, kɨ wə zɔ me!»

Mark 7:37

Shuu vəŋ yɔŋ shɔ̀ɔ ki. Vəŋ nə gisə laa, «Yeso yɨ vənu vənshə vəjəə, yɨsə vɨɨ tuulə shiinə zɔnə, vəbɨbɨ gì.»

Mark 9:25

Yeso ye laa vɨɨ nyɨŋkə jwi fàynə vəyaŋ, ŋwə shə tɨ́ zwitə bwə kɔ́, gì tɨ́ ŋkə laa, «Zwitə bwə, faŋ a yɨsə laa wee ŋwə̀ kee gì me, kee zɔ me, mə shə̀ tɨ́ ghɔ laa a fuu fɨ maa wee ŋwə̀! Kɨ ghɔ baa bəŋ jwi ŋìi taa ŋwaa ŋwə me!»

Lukas 4:18

«Zwitə Nwi maa mə, buꞌ laa ŋwə nə yòꞌ mə nə məŋgwə, laa mə kɨ fɨꞌtə ntɔŋ yijəə tɨ́ vɨɨ ŋɨꞌ. Ŋwə nə baa tɔ̀ŋ mə laa mə kɨ fɨꞌtə tɨ́ vəbuꞌ və yighaw, laa vəŋ kuunə nə ŋwaa vəŋ, baa nə laa mə gì tɨ́ vɨɨ sɨ fɨsə, laa vəŋ yenə, baa nə laa mə fuusə vɨɨ faŋ vɨ nəə fiitə vəŋ nsi, laa vəŋ gə duꞌ tɔ vəŋ,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:25

Yeso bəŋsə tɨ́ vəŋ laa, «Mə duꞌtə mə naysə wə ntɨə faŋ mə lùu tɨ́ viŋ. Luu nə, viŋ kee bìŋ yigisə nyaa me. Vənu mbɨə faŋ mə yɨsə maa yizii Tii ŋwaa, mbə dəsə wə ntɨə faŋ mə lùu tɨ́ viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:38

Luu nə, mə kɨ luu kɨ faꞌ faꞌ Tii ŋwaa, bàw viŋ biŋ. Viŋ kee kɔlə bìŋ mə maa nu ŋkɨə faŋ mə gì me, kaꞌ viŋ bìŋ mə buꞌ nu ŋkɨə faŋ mə yɨ̀sə, tɨ́ kaꞌ ŋkə taa lèy tɨ́ viŋ, laa Tii ŋwaa lùu fɨ yiba jɨŋ mə, mə lùu fɨ yiba jɨŋ Tii ŋwaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:23

Yiŋkii kɨ shɔɔ, Yeso duꞌ ntɨꞌ Jerusalem maa vəshi və Pasa. Vɨɨ vəyaŋ nuŋ fwisə vəŋ maa ŋwə buꞌ faŋ vəŋ yè vənu və shuu yɔŋvə faŋ ŋwə nə yɨ̀.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:2

Vətuꞌ shi mɔ́ꞌ ŋwə jwi yè Yeso, gì tɨ́ ŋwə laa, «Rabi, yia kɔꞌ kɨɨ laa a lùu wuu mədeesə vɨɨ faŋ ŋwə ndɔ̀ fɨ ghɔ Nwi. Kaꞌ tuu wə kee yɨ̀ vənu və shuu yɔŋvə mbɨə faŋ a yɨ nə me, tɨ̀ lɨꞌ laa Nwi lùu fɨ yiba jɨŋ ŋwə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:36

Luu nə, vənu vəmɔ́ꞌ shɔ faŋ mbə shɔɔ yigisə Jɔn yɔ́, faŋ mbə də laa Tii ŋwaa nə tɔ̀ŋ mə yinsəŋ. Lùu vənu və shuu yɔŋvə faŋ mə yɨ nə, faŋ Tii ŋwaa kɔ̀ mə laa mə yɨ. Mbə də yinsəŋ laa tɔ̀ŋ Tii ŋwaa tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:7

Ŋwə kɨ nii gì tɨ́ wə ghɔ́ laa ŋwə gə taa wee-fɨ-maghia faŋ vɨ tii nə Saylom, gə̀ sɔ̀ sɨ ghi shɔ. Ŋiꞌ yizii Saylom lùu laa, «Wə faŋ vɨ tɨtɔŋ.» Wə ghɔ́ gə sɔ̀ sɨ ghi, bə̀ŋ jwì, kɨ ye vədɨꞌ.

Akts 2:22

Nɨniŋ, vɨɨ Isirayl, viŋ zɔ nu ŋkɨə faŋ mə gì tɨ́ viŋ. Viŋ kɨɨ laa Nwi nə kɔ̀ vənu vəkwalə nə vənu vəshuu yɔŋvə nə vəshwenə tɨ́ Yeso, wuu Nazaret, ŋwə nə yɨ̀sə taa ŋwaa viŋ, tɨ́ kaꞌ vɨ ye laa tɔ̀ŋ Nwi tɔ̀ŋ ŋwə yinsəŋ.

Jeyms 2:5

Viŋ zɔ, vaŋ-nshwi vaŋ faŋ mə kàw viŋ, Nwi shòꞌ luu mbəəsə fɨ mbi, ndì vəŋ laa vəŋ nuŋsə fwisə vəŋ maa Kristo, ndɔ̀ zɨ̀ nu yifwàŋ Nwi, faŋ Nwi nə kɔ̀ꞌnə maa məkɔ tɨ́ vɨɨ mbɨə faŋ vəŋ kàw ŋwə. Nɨniŋ, luu vəŋ luu mfuꞌsə yinsəŋ.